 |
 |
 |
||
|
|
|
||
 |
|
 |
|
|||||||
| دول أوروبـــــــــــــــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى سويسرا. |
 |
|
|
أدوات الموضوع | انواع عرض الموضوع |
|
|
08-09-2007, 03:17 AM
|
#1 (permalink) |
 
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,987
|
الثلاثاء الموافق : 14-8-2007
____________________ "" يوم للتسوق في عاصمة الموضه و النور.. ""    رحنا جاليريا لافاييت من الساعه 12 لغاية الساعه 7 و بعدها رحنا الشانز و ألتقينا بناس أهلنا بحرينيين  و جلسنا وياهم شربنا شاي و تعشينا و استانسنا و  بعدها وصلناهم فندقهم كونكورد لافاييت و احنا رحنا فندقنا  الاربعاء الموافق : 15-8-2007 _____________________ المفروض يكون ايضا يوم للتسوق الجزء الثاني في جاليريا لافييت بس حسافه راح علينا اليوم قالوا لنا انه اليوم عطله "عيد مريم العذراء" اخذنا تاكسي و قلناله يودينا للحي اللاتيني "Cartler Latin" ماعجبنا وايد نطرنا تكسي بس ما جاه و لا تكسي فقلنا نركب المترو نوفر وقت اخذنا المترو و نزلنا في محطه جورج الخامس تسوقنا قليلا في الشانز و بعدها تغدينا في مطعم "بيزا روما"   و بعد الغدا عالساعه 5 الصراحه انا ماقدرت اكمل و قررت ارجع الفندق من التعب قبل لا نرجع و لا حاطين هالسياره و لا اثاريها سيارة ألفيس بريسلي   رجعنا انا و اختي الفندق و قعدت اسنع شنطتي استعداد للسفر بكرا الصبح لـ مدينة بازل السويسريه  في الليل رحنا الشانز و جلسنا في مقهى "فوكيت" و بعدها رحنا تعشينا في مطعم كويك  اتمنى اييبون هالمطعم عندنا لول وايد لذيذ لوووووووول رجعنا الفندق عالساعه 1 و نمنا عشان الصبح ورانا قعده للسفر لمدينة بازل |
|
|
شكلي انا الي خربت عليك حلوه احم انا بنت لووووول|
06-09-2007, 01:33 AM
|
#5 (permalink) |
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,987
|
يوم الجمعه 10-8-2007 _________________ وصلنا باريس الساعه 8 توقيت باريس الساعه 9 و ثلث تقريبا خلصنا من الاجراءات و اخذنا شنطنا و رحنا الباص تحركنا تقريبا عالساعه 10 وصلنا الفندق اللي اهوا "مريديان ايتوال" لوبي الفندق حلو و خدمتهم و سرعه الـ check in زينه و الحمدلله اخذنا غرفنا و صعدنا فوق الغرفه كانت وايد بعيده عن المصعد يبيلها مشي سنه ابـ ساعه لول دخلنا الغرفه انصدمنا من الحمام تكرمون الشاور و المغسله منفصلين عن الحمام  مادري شالحكمه !!!! اي شيلوا الطوفه احسن و اوفر لكم لوول  رضينا بالأمر الواقع نمنا هالليله بالفندق وماكان لنا شده نروح الشانزلزيه  |
|
|
|
|
06-09-2007, 07:24 PM
|
#10 (permalink) |
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,987
|
السبت الموافق : 11-8-2007 _______________________ الصبح قمنا و تفطرنا و طلعنا اخذنا تكسي قلناله يودينا شارع جورج الخامس حبينا نشوف الشانزليزيه الصبح  على كثر روحاتي لـ باريس بس ولا مره رحنا الشانز الصبح  مشينا لي اخر الشارع وصلنا عند النهر و لا نشوف هالتمثال  عاد اللي اعرفه انه هالتمثال تحته نفق "ألما" اللي توفت فيه الأميرة ديانا ولا حاطين ورد  و ناس كاتبين ذكرى بكل لغات العالم  حتى شفت ذكرى من احد الاشخاص القطريين و ذكرى ثانية عربية بس مادري من وين   صورنا عند النهر و من ورانا برج ايفيل   بعد ما صورنا رجعنا بنفس الشارعالى الشانز حبينا ناخذ الباص التور نطرنا نص ساعه يالله وصلنا باص فيه اماكن فوق الجو كان دافي بس مع الهوا صار بررررد  كان حلو هالباص استانسنا فيه بس ملينا لان طولّ  ماحسبت الوقت للاسف الي استغرقه الباص في الدواااره  نزلنا من الباص و تمشينا بالشانز  بعدها رحنا تغدينا في مطعم بيزا بينو Pizza Pino  وايد لذيذ ذوقوا الرافيولي مالتهم ^^    خلصنا اكل ردينا تمشينا بالشانز مره ثانيه  و بعدها اخذنا تكسي و رجعنا الفندق  ارتحنا شويه الساعه 9 بغينا نطلع نروح انتمشى بالشانز بس مارحنا قعدنا باللوبي و بعدها صعدنا فوق نمنا  |
|
|
|
|
07-09-2007, 10:23 PM
|
#11 (permalink) |
|
تاريخ التسجيل: Mar 2006
الدولة: حفظ الله الكويت و اهلها من كل مكروه !
