 |
 |
 |
||
|
|
|
||
 |
|
 |
|
|||||||
 |
|
|
أدوات الموضوع | انواع عرض الموضوع |
|
|
20-10-2007, 02:50 PM
|
#1 (permalink) |
|
مسافر فعال
تاريخ التسجيل: Mar 2007
الدولة: jeddah city
رقم العضوية :124197
المشاركات: 81
|
ّّّّأيام مضت فى نيوزيلاندا .. دفتر كشكول
بسم الله الرحمن الرحيم أيام مضت .. مضت كوميض البرق .. أيام عشتها فى جنه .. جنه خلقها الله على أرضه جنة بأرضها .. ومائها .. وسمائها .. وشعبها ..  ها أنا أكتب عن أيام ماضيه .. عشت فى ماضيها الجميل أيام لاتنسى لأرد بذلك جزء من جميل فياض لهذا المنتدى الذى كان له الفضل بعد الله تعالى فى ترتيب ونجاح رحلتى مايسترو – Thedays لكم جزيل الشكر منى .. فما سطرته أناملكم كان جواب عن كل ماحيرنى راجيا من الله تعالى أن يكون ما أكتبه عونا لغيرى كما كان ما كتبه غيرى عونا لى .. |
|
|
|
20-10-2007, 03:10 PM
|
#2 (permalink) |
|
مسافر فعال
تاريخ التسجيل: Mar 2007
الدولة: jeddah city
رقم العضوية :124197
المشاركات: 81
|
[CENTER]
بداية الرحله : [/CENTER]الرحلة كانت المفروض تكون السنه إلى فاتت .. جات الفكره فى راسى قبل الإجازه الصيفيه تقريبا بشهرين .. فاتحت أبوى وأمى بالموضوع و الموافقه كانت فوريه ( ماعندى سوابق )  طبعا النيه كانت عندى من بدرى على نيوزيلاند تسألون ليه ؟ أقولكم ليه كان على بالى إنو نيوزيلاند فيها على بالكتير 10 سعوديين ( على نياتى والله )  كنت متخيل إنى راح أروح هناك وأشوف الشعب الأوروبى وغنم وبقر بس ..( مما أدى إلى صدمه نفسيه لاحقا وحتعرفوا ليه ) حتى الماوريه ماكنت أعرفهم أوكيه طلعت على مكتب العامودى وأخذت بروشور عروض الدراسه وقعدت أتصفحها قلبت البروشور لقيت العروض على أوكلاند و كريس تشيرج بس قلت إيش أسوى فى مدينه إسمها على إسم كنيسه خلينى أروح أوكلاند شكلها جنان ( والله العظيم على نياتى )  وأطلع على المكتب ومعى الوالد و الجواز ومقدم ولكن الله ماأراد إنى أطلع فىّ ذيك السنه وخرجت من المكتب على طول للجامعه وسجلت ترم صيفى ( كنت راسب بالفيزياء وعديتها بالعافيه ) بس الحمدلله كل تأخيره وفيها خيره  وخلال السنه قعدت أدور عن معلومات عن نيوزيلاند حصلت عدة مواقع حكوميه و سياحيه نيوزيلانديه أفادتتنى كتير عرفت التقسيم الجغرافى و المدن ودرجات الحراره والمعاهد .. إلخ وخلال بحثى حصلت العرب المسافرون دخلت على الصفحه المخصصه عن نيوزيلاند وبدأت أقلب بالمواضيع قريت كل التقارير المصوره و المش مصوره قريت أغلب الأسئله من الأعضاء وأجوبتها من أصحاب التجربه قريت الكثير من الإستفسارات فى المواضيع المخصصه كونت فكره عامه عن نيوزيلاند أى شى كنت أبغاه حصلته بالمنتدى حتى إنى حاولت أفكر فى حاجه مانى عارفها عن نيوزيلاند ماقدرت !!! وهذا كله من غير ولا أى سؤال سألته بالمنتدى كلش موجود !!!!!!!! تلقى السؤال وتلقى جوابه !!!!!! وأحيانا تلقى الجواب قبل السؤال !!!!  