 |
 |
 |
||
|
|
|
||
 |
|
 |
|
|||||||
| بوابـــة السفر إلى تايلاند Thailand : في هذا المنتدى يتم تزويد المستخدم بالتقارير المصورة الخاصة بتايلاند بالإضافة الى مكتبة صور خاصة. |
 |
|
|
أدوات الموضوع | انواع عرض الموضوع |
06-10-2007, 04:56 AM
|
#1 (permalink) |
|
مسافر متميز
تاريخ التسجيل: Mar 2006
رقم العضوية :64841
المشاركات: 270
|
◊۩¯−ـ‗تقرير جديد New thailand 17 يوم مابين بتايا@ شنغماي@ فوكيت @بانكوك
السلام عليكم ورحمة الله وبركاته
شهر عليكم مبارك بعد الزحمه  وكل عام وانتم بخير قبل الزحمه  اول شي احب اشكر هذا الموقع الرائع والقائمين عليه مع اني  زعلان عليهم <<<<< ماحطوله للحين خدمه رسائل خاصه  منقهر  واخص بالشكر الاخوان الي افادوني بكل استفساراتي الي سالتها والمشرفين <<<كان النك تبعه الامير سعود والزوار والمشاهدين والمستمعين<<<< بالله اسحبو المايك  واحلا شكر للمشرف niz niz ماقصر ماعاي ولا كان التقرير ماراح يرى بصيص النورولا كان احد بيشوف التقرير  ماقصر والله علمني كيف احمل هالصور والتصغيرعالعموم خلاص احس اني شكرت العالم كله نبتداء بالزبده على ماقالو طبعاا الموضوع عن تايلاند <<<< باللهي يعني عن موزنبيق انت ووجهك طبعا هالديره سبحان الله لو تلاحظون كل الي راحو لها يقولو فاول شي ماكنت ناوي اروح لتايلاند بس مدري كيف رحت والاسباب كالتالي انه مقطوعه العلاقات بينا وبينهم وتانيا عندنا بالسعوديه هاللي يروح تايلاند اغسل يدك منه اذكر سالفه قبل سفرتي صارت لي وكنت معزوم على دوريه  ههههههههه لا يجي واحد يحسبها لومينا ولا شرطه الدوريه يعني عزيمه شهريه بين الاهل والاصدقا المهم وكانو كل خوالي مجتمعين فل الدعوه المهم انا جاي من الدوام ومنتخ راسي وزد عن كذا مصدع المهم سالني خالي قال شفيك انت قلت ياخي تعبت من هال كول سنتر من عميل لعميل ومصدع قال ياخي خذ اجازه قلت اجازتي بعد اسبوع وبسافر تايلاند انا قلتها ولا ماقلتها يوم ان كل الي في المجلس سكتو رد خالي مهبول انت تروح لهديره قلت بالعكس الا عاقل ياخي يكفي هالمناظر والرخص والجزر المهم رد وقال ياخي انت ماتعرفها اسال الي راحو لها قلت ليه شفيها قال ياخي انا رايح لها تصدق ياولد اختي ان البسطات الي يبسطون بالشوارع قلت ايه شفيها قال وش مافيهاتشوف واحدن يبيع ساعات رولكس وجنبها هيروين وحشيش انا هنا كان فيني الضحكه ومسكتهاالمهم اقنعته بالاخير اني ماني راعي هالخربطه وانتهى الموضوع الي ابي اوصله ان بالسعوديه تفكيرهم ان تايلاند ديرة خراب ودعاره وهيك شغلات فتلقى هالي مسافر تايلاند راح بالصدفه متلي احس اني طولت بس عادي موضوعي  ههههههههههه امزح مثلي انا رحت بالصدفهقبل شهر من اجازتي قلت وين اروح وووووين قالولي مصر قلت يابوي حر ريح بس انت وياه قالولي لبنان قلت ياعمي روقنا بس ملينا منها من كثر ماروح لها وفيها مشاكل والاوضاع ماش قالووو المهم قالولي دول رحت لها ومليت منها ودول رحت لها بس مامليت منها مثل لندن وكندا بس الي ردني الغلاء وكنت بروح لحالي و17 يوم المهم رحت للبيت وتكيت عالنت وادق فليشر وامسك خط الدائري تبع قوقل واكتب سياحه اشوي الين دخلت موقع العرب المسافرون منتدى تايلاند قلت خلنا نشوف تايلاند ويوم شفت صور فوكيت على طوول رحت لموقع اسيا روم وسو بووكينق ((حجز))وكان كالتالي فندق رويال كليف بتايا_شيراتون شنغماي مارينا على ماعتقد اسمه فوكيت وفندق دافيس بانكوك وكان التاريخ على 14 