رقم العضوية :66171
المشاركات: 2,987
|
الاحد الموافق : 12-8-2007 _____________________ فاغلب الاسواق صاكه و ماحبينا نروح قصر فرساي او برج ايفيل او اللوفر.. لان رحنالهم من قبل و شفناهم فسألنا الكونسيرج مال الفندق و قالنا انه فال دي يوروب السوق الوحيد اللي فاتح Val d'Europ - La Vallee Vilage قلنا امرنا لله صج انه مو ذاك الزود و ما ستاهل العنوة بس احسن من القعده بالفندق طلعنا عالساعه 11.30 من الفندق و رحنا لمحطه الاندر قراوند اللي عند قوس النصر محطه شارل ديجول ايتوال قصينا تذاكرنا الشخص ابـ 5.40 يورو (روحه بس) المفروض ناخذ روحه و رده بس مالت القطار ما تفهم انجليزي و انا قايلتلها روحه و رده و تقولي انه فهمت اوكي و بالاخير عطتنا بس روحه و اكتشنا هالشي و احنا بنرد لول  المهم وصلنا القرية  عاد يبيلها مشي 20 دقيقه بس لقينا القرية اللي فيها الماركات مفتوحه المجمع اللي يمها اللي فيها المحلات العاديه (مثل H&M , Gap ) يصك يوم الاحد تسوقنا و تمشينا و استانسنا   بعدما تمشينا و لفينا القرية كلها محل محل رحنا تغدينا في مطعم حبيب الكل لول ماكدونالدز خلصنا و كلينا و الحمدلله و شربنا الشاي و صحصحنا اخذ شلايلنا و قشنا و رحنا المحطه طبعا هم مشي 20 دقيقه و احنا نمشي جان يهب علينا ذاك الهوا اللي طيرنا  صار صقعه  لبسنا جاكيتاتنا و كملنا المشي  جان اتيينا ذيك السحابه السوده اللي تنذر بمطر سيل قوي << اهم شي تنذر  و يانا ذاك المطر انا الوحيده اللي كانت معاي الشمسيه لول   بس ما انفعتني وايد لانها ام دينار بسرعه اختربت مع الهوا لول تبللنا و تبهدلنا الله لا يوريكم اشكالنا  جوتيي تكرمون صار كله ماي ماقدر امشي فيه بنت رفيجة امي افصخت الجوتي و اقعدت تمشي حافيه طلعت بلوزه شاريتها حق رفيجتها هديه صوغه و البستها لووووول عن المطر صرنا بإختصار  طاش ما طاش انخشينا عن المطر 10 دقايق لغاية ماخف و طلعنا نركض لغاية ما وصلنا المحطه و احنا ميتيين من الضحك على اشكالنا الكسيفه لول اللي معاها جيس من ورق انشق و انا جيسي بعد مع انه من الورق المقوى انشق من الماي زين ما طاح جوتتي الجديد   وصلنا المحطه حطينا تذاكرنا و لا ما تشغل جان نتذكر انه هذيج مالت القطار معطيتنا حق روحه بدون رده و قصينا لنا تذكره و رجعنا باريس و الحمدلله بدلنا و غسلنا عالساعه 9 نزلنا اللوبي كنا ناويين نروح الشانز بس من التعب مالنا خلق قعدنا باللوبي سوالف و ضحك رجعنا نمنا   ( كانت رحله لا تُنسى بسبة المطر و لان اول مره نركب مترو بروحنا كـ حريم بدون لا يكون ويانا اي ريال  ) |
|
|
|
|
«
..█-█ فنــــــــــInterlakenـــــــادق ..█-█
|
تقرير اجتماع اعضاء العرب المسافرون بانترلاكن ، وكرنفال انترلاكن 1-8-2007
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 05:20 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||