 |
 |
 |
||
|
|
|
||
 |
|
 |
|
|||||||
| دول أوروبـــــــــــــــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى النمسا. |
 |
|
|
أدوات الموضوع | انواع عرض الموضوع |
|
|
25-08-2007, 03:12 AM
|
#1 (permalink) |
|
مسافرجديد
تاريخ التسجيل: Nov 2006
رقم العضوية :116168
المشاركات: 37
|
أخي ThE PrOGraMmEr بعد التحية ........
تقرير رائع ومفيد حمل في طياته الكثير من المعلومات المفيدة  تصدق إني قرأت تقريرك هذا في جلسة وحدة  وما حسيت بالوقت بس أم سليمان عامله عمايل في الرحله ههههه  وأقولك أنتبه لا تستأجر لا دبابات ولا غيره ترى يطب عليك التايلاندي  ههههههه ترى ننتظر الحلقةالقادمة وعجل علينا لا تتأخر تحياتي ,,,, ودمت بخير حااال |
|
|
25-08-2007, 12:48 PM
|
#3 (permalink) |
|
مسافرجديد
تاريخ التسجيل: Feb 2006
رقم العضوية :56952
المشاركات: 9
|
السلام عليكم ورحمة الله وبركاته
عزيزي المبرمج يامن اكن له الاحترام والتقدير بكل ماتحمله هاتين الكلمتين من معنى .. جهد لايوازيه اي رد في الدنيا <<< ترا عنده مشاكل مع اللغه  المبرمج تراني والله متابع لكل تقاريرك ولكن مابغيت ارد الا في هذا ليس اهانة لتقاريرك القديمه والله ولكن تقديرا لهذا التقرير <<< ياشيخ لو مايجيك الا ذا الجمله  اتمنى ان اكون احد متابعيك حتى لو بدون كرسي عادي اوقف ما عندي اي مشاكل ادري انك بتقول وش يبي ذا النشبه وراي وراي بس وش اسوي احبك ياصديقي وادري بعد انك بتقول وين اللي بيرسل الايميل بس والله من ذاك اليوم وانا انواع القلق بس ابشرك اني رسيت على الـ G7وادري بعد (اخر وحده ) انك بتقول عليك اسم بس وش اسوي بغيت اجيك باسم ثاني بس خفت ماتعرفنيبانتظار الحلقه القادمه على احر من جو الرياض وقت صلاة الظهر اسف جدا على الاطاله استمر ياصديقي فأنت احد الندره الناجحين ماشاء الله عليك الله لا يضرك  |
|
|
|
25-08-2007, 02:43 PM
|
#5 (permalink) |
|
مسافر متميز
تاريخ التسجيل: Mar 2004
رقم العضوية :1893
المشاركات: 521
|
شكلكم مارحتو الى معرض شوار فسكي للاكسسوارات اما بيلا فكانت قريبة من فندقى فى كابرون وهو فندق سبورت هوتيل وكان فندق جميل اما العيشة عندهم ليتك جيت البقالة التركية اللى فى زل ام سي كان لقيت انواع الاجبان اللى تسرك
|
|
|
|
26-08-2007, 03:34 AM
|
#6 (permalink) |
|
عضو العرب المسافرون المميز
 
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
[To.you]: لا والله يا اخت...ما "كان" فيه اعتذر على التأخير...لكن خلاص الحلقة بعد دقايق نازلة ان شاء الله .. الباقي قادم ان شاء الله..وانا بإنتظار رجعتك اختي الكريمة ..  اشكرك على الرد ... [ابو جواد2006]: تسلم لي والله يا الغالي..هذا من ذوقك..اسعدني اعجابك بالتقرير..واتمنى تواصل متابعته.. اما التايلندي الكلب..لا تذكرني فيه .. اشكرك على الرد .. [هاوي نفود]: الا ابصفقك بصبة من ذوليك اللي عند الحفريّات خخخخخخخخخخ اشكرك على المتابعة المستمرّة يا الغالي.. [تورا بورا]: العفو يا عزيزي...والله يسمع منك..اتمنى يتثبّت... مشكور على الرد [السيلاني]: يا هلاااااا والله... يا بثرك انت..في كل مكان..!! في الحارة..في الإستراحة..في المنتدى الثاني..في شقراء..!! حشى..!! كلامك فخر لي والله...وبالنسبة للجي سفن تراها والله اختيار ممتاز..اشوفها مع واحد من العيال مره روعه.. تسلم لي على المتابعة..واتمنى تستمتع بالتقرير.. يا باش مهندس  [عبدالعزيز]: الف شكر لك ابو سعود..واله فعلاً احرجتني بكلامك الحلو ومتابعتك المستمرة.. [kuwaitt25]: هذا طال عمرك رايح له عام 2004 وبرضه رحت له هالمرّة...لكن ما بعد وصلت له في التقرير لأنه في فيينا وتونا ما وصلنا فيينا.. وزي لامسي ما جلست فيها ولا حتى 6 ساعات..والأجبان يا رجااال...عندنا خيير من زوج اختي.. مشكور على الرد .. |
