 |
 |
 |
||
|
|
|
||
 |
|
 |
|
|||||||
| الأرشيف العام لبوابة ماليزيا في هذا القسم تجد مواضيع عامة متنوعة للقراءة عن كوالالمبور، إذ انه يتم أرشفتها بشكل دوري. |
| Tags: bukit ceylon, somerset seri |
|
|
أدوات الموضوع | انواع عرض الموضوع |
11-09-2007, 05:35 PM
|
#1 (permalink) |
|
خبيرة سفر ماليزيا
 تاريخ التسجيل: Aug 2007
الدولة: الرياض << لاتلمني في هواها
رقم العضوية :154153
المشاركات: 3,713
|
** ((شقق فندقيه)) Somerset Seri ..هذي تجربتنا فيه..%%
مسيكم بالخير يالعمال العماليه.. وصبحكم بالخير بالعمال العماليه
 اليوم حبيت احط موضوع عن تجربتنا في شقق فندقيه..سكناها الصيفيه هذي..  وخصيت لها موضوع.. لانها توها جديده.. وقليل جدا اللي يعرفها.. الى درجة انه اكثر سواقين التكاسي انفسهم مايعرفونها  وكنت اتمنى احد يعطيني عنها ل نبذه قبل لا اسكنها.. بس محد يعرفها ولان العوايل دايم مظلومين  كل الصور والتقارير عن الفنادق.. وحنا كأن مالنا رب (ايقونة كرتون كلينكس طايره تفقع جبهتي علشان امسح دموعي واكت خشمي.. واجيب الزبده) الشقق هي  سومرست سيري بوكيت سيلون<<< تحسون قصة حياة ومشوار.. لاحد يقوله الا وهو طاق جزمة الرياضه والترنق الشقق الفندقيه هذي تصنيفها.. (خمس نجوم) وتتبع شركة مشهوره كلكم تعرفونها اسمها (اسكوت) على قولة ولدي (اسكووووت ولاتتكلم) (ايقونة رافعه اصبع على براطمه ومتحمسه وتنافخ وهي تقوله) اباعطيكم نبذه عنها..من رؤيتي انا.. سلبياته وايجابياته.. مع بعض الصور اللي اخذتها من خلال جوالي<< باعلمكم ان عندي جوال بكاميرا يعني  لان الدجتال حقتنا انسرقت بلنكاوي <<كم مره صجيتكم بالسالفه ذي بالله؟ الشقق هذي سلمكم الله...هاديه جدا.. ومعتبرينه اكثر شي للبزنس مان..او اللي عنده دوره بمعهد الاداره العامه فرع كوالا فصايرين بالفطور اغلب الموجودين عالم لابسين بدل ويقرون جرايد وحاطين شاشه سي ان ان.. وانا ماسكه الجريده بينهم باسوي صزيه زيهم..(صح مقلوبه بس اهم شي النيه يعني) بالنسبه للاستقبال..هادي جدا.. وذوق جدا.. ولان الشقق الفندقيه توه ماانعرفت نادر مااشوف احد اصلا جالس باللوبي  وخصوصا البزران اللي يطامرون بالاسانسيرات استقبلونا استقبال حلو ومحترم.. وعطونا 4 بطاقات لفتح الباب.. والزين فيهم ان البطاقه هذي غير انه تفتح باب الشقه,,, تفتح الاسانسير فقط على الدور حقك.. وتفتح الباب الرئيسي للشقق اللي بالشارع... يعني السيكيورتي عندهم توب  محد يدخل اللوبي اصلا الا بهالبطاقه.. لدرجة اني مره متفقه مع وحده تسوي مساج تجيني الشقه.. كلموني السكيورتي.. ووصلوها لمين عندي.. وقالوا اذا خلصت اتصلي علينا نوصلها لمين باب الشارع طولتها وهي قصيره صح؟ بس انا تهمني الاشياء ذي والله المهم الشقه هذي كانت عباره عن صاله مفتوحه على مطبخ فيه طاولة اكل.. وغرفتين نوم.. الرئيسية داخلها حمامها.. وحقت الاطفال جنبها حمامها.. الحين باوريكم الصور اللي صورته ..  هذي سلمكم الله الصاله... فيها تلفزيون كبير بالصراحه.. وقنواتها حلوه.. وفيه ديفيدي بلير بعد.. وتراه ميب بنتي بتاتا البته اللي بالعربيه ومشخبطه عليه على جنب <<تراه فيه اختراع اسمه فوتو شوب ياخاله بس لاحظوا مسويه لكم بزعمي تنسيق..مشخبطه بالبرتقالي.. صح موب لم نفس درجة الصاله.. بس اهم شي الاخلاق وحب الوطن  هذي غرفة النوم الرئيسيه.. وفيها تلفزيون بعد.. وسيفتي بوكس.. وميزان وعلاقات غير الدولاب الرئيسي.. وسلة خوص كبيره للغسيل.. 