 |
 |
 |
||
|
|
|
||
 |
|
 |
|
|||||||
| بوابة السفر إلى بريطانيا UK وإيرلندا Ireland في هذا المنتدى يتم تزويد المستخدم بالتقارير المصورة الخاصة ببريطانيا وإيرلندا بالإضافة الى مكتبة صور خاصة. |
| Tags: ليدز, لغة, انجلترا, england, دراسة, يورك, kuwaiti londoner, leeds, سكاربرة, york, yorkshire |
 |
|
|
أدوات الموضوع | انواع عرض الموضوع |
15-10-2007, 07:34 AM
|
#32 (permalink) |
|
مسافر متالق
تاريخ التسجيل: Jan 2007
رقم العضوية :121517
المشاركات: 754
|
 تقرير رووووووووعه انا درست في الشمال ومدن الشمال مناخها حلوووووو احلى عن لندن ويورك ماجربت اسيرلها لكن ان شاءلله اذا رحنا بريطانيا مره ثانيه اكيد بزورها والف الف شكر لك اخوي على نقل تجربتك لنا ونحن ننتظر التكمله  |
|
|
|
15-10-2007, 07:17 PM
|
#33 (permalink) | ||
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
اقتباس:
 و شاكرلج متابعتج اقتباس:
|
||
|
|
|
|
15-10-2007, 07:24 PM
|
#34 (permalink) | ||
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
اقتباس:
و مشكور ع المرور اقتباس:
و مشكوور اخوي على ردك و ان شاء الله اكمل الموضوع عن قريب |
||
|
|
|
|
15-10-2007, 10:37 PM
|
#35 (permalink) |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
اول يوم للدراسة 25\06\07
هاليوم رحت للمدرسة مع الطالب الايطالي "ستيفانو" ،،، رحنا مشي و خذا تقريبا 13 دقيقة الى المدرسة ،،، المشكلة انه ما قدرنا ان ناخذ الباص لان لازم نبدل الباص علشان نوصل للمدرسة ،، هذا غير انه بيتي قريب من الكوليج فما يحتاي ركوب الباص ،، بينما في طلاب ساكنين في اماكن بعيدة لكن عندهم باصات من امام بيوتهم و تنزل مباشرة امام الكوليج ،،، لكن يبقى ان المشي متعة في الصبح ،، و بالنسبة لي كان ينشطني و ترى ميل واحد مشي الصبح على قولتهم "won't kill you" ،، بعد ما وصلنا للمدرسة ودونا غرفة الاختبار ،، و الاختبار كان عبارة عن "استماع-كتابة-قواعد" لكن بدون محادثة و هذا عيبه ،، كان 95% من اللي قدموا الامتحان هذاك الاسبوع اهم اسبان ،، لان كان فيه قروب اسباني واااايد كبير ،، و كان فيه 3 المان و روسية و طبعا كويتي !! اللي اهو انا ههههههه ،، و كانت الجنسيات الموجودة في الكوليج اول اسبوع عبارة عن مجموعة ضخمة من الايطاليين و ايضا مجموعة اكبر منها اسبان ،، و يبقى روسية و 4 المان و كويتي و يمكن بعد جم واحد من جنسيات ثانية لكنه نااادر "في اول اسبوع" ،،،، [ كان اغلبية اعمار الطلبة اليدد 15-16 و يوجد طلاب عمرهم 14 ،، و صفي كان "L4" و هو intermediate و بصراحة انا توقعت اني اكون احسن من جذي !!! و حتى دانيل و مارغريت قالولي هالشي !!!! لكن الامتحان كان بدون محادثة !! المهم الصف كان 12 انا و ايطالية و الباجي اسبان ،، و كنا كلنا طلبة جدد ،،، و الطالبة الايطالية هي المسؤولة على الـgroup الايطالي و في آخر ثلاث