 |
 |
 |
||
|
|
|
||
 |
|
 |
|
|||||||
| بوابة السفر إلى المملكة العربية السعودية K.S.A تخص كل ما يتعلق بمكة المكرمة والمدينة المنورة شرفهما الله تعالى - تقارير - استفسارات |
 |
|
|
أدوات الموضوع | انواع عرض الموضوع |
|
|
09-11-2007, 05:20 PM
|
#3 (permalink) |
 
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,992
|
 مرحبا.. هاليوم كان حافل بالرحلات  و هم حافل بالصور.. اليوم رحنا رحلتين.. (( 1 )) رحلة لمشاهدة مناسك الحج (( 2 )) رحله لمدينة جدة المهم قبل لا ابدي لكم بالرحلتين خل اقولكم اشسويت بهاليوم قعدنا الصبح عالساعه 5 و رحنا صلينا و انا في كامل نشاطي و زهبت كامرتي و وديتها وياي عشان اصور جم صورة للكعبه و اشبع خاطري بعد ما صلينا الفير رحنا الصحن.. قعدنا صورنا لول  انا و الجماعه اللي وياي.. و بعدها قعدت اقرا سورة "الكهف" لانه كان يوم جمعه.. و بعدين نطرنا لغاية الشروق و صلينا ركعتين. و هذيلا الصور اللي صورتهم (كلهم قبل الشروق)        بعد ما صلينا و صارت الساعه 7 جان نروح انا و اختي و بنات خالتي العزيزات إلى الفندق عشان انتريق (انتفطر)  رحنا مطعم (الطيبات) (ماصورت لان متروس عائلات كويتية - جمعية بيان التعاونية) تريقنا و الحمدلله بعدها صعدنا فوق غرفتنا عالساعه 8 الا ربع غسلنا و تسنعنا رحنا انا و بنات خالتي الثنتين و اختي الكبيره و زوجها إلى فندق الهيلتون.. و كان بانتظارنا زوج خالتي عشان نروح إلى رحلة المناسك في تمام الساعه 8.30 تحركنا و إليكم هالصور القليله.. اولاً: غار ثور  ثانياً : عرفة ( بداية عرفات )  بعدها وصلنا عند جبل عرفه.. تونا ابـ ننزل جان اييولنا هالبعارين الحلوين  المشكله واحد حطوه عند باب الباص اشتبون اشلون بنزل اللحين  بس خلاص هونت  لووول لا ما هونت نزلت  طاعوا البعارين الحلوين   بعدها مشينا لغاية الجبل و كنا ابـ نركب فوق بس انا شفت الدري .. (الدرج) جان اقول هونت مالي خلق لول  و اهني ذكرى كاتبينها الاوادم على الجبل لو كان وياي قلم جان كتبت شي  بعد ماصورنا و اللي ركب بعير.. مشينا وصلنا الى (نهاية عرفات)  و عقب مرينا بجانب مسجد نمره و صورت هالصورتين   و بعدها رحنا منى مادري مزدلفه والله نسيت هالمكان وين (احم)   و بعدها عالساعه 10 تقريبا مادري 10.15 مشينا و رجعنا مكه عشان صلاة الجمعه و شفنا هالسيارة بالطريج  اشحلوها وردية لوول جنها مالت عروس لوول و بعد ما وصلنا الفندق رحنا زرنا خالتي الثانيه اللس ساكنين بالهيلتون شويه و عقب رجعنا فندقنا غسلنا و رحنا المسيد قرينا قرآن و سمعنا الخطبة و صلينا و عقب خذيت هالصورة بعد ما طلعنا من الصلاة شوفوا الزحمه..  