8 8 الرجال بيستسخفون هالوصف.. بس الحريم بيقدرونه غرفة الاولاد زيها تقريبا بس طبعا سريرين منفصلات.. ومافيها تلفزيون  [IMG]  [/IMG]هذا الحمام تكرمون.. حق الغرفه الرئيسيه.. طبعا ماقدرت ارفع الصوره شوي علشان ماتشوفونني بس ابي اوريكم انه بانيو على اليمين,, ودش على اليسار حمام العيال نفس الشكل بس مافيه الا دش  هذي سلمكم الله منطقة المطبخ اللي مفتوحه على الصاله.. فيها غساله ونشافه اتوماتيك<<<=== يوم شفتها خميتها وخنقتن العبره ومن الفرحه بغيت احط مخده طول الاسبوع وانام جنبها.. ومن الفسق صرت لو بنطلون واحد بس يتوسخ اشغل الغساله عليه وفيه بالمطبخ مثل ماتشوفون مايكرويف.. وفيه عصاره كهربائيه.. وخلاط كهربائي.. وتوستر.. ومواعين جددددديده... وكل ماتحتاجون لو تبون تطبخون.. انا عني بالصراحه مااحب اطبخ اذا سافرنا.. نبي ناخذ بريك .. <<اللي يسمعتس يقول اصلا تطبخين هنا خطمه عرض.. فيه على الطاوله كيس بقاله في نفس العماره.. اسمها (kiosk) مشهوره طبعا.. زي سفن الفن.. والله فكت لنا زنقات.. وامان جدا الحمدلله.. لدرجة ولدي يروح يشتري والسكيورتي اللي عند الباب واقف له ينتبه له<<== وش تبون دلع اكثر من كذا..  هنا الدور الرابع.. منطقة الافطار.. والمسبح.. طبعا انا قاعده على الطرف ومخليه العالم كلهم وراي وماقدرت اصور.. لان الناس شويين ويبي ينتبهون لي ..احس شكلي مالي داعي بتاتا البته.. بس حبيت اوريكم الجو العام لو بتجلسون على طرف منطقة الافطار<<عسى ماتكلفتي فيه مراجيح للاطفال.. وسونا وصاله العاب رياضيه وبالحقيقه افطارهم موب ذاك الزود..تعبيرة حال.. معجنات فرنسيه وبيض وعصيرات وزبده ومربى واله كباتشينو وسيريلات وجح وجراوه فقط.. يعني ماتحسه بوفيه فندق... ودلع...تحس قاعد تفطر ببيتك بالنسبه للموقع..  هو صاير بين استانا.. وراديوس بالضبط.. يعني المسافه اللي تمشونها من راديوس الى شارع العرب هي نفس المسافه اللي نمشيها حنا ياسكان سومرست.. ماتحتاج سياره ولا يحزنون.. 5 دقايق وانت واصل على رجليك.. وتعرفون اصلا كوالا كل الدعوى مشي بمشي.. والطريق امان..الى درجة اني امشي بلحالي مرات انا وبنتي.. والا انا وولدي.. الساعه 12 بالليل جايين من بوكيت بنتانغ الى سومرست.. سعرها..سويت عضويه بالاسكوت... وارسلت لهم اني ابغى اسبوع وسوا لي خصم طلعت الشقه ب402 رينقيت تقريبا..  بينما الناس اللي حاجزين باليوم.. ومن مكاتب سياحيه تطلع عليهم من 580-990 سلبياته.. **افطاره مافيه خيارات ابد بالصراحه..  **ماعطونا سرير بيبي قالوا كلها ماخوذه.. بس سويت على هالشي (شكوى) لاني حاجزه قبلها ب3 اشهر.. ** عدد المفارش الاضافيه اللي عطونا ماكانت راهيه بالصراحه..على عكس الفنادق الباقيه **موقعه للي مايحب يمشي يبعد عن شارع العرب 5 دقايق.. ** داخل منطقه سكنيه واقع.. ايجابياته.. **جديد وكل اثاثه نظيف مره.. **انفسهم طيبه مره.. **معاملتهم راقيه.. **غسالتهم الاتوماتيك **الامان العالي.. **شقتنا كانت الصاله فيها نشوف به البرجين.. وغرفتنا نشوف به مناره.. **هاديه مررررره ارجو انكم استفدتوا من تجربتنا.. واعتقد ان الشقق ممتازه جدا للعوايل.. ولو اروح كوالا مره ثانيه راح نسكن فيها ان شاء الله كان معكم.. مراسلتكم م م ذ ب س.. (الرياض) |
|
|
