 |
 |
 |
||
|
|
|
||
 |
|
 |
|
|||||||
| دول أوروبـــــــــــــــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى سويسرا. |
 |
|
|
أدوات الموضوع | انواع عرض الموضوع |
|
|
10-09-2007, 11:49 AM
|
#1 (permalink) |
|
الـمـديـر الـــعــام
تاريخ التسجيل: Mar 2003
الدولة: هنا...
رقم العضوية :1
المشاركات: 8,324
|
بصراحة تنسيق وترتيب رائع ....وموضوعك اعجبني كثير
لانه الاسلوب جاي على الاحداث الى مرت وسالفة العنكبوت اعجبتني كثير  اختى ....Hambka Q8 اشكرك على التقرير وتسجيل متابعه واسمحي لي قمت بتعديل التوقيع الخاص بك حتى يظهر بشكل اجمل وتسجيل متابعه دمتي بخير |
|
|
|
11-09-2007, 05:07 AM
|
#3 (permalink) | ||||
 
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,998
|
 Pink GirL Q8 اقتباس:
 عبدالعزيز اقتباس:
 تسلم والله من ذوقكـ التوقيع توقيعك  زرجل اقتباس:
اي نعم مع قروب سياحي حجزنا من سفريات السيد (عندهم رحلات جماعيه) في اكثر من سفريات زينه بالرحلات الجماعيه بس الافضل: (سفريات السيد + سفريات فضاء + سفريات سماء + سفريات الرابية) كلفنا 755 دينار للشخص شامله المواصلات (تذاكر الطياره + الباص من مدينه الى مدينه) و الاقامه ! انصحك فيها و طبعا لها ايجابيات و سلبيات..  السلبيات:  ساعات الفندق يكون بعيد + بعض المرات القائد ما يعرف شي و غشيم بس هالمره فنادقنا 10/10 و القائد ماشاء الله عليه وايد زين الايجابيات: تفتك من اجراءات الفنادق و بسرعه تاخذ الغرفه تفتك من تأكيد حز الطيران تتعرف على ناس و يكونون ربعك على طول.. احنا مثلا بسنة 96 كنا مسافرين مع قروب و تعرفنا على ناس ليلحين وياهم و سافرنا وياهم هالسفره ان شاء الله جاوبت على استفساراتك عدل مدل أحلى كيميائية اقتباس:
بالنسبه للسعر احنا كنا قروب (رحله جماعيه) السعر للشخص 755 دينار شامله المواصلات (تذاكر الطياره + الباص من مدينه الى مدينه) و الاقامه ! |
||||
|
|
|
|
11-09-2007, 05:31 AM
|
#4 (permalink) |
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,998
|
 الأحد الموافق : 19-8-2007 ____________________ رحله الى يوربا بارك + مدينة فرايبورج الألمانيه    يوربا بارك وايد حلوة اعجبتني .. قالوا لنا انها بتكون زحمه وايد الالعاب ملوت الاطفال و الالعاب اللي ما تخرع الدور فيها ياخذ 10 دقايق الى 15 دقيقه او اقل اما الالعاب اللي تخرع مثل قطار الموت تاخذ 30 دقيقه الى 45 دقيقه مو اكثر  انا ركبت 5 العاب    بالنسبه لدزني كأني لعبت وايد لان بدزني بس لعبت ثنتين و كل لعبة قعدت فيها ساعه عورتني ريلي من الوقفه ;p قعدنا فيها 4 ساعات  ---------------------------------------------------------------------------  و بعدها مشينا و رحنا مدينه فرايبورج وايد اعجبتنا و سوقها وايد حلو مع انه مسكر =)  تمنينا انجي لها بيوم غير الاحد ان شاء الله مره ثانيه السنة القادمه  و انصحكم تروحون لها لما صارت الساعه 8 رحنا للبحيره اللي في المنطقة وايد حلوة و ذكرتني ابـ بحيرة ديفون بعدها رجعنا الفندق سوينا شنطنا استعداد للسفر لـ جنيف و هم رحنا منطقة السوق انودع المدبنه  |
|
|
|
|
11-09-2007, 05:45 AM
|
#7 (permalink) |
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,998
|
خلصت بارت twO
و بعد شوي احط لكم بارت THree (جنيف) -------------------------------------------------------------- اليازي اي والله خوش راي انج تنامين فيها.. لان احنا ما خلصناها من كُبرها |
|
|
|
|
11-09-2007, 11:19 PM
|
#10 (permalink) | ||
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,998
|
البكور
اقتباس:
والله مافصلت عشان ماكو تفاصيل.. لان ما قعدنا فيها وايد يمكن 4 ساعات او اقل ! اسمنا رحنا رحله حق انترلاكن و استمتعنا بالطبيعه ! LOL ;p ----------------------------------------------------------------------------- سنكــرز اقتباس:
|
||
|
|
|
|
13-09-2007, 12:04 AM
|
#12 (permalink) |
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,998
|