بعد ماتكونت الفكره فى راسى عن نيوزيلاند بدأت أفكر فى المدينه قلت مادام السعوديين عاملين فيضانات فى أوكلاند ( بدون أى مبالغه ) أحول على كنيسة كريس بدأت أراجع المواضيع عن كريس تشيرج صراحه عجبتنى المدينه خاصة إنها بالجزيره الجنوبيه صحيح البرد فيها بررررررد لاكن قلت يهون مادام السعوديين أقل من أوكلاند وبديت أدور بالمعاهد وجات فتره كثرة الموضيع فى المنتدى عن كريس تشيرج وإنها أتعبت سعوديين كمان يعنى ماتفرق عن أوكلاند كتير وبعدين معاكم !!!!  قلت أشوف المدن الصغيره بالجزيره الشماليه نابيير – روتوروا – تابو راجعت التقارير عن نابيير و روتوروا ودخلت مواقع المعاهد إلى هناك مدرى ليه مارتحت لنابيير مع إنها مدينه ساحليه وأنا و البحر حبايب ( عيال جده )  قلت روتوروا و تابو فيهم بحيرات ممكن يجملوا معى وبالمره أشوف بحيره عن حق و حقيقى غير بحيرة المسك إلى عندنا بجده ( طبعا تكنى ببحيرة المسك لأن المجارى تصب فيها ) وجدت موضوع TheDays قريته مره ثانيه صراحه أرتحت كتير للمدينه وعرفت إنها مدينه مقدسه عند الماوريه قلت تمام نشوف أشكالهم كيف بالنسبه لتابو ماحصلت معلومات كافيه عنها كل إلى عارفه إنها صغيره جدا بديت أدور على المعاهد فى روتوروا حصلت معهدين واحد منهم أول ما شفت الصفحه الرئيسيه سحبت عليهم كل الصور إلى للمعهد طالعين فيها صينيين ويابانيين حسيت إنى فاتح موقع صينى المعهد الثانى أرتحت له قريت كافة التفاصيل عنه حتى صور المعلمين قعدت ساعه أتفرج عليهم قزيتهم قز قلت خلاص هوا ده وراسلت المعهد وطلعت ورقة القبول و السكن مع الهوم ستاى وإستقبال من المطار بباص إلى روتوروا هذى الإجراءات ماأخذت منى يومين أول ماعبيت نموذج التسجيل وأرسلته لهم وصلت الموافقه بعد ساعتين بزبط !! وأنا قاعد بغرفتى .. كلها ضغطة زر وبس وخلال يومين كملت كل النماذج ( تسجيل المعهد و السكن و الإستقبال و المواصلات )  تسجيلى كان لمدة 3 أسابيع بس وإذا أرتحت بالمدينه و المعهد أكملها 10 أسابيع طبعا هذا كله بدون ما أدفع لهم ولا دولار .. إتفاقى كان الدفع أول ماأوصل عندهم لاكن بعدها الوالد لزم على أحولهم الفلوس قبل ماأسافر عشان يطمن من ناحية الإستقبال فى المطار وأنا أصلا ماهى فارقه معايا من ناحية الإستقبال وحولتلهم الفلوس بحواله ماليه من البنك السعودى الأمريكى وأخذت صوره من الحواله وحطيتها فى السكانر وأرسلتها للمعهد ردو عليا تانى يوم وقالوا طال عمرك وصلت دراهمك وأمورك كلها فى السليم بس باقى تقلط عندنا  بعدها طلعت لمكتب سياحى أحجز التذاكر وحجزت على الخطوط الماليزيه جده – كوالالمبور ترانزيت 9 ساعات كوالالمبور – أوكلاند موعد الرحله كان جدا محرج بالنسبه لى كان يوافق يوم أربعاء وكان عندى أخر إختبار يوم الإثنين لكن الزول أجله وخلاه الأربعاء من 1 إلى 4 ورحلتى كانت الساعه 7 المغرب صراحه أتضايقت بس توكلت على الله ورضيت بالواقع بدت الأيام تجرى موعد الرحله قرب أسبوع واحد وأكون فى النص الأخر للكره الأرضيه فى قعر الكره الأرضيه أطالع الخريطه وأشوف نيوزيلاند وأشوف السعوديه وااااو معقوله أنا رايح هناك !!! رايح لبقعتين فى أخر المحيط وبعدها هالبقعتين لا يوجد أى إستيطان بشرى !!! يامعين ياكريم يسر أمرى ... ........................ أبويه : محمد متى رحلتك أنا : الأربعاء أبويه : الساعه كم ؟ أنا : الساعه 7 الإقلاع أبويه : طيب أنا مسافر الظهران أنا : متى أبويه : بعد بكره ( الأربعاء قبل أسبوع من رحلتى ) أنا : متى راجع ؟ أبويه : الأربعاء القادم ( يوم رحلتى ) أنا : الساعه كم أبويه : الساعه 6 الوصول لجده ( رحلتى بعد وصوله بساعه وحده ) لحظة صمت أنا : طيب ماأقدر أشوفك بالمطار ؟ أبويه : صعبه ، أنا راح أنزل فى المطار الخاص وإنت بالخطوط الأجنبيه وإنت لازم تركب الطياره الساعه 6 لحظة صمت ............................ بدأت أمتر أسواق جده سوق سوق أشتريت كل شى حتى شنطة السفر جديده اليوم يوم الثلاثاء عبيت كل الشنط خلاص كل شى جاهز باقى بكره بكره إيش حيصير بكره بكره أخر يوم تشوف أمك فيه أخر يوم تشوف أهلك فيه بعدها ..... حيغيبوا عنك حتغيب عنهم حياه جديده ناس جديده عادات جديده أرض جديده يوم الأربعاء يوم الوداع والحب ضاع خرجت من الإختبار الساعه 3 ونص رجعت البيت صليت العصر لبست لبس السفره كلمت صاحبى أنا : يالله تعال أبغى أروح نيوزيلانده صاحبى : ليه ماتطلع الطايف أحلى أنا : لا نيوزيلانده أقرب الطايف بعيده صاحبى : بكيفك ألحين أجيك . فتحت الشنطه أشيك عليها أخر مره وأنا فى غرفتى وأمى بالصاله وصاحبى تحت يالله أصعب لحظه واجهتها لحظة الوداع ماقدرت أمسك دموعى كبيت دمعتين فى الشنطه وقفلت عليهم ليه فتحت الشنطه ؟ مدرى ليه أتهرب من الواقع خلاص لازم أنزل من غرفتى على الصاله أودع أمى ياالله لبست نظارتى الشمسيه أحاول أخبى دموعى سحبت شنطتى نزلت الصاله لقيت أمى |
|
|
|
|
21-10-2007, 01:25 PM
|
#11 (permalink) |
|
مسافر متالق
تاريخ التسجيل: Aug 2005
الدولة: السعـ ( جدة ) ـودية
رقم العضوية :46261
المشاركات: 622
|
شد حيلك ترى ابغاك في سالفه ههههههههههههه
بانتظارك وبصراحة ابي استفيد من معلوماتك واذا تبي انا عازمك بمطعم يحبه قبلك بس اعزم على السفر ونروح نجلس وندردش اذا ما عندك اي مانع لكن السنة الجاية هههههههه لكن الموضوع جدي |
|
|
|
|
21-10-2007, 10:55 PM
|
#12 (permalink) | |||||||||
|
مسافر فعال
تاريخ التسجيل: Mar 2007
الدولة: jeddah city
رقم العضوية :124197
المشاركات: 81
|
اقتباس:
ترا أنا ولد نعمه يعنى غير ستيك من أبلبيز ما أقبل تسلم على مرورك .. وتحت أمرك . اقتباس:
تسلم على المرور اقتباس:
تسلم يالغالى وهذا أقل شى أقدمه للمنتدى إلي قدملى الكتير .. نورت كشكولى اقتباس:
أبشر ياباشا وتسلم عل المتابعه . اقتباس:
تسلم على المتابعه اقتباس:
وشاكر مرورك . اقتباس:
والقادم أحلى .. اقتباس:
ومرورك أحلى . اقتباس:
وإنشاء الله القادم أجمل . |
|||||||||
|
|
|
|
22-10-2007, 12:02 AM
|
#13 (permalink) |
|
مسافر فعال
تاريخ التسجيل: Mar 2007
الدولة: jeddah city
رقم العضوية :124197
المشاركات: 81
|
