 |
 |
 |
||
|
|
|
||
 |
|
 |
|
|||||||
| بوابة السفر إلى بريطانيا UK وإيرلندا Ireland في هذا المنتدى يتم تزويد المستخدم بالتقارير المصورة الخاصة ببريطانيا وإيرلندا بالإضافة الى مكتبة صور خاصة. |
 |
|
|
أدوات الموضوع | انواع عرض الموضوع |
|
|
02-11-2007, 10:00 PM
|
#1 (permalink) |
|
مسافر متالق
تاريخ التسجيل: May 2005
الدولة: بوابة الحرمين ( جــدة)
رقم العضوية :23410
المشاركات: 974
|
التقرير المختصر لأجمل بشر (صيف 2007) بريطانيا
 السلام عليكم ورحمة الله وبركاته ابدأ معكم احبابي اعضاء هذه البوابة تقريري المختصر عن رحلتي لبريطانيا الجميلة ..... طبعاً بدأت ترتيباتي للرحلة عندما تلقيت اتصالاً من عملي يفيد بضرورة ترتيب حقائبي للذهاب الى بريطانيا طبعا الاتصال كان بينه وبين بدء الدورة اسبوع يعني يادوب رتبت اموري  وتلقيت اتصال اخر بضرورة ارسال الجواز الى الرياض ليقوم العمل بإستخراج التأشيرة طبعا انا لدي تأشيرة لم تنتهي وبلغت العمل بذلك ولكن ابى واستكبر اخونا في الله رحت ارسلت الجواز بالفيدكس يوم الثلاثاء طبعا الشخص اللي بيستخرج التأشيرة غير الشخص اللي كلمني في ظهر يوم الاربعاء تلقيت اتصال من شخص يتوعد وزعلان وانتو ماتعرفوا النظام قلت ياخوية اهدأ ارتاح من انت وايش تبغ.... قال انا فلان آدمي ليه ترسل جوازك وانت تأشيرتك مانتهت وقفوا المعاملة في السفارة وحجزوا جوازك وجوازات الشباب  قلت ياخوي كلمت الاستاذ فلان في الادارة وقلتله ان جوازي مفيز مايحتاج قلي لا ارسله واتصل على الشخص دا وتأكد قام تغيرت نبرة صوته وقال باحاول احل الوضع ودي..... المهم ساعة واتصلت عليه قالي الحمدلله انحل الموضوع وفهمتهم انها غلطة موظف  طبعا كل الحاجات دي وانا ماعرف على اي خطوط راح يكون السفر.... تخيلوا ماعرفت اسم شركة الطيران الا قبل السفر باربع ساعات المهم توجهت الى الرياض قبل السفر بيوم حسب الخطاب الموجه لي وارتحت يوم هناك وتبغوا الصراحة مارتحت ولانمت تمام عموما كان مكتوب في الخطاب نتواجد في المطار الساعة 4 عصراً في الصالة الدولية في مطار الملك خالد عاد خويكم كاتب هذه السطور انجليزي بالمواعيد وصلت هناك الساعة خمسة ونص والرحلة كانت على خطوط الخليج البحرينية  الساعة سبعة ونص من الرياض الى المنامة استلمت جوازي من الشخص المسئول عن التعقيب وتذكرة السفر ورحت انهي اموري من شحن العفش والخ........ طبعا كانت زحمة شوية وخاصة من اخواننا الاجانب خصوصا من دول الهند وباكستان وكل شوي وانا متمشكل مع واحد تكون في الطابور يسقطوا عليك وانا عاد ماحب الحركات دي كل شوي اصيح في واحد  عموما اقلعت الرحلة الساعة السابعة والنصف ووصلنا المنامة الساعة الثامنة والربع ..... كل الرحلة خمسة واربعين دقيقة من الرياض الى المنامة.... طبعا راح تكون رحلتنا من المنامة الى لندن الساعة 2 في الليل  لطعة في المطار من اللي يحبها قلبك مافي عصير ولا كوفي ولااي نوع من انواع الشاهي ماجربته خصوصا انني مانمت كويس في دا اليوم..... مرت الخمس ساعات بخيرها وشرها اعلنوا عن الرحلة وكأني ماسمعت شي جالس  مريح بالي تقولوا ليه ؟؟؟؟؟؟؟؟؟؟ عشان الزحمة والطابور تخف وعشان ادخل الطائرة واي واحد القاه جالس على مقعدي اتضارب معاه على طول اخلاقي زفت يومها.....من قلة النوم طبعاًً والحمدلله الكرسي ماكان عليه احد المهم طيران الخليج ممكن اسميه طيران عادي مافي شي مهم يذكر اللهم انه وقت تغيير الحجز تعاملهم كويس معاك ويحاولو قدر المستطاع يلبوا رغبتك طبعا وصلنا لندن هيثروا صباحاً وكان الجو جميل وممطر وكان من المفروض تستقبلنا الجامعة بعد انتظار ثلاثة ساعات قررنا ان نذهب الى برايتون بالباص اكسبريس على حسابنا الخاص مع ملاحظة انني وصلت انا وزملائي في نفس اليوم الذي حدثت فيه مشكلة مطار جلاسكو ونحن لانعلم ماذا يجري تابعونا في الحلقة القادمة عندما داهمتنا الشرطة البريطانية في الباص واخذونا للتحقيق لقطة لمطار هيثرو وانا ادور على مندوب الجامعة  باص الشؤوم قبل مايتحرك من مطار هيثرو  خويكم عاد يصور مايدري وش حاصل في البلد من مشاكل عاد بعد الصورة ذي بدأت التعاسة  تابعونا لماذا تم توقيفنا والتحقيق معنا في الحلقة القادمة  |
|
|
|
02-11-2007, 10:26 PM
|
#3 (permalink) | |
|
مسافر متالق
تاريخ التسجيل: May 2005
الدولة: بوابة الحرمين ( جــدة)
رقم العضوية :23410
المشاركات: 974
|
اقتباس:
 امزح معاك حياك الله اخوي والله تشرفت بمدحك لاهل جدة وتشرفت بمرورك بالموضوع الله يسعدك تقبل تحياتي |
|
|
|
|
|
03-11-2007, 01:08 AM
|
#8 (permalink) | |
|
مسافر متالق
تاريخ التسجيل: May 2005
الدولة: بوابة الحرمين ( جــدة)
رقم العضوية :23410
المشاركات: 974
|
اقتباس:
دعيني اسميك اديبة البوابة تقاريرك جامدة ولولا قرائتي لتقاريرك يمكن ماكان تشجعت ونزلت التقرير تحياتي |
|
|
|
|
|
03-11-2007, 01:06 AM
|
#9 (permalink) | |
|
مسافر متالق
تاريخ التسجيل: May 2005
الدولة: بوابة الحرمين ( جــدة)
رقم العضوية :23410
المشاركات: 974
|
اقتباس:
شرفني مرورك بالموضوع تحياتي |
|
|
|
|
|
03-11-2007, 02:25 AM
|
#10 (permalink) |
|
مسافر متالق
تاريخ التسجيل: May 2005
الدولة: بوابة الحرمين ( جــدة)
رقم العضوية :23410
المشاركات: 974
|
يتبع
