 |
 |
 |
||
|
|
|
||
 |
|
 |
|
|||||||
| بوابة السفر إلى بريطانيا UK وإيرلندا Ireland في هذا المنتدى يتم تزويد المستخدم بالتقارير المصورة الخاصة ببريطانيا وإيرلندا بالإضافة الى مكتبة صور خاصة. |
 |
|
|
أدوات الموضوع | انواع عرض الموضوع |
29-10-2007, 10:38 AM
|
#1 (permalink) |
|
مشرف سابق
تاريخ التسجيل: Jul 2003
الدولة: ــــ الريــاض ــــ
رقم العضوية :685
المشاركات: 2,991
|
...::| لندنــ .. أتعـلمين أي عشقٍ يبعـثـني إليـكـ ...!! |::...
: : : : : : : : ملاحظه .. ترى الموضوع طوووويل ... وراك شي .. رح وتعال ... ابيك معي هنا بكل احاسيسك .. وبمزاااااجك ... يالله !! ... هيا بنا .... مساااااااااااااء الخير لكل الأحبابــ  ..مسااااااااااااء الورد لكل الأصحابــ ... مساااااااااااء ما يليق إلا بأحبابي ... انت .. وأنتي ... كيفكم ... !! ... وش اخباركم ..!! ... ان شاء الله بخير وعافيه ...من زماااااااااااااان ما كتبت تقرير ... من فتره كبيره صراحه ما جلست اعصر هالدميجه ... ونطلع اللي فيها  ...عاااااااد مالكم بالطويله ...نخوش في الموضوع على طول ... اليوم ان شاء الله راح أبدا معكم سلسلة من التقارير ... هالسلسله عبارة عن وصف كامل لرحلة للصيف الماضي ... صيف عام 2007 م ... هالصيف صراحه كان غيررررر ... المدن اللي اخترتها غيررررر .. والاحداث اللي مريت فيها كانت غير ... وكول كول كول حااااااااقه .. كانت غير يبني صدأني ... ...قبل ما ابدا في وصف أول مدينة زرتها ... بعلمكم بأهم الاستعدادات الاوليه اللي سويتها قبل هالرحلة ... الاستعدادات بدأت قبل شهرين تقري با ... أي قبل شهرين ... معليش انا موسوس من ناحية السفر  ... يعني يا تجي سفره مجهز لها كلش ... كلش يعني كل شي .. ( لغير الناطقين بلهجتي ) ... يا تجي الرحلة مجهزة من طأ طأ لسلامو عليكم ... والا ما بااها .. المهم بديت اجهز للرحلة بفتره كبيره .. اول شي .. اني عارف ان الصيف زحممممممه .. وبيكون كل شي محجوز ... ثاني شي ... عارف ان الشعب السعودي ... << بدا يطب .... ان الشعب السعودي بارك الله فيه .. ما يبدا بتجهيز امور السفر .. الا قبل الرحله بكم يوم ... عشان كذا .. قلت يا ولد اخلص على عمرك ... وخلص امورك بدري بدري ... قسمت تخطيطي للرحله هذه .. الا ثلاث مراحل ... مرحلة أوليه .. ومرحلة متوسطه ... والمرحلة النهائيه ... المرحلة الاوليه هي اللي تشمل على الآتي : -تحديد وقت الرحلة ... يعني من تاريخ كذا لكذا -تحديد المدن المختاره -تحديد خطوط الطيران المناسبه -تحديد الفنادق المناسبة -هل تحتاج المدن لفيزا ..!! المرحلة الثانيه ... كانت تشمل على : -القيام بالحجز النهائي للطيران -القيام بالحجز النهائي للفنادق -استخراج الفيزا -وضع جدول زمني لكل مدينه .. ( يعني كم بجلس في المدينه الفلانيه ) -وضع الانشطه اليوميه لكل مدينه ... ( يعني اليوم وين بروح ) -معرفة حالة الطقس للمدن الي راح اسافر لها المرحلة النهائية .... كانت تشمل على : -اشيك على الفنادق اللي حجزتها ... يا ادق عليهم تلفون يا ارسل لهم ايميل ... << قايل لكم موسوس الله يهديه -شراء ملابس تناسب حالة الجو في كل مدينة -شراء الاغراض الثانية الخاصة بالسفر ... ( شنطة صغيره – mp3 بلير – كتيب صغير – قلم – مفرحات .....