الاثنين الموافق : 20-8-2007 _____________________ صحينا الصبح تفطرنا اخذنا شنطنا و عالساعه 12 رحنا لجنيف المده 3 ساعات الى 3 ساعات و نص مع التوقف لربع ساعه تكرمون للحمام =\ وصلنا جنيف فنندقنا كا فندق نوفوتيل جنيف سنتر طبعا انا قارية في هالمنتدى انه موقع الفندق مو زين بسبب وجود ...  بس الصراحه الفندق عجبني غرفه وايد كبار و السرير كبير و جدا راقيه الغرفه الا ان الحمام مادري شلون صاير ماعجبني طريقته مثل طريقة حمام فندق مريديان باريس الحمام منفصل  صور من الفندق   و لا الفندق اوكي بس هذا الشي الوحيد اللي يعيبه بالنسبه للاشكال اللي قريت عنهم انا الصراحه و الحمدلله ما شفتهم يمكن عشان ما صادفنا يوم ويكند او يمكن احنا ندخل بالشارع اللي ما يوقفون فيه عالساعه 7 رحنا مطعم "الروشه" اللبناني جنب فندق الوارويك يعني اب شارع لوزان و مقابل محطة القطار.. كلينا فلافل و شورما دجاج.. حدها يمي الشورما انصحكم فيها.. و احنا قاعدين احصلت لنا مواقف طريفة و ظريفه لوول احدها..: " كان في كلب كبير مهدود مو مربوط و الجو كان برررد شكله قاعد يدور عالدفا لوول فـ ياه صوب امي و رفيجتها و اندعس بينهم لوووووووووووووووووووووووووول و اهما حسبالهم حرامي فكل وحده امسكت جنطتها حييييل لوول حدنا متنا عليهم من الضحك لما دروا انه كلب اقعدوا عدل لووول و يقولون له كش كش جان يصفر له صاحبه و يذلف عن ويهنا "بعد ما خلصنا اكل جان نروح البحيره و كان توه نهار ما غربت الشمس.. فقعدنا صورنا..  مع انه عندنا نفس هالصور و مصورين عند نفس المنظر لووول و بعدها تمشينا عالبحيره لما تيمدنا من البرد الجو برررررررررررررررررد " صقعه " حدنا متنا من البرد رحنا قعدنا اب قهوة شويه و بعددها رجعنا الفندق و نمنا |
|
|
|
|
13-09-2007, 12:14 AM
|
#13 (permalink) |
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,998
|
الثلاثاء الموافق : 21-8-2007 _____________________ رحنا السوق و تسوقنا و تغدينا في المطعم الايطالي "مورينو" المقابل لمحل جلوبس قعدنا بره و اذونا الحمام حسبي الله على بليسهم لول ماعرفت استمتع بالاكل   و ماشاء الله مطرّت علينا و صار برررررد الجو  و بعدها رحنا شربنا شاي فالقهوة اللي جنب المطعم و بعدها رجعنا الفندق   عاد ما قلتلكم اشكثر في قنوات عربية بهاالفندق كل القنوات العربيه تقريبا شي حلو الصراحه بليل ايضا رحنا البحيره تمشينا و تعشينا ماكدونالدز و اكلنا ايسكريم و رجعنا الفندق |
|
|
|
|
14-09-2007, 02:01 AM
|
#14 (permalink) |
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,998
|
الاربعا الموافق : 22-8-2007 ____________________ رحنا الى منطقة مونتانا الجبليه كنا على موعد مع خالي العزيز و عايلته اهناك لانهم ساكنين في شقه بـ مونتانا فرحنا لهم الطريق تقريبا 3 ساعات مع التوقف لاكثر من نص ساعه في استراحه كأنها مجمع تجاري صغيرونو  وايد حلوة بعد مونترو هالاستراحه بس مادري شسم المنطقه استانسنا فيها وصلنا لـ مونتانا [SIZE="4"]و جلسنا مع الخال و تمشينا في ارجاء [/SIZE]مونتانا << أهم شي أرجاء اشرايكم بس الجو جدا بارد "صقعنا" من البرد كانت درجه الحراره 13 تمشينا و لعبنا بولنج مع بنات خالي  ( مونتانا كان كلها كويتيين  كويتية 90% و الـ 10% الثانية سعوديين و اماراتيين )  تغدينا في مطعم ايطالي اسمه Gerper << يمكن غلط الspeling و بعدين حلينا في مطعم كريب  و بعدها رجعنا لشقه الخال و ودعناهم و لا كانت الساعه 8.30 المغرب و رجعنا لجنيف..  السايق كان مصري و كان خفيف دم لول بس عنده الجنسيه السويسريه و احنا بطريج الرده لما دشينا جنيف الشارع كان يلمع و يبرق.. فريّل خالتي قاله : ليش الشارع جذي جان يقوله : أصل الشارع ده فيه ترتر.. بتاع سهره !! LOL مت عليه من الضحك !! وصلنا الفندق و ودعنا الريّال.. و رحنا في سبات عميق |
|
|
|
|
14-09-2007, 02:18 AM
|
#15 (permalink) |
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,998
|
الخميس الموافق : 23-8-2007 _______________________ آخر يوم في جنيف ايضا تسوقنا في السوق نفسه و بعدها تغدينا في مجمع كونفيدنشال مطعم عالسطح اسمه LIPP  طلبت الوالده كسكسي تونسي و انا طلبت طاجين مغربي و خواتي ريزيتو بالمشروم الصراحه المطعم ما عجبني وايد بس خدمته ممتازة بعدها كملنا تسوقنا في Coop لشراء الكاكاوات الصوغه (على فكره في محل اسمه Mercure يبيع شوكلاته بعض الانواع اللي عنده موجودين ابـ Coop و ابـ Coop ارخص )و بعدين رجعنا الفندق غيرنا ملابسنا  و كان لنا موعد مع صديقة امي في مقهى فندق البرزدنت جلسنا تقهوينا وياها و بعدين رحنا البحيره و قعدنا ايضا بقهوة ثانيه عالبحيره تعشينا فيها و بعدها وصلنا رفيجة الوالده حق البرزدنت عشان سايقها ينطرها اهناك  و احنا رجعنا الفندق جلسنا انزهب شنطنا استعداد للسفر لـ زيورخ |
|
|
|
|
«
..█-█ فنــــــــــInterlakenـــــــادق ..█-█
|
تقرير اجتماع اعضاء العرب المسافرون بانترلاكن ، وكرنفال انترلاكن 1-8-2007
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 08:36 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||