|
|
|
26-08-2007, 03:37 AM
|
#7 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
 بمجرد خروجنا من الشلال..انا مثل ما قلت لكم ان الجو كانت تطلع الشمس شوي وتغيب شوي...لكن بعد ما طلعنا...صكّت الدنيا غيوووم من اروع ما يكون.. خذوا هالصورة تبيّن كلامي..  وهذي وحدة ثانية..  وحده ثالثة..<<عطيناك وجه ترا...!!   كان تخطيطنا من بداية اليوم اننا من بعد ما نطلع من كريمل...اننا نروح لبلدة صغيرة اسمها Kitzbuhel "كيتزبوهيل" <<ترا ما تقرب لكيتزبوزعفران.. <<<ما اقوم اجلده ذا الحين..!! المهم اننا رحنا للبلدة والصراحة ما كان فيها شيء جدير بالمشاهدة ما عدا شوارعها المرتبة ومحلاتها الراقية والناس الهاي كلاس اللي عايشة فيها...ويسمون هالبلدة.. "بلدة الأثرياء".. خلصنا منها..ووقفنا في مطعم رااايق جدا وقريب من كيتزبوهيل وكانت من احلى الوجبات اللي اكلتها بحكم الجو الخووورافي.. وهذي صور للجو والمطعم..  المطعم..  المهم واحنا طالعين حصل خطأ من ام سليمان الله لا يبارك فيها ...لم يكن في الحسبان...شكلها كانت خرمانة على قهوة وما عطيناها ولا ما ادري وش السالفة...طبعا يوم صار كذا حنا يا الرجال صرنا كننا الحريم "وكفرنا العشير" وقعدنا نلعّن فيها مسيكينة وجحدنا كل افضالها علينا.. وهي تترجى فينا وتقول لأ..لأ..يا مقرمين ...انا مئدرش استحمل..دنا عندي عيال..<<حشى صارت ام مدحت مهوب ام سليمان..!!الخطأ اللي صار هو اننا قلنا لها تودينا للبيت...لكن كان فيه سوء فهم مننا...ولخبطة في ام سليمان نفسها..الظاهر موجعها بطنها ...وودتنا لمكان بينه وبين ديرتنا يمكن 70 كيلو!!...المشكلة والشيء اللي يقهر...اننا وحنا نمشي على هالطريق الخطأ...تعدينا المدخل حق البيت..يعني واحنا في طريق العودة من المكان الخطأ اللي وصلتنا له ام سليمان...قاعدين نشوف كــــــل الأماكن اللي تونا مارين عليها  ..على العموم...لعل في الأمر خيرة طال وقت جلستنا في السيارة...وبدأ التذمر يزيد وبغى يصير حزب معارضة ويسوون انقلاب على مقصورة القيادة لكن ربك ستر ...طبعا لو يبي يصير حادث على بعد كيلوين من سيارتنا وانا اللي اسوق ..قالوا يوووووه يا خالي...وراك ما تعرف تسوق..!! او حتى لو تمطر مثلاً!!...او لو يموت شخص مسن في بوليفيا!! ...كل هذا اصير انا اللي متسبب فيه وعلى طول يجي اللوم علي..!!...طبعا بدون شك كنت انا السواق طول هالوقت من يوم ما طلعنا من المطعم..اخيرا وبعد طول انتظار...وصلنا للبيت...وكان مثل الليلة اللي قبل...يخيم على السكن صمت وهدوء عجيييب في حياتي ما شفت مثله..!! دخلنا وقعدنا نناظر الصور وناكل ككاو...وانا فيني نووووووووم...لكن خربني اخوي وسهرنا يمكن الى الساعة 2...وتمكن مني النوم وانا جالس بدون ما ادري..!!..<<على فكرة ترا اللي ينام وهو ما يدري عن نفسه قدييييم...مثل اللي يصب من خشمه دم...برضه تراه قدييييم هالصورة قبل ما انام...للشيف ولد اختي..منتب عاقل...وش بقيت لقناة BBC Food ؟  اليوم التالي كان تخطيطنا له اننا نقوم من بدري...لكن هيهات هيهات .. على بال ما قمنا كلنا وتجهزنا (طبعا التجهيز يشمل الفطور...والقهوة اهم شيء )...كانت الساعة 1...وكان تخطيطنا اساساً على Kaprun كابرون لكن اكتشفنا اننا ما معنا وقت يكفي...وهي يبغى لها طلعة من بدري..بعد ما شفنا الوضع كذا..غيرنا الوجهة الى محطتين...الأولى هي باد قاستين Bad Gastien وهي مدينة صغيرة راقيه جدا وهادية....وبعدها زي لامسي Zell Am See .. (على فكرة...زي لامسي تنطق عندهم.. تسل آم سي..يعني حرف الـ Z مثل الكاف عند اهل نجد بإختصار..يعوّض عنه ب تس )طبعا كان اتجاهها على الخريطة الى الجنوب الشرقي للنمسا...عكس رحلتنا الى كريمل امس اللي كانت الى الجنوب الغربي تقريبا.. وهذي صورة تبين الطريق...من سالفلدن الى باد قاستين..خلوني اعطيكم نبذه عن باد قاستين اذا وصلنا لها..اما الحين ابكمل كلامي اللي تو..  هذي صورة راعية البيت واحنا نبي نطلع...اهب ما تقول الا ام 24 سنه..  زوج اختي يلعب مع جيري..   هجمة ملعوبة..يا سلااااام...هدف تاريخي..  بعض المهارات والفنيّات..  يتبع>>> |