الخ )في سفرتي هذه .. قلت بحجز الفنادق عن طريق الانترنت ... معصي اروح للمكاتب ... الناس في الدول المتغدمه ما تحجز الا من الانترنت .. وحنا ماغير نطامر في هالمكاتب .. وهم يصلخونا بهالاسعار .. وحنا حبيبين ندفع هالدراهم ... فخترت اني احجز كل فنادقي عن طريق الانترنت .. واخترت موقع واحد .. اني احجز عن طريقه .. وهو موقع اكسبيديا المشهور ... الحجز عن طريق موقع اكسبيديا .. سهل جدا .. ما يبي له ذاك الصعوبه .. يبي له بس أنه يكون معك بطاقة ائتمانية .. وتعرف لغه شوي .. مو بولبول .. لالالالالالالا .. شي بسيط بس تمشي به حالك ...ما عليك اول شي .. الا انك تسجل في الموقع ...بوص معايا .. بعدا ما تسجل .. بيرسلون لك اليوزر حقك على ايميلك .. مع كلمة السر طبعا ... انت تجي وترجع مرتن ثانيه للموقع .. وتدخل بيوزرك ... بعدها تروح لقسم الفنادق ... وتشوف صوره مثل هذه ... هنا ابد .. اللي تسويه تكتب اسم المدينه .. مثل ما انت شايف .. انا كتبت لندن ... بعدها تختار المدة يعني تبي تجلس من كذا لكذا ... بعدها تختار .. كمكم من نفر ونفرات ... بعدين اضغط بحث .. والرجال اللي ماسك الموقع .. بيروح يدور لك الفنادق اللي عليها امكانيه .. بعدها تبي تطلع لك هالصفحه ..مثل ما انت شايف .. لقى لك فنادق كثيره .. انت شف الاسعار اللي تناسبك .. وعدد النجوم اللي تناسبك .. والمنطقة اللي تبيها ... يعني ممكن تخليه يرتبها لك حسب المنطقة وحسب الاسعار .. وحسب عدد النجوم ... انت ما دامك تبي تدفع !! ... هو بيسوي كل شي ...بعدها اضغط على book it .. وبعدها بيطلب منك رقم بطاقه الائتمانية والامور الثانيه المعروفه ... انحاس راسك صح ؟؟!! .... لا جد ما انحاس راسك ..!! .... والله حتى انا وقسم  ... بس صدقني كل شي تخطط له .. تتعب في البدايه .. بعدين كولو حاقه تطلع أوبهه ... وتطلع زي اللوز ...صدأني يبني ...المهم خلوني ارجع للمرحلة الاولى .. عشان منها اخووووش على التقرير ... كان في بالي صراحة أكثر من مدينة أني اسافر لها ... من اللي كان في بالي ( لندن – باريس – جنيف – انترلاكن – روما – ماربيا – برشلونه ) ... بعد اللف .. والدوران .. والسؤال هونيك وهناك ... اخترت 4 مدن .. فقط لا غير ... نشوف مع بعض هالملخص ... يالله نشوفه !! ... يالله تعال ... يمديك بس على الطياره ... اهم شي آخر محطه تبي تنزل فيها وبخصوص الطيران ... أخترت الخطوط السعوديه ... وكان خط سير الرحلة .. الرياض – لندن .... لندن – باريس ( بالقطار ) ... باريس – جنيف ( بالقطار ) ... جنيف – انترلاكن ( بالقطار ) ... والعوده للرياض من مطار جنيف .... ومن مطار الرياض لشقتي عن طريق سياره محمد .. وكانت المدة تقريبا 3 اسابيع .... وكان افراد الرحلة هم انا .. والمايسترو .. ومحدثكم .. شفتو وش كثرنا ...!! ... ما راح الا انا بس ...وراح اكتب ان شاء الله وبعونه ... عن كل مدينه .. تقرير خاص فيها ... ومدعم بالصور .. والسواليف .. وكل شي مفيد ... بس انت .. خليك معانا انت بس .. وازهل الباقي الآن راح أبدا معكم بأول مدينه ... عرفتوها !! ... طبعا عرفتوها ... معشوقتي ... واي معشوقة هي ...محبوبتي ... واي محبوبة هي ...صديقتي ... وللقلب لها مكانه ... لا يعرفها سواها ... هي .. وانا ... فقط ...في بداية استعدادي لمدينة لندن ... بحكم اني رحت اكثر من مرة للندن ... قلت هالمره بأختار أماكن غير .. وحتى الفندق برضو بغيره .. حلو التغير .. مو ؟؟!! ... اول شي استخرجت الفيزا الخاصه ببريطانيا .. ابد رحت لمكتب .. وخلصها لي في يوم واحد فقط .. بس جبت له طلبات الفيزا البريطانية .. وش رايكم نشوفها مع بعض ... 1- تعريف موجه للسفارة من جهة العمل بالراتب وموضح به تاريخ الالتحاق ويكون باللغة الانجليزية 2- كشف حساب من البنك لآخر 3 أشهر . 