 |
 |
 |
||
|
|
|
||
 |
|
 |
|
|||||||
| دول أوروبـــــــــــــــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى سويسرا. |
 |
|
|
أدوات الموضوع | انواع عرض الموضوع |
|
|
01-11-2007, 11:35 AM
|
#1 (permalink) |
|
مسافر خبير
تاريخ التسجيل: Jul 2004
الدولة: الــدوحــه - قــطــر
رقم العضوية :12810
المشاركات: 7,637
|
تــكــمــلــهــ
  وهذا البيت الي طوله متر وعرضه متر هو الي عجبني أكثر شي..وخصوصاً راعي البيت وراعيه   وهذا صاحب البيت    وهنا صاحب البيت مع المدام  <<< يتحرش في العزابيه   وهذي أول ماشافتني راحت اتخش عيالها  وفيه كذا نوع من الحيوانات ولكنها موجوده عندنا بكثره فما حبيت أصورهم .. وكذا أنكون انتهينا من اليوم الثاني وباقي العشا  بعد ماردينا الفندق ريحنا أشوي وجمعنا المغرب مع العشا وبعدها مريت على السوبرماركت الأفغاني ( صاحبه مسلم وهو الي علمني عن مواقيت الصلاه والقبله  ) الي قريب من فندق بيليفيو وسألته عن مطاعم حلال فأتصل على مطعم هندي ( يختلف عن مطعم سبايس أوف انديا ) وقاله انت فاتح فقال له نعم ..فقالنا روحوا حق هالمطعم وقال حق النيبالي الي عنده يوصلنا ..ولما دخلنا المطعم تفاجئت بالبار !! فقلت له كيف اكلك حلال وأنت عندك بار !! فرد علي وقال أن المطعم متشاركين فيه شخصين ..الشخص الأول هو والشخص الثاني رفيقه ..فقال انا لي المطعم وهو له البار لأنه على كلامه ماأيحب يسترزق من هالأشياء ..على فكره ترا هالهندي يتكلم عربي ومتخرج قانون من مصر .. وهذا عشانا مع صوره للمطعم ..والأكل كان لذذذذذذذذذذذذذذذيذ   وهذا المطعم من برا ..  وهذا أسم الشارع الي فيه المطعم ..  وهذي لوحه تعريفيه عن انترلاكن ..   |
|
|
|
31-10-2007, 06:23 PM
|
#2 (permalink) |
|
مسافر خبير
تاريخ التسجيل: Jul 2006
الدولة: الرياض
رقم العضوية :100284
المشاركات: 1,338
|
الف الحمد لله على السلامة ... وتصوير وحركات ... الله لنا ... وينك مشتاقين لك ... خلاص عقب هالصور ابرووووح اخر الشهر ( واحد تحمس ) بس ولو اقولك شي انا راجع من زيوريخ يوم 16 ياليتني دريت كان على الاقل تشرفت بمقابلتك ( ما كو فكة ) ... الف الحمد لله على السلامة ولا تحرمنا من طلاتك الحلوة .. تحياتي ... scott
|
|
|
|
|
31-10-2007, 10:11 PM
|
#5 (permalink) |
|
مسافر خبير
تاريخ التسجيل: Jul 2004
الدولة: الــدوحــه - قــطــر
رقم العضوية :12810
المشاركات: 7,637
|
بسم الله وعلى بركة الله نبدأ باليوم الأول ..