نزلت الشارع ولقيت العيال يستنونى حطينا الشنط بالسياره وطلعنا نتغدى وكان الغدا فى subway  موقع الجريمه  الجريمه بزاتها بعدها طلعنا على المطار ودعت الشباب مسكت سرا التفتيش وعديته دخلت لصالة العفش و قطع البوردنق رحت لكاونتر الماليزيه عطيته التذكره العامل : كلاس قفل أنا : إيس قفل ؟ العامل : كلاس مافى بوردنق أنا : ليه ؟ العامل : كلاس قفل ساعه 6 وقتها الساعه كانت 02: 6 أنا : الرحله الساعه 7 كيف تقفل الساعه 6 ؟؟ العامل : بوردنق قفل قبل ساعه من رحله أنا : طيب وبعدين ؟ العامل : رحلة بعدو أنا : مافى رحله بعدو لازم رحله هادا وأنا منرفزززززز وأبوى يدق عليا وأنا عند الكاونتر ويقولى ها إيش سويت قلتله شكلى راجع البيت البوردنق قفلوه خلاص إلا أبويه يصيح فينى ويقولى أزهم المسؤول وصيح فيه أنا أتنفخت وصرت أصيح على العامل  كييييييييف ليييييييه مايصيييييير بس كده عشان رجه خخخخخخ وكان بجنبى 2 سعوديين بنفس المشكله وكلنا مسويين دوشه وصياح جا واحد ثانى شغال فى الخطوط الماليزيه وتكلم معاه شويه بعدها أخذ جوازاتنا و الشنط وأخذت البوردنق وعلى الجوازات مدرى ليه الواحد لازم يقل أدبه فى مطار جده دخلت الصاله ومسكت أخر سرا وقفت بالسرا إلين وصلت عطيته الجواز حضرت الضابط : محمد كم عمرك ؟ أنا : 21 حضرت الضابط : كم تاريخ ميلادك ؟ أنا : 1407 قام يناظرنى يحاول يقيس عمرى صكيته بإبتسامه عمته زى دعاية معجون الأسنان قام أعجب بأسنانى وختملى على الجواز طلعت الطياره والحمدلله حظى كان حلو وطلع الكرسى بجنب الطاقه الرحله كانت مريحه نوعا ما الكراسى يعنى لابأس الشاشه صغيره بالمقارنه مع طيران الإمارات أكلهم أبداااا ماعجبنى .. والمشكله قدمولنا نفس الوجبه مرتين بالطياره بس ضيعت الرحله فى الأفلام و النوم بصراحه النوم فى الطياره نعمه .. وإلى مايعرف ينام بالطياره .. الله يعينه أنواع الطفش  وصلنا مطار كوالالمبور حسيت نفسى بنى أدم فى مطارهم بعد الصندقه إلى يسموها مطار عندن ا أنا سامع من قبل إنه فى قطار بالمطار ينقلك لصالة الجوازات بس ماكنت عارف مكانه بعد ماأخذت جوله محترمه فى المطار أكتشفت مكان القطار وصراحه أكتشفت كمان إنى أحول لأنى مريت مرتين عليه ولا أنتبهت له وطلعت على صالة الجوازات الإجراءات كانت سريعه ركبت الباص حق الفندق 5 دقايق وحرك الباص الفندق كان طيب خاصة المطعم أول ماوصلت حطيت العفش فى الغرفه و على المطعم جرى   كيف كاسة الكولا بس بعد الوجبه أتمشيت فى ممرات الفندق شويه لأن الممرات بين الغرف مكشوفه زى الشاليهات  بعدها رجعت الغرفه وكبرت المخده أو بالأصح حاولت أكبر المخده بس وين النوم وين أنا النوم خلصتو فى الطياره المهم قعدت تقريبا ساعتين فى حالة موت دماغى زى اليوغا تريح دماغك وتدخل طاقه وتطلعها من مدرى وين .. بس أنا منبطح على السرير مو متربع على بلاط وقبل الرحله بساعتين كنت راكب الباص على المطار وصلت المطار الإجراءات كانت سريعه لأنى قطعت البوردنق أول ماوصلت وركبت الطياره والحمدلله طلع الكرسى بجنب الطاقه كمان ياحبى للخطوط الماليزيه أشكال الركاب أتغيرت بعد ماكانت الطياره مليانه بالماليزيين و السعوديين صارت كلها نيوزلانديين بس كانت الرحله أريح من إلى قبلها مع إنها 12 ساعه وإلى قبلها 8 