3- صورة من جواز السفر 4- عدد 2 صورة مقاس 4 في 6 وتكون الخلفية بيضاء ... ( مافيش حاقه خلف الخشه ) 5- حجزالفندق (عن طريق الانترنت) .. ( او خل المكتب يحجز حجز وهمي ) 6- صورة من تذكرة السفر او الحجز 7- تعبئة استمارة طلب الفيزا.. او اذا صاحب المكتب مو سوداني .. راح يعبيها لك هو .. وتلاقي الاستماره هنــــا انا صراحه ما كان لي خلق اروح في هالشموس ... قلت بعطيها هالمكتب .. واخذ مني الاوراق .. و 100 ريال .. وطلعها لي ..بعد ما طلعت الفيزا ... باقي الان حجز الفنادق ... صراحه فنادق لندن احترت كثيررررررر معها .. مره قلت باخذ لي شقه غرفه وصاله ... ومره قلت لا يارجال .. وشو له الشقه .. ما طبخت في شقتك في الرياض تطبخ في شقق لندن .. اهااااااا بس ... قلت اجل باخذ فندق .. بعد الحوسه .. قررت اخذ فندق من سلسلة فنادق الهيلتون .. وهو فندق ...يتبع تحتــــ |
|
|
|
29-10-2007, 10:39 AM
|
#2 (permalink) |
|
مشرف سابق
تاريخ التسجيل: Jul 2003
الدولة: ــــ الريــاض ــــ
رقم العضوية :685
المشاركات: 2,991
|
وهذه خريطة لموقع الفندق بعد ما حجزت في الفندق .. وجهزت كل اموري .. جا موعد سفرتي ورحلتي ... ابد جمعت كل اغراضي ... وكل متطلبات السفر ... وعلى طووووووول على المطار ... محدش دري .. ولحدش عرف ... كانت رحلتي تقريبا الساعه 1 الظهر ... اول مره اروح في هالوقت للندن .. اول ما اروح الا تالي الليول ... ( جمع ليل ) ... لكن هالمره عطوني حجز على الظهر ...بعد ما وصلت المطار وكذا ... دخلت شنتايتي ... وجلست انتظر موعد الاقلاع ... ( الاقلاع والا .... ها ها ها ) ... المهم وانا جالس انتظر الاقلاع ... مبسوط جدا ... لأني جالس اشوف اكثر من مشهد مفرح ... اللي ما شاء الله جايب عفش بيته .. وعفش جيرانهم معه .. كراتين والله .. حتى اني شفت وحده ماخذه معها قدر ضغط وين يا اوخيتي .. راعية طويله ... عاد هذا كله كوم ... واللبس كوم ثاني ... يالله يالله .. شو هيدا ...لبس يحوبه قلبك .. طبعا لازم الكرشه طالعه .. ( وقار وقار ) .. والحزام لازم لازم تحت الكرشه .. عشان يحدد ملامحها  ... الله يحرسها يارب ... والشعر مبلل .. وعلى الجهه اليمين ... والبنطلون قماش حرير .. يلق من البوابه رقم 21 ... واشك انه مشغل البلوتوث .. هذولي الرجال .. كيف عاد البنات ... لزقه محلات الهرم .. ناسيه تشيلها من الجنز ...استغفر الله يارب .. بيجيني شي الظاهر ... <<< بدري يابو المهم خلونا منهم بس ... بعد الاقلاع ... كانت الرحلة هاديه كثير .. ولله الحمد .. مافيه بزر يصيح ( عقدتي في السفر ) ... بعدها وصلت لمطار هيثرو بالسلامه ... ما كان في زحمه كثير .. ابد يسألونك كم سؤال .. ليش جاي ... وكم تبي تجلس .. ووين تبي تجلس ... وخاصه اني سافرت بعد خرابيط التفجيرات اللي صارت عندهم ... بعد ما خلصت امور جوازي .. واخذت شنطتي ...باقي الحين اروح للفندق ... لما توصل لمطار هيثرو .. فيه اكثر من طريقه انك تروح لسينتر المدينة ... يا انك تروح بالتكاسي ... ( بياخذ تقريبا 500 ريال .. وبيجلس تقريبا ساعه ) ... او انك تاخذ مترو الاكسبريس ... Heathrow Express ... <<<ادخل موقعهم عشان تتتعرف عليه اكثر ... ( وهذا بياخذ منك تقريبا 30 باوند تقريبا 200 ريال ..) .. وراح يجلس تقريبا ثلث ساعه انك تاخذ الوسيله الثالثه .. وهي المترو .. طبعا ارخص .. لكن بيوقف عند فوق 16 محطه قبل ما توصل ... يعني بيذن الاخير ما وصلت ..