ابريل اهــ هالتاريخ حبيته مره اوي المهم الي عرفته وبعد المشوره من الاعضاء تم اقتراح برنامج 3 بتايا 3 شنغماي 7 فوكيت 3 بانكوك والله تحسفت قد شعر راسي اني خليت لبانكوك 3 ايام المهم وحجزت التذاكر الداخليه من الخطوط التايلانديه يعني ضبطت اموري من السعوديه ورحت للصرح واحجز تذكره الرياض_ابوظبي_بانكوك_ابوظبي_الرياض 2200 قيمه التذكره ورحت السفاره الي بالرياض وقدمت عالفيزا كلها يومين وطلعت الفيزا جهزت نفسي قبل السفره باربع ايام وكل شي فل الفل وتجيني رساله عكرت صفو سعادتي ومافادها تم الكونفيرم على حجزك من فندق الهوليدي ان في شنقماي انا قريتها ولا ماقريتها واروح لموقع عاد انا هادي وماحب ابد المشاكل بس مدري شفيني هاك اليوم واستلم موظف اسيا روم تشتات انا وياه المسكين قلتله هاي ورد قلت وش هالرساله الي راسلينها قال وشو قلت انا حاجز بشنغماي فندق الشيراتون وجاني تاكيد حجز من موقعكم يقول تم التاكيد على الهوليدي ان قال لحظه وارد عليك بعد 5 دقايق قال انت حاجز بالهوليدي ان مو الشيراتون وانا اقوله ياخي انا حاجز الشيراتون المهم انا وياه هو يقول الهوليدي ان وانا اقول الشيراتون واوريه الحجز يوم انه تاكد وقال سوري لحظه ورد علي بعد 30 دقيقه تقريبا قال احنا نعتذر وماكان قصدنا بس تم تغيير اسم الفندق من الشيراتون للهوليديان فقط اسم والسبب ان الهوليدي ان شراء فندق الشيراتون والحمدلله ارتحت بعد مافهمت الاشكال الحاصل المهم بعد هالتشات الي حصل دخت وصكيتها نومه ههههههههههههههههههههه وانتظر يوم السفر على احر من الجمر جاء موعد السفر ومثل ماقال الشاعر الكبير العميره في بداية قصيدته متلهف عالسفر ومافي حلا بداله <<<<<ايييييه صدقت والله رحت المطار الملك خالد وكان وقت الرحله 4 الفجر تقريبا المهم ركبت الطياره ووصلت مطار ابو ظبي وكان معاي ترانزيت ساعه ونص لبانكوك يعني ماراح اطول بالمطار رحت السوق الحره شريت مقاضي واغراض واتجهت للبوابه الخاصه ببانكوك كانت مليانه حيييييييييل اجانب وصعدنا الطياره وكلها 7 ساعات واحنا ببانكوك وصلت بانكوك بالسلامه واتجهت لانهاء اجراءات الدخول وبعد ماخلصت اتجهت لكاونتر شركات التاكسي واعطيهم 2000 بات للذهاب لبتايا والحمد لله ركبت مع واحد جيد مره خلاني ادخن هههههههههههههههه<<<<< ترى اغللب التاكسي ممنوع التدخين للمعلوميه وكلها ساعتين وانا ببتايا ووصلت فندق رويال كليفطبعا وصلت تعباان حدي يعني استلمت الروم وطقيت شور سريع ورحت دايركت المطعم ووقلت للويتر واات يو هاف قام يعدد وانا من جنبها قلت وات از ابيست هههههههه قال اسمها ونسيته بالله الي يعرفها يقول شسمها بس بقولكم المحتويات وانتو قولو وش هي شوريه رز قمبري الاخوان يقولو توم يوم توم مدري كوم بس يقولو شوربه وقمبري لا انا الي كليتها كان فيها رز<<<<<<خلاص فكنا بالله عرفنا ياليل بعد المطعم رحت صكيتها نومه  ماقمت الا 9 الصبح بعد ماصحصحتسويت شور ونزلت اللوبي واروح تحت حصلت وانيت م واركب معه المهم رحت للرويال قاردن الي بجنب الماريوت صوره من داخل الوانيت او البيك اب  لكن نصيحه ياشباب الي بيروح بتايا يسكن بالماريوت فله  جنبك السوق والشارع اوك من عنديوهاذي صوره للمجمع  وافطرت بكنتاكي ورحت ادوووور بالمجمع اذا تعبت ريحت على هالكراسي اشوي رقيت الدور 2 مدري 3 والقى الفله مدينه ترفيه اسمها بليف اور نوت بليف واروح لكاونتر التذاكر واطلب تذكره فل اوبشن لان المدينه فبها اقسام قسم غرف