 |
 |
 |
||
|
|
|
||
 |
|
 |
|
|||||||
| دول جنوب و شرق آسيـــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى الصين وهونج كونج. |
 |
|
|
أدوات الموضوع | انواع عرض الموضوع |
|
|
11-12-2007, 08:09 AM
|
#1 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
الجزء السادس
خلال زيارتي الاولى في شهر مارس ... مريت على سوق الاثاث في مدينة شنده ... خلال ذيك الزيارة ... مريت على محلات اثاث بالهبل ... واذا عجبني شي ... طلبت اصوره .. بعضهم يرفضون ... والبعض يوافق ... البعض ماعنده كتالوج .. وشويه اللي كان عندهم او انهم ماكانوا يوزعون ... وكنت اعطيهم ايميلي .. عشان يرسلون لي صور اثاث ... المهم ... اعتقد انا كلمتكم عن المحل الكبير اللي حصلته هناك .. اسمه MEJAZZ FURNITURE هذا الله يسلمكم ... من اضخم واكبر محلات الاثاث اللي شفتها فالصين ... واثاثه راقي جدا .... و غـــــــــــالي نار ... المهم ...الموظفة اللي هناك ماقصرت ... كانت ترسلي باستمرار ايميلات .. صور اثاث .. كنب .. غرف نوم .. طاولات طعام ... واتفقت على اني امر عليها المحل فاليوم الثالث .. بعد ماخلص من فوشان .. فاليوم الثالث ... عملت طلبيتي من البورسلان والسيراميك ... وكله تمام التمام ... وبعدها ... رحت مدينة شنده ... ومريت على MEJAZZ FURNITURE ... وعطتني كاتالوجات بالهبل ... وقالت لي .. انها راح تعطيني خصم 30% ... صراحة ... أثاثهم وايد فخم ... ومسعر ... يعني كل شي .. محطوط عليه السعر ... وفكرة اني اكاسرهم ... كانت برع الحسبان ... المهم ... اتفقت معها .. على اساس اني راح اجيها مع ربعي يوم الخميس ... وفعلا ... فاليوم الخامس ...رحنا مدينة الاثاث ... الشباب .. ماعجبهم شي هناك ... والسبب كان غلاء الاسعار ... حسنا السوق اللي فيه MEJAZZ FURNITURE .... لين تعبنا .. بعدها رحنا سوق ثاني ... صراحة هالسوق .. عجبنا .. وارتحنا فيه اكثر ... معرف شسمه ... السايق ودانا هناك ... السوق ملموم على بعضه ... مب مثل السوق الاولى ... المهم .. حسنا فالسوق السبع حوسات ... واسعاره كانت منطقية ... واثاثه كان روعه .. الشباب .. اشتروا طقمين كنب ... من محلين ... واشتروا كراسي مساج ... الطريف فالامر ... ان اسلوب المكاسرة معهم .. تتعب صراحة .. وهم اذا شافوا اجنبي .. على طووول يرفعون السعر . مثلا .. الكنب اللي اشتراه رفيجي ... قالوله اول شي السعر 24 الف رمبمي على ماعتقد ... وقعدنا عليهم ... يمكن فوق الساعة ... لين اخر شي .. اخذناه بـ 11 الف رمبمي ... وهو اشترى 3 أطقم ... حسيت انه اسعارهم ارتفعت مقارنة بأسعارهم شهر مارس ... المهم ...الحين خلصنا من مدينة الاثاث والسيراميك .. وجا دور مدينة الاضاءة ... جونشان ... شلون كانت الرحلة ... وابوجوري ... وشدخله فالموضوع ... وشنو النقاش اللي دار بيني وبين ربعي ... .. هذا اللي راح نعرفه فالجزء السابع ان شاء الله ... |
|
|
|
11-12-2007, 09:07 AM
|
#2 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
وشرايكم الحين ... في شوية صور ...