انا اخذت Heathrow Express ... صراحه انصح فيه بقوووووه .. سواء كنتم شباب او عائله .. اول شي سعره جدا مناسب ... ثاني شي الوقت اللي راح يستغرقه قليل جدا .. تقريبا ثلث ساعه .. ولا راح يوقف عند أي محطه .. بدايته من مطار هيثرو .. حتى محطه البادنقتون ... برب كوفي << تيت يا حلو اول ما وصلت المطار وخلصت اموري .. رحت لشباك قطار Heathrow Express ... وقصيت منه تذكره .. بعدين على طول ركبت القطار ... ووصل بي للمحطه البادقتون ... ايوووووووه .. الحين وصلنا المحطه .. طيب وين الفندق !! ... الفندق اسمه الهيلتون بادنقتون .. والمحطه اللي وقفت فيها ... هي البادنقتون ستيشن ... يعني بينهم اسم مشترك .. يعني ياولد لا تسوي نفسك فاهم وتبعد .. ترى الفندق حولك  ...اول ما نزلت من القطار ... لقيت الفندق قداااااااااامي ... ابد كم خطوه من المحطه ... اصلا هو يفتح على المحطه من جهت الغرب ... ( سطرني اذا عرفت جهت الغرب )الفندق اخذته تقريبا 6 ليالي ... طلعت علي الليله بسعر 120 باوند تقريبا .. لغرفه ديلوكس .. مو عاديه ... وهذه صورته من برى هذا الفندق .. صراحه اعجبني كثيرررررر ... من اكثر من ناحيه .... خلوني اسدحها لكم على شكل نقاط : 1-في مكان هادي .. بعيد عن لجه شارع الاجوارد رود 2-على يمينه محطة القطارات ( بادينقتون ستيشن ) ... من هالمحطه تقدر تروح للمدن البريطانيه الثانيه ... يعني تقدر تروح لمانشستر .. تروح لجلاسكو .. تروح لادنبره .. تروح للي تبي ... وعلى يساره محطه الاندرقراوند ... يعني تقدر تروح لأي مكان في لندن عن طريق الاندرقراوند طيب خلنا نشوف صوره الفندق من برى .. ونقارن المسافات .. هيا بنا .. شفت الدويره الحمرا اللي على اليمين .. هذا المدخل الرئيسي للفندق ... والدويره الثانيه اللي على اليسار .. هذه محطه الاندرقراوند ... خلف الفندق من الجهه الثانيه .. باب ثاني يفتح على محطه القطارات ...3-اما الجهه اللي ع البادنقتون ستيشن .. هالمحطه فيها سوق داخلي .. صراحه كل شي في هالسوق ... خلونا نشوف كم صوره من هالمحطه .. او بالاصح هالسوق ... هذه صوره عامه للسوق اللي تحت ... شوف معي هناااااااااك يمين شوي ... لا تطالعني هنا ... طالع هنااااااااك .. فيه مثل اللمبات الصفر فوق كلمه CAFÉ .. شفتها ..؟!!! ... هذه هو الفندق .. يفتح على المحطه ... طبعا فيها كوفيات ... وفيها مكتبه .. وفيها كم بقاله .. وفيها محل يبيع ورد .. ... وفيه اشياء كثيره .. طيب شكلك تعبت .... جد ما تعبت ..!! ... وش رايك نريح شوي .. واشتري لك كوفي .. ودونات .. من ( كريسبي كريم ) .. ..كريسيبي كريم فاتح تحت الفندق على طول ... وكل صبح مسنترن عنده ... يالله خذ لك هالكوفي .. وهالدونات ... على ذوقي عاد .. لا تردني  ...بعد ما وصلت الفندق .. وصلت تقريبا على الساعه 6 المساء ... دخلت ورحت على طول للريسبشن ... وهذه صوره من الريسبشن ... او بالاصح اللوبي ... وهذه صوره ثانيه من اللوبي اول ما وصلت طلعت لهم رقم حجزي .. وقلت انا حاجز بالرقم هذا .. وتجي الريسبشنه .. ( لأنها بنت مو ولد ) .. عشان اكون صادق بس ... وتجي هالريسبشنه ... وتطقطق على الجهاز .. قالت اووووه ماي قااااد .. يو ليييت ... ( يعني انت متأخر جزاك الله خير ) ... اول ما قالت كذا ... جلست ادور اللابتوب .. عشان اخليه يديور في جبهتها ...وشو متأخرررررر ؟!!! ... قالت لالالالالالالا .. امزح معك ... وتتطلع كشرتها ... وانا اللي ارجع اللابتوب لمكانه ... قالت يالله هذا كرتك ... ودواليك على غرفتك ... ( قويه دواليك ) ... واروح لغرفتي ... خلوني اعطيكم نبذه بسيطه عن الغرفه ومحتوياتها ..