المرايه وبيت الاشباح<<<تجربه حلوه بطعم الخوف ههههههه واكبر الاشياء بالعالم وهاذي صوره له من الداخل  المهم كان فله وتجربه حلوه بس ازعاج اذا دخلت بيت هالاشباح اقل شي تجيك بيتين يتمسكون فيك من الخوف هههههههههههههههههههه وحده بغت تشق فنيلتي من الخوف والثانيه ماسكه يدي ههههههههههههههههه بس والله فله بيت الاشباح بعد هالفرفره بالمجمع قلت بروح فوق واحصل مجمع مطاعم واطلب بيتزا تغديت رحت للفندق وانا رايح الفندق احصل العالم فالينها برا كنهم ايام الاختبارات النهائيه مافيه الا رشرشه مويه واتذكر انه ايششششش مااااسمع وشووووووووووووو صااااااااااااار عييييييييييييييييييييييييد الموووووووووويه كنت تعبان وقلت اروح الفندق اريح وباليل اروح للوالكينق ستريت او شارع جهنم مثل مايحلا للبعض تسميته ريحت وكان الجو حار بابريل لهذا السبب قلت ماجلسلت اناظر فعاليات عيد الماي واجلتها لييوم الي بعده المهم رحيت بالفندق وتروشت هاك الترويشه وجلست اتامل بالشاطى لان غرفتي كانت سيا فيو وهاذي صور للفيو تبع الغرفه المهم حسيت اني طافي وجوعان اتصلت بالمطعم تبع الفندق وقلت ابي عشاء وجابولي العشاء للغرفه تعشي وكليت لي منقا واناناس وحسيت اني نشيط بعدها رحت للوكينق ستريت صراحه فله الاجواءومنتعشه العالم لكن ماش ماتصلح صراحه للعوائل صالات سربتيز على اليمين واليسار وفاتحين الابواب وصجه ازعاج المهم يعني يالله عزوبيه اما عوائل مانصح بتاتا لفيت ورحت يمين ويسار يعني كانت تمشيه هاك الليله مافي شي يذكر او بالاصح استطلاع للولكينق ستريت بعد ماجات الساعه 2 قلت ياولد ارجع الفندق نمت وقمت الصبح استعداد للذهاب لعالم تحت الماء صراحه حلو تشوف كل انواع الاسماك وفله وعالك رايحه وجايه وهاذي صور لها  الساحه الخارجيه  المنظر من الداخل   هذا المطعم الي فوق بعدها قلت ياولد خلني افلها اليوم واعيد مع التايلانديين واروح واشنريلي مسدس مووويه ومره كل شي اوك واعبيه من عند المحل واروح للشارع المقصود طبعا كل الشوراع محتفله بس فيه شارع مزدحم وكان عليه البارات الي عالشارع لكن قلت حشر مع الناس عيد وشوفو صور المعركه  هذا هو المكان المزدحم الي اقصده كل الوضع طبعا بارات والبارات موفره سطول مويه كبيره يعني امش وعب مويه  مسكينه هذي توني بطلب ويمسكها ذا الاسترالي واقعد اضحك عليها مابقا مكان بوجها ماخلا فيه طحين وانقهرت خذت طلبي واشوف معها طشت وتذب علي طشت كله مويه واشوي صاحبتها معاها طحين وتملا وجهي طحين   لاحظو السطل الازرق هذا مليان مويه امش وعب  طبعا جلست بهالمنطقه للمغرب تقريبا وملابسي رطبه قلت ابروح اغير واتروش واريح بالمره جلست بالفندق للساعه 11 وطلعت عالولكينق ستريت لساعه 2 ورجعت انام بالفندق وكان بكره الشك اوت مع انه في اماكن كتير ببتايا مازرتها متل بتايا بارك وبتايا تاور وبعض الاماكن الاخرى لكن لقصر اكتفيت هالاماكن الي زرتها سويت الشيك اوت بعد الفطور وعلى بانكوك لان حجزي على الخطوط التايلنديه ورحت بالليموزين تبع الفنديق واشترطت اني ادخن بالسياره ووصلنا بانكوك وخلصت اجرءات السفر الى شنغماي .ملاحظه عارف اني كثرت عليكم وان التقرير جاي متاخر يعني بعد 5 شهور تقريبا من الرحله لكن مثل ماقلت ماكنت اعرف انزل صور وساعدني الاخ niz niz عالعموم فااااااااااااصل ونواااااااااااااصل الحلقه القادمه: شنقماي بعض الاحداث المثيره لزياده عنصر التشويق ههههههههههه <<<ضحكه شيطانيه 1 احداث وصول العضو دخيلك الى شنغماي 2 العضو دخيلك حصل صديق اجنبي بالمطار ياترى من هذا الصديق ومين اين عرفه 3 الصديق الاجنبي لدخيلك بالمستشفى ؟  4انطباعات دخيلك عن فندق الهوليدي ان |