و بعدها رحنا تمشينا بسوق الهيلتون. قمنا و دشينا محل يبيع عبايات .. جان اشوف هالحجاب لول عليه علم الكويت (ينفع حق العيد الوطني و عيد التحرير) بس مقلوب حاطين الاحمر فوق و المفروض الاخضر فوق و الاحمر تحت.. و الاسود على اليسار  و عقب رحنا الشرقية  و بعدها قبل لا يأذن العصر ابـ ربع ساعه جان نروح نشتري غدا من ( الطازج ) و لا طازج إلا طازج.. شريتلي "كبسه دجاج" يم يم لذيــــذه.. تاكل اصابعك وراها!! كلينا و خلصنا و اثناء الاكل اذن خلصنا اكل قمنا غسلنا و صلينا و صارت الساعه 4 و ربع جان نروح هيلتون عند خالتي انا و بنت خالتي الثانيه و ركبنا السيارة و مشينا إلى جده الساعه 5 و صلنا تقريبا جده الساعه 6 إلا ربع و المفروض يودونا "صيرفي ميجا مول" بس قلنا خنروح "جده مول" بنت خالي امها جداوية و مادحته لنا قعد السايق يدوره ساعه كامله و تنح علينا مايدله و لا راضي ناخذ تكسي و يمشي وراه !  بط جبدي استغفرالله قلت اقوم اكفخه !!! و لا شسوي ضاع علينا الوقت و احنا ندور على غير سنع !!!!  و آخر شي جان نقوله قطنا عند ميجا مول نزلنا عند ميجا مول و خذينا تكسي و قلناله ودنا جده مول.. و لا اثاريهم قراب يم بعض!! نزلنا فيهم و على حظناا جان يأذن العشا و يصكون المحلات لووول نزلنا و رحنا الحمام و صلينا المغرب و العشاء جمعاً.. و بعدها قعدنا نطرنا بالكوفي شوب اللي تحت.. و بعدها نطرنا فتحوا المحلات عندهم اشياء حلوة بس ما شرينا شي لان نفس سعر الكويت (لان سعر الدينار صاعد و لله الحمد ) و خذيتلكم هالصورة حق " جده مول "  و بعدها خطرنا الشارع لوول اقصد الدوارّ و رحنا.. التحلية سنتر.. هم حلو و كله ماركات.. درنا شوي فيه و شربنا فرابتشينو من ستاربكس ! و شفنا الساعه و لا كانت 8.30 ! جان نقول خـ نرد ميجا مول و ناخذ تكسي و نرد !! تمشينا في الميجا مول.. تقريبا نفس اسواق الكويت "كله محلات الشايع" بس حلو ! لما صارت الساعه 9.30 جان نروح و نركب السيارة عشان نرد "مكه" ردينا و احنا كلش تعبانين!! و صلنا مكه.. تقريبا كانت الساعه 11.15 جان ندخل محل يم التوحيد اسمه "الصالحيه" يبيع حلويات و معمول طاعوا سقف المحل ايونس  و هذي صورة المعمولات اللي يبعيها..  على فكرة ماركه المعمول اللي عند هالمحل تنباع في بن داوود ولا بعد تنباع عندنا بالكويت في "جمعية كيفان" و "جمعية الفيحاء" و بجذي خلص اليوم نطروني بالحلقه الاخيره باجر  |
|
|
|
09-11-2007, 05:23 PM
|
#4 (permalink) | ||
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,992
|
اقتباس:
حطيت الحلقة الجديده ان شاء الله تعجبكم نطروا الحلقة و الجز الاخير.. اقتباس:
سوري عالتأخير الحلقه جاهزة من امس بس مادري اشفيه السيرفر علق عليّ و ياني النوم جان انام و كا حطيتها نطري الحلقة الاخيره باجر !!  |
||
|
|
|
|
09-11-2007, 10:52 PM
|
#6 (permalink) | |
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,992
|
اقتباس:
لا تستعيل على رزقك رحنالة باليوم الاخير بس للاسف ما صورت شي فيه |
|
|
|
|
|
10-11-2007, 01:49 PM
|
#7 (permalink) | |
|
مسافر متميز
تاريخ التسجيل: Sep 2007
رقم العضوية :155467
المشاركات: 538
|
اقتباس:
اي انا قلت لازم تزورونه لانه جديد واحنا نحب الجديد انزين الحين كل المحلات اللي بمجمع ابراج البيت فتحت والا لا؟ شكرا |
|
|
|
|
|
10-11-2007, 04:32 PM
|