طبعاً زي ماقلت في السابق ان الجامعة لم تستقبلنا في المطار وقررنا الذهاب بأنفسنا الى برايتون طبعا حجزنا واشترينا التذاكر ومنتظرين في المحطة امام الباصات طبعا يوم وصولنا كان اول يوم في تطبيق نظام منع التدخين في الاماكن العامة وكل شوي تجينا موظفة في محطة الباصات هذا ضد النظام ضد القانون وانا والشباب ماندري ياغافل لك الله وش فيها ذي بعدين فهمتنا وراحت طيب للحين ماندري عن اي شي حصل في جلاسكو بعد 45 دقيقة من الانتظار طلعلنا الباص طبعا الباص عشان يروح برايتون من هيثرو لازم يمر بمطار جاتويك .... عاد حنا تعبانين وطفشانين من السفر وحالتنا حالة عددنا تسعة اشخاص انا جالس لحالي ماجنبي احد من الشباب والباقيين متفرقين كل اثنين مع بعض..... المهم وصلنا مطار جاتويك وقف الباص وفجأة ^ ^ ^ ^ ^ ^ ^ ^ ^ ^ ^ طلع اثنان من البوليس الله ياهم اثنين ياعالم اقرب شبه لهم انهم هم والخوف اخوان نزلوا اثنين من الشباب وجلسوا يسألوهم لمدة 20 دقيقة وسائق الباص يتعذر والحين بنحرك من الكلام اياه عاد حنا الباقيين ساكتين نترقب الوضع بعد شوي رجعوا نفس الاثنين العسكر اللي هما والخوف اخوان نزلوا اثنين من الشباب ونفس الوضع ورجعوا كمان ونزلوني انا عاد كنت جالس لحالي سألني انتوا قروب واحد قلت ايوا قال لسه في احد في الباص قلت ياعمي لسه فيه قال تعال معايا رجعت انا واثنين من العسكر قالي اشر عليهم وريته الشباب نزلهم رجعنا قال لسائق الباص نزل شنطهم وروح!!!!! نزلنا العفش اخذونا في حتة كدا في المطار وهات يااسئلة كل واحد بيسئلوه لحالوه طبعا طبعا هما مدججين بالسلاح وماشفت زي العسكر دول حتى في الافلام واللي كان يحقق معايا والله ياجماعة عسكري غير عادي اظن من يوم ماولد وهو يلبس الملابس العسكرية طلع قلبي من الخوف المهم بدأ الاسئلة وقام يقولي لك الحق في عدم الاجابة ولك حقوقك الخ من نظامهم الحلو ليش جاي جاوبت وين رايح جاوبت وكثير من الاسئلة ؟؟!!!!! طبعا سحبوا جوازتنا وبعد ماخلص التحقيق رجعوها وبدأو في التفتيش الشخصي طيب انا قاعد انفض من البرد ومن الخوف  طبعا زي ماقلت اكثر العسكريين صرامة كان معاي واحد من الشباب الشرطي اللي كان معاه كان طيب ولطيف وتأسف من صديقي قاله ذي حاجات روتينية في مشكلة حصلت في مطار جلاسكو وعلمه صاحبي كان لبق وقال من حقكم توقوفنا وتفتشونا الخ من الكلام الناعم دا طبعا قاموا يقولوا انتوا صادقين جايين مبتعثين في دورة عمل بس وين الخطاب حق الدورة؟؟؟؟؟؟؟!!!!!!!!! جلسنا نتلفت في بعض ونقول ايس كلام انت ؟؟ ايس خطاب مافي معلوم؟؟؟؟ قلنا ياخوي ماعندنا شي قال اثبتوا ومن حسن الصدف احد الشباب يحتفظ برقم احد البريطانيين المنسقين للبرنامج اتصل عليه وقاله بالوضع قال اوكي اتصل بالجامعة وارد عليكم طبعا واصلين يوم أحد يعني ويك اند يعني ماحد بيرد عليه رجع قال ماحد يرد قال ادو رقمي الشرطة كلموا بعض اتفقوا المهم خلال الكلام دا قامت الشرطة بتفتيش الشنط حصلوا معايا 3 كيلو جراك معسل مخلط وصية لااحد الشباب هناك شي تفاح وشي عنب المهم وش ذا يقول قلت معسل رد اووووه اي نو ات قلت له خذ منه اذا تبغ قال نو ثانكيو انا عاد ابي الطف الجو قلت ادخل معاها خانة ونفس الملامح اللي تخوف كمل يفتش حصل 6 فانيلات خاصة بطقم نادي