طبعا .. الصور هذي مب من تصويري انا ... الشباب .. ماقصروا .. وعطوني الصور اللي عندهم ... بس ملاحظة صغيرة حابب اقولها لكم ... ترى من انا الوحيد اللي ضاعت كاميرته في هذي الرحلة ...  ولا المفرووووض الصور .. تكون اكثر وأشمل .. بس .. شنسوي ... الله كريم .. والحين مع الصور ...  هذا هو النشمي ... مارتن .. سواقنا ... ----  الشباب عند المسجد ... يوم الجمعه اعتقد ---  ماشاء الله عالشباب ... ما خلوا مكان الا وراحوه ... هذي معبد من معابدهم ... الحمدلله على نعمة الاسلام .. ---  من اللي يقول .. الصين مافيها اماكن تمشيه ؟؟ وهاي المكان شنو ؟؟ ---  تستأجر قارب .. والبحيرة جدامك ... مايردك شي .. ---  شعووور جميل ... ولا شرايكم ؟؟ ---  استراحة محارب ... اسير مع بو عبدالله .. بعد عناء اليوم ... اسير من الهياته في اسواق البورسلان والسيراميك .. وابوعبدااله من الهياته في الاسواق والتمشية.. أكتفي بهذي الصور ... والى ملتقى آخر ... والجزء السابع .. |
|
|
|
|
11-12-2007, 04:35 PM
|
#4 (permalink) | |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
اقتباس:
اشرقت وانورت اختي ... بتشريفج لموضوعي ... شاكر لج اختي ... وان شاء الله القادم أحلى ... |
|
|
|
|
|
11-12-2007, 12:05 PM
|
#5 (permalink) |
|
مشرف الولايات المتحدة الامريكية
تاريخ التسجيل: Jan 2007
الدولة: Dreeming in my Planet Impact !!
رقم العضوية :119956
المشاركات: 13,763
|
ماشاء الله عليك اخوي اسير
جميل ورائع في سردك  الله يعطيك الف عافية .. ومتابعين معاك التقرير والصور .. والله يخليلك اصدقائك ويعطوك صور اكثر واكثر  لك مني كل احترام وتقدير  |
|
|
|
|
11-12-2007, 04:38 PM
|
#6 (permalink) | |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
اقتباس:
تسلم لي والله ... تدري ... رفيجي بو محمد .. كانت عنده كاميرا ... ولكنها ضاعت عليهم ... لما كانوا راجعين من شينزن .. نساها محمد ولده فالقطار ... والله ايام ... امس كنا قاعدين .. ونتكلم عن الرحلة .. والشباب معزمين .. هالمرة .. يروحون .. الصين .. وياخذون لفة فيها ... يبيلك زيارة للصين يا امباكت ...  |
|
|
|
|
|
12-12-2007, 07:07 AM
|
#9 (permalink) | |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
اقتباس:
لا ياخوك اظنك مشبه ... وبعدين من وين تعرفه ؟؟؟ اعترف .... تراك انت ماذكرت انك قابلت حد في تقريرك ....  يعطيك العافية يا رب .... ولا هنت على مرورك ... وخلك متابعنا ... |
|
|
|
|
|
12-12-2007, 07:04 AM
|
#10 (permalink) | |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
اقتباس:
العفو اخي الكريم .. ومحتاجين لدعائك الطيب ... وتسلم على المرور ... |
|
|
|
|
|
15-12-2007, 12:53 AM
|
#12 (permalink) | |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
اقتباس:
شوف ... انا شريت بورسلان للحوش ... حول 700 متر مربع .. لونين .. كل لون 350 متر مربع ... سعر المتر المربع 5.3 دولار وشريت سيراميك للدرج الخلفي اللي عندي ... حول 90 متر مربع ... سعر المتر المربع .. 3.5 دولار والرووحة اكيد مجدية ... لانك اي شي تشتريه من هناك ... تحصل الي يماثلة .. اغلى في بلداننا العربية ... |
|
|
|
|
|
18-12-2007, 03:36 PM
|
#13 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