|
|
|
06-10-2007, 06:01 AM
|
#2 (permalink) |
|
مسافر متميز
تاريخ التسجيل: Feb 2007
الدولة: الرياض - البديعه
رقم العضوية :123391
المشاركات: 377
|
الله يعطيك العافيه اخوي
دخيلك وسجلني من المتابعين معك وبصراحه باين على التقرير من اوله روعه وفيه هبال وصرقعه بس فيه ملاحضه اخوي الصور ماطلع منها الا صورتين بس والباقي ماشفنا شي اتمنى التعديل اخوي وتسلم على العموم لاتوقف منتضر الجديد |
|
|
|
|
06-10-2007, 06:24 AM
|
#4 (permalink) |
|
مسافر متالق
تاريخ التسجيل: Jan 2007
الدولة: المنطقة الغربية / السعودية
رقم العضوية :120730
المشاركات: 997
|
يالله اني دخيلك يالله
وانا ثاني متابع بس الصور كلها ماطلعت غير حقت الاسترالي واللي من الوانيت اسلوبك حلووو .... وصورتك الرمزية الجديدة .... احلا هههههههههه التعديل الأخير تم بواسطة واخاسيدي ; 06-10-2007 الساعة 06:33 AM سبب آخر: بسيط |
|
|
|
|
06-10-2007, 08:05 PM
|
#11 (permalink) | |||||||
|
مسافر متميز
تاريخ التسجيل: Mar 2006
رقم العضوية :64841
المشاركات: 270
|
msms
اقتباس:
بالنسبه للصور طلعت كلها وانشالله الوضع اوك alhwawy اقتباس:
هلا اخوي الله مير يسلمك وصراحه هذا الي انا محتاجه بس تشجيع لاني صراحه تعبت بالموضوع <<<<<<اكثر من 4 ساعات وهو رفع بهالصور هههههههههههه وكتابه تقرير عالعموم تابعني ومشكور عالرد واخاسيدي اقتباس:
مشكور على هيك رد حلو لكن بالنسبه للصور طلعت وخبرني اذا ماطلعت معك اوك انتا ردك الاحلى وعيونك الحلوين يابعدهم المدهر اقتباس:
تامر امر الموضوع شغال عليه هالا فارس الاحلام اقتباس:
بالنسبه لي متعود اروح لحالي لان من من طلعت من الثانوي كل اجازه اروح كندا ولا لندن دراسه لغه شهر ولا شهرين فتعودت لكن ترى فله  خاصه بتايلاند يمديك تتعرف على عرب اجانب وتروح وتجي معاهم وبتلقى ناس لحالهم سوو قروووب وفلوها ترى السفر فله فجر جديد اقتباس:
لا انا صراحه مع السفر بكل الاوضاع لحالك مع اخوياكلان السفر فله ياخوي مع اني اميل معك انه لازم خوي بس ياخي مثلا وش تسوي اذا قلت لااخوياك عن سفره فلان يقولك لا مابي اروح تايلاند والثاني يقول ماعندي ميزانيه والثالت يقول ماعندي رصيد اجازه مالك الا تروح لحالك لكن صدقني لهاااااااا طعم تاني سفير الشرق اقتباس:
 لكن ياليت الاخوان الي ماشاركو يشاركو معنا بالردود ويعطوني ارائهم |
|||||||
|
|
|
|
06-10-2007, 08:57 PM
|
#13 (permalink) | |
|
مسافر متميز
تاريخ التسجيل: Mar 2006
رقم العضوية :64841
المشاركات: 270
|
Abdullah2007
اقتباس:
الان كل الصور طلعت ماقصرو الاخوان والله سوا مشرفين او الاداره <<<<<ازعجهم لين طلعو الصور البرنسيسه بدايه حلو ... وخاصه الماي واللعب فيه روعه ... سجلني من المتابعين يسلموووووووووو برنسيسه وعيد الماي تجربه حلوه والله مافيه الا لعب X لعب بهالمويه يعطيك العافيه وتابعينا |
|
|
|
|
|
«
!_§=½‰§®½‰±«الحي العربي 4/2008 بانكوك»±‰®§‰=½§
|
₪Ξ_‗ـ▫♫‗=¨‾الرحلة الصيفية لتايلاند 2009 ‾¨=‗♫▫ـ‗_Ξ₪
»
| الذين يشاهدون محتوى الموضوع الآن : 2 ( الأعضاء 0 والزوار 2) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 07:18 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||