الاتحاد ابتسم قال حتى العميد هنا المهم ماحصل شي دحين الشباب خايفين من تفتيش اللاب توبات تعرفون حنا كل الويندوز والبرامج ماهي اصلية وهذه في الدول المتقدمة مخالفة يعاقب عليها القانون المهم خلصوا وبعد ماتأكدوا اننا ماعندنا سالفة اعتذروا وكانوا لطفاء معانا جداً وقالوا حالة اشتباه سائق الباص مبلغ فيكم خير ان شاء الله وهو طول الرحلة كان ودود بس طلع جبان سمعنا نتكلم عربي وتسعة في نفس الباص راح بلغ.... وعطونا كل واحد ورقة فيها اسمه وعنوانه في السعودية وسبب التوقيف واسم الشرطي ورتبته ورقمه وتوقيعه وخلفها فيها حقوق الموقف المهم كرروا اعتذارهم واسفهم على تعطلينا وجلسونا في منطقة في المطار وركبونا على الباص الاخر المتجه الى برايتون طبعا الاخ البريطاني دا طلع منسق النشاط في الجامعة من تحت الارض وكلمه قال الجماعة جايين في باص عطانا رقمه وقال انا انتظرهم في موقف البول فالي في برايتون المهم وصلنا وكان شخص لطيف وودود وجلس يعتذر وانا اسف بس الاخوان في الرياض مارسلوا موعد وصول رحلتكم وهتفنا جميعا بصوت واحد عاشت الانتاجية يعني الجامعة طلعت براءة الغلط كان من الرياض يعني جماعتنا في العمل فرطوا فينا كدا المهم اخذنا ورحنا على الجامعة جامعة Sussex الله ياهي جامعة ياناس وهذه صورة لمدخل الجامعة  وهذه لوحة في الطرف لاخر للترحيب وابشركم رحبت فينا بالعربي  وهذه صورة اخرى من داخل الجامعة المبنى اللي على اليسار طبعا مكان لتجمع الطلاب Student's Union وفي مسجد للنساء والرجال وتقام فيه جميع الفروض بما فيها صلاة الجمعة  في الحلقة القادمة نبدأ بالصور عن سكن الجامعة تحياتي |
|
|
|
|
03-11-2007, 01:13 PM
|
#12 (permalink) | |
|
مسافر متالق
تاريخ التسجيل: May 2005
الدولة: بوابة الحرمين ( جــدة)
رقم العضوية :23410
المشاركات: 974
|
اقتباس:
وتشرفت بمرورك اصبح المسافرين العرب في موضع شبهات في الدول الاوروبية لكن الله ييسر امورنا ويفرجها تقبلي تحياتي |
|
|
|
|
|
03-11-2007, 09:05 AM
|
#13 (permalink) |
|
مسافر متالق
تاريخ التسجيل: Jan 2007
رقم العضوية :121517
المشاركات: 754
|
نــــــايـــس ...
والحمدلله انه ثناء انفجارات جلاسكو كنا في مانشستر ولاحد سالنا وبهذلنا لكن موقف الشرطه حصل لنا في المطار طبعا غير قصه الانفجارات عشان قصه ثانيه بعد عقب بذكرها لكـم وتسلم اخوووووووي ويعطيك العافيه ونترياك . |
|
|
|
|
03-11-2007, 01:24 PM
|
#15 (permalink) | |
|
مسافر متالق
تاريخ التسجيل: May 2005
الدولة: بوابة الحرمين ( جــدة)
رقم العضوية :23410
المشاركات: 974
|
اقتباس:
الخارجي للشنطة ويوم فتحها الشرطي ريحتها لطفت الجو المحيط  شرفني مرورك تحياتي |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 09:53 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||