يالله ندخل ..!! ... يالله مرر الكرت على المكان الخاص له في الباب ... يالله ...برقلك اليمين يبني .. بســـــــــــــم الله ... مثل مانتم شايفين ...الغرفه ما شاء الله كبيرررررره .. استغربت صراحه ان في لندن غرفه مثل هذه كبيره .. يمكن لأني ماخذ ديلوكس .. مدري والله بس المهم انها كبيره .. حتى من كبرها بغيت ااجر نصها خلونا نشوف صوره اهم شي في الكره الارضيه .. وهو السرير ...مثل ما انت شايف .. السرير كبيررررر ... يعني تقلب على راحتك .. غير كذا فيه مخاد كثيره >> يحب يجمع المخاد حوله ... وهذه صوره ثانيه .. للغرفه من فوق ... تفتح النفس الغرفه صراحه ... بعد كذا .. نروح لحمامهم .. ( الله يكرمكم ) ... الحمام ما شاء الله .. كبير ... خلونا نشوف صور له .. وهذا مدخله من الغرفه على طولوهذه صوره ثانيه من جوا ... وهذه صفه الشاموبهات ( جمع شامبو ) ... اللي حاطينها على المغسله هذا ما يخص دوره المياه ... فيه برضو .. الثلاجه .. وقسم الكوفي ... اول شي .. خلونا نفتح الثلاجه ونشوف وش فيها ... مثل ما شايفيني .. شي صديقنا .. وشي ما نعرفه ابد ...فوق الثلاجه .. حاطين الكوفي ميكر .. مع عدته من كوفي وسكر وكذا يعني ... بوص معايا يبني ...مثل ما انت شايف .. حاطين كوفي ميكر .. وحاطين غلايه مويه ... ( طبعا مويه اجل غلايه جبن ) ... وحاطين معها مستلزمات الكوفي وخلافوه ... بعدا على طول .. رحت للتلفزيون ... قلت بشوف وش فيه من قنوات .. اول ما فتحت التلفزيون .. الا هالصوره قدامي ...نــــــــــــوال .. ( نوال والا فريدوم )وخاصه يوم قالت أقسى كلامي لك رجا ... واعذب كلامك لي جروحــ مافيني شي منك نجا ... وانته تخليني وتروحـــ التلفزيون فيه كم قناه عربيه .. فيه الكويت ودبي ومصر .. يعني حاجه زي كذا ... المهم نرجع للفندق ... الفندق هذا حاطين خدمه حلوه في التلفزيون .. مثلا ممكن تشوف افلام لسى نازله في السينما .. طبعا تشوفها بفلوس ...بس انت تطلبها عن طريق الريموت كنترول ... وممكن برضو .. تلعب بلايستيشن في الغرفه ... ابد انت اختر اللعبه اللي تبي .. وتلاقي يد الالعاب قدامك .. مو مصدقني صح ... شف معي طيب ..مثل ما قلت لك .. يا انك تختار فلم من الافلام المعروضه قدامك ... وتشوفها .. او تختار لعبه من الالعاب ...واليد موجوده من اول ... بعد ما اخذت جوله في الغرفه ... وارتحت لها كثيرررر .. قلت ياولد .. خذ لك شور الحين .. وصل اللي ما صليت .. وصلح لك كوفي .. واجلس شوي ... بعد ما تحممت وكذا ... صلحت لي كوفي ... بعدين جلست اقرا كم مجله وجريدة كانت معي بعدها .. بدلت ملابسي ... قلت بطلع اشتري لي كم غرض للشقه .. وبعض المفرحات .. ( المفرحات للي ما يعرفها .. هي مجموعه من الحلويات . سواء كانت شوكولاته او بسكوت او علك .. وسميت بهذا الاسم .. لأنها تبعث الفرحه في نفوس من يأكولوها ) ..المهم بعدها رجعت للفندق ... وجلست اطالع التلفزيون .. واخذت لي شوي شوكولاته ... وبعدها .. طلعت لابتوبي .. واوراقي .. على اساس اجهز اموري لليوم الثاني .. ووين بروح .. ووين بطلع له ... / \ / \ على كذا .. اكون وصلت معكم على نهايه الحلقه الاولى ... من تقرير رحلتي الى لندن .. واتمنى من كل قلبي .. انك تتواصل معي ... عشان نعيش مع بعض .. باقي الحلقات ...اشوفكم على خير ... دمتم في أمان الله وحفظه ...لكــ  ـ .... انت بس ... مو لغيركـ....المايسترو : : : : : :  |
|
|
|
|
29-10-2007, 10:58 AM
|
#3 (permalink) |
|