الجزء السابع
السلام عليكم .. كـــل عام وأنتم بخير .... وتقبل الله صالح أعمالكم ... المهم .. نكمل لكم ... اتوقع تبون تعرفون ... وشدخل ابوجوري في جونشان ... انا اقولكم ... طبعا .. وانا كنت فالصين ... اي سؤال يدور في بالي .. او استفسار .. سواء من عندي او من عند اصدقاءي .. كنت ألجأ الى المنتدى ... حطيت استفسار عن مدينة الاضاءة ... وأت النجدة من منقذي ... أبوجوري ... نصحني بأن أروح عند وحده ... ومدحها لي صراحة ... انا ماكذبت خبر ... اتصلت عليها ... وخليت المترجمة تكلمها ... واستأجرت سيارة من مارتن ... سيارة جديدة ... بـ 400 ريمبي .. وتحركنا .. من الغبشه .. صراحة ... المسافة مش بعيدة ... اتوقع كانت 70 كم ... بس المشكله كانت .. فالسرعة ... محد يقدر يسرع ... بالرغم من وجود الردارات الثابته على الخط السريع ... بس الكل كان ملتزم يحدود السرعة القصوى ... وصلنا هناك قريب الساعة 10 الصبح .. على ما اعتقد .. ورحنا محلها ... وقعدنا هنااااك .. نشوف الكتالوجات ... ونفرفر فيها ... ونختار الديزاين هذا .. وبعدها .. نتركه .. ونروووح لديزاين غيره .. المهم ... استمرينا على هذا .. فترة من الزمن ... طبعا انا كانت عندي مواصفاتي الخاصة حق اللي ابيه ... مواصفات تطابق مواصفاتنا ... مثل ... سمك الواير ... نوع الزجاج .. نوع المعدن ... اللون ... يعني اشياء من هذا القبيل ... المهم .. قالت لي اخر شي ... عندها معرض فوق ...طلعنا فوووق ... واخترت لي موديل معين .. عشان احطه على سور البيت ... وعلى الفيلا نفسها من الخارج .. وطلبت منها ... انها تعدل في الموديل ... بحيث اني اقدر استخدمه في الحوش او في الحديقه لو أردت ... وكطبيعة الحال ... قعدنا سنة نتفاوض عالسعر ... الى ان اتفقنا آخر شي ... ووقعنا معها الطلب ... شوي .. والا المترجمة تقولي ... ترى هي تبي تعزمك عالغدا ... انا اعتذرت منها ... وتعذرت .. بأن وراي درب الى كوانزو ... لكن هي اصرت ... قلت للمترجمة ... روحي انتي ... انا مب رايح ... قالت لي المترجمة .. وانا وشدخلني .. هي عازمتك انت .. مب عازمتني انا ... آخر شي .. سلمت للأمر الواقع ... وقلت لهم ,,, على شرط ... أنا ماحب الاكل الصيني ... والبديل ... السي فووود ... طبعا انا ماكنت ادري انه كان فيه مطعم هندي مسلم في جونشان ... وصراحة أعتب على ابوجوري .. لأنه .. ماعطاني معلومات تفصيلية عن جونشان .. ونبهني للمطاعم اللي فيها ... بس تدرون .. زين انه ماقالي ... لاني بالفعل .. اول مرة اشوف مطاعم سي فووود بالطريقة هذي ... أول ماتدش المطعم ... تحس انك داش عالم الحيوانات البحرية ... محل يبيع الكائنات البحرية ... تختار اللي تبيه ... وتقولهم شلون تبيه ينطبخ ... وبعدين طلعنا ..فوق ... وتطلب راعية المحل .. غرفة خاصة .. شي ترتيب عدل .. الغرفة في طاولة مستديرة ... وحواليها الكراسي .. الطاولة .. تدور ... الغرفة فيها تلفزيون ... طبعا .. انا ماكنت اعرف هل للصينيين طقوس معينة عند الاكل ... كنت خايف من الاحراج ... لكن اكتشفت .. ان السالفة عادي ... وطبعا .. جابولي شوكة وسكين ... انا حاولت آكل بالعصا حقتهم ... ومرات كنت انجح ... ومرات افشل ... الاكل كان طيب ولذيذ للغاية ... أكلنا وشبعنا ... وطبعا الشاي الصيني كان سيد الموقف ... موجود قبل الاكل ... واثناء الاكل ... وحتى بعد الاكل .. الاكل الزايد ... اخذته راعية المحل معاها .. وبعدها ... وصلناها لمحلها ... واتجهنا عائدين الى كوانزو ... فالطريق .. توقف السايق عند محطة بترول .. البترول عندهم غالي ناااااار ... تكلفة السايق في مشوارنا الى جونشان .. كانت حول الـ 400 يوان ... اعتقد ... البترووول ... والتعرفات اللي كان يدفعها عند مدخل كل مدينة ... وهو اخذ مني 400 يوان ... فصراحة تساءلت وين مربح الرجل ... الظاهر انه يحسبها اجماليا ... مب على كل مشوار ... نرجع الى النقاش اللي دار بيني وبين ربعي ... هم اقترحوا علي بأن أأجل مشواري الى جونشان الى يوم السبت ... ونقعد كلنا مع بعض في يوم الجمعه .. ونصلي الجمعه .. فالمسيد .... اقتراحهم كان حلو ... في حالة لو كنت انا رايح الصين مثلهم .. للتمشية ... لكن انا هدفي كان واضح .. وكنت ابي اخلص بسرعة من شراء الاغراض ... لكي اتمكن من الاستفادة .. من باقي وقتي .. ولكي استطيع الخروووج معهم .. واتذوق روعه الصين ... واستانس معهم ... اتفقنا آخر شي ... على اني ارووح جونشان ... وهم راح يصلون الجمعه في مسيد كوانزو ... وكالعادة ... راح يتمشون ... نتوقف هنا في نهاية هذا الجزء ... وصراحة تمنيت لو ان كاميرتي لم تضع .. كنت راويتكم صور بالهبل ... صور من الطريق ... وللمدينة .. وللمطعم ... لكن قدر الله وماشاء فعل ... نراكم .. فالجزء الثامن ان شاء الله ... |
|
|
|
|
19-12-2007, 01:24 AM
|
#14 (permalink) |
 
تاريخ التسجيل: Mar 2007
الدولة: اسكن في عالمي الخاص
رقم العضوية :126499
المشاركات: 4,216
|
عاااااااااااجل اخوييه اذا بغيت اضاءه على طول اسير جونشان ؟ وشو هي مواصفات الواير حق الاضاءه اذا بغينا نشتري ؟وهل مواصفاتنا في الامارات نفس مواصفاتكم ؟ ارجو الرد سريعا وكل عام وانتم بخير ... وعساكم من عواده |
|
|
|
|
19-12-2007, 08:51 PM
|
#15 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
اهلين هداوة ...
اسفرت وانورت ... وكل عام وانت وجميع الأعضـــاء بألف خير ... وجونشان ... تعتبر مدينة الاضاءة ... فيها كل شي ... انا شريت مثل الفوانيس ... واي شي تبيه .. تحصله هناك ... واذا مب موجوود .. يصنعونه لك .... وبخصوص مواصفات الواير ... انا كان عندي شي واحد مهم وهو ... السُمك ... ما مدى سماكة الواير ... يعني يكون على ماعتقد .. سُمكه 25 ملم ... الواير الواحد طبعا ... عشان تتحمل الكهرباء اللي عندنا وتعيش معاك .... وهناك راح يكون اما وايرين او 3 ... معرف كم بالضبط ... والمواصفات اللي حطيتها انا .. هي كالتالي ... يكون عازل للماي والغبار .. التهوية (منعا للرطوبه) .. القطعه اللي تركب فيها اللمبة .. تكون من البورسلان ... الــ cover يكون من الزجاج .. وليس من البلاستيك ... اللمبه اللي راح تركب راح تكون من نوع thread ... مش المسمار ... طبعا ... هذي مواصفاتي انا .. .. وعلى مزاجي ... ممكن انت تبي اللمبه تكون من نوع المسمار ... وممكن تبي بلاستيك للكفر ... هذي اشياء نسبية ... تختلف من شخص الى آخر ... لكن سُمك الواير او السلك مهم جدا ... لذا يجب أن تحرص على انك تأكد عليهم هذا الشي ... لأني أكدت عليها اكثر من مرة عن طريق المترجمة ... |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 06:40 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||