 |
 |
 |
||
|
|
|
||
 |
|
 |
|
|||||||
| بوابة السفر الى بلجيكا-هولندا-التشيك والدول الأوروبية في هذا المنتدى يتم تزويد المستخدم بالتقارير المصورة الخاصة بالدول الأوروبية الاخرى . |
| Tags: التشيك, czech, czech republic, karlovy vary, كارلوفي فاري |
 |
|
|
أدوات الموضوع | انواع عرض الموضوع |
|
|
05-09-2007, 12:21 AM
|
#1 (permalink) |
|
مسافرجديد
تاريخ التسجيل: Sep 2007
الدولة: Kuwait
رقم العضوية :155239
المشاركات: 21
|
سفرتي للتشيك 2007 بالصور (كارلوفي فاري)
السلام عليكم ..
بالبداية حبيت اقولكم ان سفرتي للتشيك كانت من آخر شهر سبعه الى آخر شهر ثمانيه تقريبا.. يعني شهر كامل.. كانت عن طريق الخطوط التشيكيه (اول مره نجربها لكنها ممتازه وخدمتهم ايضا ممتازه) وسبب اختيارنا لها انها دايركت الى براغ لان الوالد مايفضل الترانزيت.. اذن الرحله كانت من الكويت الى براغ، ومن براغ الى منطقة كارلوفي فاري وهي اللي استقرينا فيها مدة الشهر (والطريج من العاصمه براغ الى كارلوفي فاري تقريبا ساعة ونصف - ساعتين) .. ومن كارلوفي فاري كنا نطلع لمناطق قريبه اخرى نقضي فيها نهار كامل كرحلات..... ** ملاحظه حبيت اذكرها قبل لا ابدأ بالصور.. سفرتنا قررنا انها لمدة شهر لان كنا ناوين نقضي الشهر بين 3 دول: 1. التشيك (كارلوفي فاري) / 2. المانيا (قارمش) / 3. النمسا (زلمسي ومناطق اخرى) طبعا كلها مناطق ريفيه لان هذا المفضل بالنسبه لنا مانبي سوق وهالشغلات... سمعنا ان التشيك انضمت للاتحاد الاوربي وظنينا ان حتى الفيزا وانها اصبحت من الشنغن حاليا، لكن لما وصلنا اهناك عرف الوالد ان هالشي بعده ماصار ولما شبكت من هناك دخلت على المنتدى اهني ادور اماكن زياده نشوفها في هالشهر بالتشيك وعرفت من موضوع لاحد الاخوه عن التشيك انها تنضم رسميا في نهاية هالسنه بتاريخ 31-12-2007 قدر الله وماشاء فعل .. ان شالله السنه اليايه.. عموماً كانت رحله حلوه وممتعه والجو جميل جداً براد ومطر مشالله ** الصور **  اول ما وصلنا التشيك .. اثناء هبوط الطائرة لان التصوير احد هواياتي.. فـ كنت اتسلى بالسياره في طريجنا من براغ العاصمه الى كارلوفي فاري وكانت هذه الصور .....     بعد ما وصلنا كارلوفي فاري Kalrovy Vary... اخذت هذه الصوره من عند النهر .. مكاني تحديداً بجانب فندق قرطبه والسطره اللي يمه، وقرطبه اهو الفندق اللي قعدنا فيه نظامه شقق فندقيه.. وهو افضل لنا لان احنا عايله كامله رايحين.. وشقتنا غرفتين وصاله وحمام وانتو بكرامه وجزء صغير من الصاله فيه تجهيزات المطبخ  منظر من دريشة الصاله مالتنا...   نفس المنظر ليلاً...  ثاني يوم نزلنا نتمشى يم النهر.... واحد من هذولي المباني فندق قرطبه  صور من عند النهر...    صوره بجانب المصح lazne v وهو المبنى الابيض اللي بآخر الصوره... الحلو والممتع بالموضوع، ان التاريخ باخواض الورد كل يوم يتغير للتاريخ اليديد لكن المؤسف اني ماكنت متواجده هناك بالتاريخ الجميل 7-7-2007 علشان اصور نفس هالصوره مع الرقم الذهبي   منظر جميل كنت اشوفه يومياً من دريشة الفندق، وهذه صوره له بيوم ممطر......  صوره اخرى ايضا من الدريشة.. من جانب آخر..  