#8 (permalink) | |
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,992
|
اقتباس:
لا مو كلهم.. شي فاتح و شي مو فاتح و حتى المطاعم بعد مو كلهم فاتحين!! |
|
|
|
|
|
10-11-2007, 05:34 PM
|
#9 (permalink) |
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,992
|
.gif) .gif) اليوم الاخير: 3-11-2007..! قعدنا الصبح صلينا الفجر في مسجد الفندق و بعدها رديت الغرفه كملت نومتي و عقب الساعه 8.30 جان انزل تحت المطعم.. تريقت و عقب جان اصعد الغرفه عالساعه 9 غسلت و رحت انا و بنت خالتي بنت داوود.. و عقب رحنا برج زمزم.. (ابراج البيت) تمشينا فيه.. والله حلو.. اغلب محلاته ملوت الشايع الدور الارضي فيه كله محلات عطور و تسجيلات دينية و محلات حلويات و تمور و الدور الاول و الثاني و الثالث ملابس و من هالقبيل و الدور الاخير مطاعم و دورات مياه (تكرمون) و فيه شي عجبني لما تكونون بالدور الاخير مال المطاعم حاطين بالسقف مشروع سكة "تلفريك" و نفسه بالدور الثالث حطين سفن مسمين التلفريك " رحلة ابن بطوطه " شي حلو وايد عجبني المهم تمشينا شوي انا و بنت خاالتي.. و بعدها قامت ريولنا تون من التعب و المشي.. جان نرد الفندق عالساعه 10.30 مادري 11 ارتحنا شوي و بعدها اذن الظهر.. نزلنا اب مسجد الفندق صلينا.. بعدها صعدنا فوق اتصلنا على حمالي الشنط اخذ شنطنا استعداداً للذهاب للمطار.. عالساعه 1.30 الظهر مشينا من الفندق باتجاه جده ( مطار الملك عبدالعزيز ) و اخذت لكم هالصور و احنا بالطريج هذا فندق ايلاف الهدى     سوق الحجاز        في الطريق إلى جده.. (ربنا انى اسكنت من ذريتى بواد غير ذى زرع عند بيتك المحرم ربنا ليقيموا الصلاة فاجعل افئدة من الناس تهوي اليهم وارزقهم من الثمرات لعلهم يشكرون ) سبحان الله صج ماكو مزروعات و لا لون اخضر عن مكه !!    عند اعتاب جده !    مطار جده    و في نهاية تقريري المتواضع جداً.. اشكر كل من رد و تابع و شاف من بعيد و ان شاء الله ألتقيكم في تقرير ثاني.. في الديار السعودية  و بصفحة جديده من جوازي اللي بينتهي  مع السلامه و إلى اللقاء |
|
|
|
|
11-11-2007, 01:33 AM
|
#14 (permalink) | ||||
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,992
|
اقتباس:
العفو الله يسلمج و يخليج اقتباس:
العفو.. الله يسلمك.. عيونك الحلوة اقتباس:
آمين.. شاكرة ردكـ اقتباس:
منه و منج صالح الأعمال المملكه منوره بأهلها والله.. شاكره متابعتج ! |
||||
|
|
|
|
11-11-2007, 10:30 AM
|
#15 (permalink) |
|
عاشقة لندن
تاريخ التسجيل: Jun 2004
الدولة: جدة
رقم العضوية :7061
المشاركات: 6,156
|
عمرة مقبولة يااختي Hambka
ماشاء الله تقرير حلووو للغاية والصور روووعة خصوصا في داخل الحرم يعطيك كل العافية أختي وجزاااك الله كل خير وإن شاء الله يرزقنا وإياكم بالحج .. وداائما في انتظار جديدك تحياتي لك .. |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 09:58 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||