12-09-2007, 12:24 AM
|
#6 (permalink) |
 تاريخ التسجيل: Jul 2005
الدولة: قـطـرالعــز/الريـان
رقم العضوية :33514
المشاركات: 5,385
|
مرحبا
الله يبيض وجهك يامسافره فعلاً باين من الصور ان الشقق ممتازه والسعر ايضاً يعتبر ممتاز وانتي فتحتي باب جديد عن الشقق بكوالا الصور ممتازه وان كنت اتمنى المنظر الخارجي من الشباك تعرفين طماعين بارك الله فيك وفالك طيب |
|
|
|
12-09-2007, 12:27 PM
|
#8 (permalink) | |
|
خبيرة سفر ماليزيا
تاريخ التسجيل: Aug 2007
الدولة: الرياض << لاتلمني في هواها
رقم العضوية :154153
المشاركات: 3,713
|
اقتباس:
يعطيك العافيه ابو عمر |
|
|
|
|
12-09-2007, 12:45 PM
|
#9 (permalink) | |
|
خبيرة سفر ماليزيا
تاريخ التسجيل: Aug 2007
الدولة: الرياض << لاتلمني في هواها
رقم العضوية :154153
المشاركات: 3,713
|
اقتباس:
تسلمين على هالرد الحلو.. وترا ياويلتس كان ماوديتي عيالتس المره الجايه المره ذي قلنا اول مره ميخالف منيب قايله شي (سماح)<<سماح والا عواطف اهه اهه<<بلا استظراف تكفين تشكرات اكثر على الرد الحلو ياحلو انتا ياحلو<<مشروع مغازلجي فاشل |
|
|
|
|
12-09-2007, 12:48 PM
|
#11 (permalink) | |
|
خبيرة سفر ماليزيا
تاريخ التسجيل: Aug 2007
الدولة: الرياض << لاتلمني في هواها
رقم العضوية :154153
المشاركات: 3,713
|
اقتباس:
بس على اساس بوفيه فندقي.. وتاليتها مافيه الا صنف واحد رئيسي؟ قويه والا؟ تحياتي |
|
|
|
|
12-09-2007, 01:05 PM
|
#12 (permalink) | |
|
خبيرة سفر ماليزيا
تاريخ التسجيل: Aug 2007
الدولة: الرياض << لاتلمني في هواها
رقم العضوية :154153
المشاركات: 3,713
|
اقتباس:
<<تمد لتس علم .. خلنغني سوا.. ((سااااارعي للمجد والعلياااااء طم طررررم طم طررررم) <<اكتشفت انه علم زمبابوي معليش تسلمين والله على هالتشيجع الحلو منك |
|
|
|
|
12-09-2007, 01:10 PM
|
#13 (permalink) | |
|
خبيرة سفر ماليزيا
تاريخ التسجيل: Aug 2007
الدولة: الرياض << لاتلمني في هواها
رقم العضوية :154153
المشاركات: 3,713
|
اقتباس:
ياخي ممكن اصور معك واشخص كذا على بنات عمي  تسلم والله على ردك.. ماقصرت رفعت من معنوياتي سلامي وتحياتي لكم وللمدام<< خلاص بزعمي صرت صديقه العايله مدري وشلون |
|
|
|
|
12-09-2007, 01:13 PM
|
#14 (permalink) | |
|
خبيرة سفر ماليزيا
تاريخ التسجيل: Aug 2007
الدولة: الرياض << لاتلمني في هواها
رقم العضوية :154153
المشاركات: 3,713
|
اقتباس:
وترا ممنوع النقاب واللثام في مواضيعنا لاسباب امنيه.. |
|
|
|
|
12-09-2007, 01:19 PM
|
#15 (permalink) | |
|
خبيرة سفر ماليزيا
تاريخ التسجيل: Aug 2007
الدولة: الرياض << لاتلمني في هواها
رقم العضوية :154153
المشاركات: 3,713
|
اقتباس:
هلا بزازاز ال مختب.. امي تسلم عليك وتقول وراه قاطع.. وترانا بنرسل لكم تمر توه جاينا.. وتراهم يبون قطة استراحه العيد لاتنسى ترسلها<<هنا مربط الفرس (ماكني مسكت خط شوي)؟ بالنسبه للكاميرا والله كنت مصوره اشياء غريبه ومضحكه.. بس الشكوى لله مالنا نصيب.. تحياتي لك.. وتشكراتي |
|
|
|
«
تبي تدور كوالالمبور بالباص (22 محطه سياحيه) بتذكره وحده؟
|
المسافات بين كوالالمبور وبينانج و باقي المدن
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 01:11 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||