هذا فندق الترمال Thermal وهو مقابلنا بالضبط.. فندق كبير ونظامه غرف .. وكنا ندور فيه، لكن للاسف ماحصلنا ومشالله كان اغلبه كويتيين ومسوين دوانيه يوميا باللوبي بعد الساعه 6 LOL  جربنا بعض الجلسات بالمصح اللي صورته فوق، وكانو قايلين لنا عن الماي من النبع عندهم وانه مفيد للعظام وشغلات جذي، لكن اتوقع لازم كمية معينة مو اكثر فـ هاذي الصور كانت واحنا رايحين نتمشى ونشرب من الماي .....   احد ينابيع الماي....  في اغلب المباني بالشكل القديم- التقليدي عندهم توجد ينابيع الماي  من داخل المبنى نفسه.. اخترت زاويه مميزه للصوره ...  نبع آخر..  المبنى هذا ايضا فيه نبع ماي...   نبع آخر من مبنى آخر ..  النافوره بنفس المبنى، ومن الماي ايضا.. وتلاحظون ان الماي ساخن  الصور وايد لكني بوقف اهني.. وان شالله اكمل وقت اخر ... لكن اتمنى ان ارى ردود مشجعه والله يعطيكم العافيه وحبيت اشكركم لاني عرفت وايد شغلات من المنتدى اهني عن التشيك وفادتني شخصياً بسفرتنا |
|
|
|
05-09-2007, 09:27 AM
|
#2 (permalink) |
|
مسافر متالق
تاريخ التسجيل: May 2006
الدولة: الغالية الكويت
رقم العضوية :77312
المشاركات: 805
|
رائع رائع أخي Nescafe
ماشاء الله عليك بدايه قويه وصور مميزه فعلاً والله ذكرتني في الأيام الحلوه في هذه المدينة الجميله والمميزه بالفعل واصل أخي الكريم وسجلني من المتابعين لهذا التقرير المميز  مع تحياتي |
|
|
|
|
06-09-2007, 03:10 AM
|
#4 (permalink) |
|
مشرف سابق
تاريخ التسجيل: Mar 2005
الدولة: Paris Najd
رقم العضوية :18968
المشاركات: 2,077
|
اهلييييييييين وسهلييييين
ياهلا وغلا بدت تقارير التشيك اولا الحمدلله على السلامة ثانيا انت حطيت صورة وقسم بالله انك شلتني من مكاني وحسيت بنفس الجو هناك وانا قاعد بالحر هنا لكن 30 يوم بكارلوفي فاري يعني نبي نشوف شي وشويات سجلني ثاني متابع هالصورة ذبحتني وانا اخوك الحين كبتشينو راح بولندا ونسكافي راح التشيك القهاوي كلها باوربا هالصيف الله يسعدكم في انتظار المزيد |
|
|
|
|
06-09-2007, 05:02 PM
|
#8 (permalink) |
|
مسافرجديد
تاريخ التسجيل: Sep 2007
الدولة: Kuwait
رقم العضوية :155239
المشاركات: 21
|
smart82
سيفين ونخلة il Bambini الله يسلمكم ويعافيكم .. اشكركم على ردودكم ومتابعتكم فعلاً كانت السفره لـ كارلوفي فاري ممتعه وحاولت اطلع بصور جميله وان شالله يعجبكم التقرير كامل سيفين ونخلة: كاميرتي Canon 400D |
|
|
|
|
06-09-2007, 05:11 PM
|
#9 (permalink) |
|
مسافرجديد
تاريخ التسجيل: Sep 2007
الدولة: Kuwait
رقم العضوية :155239
المشاركات: 21
|
smart82
سيفين ونخلة il Bambini Shaheen77 الله يسلمكم ويعافيكم .. اشكركم على ردودكم ومتابعتكم فعلاً كانت السفره لـ كارلوفي فاري ممتعه وحاولت اطلع بصور جميله وان شالله يعجبكم التقرير كامل سيفين ونخلة: كاميرتي Canon 400D |
|
|
|
|
06-09-2007, 09:27 PM
|
#11 (permalink) |
|
مسافرجديد
تاريخ التسجيل: Sep 2007
الدولة: Kuwait
رقم العضوية :155239
المشاركات: 21
|
اول شي حبيت اشكركم على متابعتكم .. ونكمل معاكم التقرير المصور ....