بالاسبوع ما داومت ،، فكان الصف 11 طالب ،،، العيب الوحيد اللي كان في الصف انه اغلب الصف اسبان فمرات يتحجون مع بعضهم اسباني في الصف !!! لكن طبعا الاستاذ دائما ما انه ينبه عليهم انهم ما يتحجون اسباني ،،، بعد ما اتنهينا من الامتحان اخذنا المحاضرة من "اندرو" هذا الله يسلمكم ناظر المدرسة ،،، و راح نأتي على ذكره لاحقا ،،،  هذا آندرو معاه "his mummy"  المحاضرة كانت عن الكوليج و المدرسين ،، الاشياء الممنوع عملها في الصف ،، و تنبيهات عن الحياة في يورك ،، و الله من كثر ماهي كانت مملة نسيت شنو قال فيها  * اهم قانون اهو بالنسبة لمواعيد الرجوع الي البيت : الاعمار 12-13 = الساعة 8 مساءا الاعمار 14-15 = الساعة 10 الاعمار 16-17 = الساعة 11 الاعمار 18+ = يرجعون بأي وقت بشرط انهم يبلغون العايلة قبلها بعدها كان فيها الـlunch break و انا للأسف ما كنت ادري اني دافع فلوس للـfull board ،،، الـfull board عبارة عن ((ساندويتش و ماي )) بالاضافة الى كاكاو او بسكوت ،، يعطونا اياه المدرسة في lunch break ،،، و الساندويتش الطالب اهو اللي يختاره ،، نهاية كل اسبوع يعطون استمارة تمليها للاسبوع الياي تختار فيه نوع الساندويتش ،، انواعه اللي تصلح لنا هم "دياي-تونا-جبن-بيض" 4 انواع ،، حجمها كبير ،،، و اللي يبي يقدر يشتري يوم بيومه ،، لكن ما ادري هل يطلع نفس السعر اذا شريت يوم بيومه و لا لأ ،،، فأنا ما كنت ادري بهالشي ،،، و بنهاية اليوم اكتشفت انه انا دافع لهم  ،،، لان اهم سألوني ليش اني ما اخذت الاكل ،،،* * * * * * * * * * * * * * * * * * * في الحلقة الياية ان شاء الله راح اشرح عن الـfacilities اللي في الكوليج |
|
|
|
|
17-10-2007, 10:15 PM
|
#37 (permalink) | |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
اقتباس:
و بالفعل المشي واايد مفيد ،،، و شاكرلج متابعتج للموضوع |
|
|
|
|
|
18-10-2007, 11:03 AM
|
#38 (permalink) |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
Melton College
 http://www.melton-college.co.uk/ اضغط هنا ،، خريطة المسافة بين الكوليج و سنتر يورك و المسافة بين الكوليج و وسط يورك ميل واحد ،، و هي نفس المسافة بين بيتي و الكوليج ،، اما المسافة بين بيتي و السنتر هو ميل و نص ،،، The timetable من 9:30 الى 10:15 من 10:15 الى 11 من 11 الى 11:30 بريك من 11:30 الى 12:15 من 12:15 الى 1 من 1 الى 1:45 lunch breack من 1:45 الى 2:30 من 2:30 الى 3:15 و هذي نسخة للـtimetable لاحد الاسابيع  و هو عبارة عن 3 حصص 2،، منهم مدته 1:30 و الدرس الثالث مدته 45 دقيقة و بالاضافة الى هذا فيه private study مدته 45 و ممكن استخدام الانترنت خلال هالفترة او حل الـhome work و طبعا الprivate study وقته غير من صف الى صف آخر ،، اما بالنسبة لعدد الصفوف في المدرسة على حسب عدد الطلاب لكنه في الصفوف كان عموما 8 صفوف و مرات 9 صفوف ،، * المدرسة