مسافر خبير
تاريخ التسجيل: Dec 2006
الدولة: <<Riyadh >>
رقم العضوية :118293
المشاركات: 2,151
|
ماشاء الله موضوعك سالت له سعابيلي
 اكسبيديا لي معها عشرت عمر لكني طلقتها منذ سنه تقرييا. من وجهة نظري هو من افضل اذا لم يكن افظل مواقع الحجزعلى الانترنت. يعيبه شي واحد : الحجز غير قابل للتعديل او الالغاء او النقل الى شخص اخر، بمجرد الدفع. وقد تركته بعد ان اضطريت الى تاجيل سفره وكنت حجزت من اكسبيديا واتصلت برقمهم في امريكا محاولا عبثا تاجيل موعد الحجز دون جدوى فراحت علي قيمة الحجز وتكررت الماساة مره اخرى وبعد ذلك اصبحت افضل الحجز عن طريق موقع يقبل التعديل او الاغلعا ولو بغرامه دمت سالما. |
|
|
|
|
29-10-2007, 11:31 AM
|
#4 (permalink) |
|
مراقب عام
تاريخ التسجيل: Dec 2005
الدولة: لايهم اين أكون ** المهم من أكون
رقم العضوية :52975
المشاركات: 8,490
|
 ما هي معقولة المايسترو كتب تقريره  من جد نسيتك ونسيت وعدك لي  ولكن عندما لحظت بدايته  لم ألومك وقلت في نفسي لو تأخر عام كامل لا يوجد ما نخسره فعند البدء فقط في اي تقرير يكتبه مشرفنا الكبير المايسترو سوف ننسى جميع الوقت الذي انتظرنا به تقريره  لم اقراء التقرير الا بدايته وسوف أعود للتمعن فيه مرات عديده  مع خالص حبي  |
|
|
|
|
29-10-2007, 02:30 PM
|
#5 (permalink) |
|
خبيـــر لندن
تاريخ التسجيل: Jun 2005
الدولة: الجسد بالسعودية والقلب ببريطانيا
رقم العضوية :26259
المشاركات: 1,466
|
هلا وغلا بأخي الغالي المايسترو
بصراحة.. بداية التقرير أكثر من رائعة إبداع ما بعده إبداع  واصل فنحن بإنتظار ما تبقى عن عشيقتك وعشيقتنا وتقبل تحياتي وتقديري |
|
|
|
|
29-10-2007, 04:59 PM
|
#6 (permalink) |
|
مسؤولة إدارية
تاريخ التسجيل: Mar 2006
الدولة: Abu Dhabi
رقم العضوية :65542
المشاركات: 7,528
|
أخي المايسترو .. مقدمة رائعة جدا .. فعلا تجذب الأذهان والعقول للمتابعة ومعرفة المزيد عن معشوقتك .. لك فن رائع في السرد ومخاطبة العقول والقلوب .. أسجل نفسي متابعة لتقريرك هذا .. كانت لي ذكريات سابقة مع معشوقتك .. لكن يبدو أنك أستطعت أسرها وبالتالي قامت بلفت إنتباهك لها بصورة واضحة .. هي لهفة تنتابني لمعرفة المزيد عن معشوقتك .. فلاتطيل علينا .. تحياتي .. |
|
|
|
|
29-10-2007, 05:12 PM
|
#7 (permalink) |
|
عاشقة لندن
تاريخ التسجيل: Jun 2004
الدولة: جدة
رقم العضوية :7061
المشاركات: 6,156
|
لندن وماأحــلاها
 شكلك تنافسني على عشقي لها  مــاشاء الله عليك يامشرفنا اسلوب وطرح أكثر من رائــع فنان ومبدع والله  من تقريرك والله زاد عشقي لها أكثر واكثر استفدت كثير والله من المعلومات التي ذكرتها وزيارتك للندن من البداية غير  ..من أكثر المتحمسات للبقية  وجزاك الله كل خير |
|
|
|
|
29-10-2007, 08:37 PM
|
#9 (permalink) |
|
نائب مدير المنتدى
 
تاريخ التسجيل: Oct 2005
الدولة: Me states are SOUDI ARABIA, Me city is JEDDAH, Me life in LONDON, Me world in PHILIPPINES, Me dream is 日本
رقم العضوية :51124
المشاركات: 18,349
|
أهــــ وســـهلاً ــــ بالجميع ـــــلاً
مشاء الله أول مشاركة بالموضوع طويلة جداً ورائعة جداً ومتألقة جداً ومن الان نحن حجزنا الأولي لمتابعة التقرير . فلكــ الشكر على هذا المجهود  |
|
|
|
|
30-10-2007, 02:10 AM
|
#13 (permalink) |
|
مسافر متالق
تاريخ التسجيل: Apr 2007
رقم العضوية :127993
المشاركات: 912
|