بعد ما مشينا مشيه حلوه مع الجو الحلو وشربنا من الماي شوي واللي كان طعمه موووشي  بس لاحظنا ان كل السواح اللي نفسنا لما يمرون يشترون اكواب من الكشك ويشربون نفسنا ويجربون، يعني تجربة حلوه... وبعدها تمشينا شوي وردينا نفس طريجنا للفندق...     بهالحديقة لقيت ورد اشكال عجيبه صراحة ... طبيعتهم خياليه فـ قلت لازم اصورهم ومااطوف الفرصه..... لفتت نظري هالورده .. شكلها عجيب! بالزهره الوحده فيها نوعين مع بعض!! سبحان الله  ورود ثانيه من الحديقه....     ياجماعة هاذا جوري ولا يتروالي؟  هالصور بيوم ثاني كنا قاعدين بالكافيه اللي يم المصح شربنا قهوه والجو وقتها كان حلو مطر خفييف  والقعده حلوه والله طول الممر اكو كراسي .. بس مرات تكون فل الواحد يدور له مكان ماكو بالصوره لان مطر الكراسي فاضيه ...     شوقوني هاليهال اللي قاعدين.. استأذنت امهم اني اصورهم اتوقع ما افهمت كلامي بالانجليزي.. بس لما شافت الكاميرا عرفت  المنظر هذا حطيته لكم من قبل وكان بالصوره مبين ان الجو مطر .... واهني بيوم حلو ومشمس..  نفس المنظر بالليل..  صورة لفتدق تيرمال بيوم اخر ممطر.... موقع الفندق جداً مميز  ومبين بهالصور المطر قوي مشالله...   الجو عندهم حلو .. فـ الواحد وده يمشي على كل حزه وخاصه ان نهارهم طويييل في يوم كنا نتمشى وريحنا عند الزرع او الحديقة الصغيره اللي عند النهر من ناحية فندق تيرمال..  البط بالنهر....    الاخضر يعبر...  صوره عن قرب...  بعدها كملنا لي نهاية الشارع .. ورحنا عند هالمطاعم العربيه.. - مطعم علي بابا (اكل لبناني) - مطعم الكباب (للشاورما والبيتزا) اخذنا لنا بيتزا خضار وبيتزا بشورما الدجاج .. ورجعنا الفندق.. وكانت وجبتنا غدا وعشى كعادتنا في كل سفره اخف واحسن لان احنا نرجع الفندق غالبا بعد الساعه 6  هاذي صوره من الفندق .. وكان في مهرجان للسيايير القديمه والانتيك  صورة اقرب...  اختم تقريري اليوم بهالصوره الجميله "غروب من كارلوفي فاري" .....  اعذروني دايما تقاريري طويله والصور وايد .. والصفحه تطول شوي لان حجم الصور كبير بسبب الجوده العاليه بس ان شالله تعجبكم الصور .. راح اتوقف اهني وان شالله بتقريري القادم .. راح تكون الصور عن مدينة ماريانسكي Marianske |
|
|
|
|
19-10-2007, 05:46 PM
|
#12 (permalink) | |
|
مسؤولة إدارية
تاريخ التسجيل: Mar 2006
الدولة: Abu Dhabi
رقم العضوية :65542
المشاركات: 7,528
|
اقتباس:
تبارك الرحمان .. ماشاء الله كل صورة أحلى من الثانية .. ماشاء الله عليك تعرف تختار الزوايا الصحيحة للتصوير.. وبخصوص الجوري .. فعلا تلك صورة لورد الجوري .. وبالمناسبة يوجد 35 نوعا من ورود الجوري في العالم وكل نوع يختلف عن الأخر في الشكل والحجم .. لاتطول علينا .. كلنا في الإنتظار .. تحياتي .. |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 09:53 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||