ايضا توفر دروس ثقافية و مباريات "قدم-سلة-...." و انشطة"العاب-مسابقات" و حفلات"اكل"  [/URL]  بالاضافة الى رحلة يوم السبت لمدينة ،، لكن ما انصح بالذهاب معاهم صراحة لان يروحون بباص و المشكلة ان الاماكن اللي يودونها كئيبة "او على الاقل اغلبها" ،، و يردون مبجر ،، # ملاحظة : الطلبة اللي اعمارهم اقل من 18 يجب عليهم الذهاب في الرحلة ،،، الا اذا احضر ورقة موقعه من ولي امره انه له الحق بعدم الذهاب ،، و انا انصح اللي يبي يروح لميلتون كوليج انه يودي هالورقة و بعدها اذا غير رايه يقدر انه يروح في الرحلة ،،، School facilities # المدرسة فيها 8 فصول دراسية في الطابق الارضي و الاول ،، و في اسبوع من الاسابيع كان في ضغط كبير "زيادة عدد طلبة" فدرسنا في صف في السرداب ، و لكن طبعا فيه تهوية تحت ،، و هالوضع ما استمر الا فترة اسبوع واحد ،،، # غرفة كمبيوتر في السرداب فيها 6 كمبيوترات لكن فقط 5 فيهم انترنت ،، و طبعا يمكن احضار اللابتوب و استخدامه wireless،، و الجو في الغرفة شوي حار ،، بس الظاهر اني الوحيد اللي كان علي حر فيه هالغرفة لان كل الطلبة الثانيين ماكان عندهم مشاكل فيه ،،، ،،،، و في اول ايام كان الطلبة يقعدون على الكمبيوتر و ما يفجون عنه ،،، بعدها في طلبة اشتكوا عند الادارة و طلعوا قرار حكومي ينص على ان اكثر مدة يمكن البقاء على الكمبيوتر هي 15 دقيقة ،،، بعدها لازم نخلي الكمبيوتر لطالب ثاني و عقب ما يخلص الطالب الثاني ممكن ان نرد على الكمبيوتر ،،،،،،، غرفة الكمبيوتر عموما زححححمة ،،، لكن في الprivate study مرات ما يكون عليها ضغط وايد ،،، # كافيه ،، اسعاره منخفضة و الغرفة اللي فيها الكافيه هي اللي الطلبة يقعدون فيها في الbreak ،، بيبعون فيه كاكاو و ماي و شاي و قهوة و هالاشياء ،،، # حديقة ،، حجمها معقول ،، فيها ملعب تنس ،،، لكن مو حشيش ،، اللي يبي يقدر ايين مضارب تنس و كور و يلعب ،، و ملعب كرة سلة صغير ،،، و يمكن طبعا لعب كرة قدم في الحديقة المدرسة تحط كور لكن ماكو ملعب خاص لكرة القدم ،، و فيها بعد طاولة تنس طاولة لكن بدون شبك  ،،،# مكتبة ،، المكتبة فيها كتب و بعد اشرطة فيديو ،، و انا ولا مرة استعرت منهم شي ،،، لكن انا دخلتها مرة بس و كانت على السريع ،، فما انتبهت لنوعية الكتب الموجودة ،،، و ان شاء الله راح احط صور داخل الكوليج |
|
|
|
|
25-10-2007, 09:25 PM
|
#43 (permalink) |
|
مسافر متالق
تاريخ التسجيل: Mar 2006
الدولة: Edinburgh. Scotland
رقم العضوية :66368
المشاركات: 610
|
مؤسس الكوليج