والله دا انتا عملت حاقة موووووووووووووووووووش معئوله أبدا أبدا يا بيه ايه دا ايه دا والله انت مايسترو بقد يبني بوووص أنا متابع معاك أوي أوي ومتحمس معاك لييييييييييه ؟ اول معايه ليه لأن تقريرك ده ماحصلش ولا هيحصلش أبدا من جد وأنا أخوك انت مايسترو وتقريرك معزوفة رائعة وأجمل مافي الموضوع ان البوابة وأعضائها كانوا مشاركينك أفكارك بالرحلة أتمنى لك مزيدا من التوفيق وأحجز كرسي في الصف الأول يالحبيب تحياتي سلطان |
|
|
|
|
30-10-2007, 09:06 AM
|
#14 (permalink) |
|
مشرف سابق
تاريخ التسجيل: Jul 2003
الدولة: ــــ الريــاض ــــ
رقم العضوية :685
المشاركات: 2,991
|
: : : : : : : : mbc54321 ملبورن sat111 redjoory ميسون محمد WishfuL Sniper.ksa miss qatar اليازي-UAE سلطان* / \ / \ الله يعطيك ألف عافيه على مشاركتكم وقراءتكم للموضوع وعلى تشجيعكم : : : : : : |
|
|
|
|
30-10-2007, 09:17 AM
|
#15 (permalink) |
|
مشرف سابق
تاريخ التسجيل: Jul 2003
الدولة: ــــ الريــاض ــــ
رقم العضوية :685
المشاركات: 2,991
|
: : : : : : : : بااااااااااااااااااااااكـ ... يا هلا والله وغلا بالجميع .. كلن بسمه ...اول شي .. صراحه انبسطت كثيررررررررر من التفاعل في الحلقه الاولى .. مع اني ماحسيت انها كامله من جميع النواحي .. خلونا الحين نبدا في الحلقه الثانيه ماله داعي نصيح ......هيا بنا ... اليوم الثاني ... بعد ما قمت وكذا ... صلحت ذاك الكوفي اللي يحبه قلبك ... وبعدها دقيت على امي .. عشان اعلمها وين انا فيه ... دقيت عليها .. وقلت تراني برى المملكه .. قالت اييييييييه .. اهم شي احرص على نفسك ... >>> معودها على كذا ..بعد ما تحممت ولبست وكذا ... قلت بروح للكوفي اللي احبه ... بروق هناك شوي .. واشوف خطتنا لهذا اليوم ... رحت لكوفي PRET هذا الكوفي اللي في الزاويه جنب فندق الكمبيرلاند ... احب اجلس فوق في الزاويه ... وقبل ما اروح له ... قلت بمر على فندق الكمبيرلاند .. بشوفه بس .. وادخل الفندق .. كأني داااااااخل فندق في دبي ... كولوه خليجين ما شاء الله ... قلت الحمد لله اني ما حجزت فيهجلست في الكوفي ... وطلعت خريطتي ... هذه خريطه مره حلوه .. فيها الاماكن السياحيه ... عشان تعرف الميترو اللي يوصلك لها ... طبعا انا محطتي هي البادنقتون .. شوفها معي ع الخريطه بعد ما روقت وكذا .. قلت اليوم بختار مكانين ... راح ازورها ان شاء الله .. اول مكان هو .. SCIENCE MUSEUM وهذه خريطته لو احد يبي يروح له ... وهذا موقعهم على الانترنت .. هــــنا ... هذا متحف .. فيه طيارات قديييييمه .. ويشرحون لك كيف كانت تشتغل .. وكيف مكاينها والامور اللي كذا ... وجوا هالمتحف .. فيه سينما ... انا ما رحت الا عشان هالسينما ... السينما هي ..IMAX 3D Cinema وهذا موقعهم على الانترنت .. هنـــــا ... هالسينما وش قصتها ...!! السينما هذه تعرض بعض الافلام الوثائقيه .. لكن بطريقه الثري دي ... وتشوف الاجسام قدامك كبيرررررره .. كأنها تبي تصدمك ... اول شي .. وقفت عند اللي يقصون التكت ... واخذت لي تذكره .. وحجزت لي فلم ... الجنوز شكلها على ريالين في لندن بعدها يجيك عامل من عمالهم .. ويمسك يدك .. ويوديك لمدخل السينما ... اول ما توصل الباب .. يعطونك نظاره خاصه .. مثل هالخال اللي لابسه  بعدين تجلس .. وتستمتع ... جلست وشفت فلم وثائقي عن اعماااااق البحار ... يعني كأنك تعيش تحت المااااااااء ... وتشوف القرش يشطفك وانت ما تدري .... صراحه السينما حلوه .. لكن احلى للي معه اطفال .. لأنهم راح يستمتعون فيها أكثر ..