وأعذرونا على التأخير مع العلم اني نزلتها اليوم ولكن من كثر الحرفه حذفت الملف بالغلط  ولكن امعوضين ان شاءالله وتابعونا وفالكم طيب اليوم الأول صورتين من الطائره ..   وصورتين من البحيره ..   وصور من الغرفه ( فندق الورويك ) .. ولحد يضحك علي ترا اخذت مقلب في الملابس الحبيب جاي من الخليج ولابس لبس صيفي <<< أهم شي النص كم  الحمدالله اني أخذت كم حبه لبس صيفي   تحياتي للنص كم    محطة القطار على اليمين  هذي صور اليوم الأول .. وأعذرونا على العدد القليل لليوم الأول لأن الكاميرات ماكانت مهيئه للتصوير  موقف طريف صار لنا موقف طريف في أول يوم  ..وأحنا رادين من البحيره مرينا على ماكدونالز الي بعد فندق بريستل ..اخذنا 4 وجبات سمك وقعدنا نتعشا برا ..كانت فيه مجموعه من السويسريين ( شباب وبنات ) جالسين في الطاوله الي ورانا على طول ..المجموعه كلها تتكلم بلغة الإشاره يعني صم وبكم ..المهم..بعد ماخلصنا عشا قعدنا انسولف وبعد ماخلصنا سوالف قمنا عشان انرد الفندق  ..وأحنا رادين مريت على ستار بكس..قلت حق الأهل تبون شي قالوا لا ..قلت خلاص انتظروني بدخل ستار بكس وبجي ..دخلت ستار بكس أخذت الطلب وطلعت .. لما طلعت تفاجئت بأن المجموعه الي كانوا ورانا ينتطروني كلهم برا ستار بكس  قلت يـــــــــــــــــــالله عسا خير فأول ماطلعت وقفوني .. فوحده منهم تقدمت وقالت لي ( أشرت بيدها ) ليش ماشلتوا أكلكم بعد ماخلصتوا وحطيتوه تكرمون في زباله !! <<< الحبيب أيظن عمره في الدول العربيهفضحكت وقلت خلاص بروح أشيله بس لازم أعطي الأغراض الي بيدي الأهل عشان اقدر اروح اشيل أكلنا في ماكدونالز .. فحاولت أتعداهم عشان اعطي الأهل الأغراض الي بيدي ولكنهم أرفضوا  وقفوا كلهم قدامي ومدوا يدهم بمعنى ماراح انخليك اتروح ( هم ظنوا اني بروح ومش راد ) .. فضحكت  ..فناديت الأهل وقلت لهم تعالوا أخذوا الأغراض ..الأهل اول ماشافوهم ملتفين علي خافوا ولكنهم أرتاحوا يوم شافوني أضحك فشرحت لهم الي صار .. ولما رحت ماكدونالز لقيت المطعم شايل الاكل .. هذا أول موقف صار لنا |
|
|
|
|
31-10-2007, 10:14 PM
|
#6 (permalink) |
|
وسام العضو المميز
 
تاريخ التسجيل: Jun 2005
الدولة: قطـــر
رقم العضوية :23945
المشاركات: 2,428
|
الغالي/ القطري
السلام عليكم ورحمة الله وبركاته ،، بدايه مذهله وتحبس الانفاس لتقرير قوي وقوي وقوي وقوي .. ، لقد حبستنا الصور لانها من يدك ، بارك الله فيك وجزاك الله خير .. لعلي لا انساك وانت ذاهب من انترلاكن الى زيورخ بالسياره والثلج يتساقط عليكم ، تصدق في هاللحظه دعيت لكم بالتوفيق وبعوده حميده لقطر . بارك الله فيك يا ابن ابلادي الذي افتخر به . اخوك/ رجل شرقي قطر |
|
|
|
|
01-11-2007, 01:24 AM
|
#8 (permalink) |
|
مسافر خبير
تاريخ التسجيل: Jul 2006
الدولة: المدينة المنورة
رقم العضوية :99360
المشاركات: 1,760
|
اول شي مبروووووووك على اضافة موضوعك الى الدليل ..
 بصراحة يستاهل .. هذي بس البداية ما شاء الله أكيد القادم احلى وأحلى .. وصدقني جمال الصور وسردك الممتع للرحلة راح تخليني أكمل التقرير معاك الى الأخير يعني لا تخاف لصقة  مكملين معاك وفي انتظار المزيد أموله |
|
|
|
|
01-11-2007, 02:00 AM
|
#9 (permalink) |
 
تاريخ التسجيل: Mar 2007
الدولة: اسكن في عالمي الخاص
رقم العضوية :126499
المشاركات: 4,216
|
ختييييييييييير ختييييييييييييييييييير والله شو هاي الصور ماشاءالله اللي تخبل اللهم لاحسد ماشاءالله كل الاداره والمشرفين عندك لكنك تستاهل لانك مبدع سجلني متابعه لك ، وجزاك الله خير على ذكرك لاسمي وهذا من اصلك الطيب لاتتأخر علينا ومبروك على التثبيت  |
|
|
|
|
01-11-2007, 01:27 PM
|