|
|
|
26-08-2007, 03:37 AM
|
#8 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
بحكم اني كثّرت عليكم صور الطريق في مشوارنا امس..ما راح احط لكم صور من الطريق الا اللي يستاهل...او اذا فيه شي جديد او غريب....لكن اول صورة ابخليها استثنائية.. بداية طريقنا..  جبال الألب شامخه..  بقر سعودي لأنه البقر الوحيد الأبيض والأسود اللي شفته...لاحظوا البقرة اللي يسار..فيها تناقض...دبة بس طالعه ضلوعها..!! شكل عندها سوء تغذية  الأرض مفروشة بالورد المتفتّح..  مضى الوقت والطريق بدون شيء يذكر الا سواقة زوج اختي...تراه احسن سوّاق في العالم والمشكلة انه واثق من نفسه ومن سواقته وما يطيع احد يسوق بداله..!!<<مستلمك مستلمك...والله لا اخليك تتحسّف وقفنا نعبي بنزين...  عبينا ديزل ب 47.19 يورو...!! غالي...لاحظوا انه ديزل مهوب بنزين...وعدد اللترات كان تقريبا 50 او 52...يعني تقريبا يورو واحد لكل لتر..!! الله يديم النعمة علينا..2 لتر وشوي...بريال المهم...استمرينا في الطريق...ووقفنا عند محل فواكة...وكنا من امس واحنا نبي فاكهة لكن ماش مهيب مثل كرواتيا يوم نروح لها قبل كم سنه ...كان كل شوي يجيك محل فاكهة..المهم اننا اخذنا من عنده توت وكرز ومشمش (اصلا هذا كل اللي عنده )...والصراحة مستواها كان عادي جداً وما يقارن بالفواكة اللي في كرواتيا...أو حتى يرضي المستوى اللي كنا متوقعينه..الكرز تقريبا كان احلى شيء...لكن ممكن تلقى مثله في السعودية بالرّاحة... ترا الصور طالع شكلها لذيييييذ...لكن ترا فعلاً كان طعمها عادي..لأن انا عارف تبون تبقّقون عيونكم من شكل الفاكهة..لكن تراها عادية..<<خلااااص ياخوي صدّقنا...والله يا انت نشبة..!! مشمش..  توت...هذي والله اللي بتصكوننا بعين عليها...بس ارجع واقول ترا طعمها عااادي..لدرجة اننا ما اكلنا ولا ربعه..والباقي رميناه..    كرز..   بورتريهات متفرّقة..(اذكروا ربكم على الولد واخته تكفون ) هذي غرفة الأستديو اللي صورت فيها   مناظر متفرّقة..    احلى دعاية للكرز مع جيري..  كملنا الطريق..وكان ما بقى على باد قاستين الا 4 كيلو...يعني على طول وصلنا..ووقفنا في مواقف مظللة...واخذنا طبعا تذكرة الوقوف من جهاز (ثلاث ساعات بـ 3 يورو) مدخل قاستين...والله من زين الترحيب..كازينو !!  التذكرة..  دخلنا المدينة على رجلينا وكانت فعلا رايقة واعجبتني مره ...جايه بين الجبال...وطراز مبانيها مهوب مودرن...لا...على الطراز الأوروبي المعروف...الشيء المهم والجدير بالزيارة في باد قاستين هو الشلال اللي شاق المدينة من اعلاها الى اسفلها (لأنها جايه على جبل)..وصراحة كان شكله روعه مره..والمكان اللي هو فيه بارد.. صورة للشارع الرئيسي للمدينة اول ما دخلناها بالسيّارة..  منظر سريع للشلال من السيارة..  منظر مقرّب للشلال..  انا وش ملحي...وانا واقف عند الشلال..  الشمس...والرذاذ...شوفوا النتيجة..  جانب من مباني قاد قاستين..  انا وولد اختي مستظرفين على هالشيف..  شوفوا هالصورة...مدري ليش اذا شفتها اتذكر البطة اذا جت تطير على مسكتي للجاكيت  يتبع>>> |
|
|
|
26-08-2007, 03:38 AM
|
#9 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
الشارع الرئيسي من الجهة العكسية للمكان اللي دخلنا منه..