ساعات لاكن ثلاثة أرباع الطياره فاضيه أول ما طفت علامة ربط الحزام كل واحد نط وأستولى على صف من الصفوف إلى بالنص أنا فردت نفسى على المقعدتين و أخذت وضعيه إستراتيجيه خطيره ومرت الرحله بسرعه لأنى تقريبا أكتر من نص الرحله وأنا نايم وفى أخر ساعه قبل الهبوط طلعت الكمره وشغلتها وفتحت الغطا حق الطاقه وقعدت أستنى نيوزيلانده من السما وفجأه سبحان الله         هبطت الطياره وصلنا المطار نزلت الشنطه وأخذت السويتر ولبسته ونزلت لصالة الجوازات عبيت كرت الدخول أنا وشاب سعودى أتعرفت عليه بمطار كوالالمبور وإحنا رايحين نمسك السرا جا شرطيين سألونا عن إسمنا من ويين جايين ليش جايين طبعا كلنا كان معانا أوراق المعهد أتأكدو منها و من الجواز وقالوا أمسكوا المسار هذا وسجلوا أسمائنا فى دفتر صغير معاهم المسأله ماأخذت أكتر من 3 دقايق وصلت للجوازات ختم الجواز وقال  Welcome in new Zealand الحمدلله المسأله كانت سهله وميسره لا تحقيق ولا مسار خاص ولا غوانتنامو  نزلت على صالة القدوم إلا وصينيه تنط عندى الصينيه : موهاميد ؟ أنا : يس طارت من الفرحه المسكينه كأنها حصلت كنز عرفتنى بنفسها ورحبت فينى وقالتى مرحبا بك فى معهد ( وقالت إسم معهد غريب ) أنا : معليش فين المعهد هذا ؟ الصينيه : فى أوكلاند أنا : أنا معهدى فى روتوروا !! فتحت سجل الأسماء إلى معاها وأشرتلى على إسم وقالت هذا مو إسمك أنا : نفس إسمى الاول بس مش أنا وأعتذرت منى بعدها حصلت إسمى مكتوب على ورقه مع رجال رحت عنده وقلتله حزر مين أنا قام يطالع فى الورقه إلى معاه ويتهجأ الإسم الإسم إلى كان مكتوب إسم العائله ولمن ينكتب بالإنكليزى يصير كأنوا إسم إيطالى بعد ماطلعت عيونه وقراه قلت هذا هو أنا رحب فينى وأخذنى على الباص وحطيت الشنط قالى باقى 3 أشخاص حيوصلوا بعد ساعه و نص إذا تبغى ترتاح بالباص أو نتقابل عنده بعد ساعه ونص قلت لا خلينى أتمشى وقعدت أتمشى بالمطار وبرا المطار .......................................... أخيرا وصلت نيوزيلاند سنه و أنا أحلم فيها الأن أنا على أر ضها شعور بالفرحه نيوزيلاند تلك البقعتين فى أخر الأرض لوحدى أواجه عالم جديد عالم غريب شعور بالخوف ..........................................  صورة لمطار أوكلاند  أول ماتنزل من البوابه تلاقيه بوجهك مدرى إيش يبغى أخيرا حان وقت المغادره لروتوروا ركبت الباص مع 6 أشخاص أوروبيين ونيوزلانديين رخيت راسى على المقعده عشره دقايق وأنا فى عالم الأحلام فجأه وقف الباص صحيت أناظر على يسارى لقيت بيت أبيض صغير هو أشبه بالخوخ من البيت ينزل السواق ويفتح الباب ويقول يالله هذا بيتك نزلت من الباص وكل إلى فى الباص يودعونى ودعتهم وقفت شويه قدام البيت معقوله !!! أطالع حولى كان الحى حى ريفى وبإمتياز كل البيوت أو الأكواخ دور واحد بس صراحه هى أشبه بالمقصورات المتنقله من الأكواخ وأنا و بوب السواق ننزل العفش من الباص ينزل شايب Hello I'm ray سلمت عليه ورقبتى على فوق مع إنى اطول واحد فى عائلتى بس طوله لا يقل عن 190 سم حسيت نفسى قزم بجنبه كأنى قدام