#10 (permalink) |
|
مسافر متالق
تاريخ التسجيل: Dec 2005
الدولة: منثبرتن في بيت اهلي
رقم العضوية :53477
المشاركات: 985
|
مشاء الله صووووووور رووووعه ابدااااااااااع ورى ماتقلب حريف صور مشاء الله عليك
اقول وش الكاميرا الي صوروتو فيهاااااااا عسى بس ماحد سأل قبلي من جد سويسراااااا روعهـ بس تقريرك عبه صوووووووور اجل الوقفه الي بالطريق على شنو؟ بسرعه حط الباقي من الصور صراحه انعجبت بتصويرك ويعطيك العافيه يارب على هالتقرير ويارب تزور سويسرا كل سنه  |
|
|
|
|
01-11-2007, 10:40 PM
|
#11 (permalink) |
|
مسافر خبير
تاريخ التسجيل: Jul 2004
الدولة: الــدوحــه - قــطــر
رقم العضوية :12810
المشاركات: 7,637
|
abo fahad
الله ايسلمك الغالي وأبشرك الحمدالله أستمتعنا وكانت بلا مجامله أروع وأحلى رحله .. تسلم على المرور الغالي ولا تحرمنا طلتك ____ وضـــاح الله ايسلمك الغالي .. بعد ماقريت ردك شكيت في شخص كان معنا في الطياره بس ماأدري هو انت ولا لا ياليت أتذكرني فيك الغالي إذا معاليك أمر وشرف لي لوا تعرفت عليك ولكن القراده معاي معاي وين مارحت الكاميرا حطيت مواصفاتها وصورتها في الصفحه الثانيه لاتحرمنا طلتك الغالي .. ____ ام نواف ونورة أختي الغاليه أم نواف ونوره..ترا القلب أيحت على البوابه البريطانيه وخصوصاً أن فيها ناستنحط على الجرح يبرا وأنتي وحده منهم ..شخبار العيال ! ان شاءالله يكبرون قدام عينج وتفرحين فيهم وايكونون لكم عون يوم القيامه بأذن الله .. الصور الحين طالعه لأن المره الي راحت اتمسحت بسببي  ومريت على تقريرج وانتظري ردي بأن الله.. تسلمين على المرور ولاتحرمينا منها .. ____ kooool الله ايسلمك الغالي وتسلم على العصيده قصدي القصيده أتمنى ماتحرمنا طلتك الغالي .. ____ scott44 أتمنى محد ينقد علي وأتخلوني أشوي على راحتي وأعبر عن شوقي وحبي للغالي سكوووت هلاااااااااااااااااااااااااااااااااااااااااااااااا ااااااااااااااااااااااااوغلااااااااااااااااااااااا ااااااااااااااااااااااااااااااا أموااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااح حطها على راسك الغالي .. ســـــــــــــــــــــــــــــــــــــــــــــامحن ي الغالي على الغيبه وخصوصاً أني مقصر في بوابة بريطانيا واااااااااجد بس ماقلت لي ..شفت الصور ..ترا حتى أنا متروع من الصور مش أمصدق أن انا الي امصور هالصوروياليتني أدري انك هناك كان قعدت على قلبك قعده تسلم الغالي على طلتك ولاتحرمنا منها ____ redjoory الله ايسلمج أختي الغاليه .. وترا الصور اتوفقت من الله في أختيارها ..ولـــ الله الحمد والمنه .. وأبشري بالمزيد ان شاءالله .. ولاتحرمينا هالطله .. ____ أبو ريان الغالي ابوريان .. الله ايهنيك خير وجزاك الله عنا ألف خير .. واي حد ايروح سويسرا سبحان الله ايصير حسه مرهف بالفطره .. لاتحرمنا طلتك الغالي .. ____ نفيسي الله ايسلمك الغالي .. وأبشر بالخير طال عمرك .. ولاتحرمنا طلتك .. ____ رجل شرقي وعليكم السلام ورحمة الله وبركاته .. إن كانت قطر تود ان تفتخر بأبنائها ..فيجب عليها أن لاتنسى بومطر أو مايمى رجل شرقي .. أولا ً ..كلمه قلتها لك من قبل وأقولها مره أخرى..يشهد الله اني أحبك في الله .. ثانياً.. جزاك الله عنا ألف خير على الملف الي سويتهعن سويسرا ( يحتاج إلى تحديث وخصوصاً المسافه بين انترلاكن والبحيرة الزرقاء + أتمنى الغالي تعطي قرية مورين حقها لأنها فعلاً تستاهل الزياره ) ثالثاً ..أشكرك على الشرح عن كيفية رفع الصور عن طريق المنتدى .. رابعاً ..أشكرك على كيفية عمل أطار للصورره بأستخدام الفوتوشوب .. خامساً ..هذي حبة راس لك أمواااااااااااااااااااااااااااااااااااااااااااااح ..