 باد قاستين تقريبا كلها على بعضها شارع واحد كبير اللي حطيت صورته فوق...عليه الشلال والكوفي شوبات والمطاعم كلها...وكان فيه صيدلية ومحلات ملابس من ماركات مختلفة...احلى شيء من هالمحلات كان مطعم تركي (عنده شاورما )...اخذنا لنا انا واخوي وحده كبيرة وقطعناها نصين (لأنها بس ذواقه من الأساس والا العشاء ناوينه في الليل)...وكانت لذيذة وحاره وعلى خبز عربي..ورخيصة حتى...بـ 4 يورو.. حلزونات لقيتهم بين الشجر عند المواقف واعجبني شكلهم..  الشاورما..  بالعافية..  صورة للشارع من زاوية ثانية...وتظهر المحلات بشكل افضل..  مصب الشلال من الجهة المعاكسة..  مكان الكوفي شوبز والمطاعم..  يا ملحها هالنافورة..احس انها حبيبة ..<<اقول انقلع لا امزعك بس..نافورة حبيبة اجل!!..<<ياخي مجرّد احساس لا تعصّب طيب..!!  بروشور للمدينة..  يوم جينا نبي نرجع للسيارة...ونشوف فيه ناس كثييير لابسين بدل رسمية..!! توّقعت انها القمّة العربية الناس متجهين للشلال...ما ادري وش السالفة...طبعا عرق اللقافة اللي فيني لم يترك لي المجال...حتى استكشفت الموضوع..آخر شيء اكتشفت انه عرس وراكبين المعاريس في عربة تجرها خيول...قسم بالله احس انها مرسدس ذيك الخيول...كبيييره وانواع الفخامة جانب من الحضور..ولاحظوا اللي يسار ام احمر...فاهمه غلط تحسبه عرس هنود هي وذا البنجابي مدري وشو حقها..!!  هلا هلا...حيّاكم الله  تراهم ما يسلمون علي...على ناس وراي...بس انا داخل بينهم بالقوة منك المال يا الدلخ...ومنها العيال...مع ان وجهها ما يساعد ... عجوز ما لقيت اصغر منها..!! لكن يالله.. مباركين عرس الأثنين...ليلة خميس.. يا معيريييس  ...عين الله تراك...القمر والنجوم تمشيييي ورااااك..<<صورة مع التحيّة لميشو  دخلنا المواقف وركبنا سيارتنا...وعلى زي لامسي..وكانت تقريبا المسافة بين باد قاستين وزي لامسي حوالي 30 او 25 كيلو...وما اخذ الطريق مننا الا حوالي نص ساعة.. وهذي صورة تبيّن المسافة والطريق..  ما قدرت اقاوم المناظر على الطريق...لذلك نشبت في "حلدز" او في رواية اخرى...نشبت في حلق زوج اختي عشان يوقف.. واليكم هذه اللقطات..     وصلنا زي لامسي...وللأسف...كانت كاميرتي فاضية بطاريتها...لذلك استخدمت الجوّال..<<ازززين تستاهل..خل العجز ينفعك.. واليكم هذه المتفرّقات من زي لامسي...مع ان ما فيه شخص عربي ما راح لها وكلكم عارفينها(ومع احتراااامي ومحبّتي للعرب...هذا الشيء اللي مخليني ما اجلس فيها ...بدون زعل لكن انا احب في الإجازات اللي زي كذا ابتعد عن اي شيء له علاقة بحياتي الطبيعيّة والروتينيّة في السعودية...ومن ضمن هالأشياء...الشعب والناس.. )...وعلى فكرة...والله وبدون مبالغة...من اول ما جيت للنمسا...الى ما رحت لزي لامسي..ما شفت ولا عربي..لكن يوم دخلتها...كني داخل الشارقة ولا جدّة..!!