الحانوتى عرفت بعدها إن عمره 74 سنه وكان شغال فى مجال البناء أشوى لو إنو مهو بناء كان صار مصارع وأتورط معاه كل تأخيره بكوع دخلت البيت – كوخ – مقصوره .. كلها اسماء صحيحه وتعرفت على الماما جانيت وكيلسو أخذنى راى فى جوله على البيت إستمرت الجوله 20 ثانيه تقريبا طبعا هذا عشان بيتهم مره كبير ودخلت غرفتى أول حاجه قالها لى عن الغرفه مكه من هذا الإتجاه سكت شويه وقلتله كيف عرفت قالى كان عندلى طالب أندنوسى قبلك وكان يصلى لمكه بهذا الإتجاه وأنا عارف إنك ماتاكل هام أو أكل غير مذبوح بالطريقه الإسلاميه ولا تشرب واين وكحول وكل اللحم إلى نطبخه نجيبه من مصنع ذبحه حلال صراحة كبر فى عينى الشايب فعلا مسلمين بلا إسلام  الكوخ السعيد بعد ماحطيت الشنط بالغرفه طلعت للصاله وقعدنا سوا نص ساعه نتعرف على بعض راى متقاعد كان يشتغل فى مجال البناء وعمره 74سنه وجانيت متقاعده كمان كانت ممرضه وعمرها 75 سنه طبعا التقاعد عندهم مو معناه ياخذ راتب وهو قاعد بالبيت معناه إنه كان يشتغل فى مهنه وتركها لعمره أو لإكتفاء ذاتى بس مايجيه راتب طول عمره عايله مره حبوبين وخدومين وعندهم ولد فى برزبن بأستراليا لهم 4 سنين ماشافوه ولا بزارينه إلى معبيين الصاله بصورهم وبنت فى ويلز ببريطانيا لها 13 سنه ماشافتها يالله أنا لو يومين ما أشوف أهلى أتعب الحمدلله على الإسلام إلى اوجب بر الوالدين وجا وقت العشا كان العشا وقتها رز و لام وجبه مرادفه للرز و لحم <<< المعجم الوسيط ماعجبنى الرز بالمره أكلت ربع الصحن وإستأذنت أروح للغرفه أرتاح الغرفه كانت متوسطة الحجم فيها سرير و مكتب ودولاب حطيت راسى على المخده وأنا ودى بكره يجى بأسرع وقت .......................... هذا أنا فى غرفتى الجديده فى بيتى الجديد فى مدينتى الجديده دولتى الجديده أسكن فى بقعه صغيره جدا بين أربعة جدران لا أعلم ما يحيط بى لا أعلم ماذا خلف هذه الجدران وهذه الأكواخ ياترى كيف هم الناس خلف هذه الجدران ما هى حياتهم هل أستطيع مجاراتهم هل سيتقبلونى والأهم هل سأستطيع العيش بينهم ؟ ........................... وفى أثناء جدالى مع نفسى وأنا على وسادتى خطفنى النوم إلى عالم أحلامى قبل أنا تقودنى أفكارى إلى عالم جنونى |
|
|
|
|
24-10-2007, 08:19 AM
|
#14 (permalink) | ||||
|
مسافر متالق
تاريخ التسجيل: Jan 2007
الدولة: المنطقة الغربية / السعودية
رقم العضوية :120730
المشاركات: 997
|
اقتباس:
اقتباس:
مساكين ربعنا اي شي ممكن يعميهم اسألني عنهم هههههههه اقتباس:
اقتباس:
ولي الشرف اني اكون واحد من ضمن الكثيرين من الاعضاء اللي حيتابعوك للآخر وكل مره حتلاقي مني تعليقات بس الله يعينك اتحملني التعديل الأخير تم بواسطة واخاسيدي ; 24-10-2007 الساعة 08:35 AM سبب آخر: للزركشه |
||||
|
|
|
|
«
رحلتي الى نيوزلاندا ... اسال وانا أجيب
|
∫∫»§™رحلتـي إلى الجمـال البديــع √نيوزيلنـدا√مرفقـةٌ بـ حلقاتٍ لـ التحميل™§«∫∫
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 03:06 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||