بعد الفلم .. طلعت اتمشى في المتحف اللي تحت .. واخذت لي جوله ... وبرضو .. يعرضون .. سيارات قدييييييمه مره ... ايام هتلر والعيال ذليك>>> نصبه تمشي مليون شوفو معي السيارات ... وهذه اللي كأنها كبسوله ... وهنا صافين السيارات فوق بعض ... يعنني حركه ...قايل لكم ان الجنوز عندهم على ريالين وهذا طرف قطار ... او نقول بقااااااايا قطار ... وهذه صوره من اعلى المتحف ... اخذتها قبل ما امشي ... بعد كذا ... قلت يالله يا أبو ... >>> يكلم نفسه قلت بروح لمكان اتغدا فيه .. طيب وش تبي تتغدا !! ... قلت بتغدا شوكولاته ... حبيبه ألبي .. الشوكولاته ... طيب وين ارووووووح .. طبعا اروح لهااااااارودز ... ( قلوب من هنا لجبهة محمد اللي قدامي ) ...اخذت الاندرقراوند .. ورحت لهارودز ... وهذه خريطه موقعه اللي ما يعرف وشو الهارودز .. هذا مثل المبنى الكبيرررررر ... الظاهر 6 ادوار .. صاحبه هو ولد الفايد .. المصري الاصل .. البريطاني الجنسيه ... المبنى هذا فيه كلش ... يعني دور فيه ملابس نسائيه .. ودور فيه شوكولاته .. ودور فيه ادوات رياضيه ... يعني مشكل ... بس روعه صراحه ... وهذا موقعهم على الانترنت .. اللي يبي يقرا كثير عن هالصرررح الشامخ ... هونـــــــــــــ المهم وصلت ودخلت .. اول ما تتدخل طبعا تشوف هالمجسم .. يعنني هالمصري تراني ما نسيت مصر .. ايه صدقتك انت وصلعتك ... بعد ما اخذت لفه .. رحت للقسم الرياضي ... اعجبني جهاز .. مررررررررره فله ... شوفوه معي هذا الجهاز وشو !! ... هذا يصلح للي عندهم بحر ..... ( ليش ما عندنا بحر ) ... المهم هذا الجهاز .. تنسدح فوقه ... ويطيرررررررر بك ... احسه مرررره وانسه صراحه ... لو فيه مكان في شقتي كان شريته ...بعد كذا قلت بروح للقسم المفضل .. وهو قسم الشوكولاته ... ويااااااااااااليل خبرني .. عن امر الكاكاو .. ياليل خبرني واتربع قدام هالقزازه ... واجلس اختاااااااااااار .. واختااااااااااار ... والبنت اللي تخدمك بس تعبي في هالكراتين .. وانا اقول هاتي ثنتين من هنا .. وثلاث من هنا .. واربع من هنا ... ومافيه الا شغل ...وتجي وتقول لي .. تبي اغلفها لك !! ... قلت ايه اجل بحطها في مخباتي ..... ما جيت بثوبي المهم وهي تغلفها ... طالعتني بنظره ... قلت وش قصتها هذه .. يوم طالعتني مره ثاني .. قلت يووووووووه وش تبي ذي ... بعدين ابتسمت ... قلت ايوووووووه بدينا الحركات ... قالت لي .. انت مسلم .. قلت لا انا بندر ... قلت ايه مسلم ... قالت طيب ثلاث ارباع الشوكولاته اللي عبيتها لك .. فيها كحول ... قلت وشو .. وشو .. وش ناويه عليه الله يصلحتس ... !! ...قالت ما قلت لي من اول ... قلت طيب وش اسوي الحين ... قالت طيب اوكي .. برجع اختار لك بدون كحول ... قلت يالله ... وهي تختار وانا دميعتي تبي تنزل ... لأن اللي فيها كحول مرررره شكلها يجنن ... قلت ياليتها ساكته بس >>> خربها المهم اخذت كم كرتون .. وبعضها غلفتها عشان نهديها هدايا للي نحوبهم .. بعدها طلعت .. ورحت الفندق اريح شوي ... / \ / \ / اليوم يا حلوين ننتهي من حلقه اليوم ... ما حبيت من ثاني يوم اروح اماكن بعيده ... قلت اخليها في الايام الجايه ... قبل ما تمشي يا حلو .. خذ لك هالكريمه .. بالمره هلوه .../ \ / \ / واشوفكم في الحلقه الثالثه ان شاء الله ... دمتم بكامل عافيتكمــ ... وروعتكمــ ... وجمالكمــ ...المايسترو ،،،، لكــ ــ |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 06:09 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||