اللي اسس الكوليج هو زوج اليزابيث معاها ،،،، و بعد ما توفى ريلها بفترة استلم ولدهم اندرو ادارة الكوليج اهو مع امه ،،، عاد الله ياهو غثيث اهو و امه ،،،، و انا ما صادفت أي احد يخالفني بالراي في الكوليج ،،، حتى المدرسين كانوا يتطنزون عليهم خصوصا على اليزابيث  لكن طبعا الطلاب مو شرط انهم يتعاملون معاهم ،،، لان اندرو و اليزابيث نادراا ما انهم يدرسون ،،، و غير جذي اغلب الطلاب ما راح يحتاجون انهم يروحون لهم الا اذا صارت لهم مشكلة او شي جذي * * * * * * * * * * * * الكوليج و الـclassrooms طبعا مدخل الكوليج فيه مكتب للاستعلامات ،،، و بعدها فيه باب ينفتح برقم سري  و هالرقم عطونا اياه اول يوم داومنا ،،، و بعدها تشوفون هالممر  الغرفة اللي على اليمين ،، هذي للتسجيل في النشاطات اللي تسويها المدرسة ،،، و ايضا اللي يبي يشوف اندرو او اليزابيث و حتى يمكن شراء ماء و كاكاو و هالاشياء وقت اللي يكون فيها الـcafé مسكر ،،، الغرفة الثانية على اليمين للمكتبة ،، و فيها مكتب اليسون هذي المسؤولة عن وضع الطلبة في الـlevels و اذا عندك أي شكوى او شي ممكن انه يكون عندها و هي بعد تدرس اما الباب اللي جدام فهذا للحديقة و على اليسار المدخل الى الـ classrooms ،، و الـcafé' بعد ما تدخل يسار تلاقي هالممر على يمينك ،،، و على فكرة ترى هالصورة انا ماخذها وقت حصة و انا كان عندي private study علشان جذي الممر فاضي  على اليسار ،، يودي للـcafé' و غرفة الانترنت جدام يوجد الـterrace المطل على الحديقة ،، طبعا بهالدور فيه 4 فصول دراسية ،،، و فوق بعد في 4 فصول  هالمكان و الله خوش مكان حق القعدة خاصة اذا كان فيه مطر ،،، و هي تطل على الحديقة  هذي الحديقة الحين تعالوا خل نصعد فوق  لو تلاحظون وجود تلفزيون ،،، هالتلفزيون يستخدم في الـclasses ،،، و ايضا يوجد كمبيوتر في الزاوية على اليمين ،،، تستخدم لعرض برنامج الانشطة الحين خل ندخل على الغرفة اللي على اليسار  و هذي الغرفة اللي على اليمين و هم متشابهين وااايد  و هذي الغرفة اللي على اليسار جدام  هالغرفة اصغر من اللي قبلها ،،، عااد الا يا انه لي فيها ذكرياااااات  و هذي الغرفة على اليمين جدام  هالغرفة والله ما شفتها الا بآخر يوم علشان اصورها و هي اصغر غرفة ،،، و يمكن ما درست فيها لان صفي غالبا ما يكون 15 طالب ،، و ما اعتقد ان هالصف يكفي لهالعدد ،،، و للأسف ما عندي صور لصفوف الطابق الارضي ،،، الصور الوحيدة اللي عندي اياها للفصول فيها طلاب "و ليس فصول فاضية"!! و على فكرة الفصول اللي في الطابق الارضي اكبر من فصول الطابق الاول * * * * * * * * * * * * * * * * * * * * اعتذر لاني حاليا انا مشغول بالامتحانات لمدة اسبوعين ،،، و ان شاء الله بعدها انزل باقي الصور و اكمل التقرير |
|
|
|
|
25-10-2007, 10:05 PM
|
#44 (permalink) |
|
عاشقة لندن
تاريخ التسجيل: Jun 2004
الدولة: جدة
رقم العضوية :7061
المشاركات: 6,156
|
سعيدة جدا بإكمالك للتقرير
 والفصول والله رائعة جدا وخوش مكان تجولنا معاك بالصور في الكوليج  جزاك الله كل خير أخوي Kuwaiti Londoner والله يوفقك بإذن الله في اختباراتك ومنتظرينك بعد اسبوعين أن شاء الله تحياتي لك .. |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 12:54 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||