تستاهل كل خير .. وجزاك الله عنا كل خير على دعواتك يوم نزل الثلج ..وأن شاءالله برفع الفيديو الخاص بالمقطع هذا طبعاً بعد ماأشيل صوت الأهل من الفيديو ..لأن من نزل الثلج وأنا أقولهم أسكتوا بس دقيقه عشان أصور للمنتدى ولكن من روعة المنظر والجو محد قدر يسكتأتمنى من كل قلبي ماتحرمنا من مداخلاتك وردودك الغالي .. ____ aboaziz وجودكم معنا في المنتدى هو ألي خلانا ثابتين .. وهذي دفعه معنويه بالنسبه لي .. ولولا الله ثم أنت بالذات كان مارحت سويسرا خير شر جزاك الله عنا كل خير على ر فع المعنويه الغالي .. ____ Amola12 أختي الغاليه أموله .. الله ايبارك فيج طال عمرج وتسلمين على كلامج الطيب .. ووجودج معنا شرف كبير لنا حتى الموضوع وراعيه يتشرفون بطلتج عليه .. وأتمنى من كل الأعضاء أنهم يتبعون أسلوب أموله في الرد..يعني إذا دخلوا أي موضوع مش موضوعي بس أنهم يكتبون ردود أو تعليق ترفع معنويات الشخص..حتى لوا كان للعضو مشاركه من قبل في الموضوع فما يمنع أنه ايرد مره ثانيه وثالثه ورابعه.. لأن الواحد فعلاً يبذل جهد ووقت في الترتيب والتنظيم وعمل اللازم حتى اتكون الصور وأيكون الموضوع مميز ..لأن المنتدى مميز وماشاءالله المواضيع المميزه كثيره فالواحد أيغار على موضوعه وأيحب أنه ماأيقل مستوى عن الباقين .. جزاج الله خير أختي أموله ولاتحرمينا طلتج ____ هداوه يامراحب أختي هداوه .. أخيراً شفتي الموضوع ..حتى الأهل يسالوني عنج أيقولون شاركت في الموضوع ولا لا وتسلمين على المعلومات الي أخذناها منج في موضوع 29 مكان سياحي في انترلاكن لاتحرمينا طلتج وأستمري معانا لأنه شرف لنا .. ____ صرئوعة اووي الحين لازم أركض وأنا رد عليج حي الله صاحبة أغرب تقرير قريته في حياتي..ولكنه بالفعل تقرير مميز الله ايعين الطلاب الي عندج في المدرسه وكله أتذكر يوم تأخرتوا على ربعكم وأخر شي اربكوا السياره وجاوا عندكم عشان ياخذونكم وعلى طاري الوقفات الي وقفناها ..ترا الجماعه كانوا ناوين أيسوون قهوه وناخذ معانا أشوية كافي ونمشي على أي خط وانوقف على جنب عشان نتقهوا ..راكبين راسهم إلى نتقهوا على حشيش أو في غابه ..وأبشري بالصور ان شاءالله ولاتحرمينا طلتج .. ____ وباقة ورد للجميع بدون أستثناء  |
|
|
|
|
02-11-2007, 01:47 AM
|
#12 (permalink) |
|
مسافر خبير
تاريخ التسجيل: Jul 2006
رقم العضوية :101455
المشاركات: 3,972
|
الف شكر اخوي القطري على الهديه
 وصلتني وذكرتني بحلاهم هذا المحل دخلته وقلت لها عطيني من الحلا المميز عندهم بس نسيت اسمه قلت عطيني جميع النكهات >>> ماعندي وقت خخخخخخخخخ ضحكت على موقف ماك عاد هالشباب فاضين قاموا ولحقوك عشان تشيلون قراطيسكم كان شالوها ووفروا وقتهم وجهدهم وبالنسبه للبلو سيه برافو عليك محد اكتشف هالتمثال الموجود فيها من العرب المسافرون حتى انا يوم رحت ما شفته شكلك سبحت فيها والا كيف شفته؟؟ هههههههههههههههههه ننتظر باقي التقرير بفارغ الصبر |
|
|
|
|
02-11-2007, 12:48 PM
|
#13 (permalink) |
|
تاريخ التسجيل: Mar 2007
الدولة: اسكن في عالمي الخاص
رقم العضوية :126499
المشاركات: 4,216
|
سامحني اني مارديت قبل لاني شفت الموضوع متأخر ، وسلامي على الاهل وانا انشاءالله متابعتنك للنهايه وياريت لو تمر علينا في بوابة النمسا وتقرأ تقريري عن زيلامسي ، يمكن تتشجعون وتروحولها السنه اليايه بس ماشاءالله عليك طلعت اشطر منا وصلت الى مطعم هندي حلو ، انا دخلت بس مطعم سبايس اوف انديا وماعجبني اكلهم ،واذا رحت مره ثانيه انترلاكن بسير المطعم اللي خبريتنا عنه انشاءالله وتحياتي لك وللحريم |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 04:11 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||