صورة ورقة معلّقة على سوبر ماركت..  اقول اخس واقطع بس ..لو تجيب لحم كلاب ما درينا عنك..ساعة كبيرة..اعجبني شكلها..  البحيرة من بعيد..  كانت البحيرة من اروع ما يكون..وجوّها رااايق مره...لكن ما احس ان الديرة تستاهل اكثر من 4 ساعات.. (وجهة نظر شخصيّيييية .. )نسيت اقول لكم...قبل ما نوصل لزي لامسي بشوي...وصلنا عند طريق حق قطار...وكانت الإشارة حقته صفرا...وزوج اختي مدرعم..اقول له هد...ومطنننش...أبد وصلنا وقطعنا الشارع وهي حمرا....ربك ستر ولا كان طيرنا القطار ...وكان الحين حنّا كباب حلبي للكلاب الضالّة.. استأجرنا في البحيرة قاربين مدة 30 دقيقة...وسعرها كان 32 يورو..لكن الغريب يوم اننا جينا نحاسبه قال الحساب 26 يورو..!! اخبر الناس يسرقون ما ينقصون السعر...شكله فاهم الغش التجاري غلط وهنا لقطات متفرّقة من جولتنا في البحيرة..   القارب اللي كنت اسوقه...  بعد الإقلاع..   وش بقّيت لدركسون الـ 760..؟؟  صورة بعيدة المدى...ويظهر فندق قراند..  قمّة الإسترخاء..  الباقين في القارب الثاني..  طبعا القارب من سرعته بغت تنفك شفايفي من وجهي من شدّة الهواء..!! والله يا هو يجيب المرض...اوقات اشك...هل حنا نمشي ولا واقفين..!! لكن صراحة مناسب جداً لبحيرة هادئة زي بحيرة زي لامسي.. زادت حدّة الزاوية...زيادة طرديّة مع الإسترخاء...وتغيّرت الوضعية...من "الإستلقاء"..الى "الشنقله" ..شنقله-يشنقل-مشنقل...  ومشنقل تطلق على اقصى مراحل الإستلقاء...وتأتي كما في لسان العرب...مشنقل...مشنقن...شنقن والمقصود هنا هو الفيزا الأوروبية الشنقن <<اقول اشوى ان مراجعة المعاجم مهيب على يدك Grand Hotel من زاوية ثانية وبشكل اقرب..  صورة يظهر فيها رأس الجبل وهو مثلّج..  انعكاسات الشمس..  منظر حلو للشمس وهي منعكسة..  يا حلو الموية...تنعنش الواحد.. <<ايه تنعنش...مهوب تنعش...بيجيني واحد يقول كاتبها خطأ...وفّر جهدك  منظر ثاني...وتظهر المدينة وشلون متوزّعة على الجبل..ما تقول الا بيتزا خضار والبيوت قطع زيتون هاهاهاها<<وععع...يا شين استخفاف دمّك  وصلت اقصى مراحل الإحتراف من القيادة...لدرجة اني معطي الطريق ظهري..وش رايكم فيني..؟  وهنا صورتين مقرّبة لفندق قراند..   بقي اشياء قليلة في اليوم...لكن مثل امس ...الحلقة ثقييلة...وانا صار لي متسمّر على سريري اكثر من 4 ساعات اكتب وانسّق الحلقة..لذلك...اشوفكم في الحلقة الجايّة ان شاء الله.. اتمنى تكون الحلقة اعجبتكم.. تحيّاتي لكم...ThE PrOGraMmEr |
|
|
|
26-08-2007, 07:11 AM
|
#10 (permalink) | |
|
مسافر متميز
تاريخ التسجيل: Nov 2004
رقم العضوية :16004
المشاركات: 241
|
اقتباس:
ياخووي انت مهوي ولا لسعك شي من براد كابرون لووووووووول تقول اجل شنقلة... ياعن كنك جبتها والله من هالقارب اللي يجيب الهم ليتك سآلني ومعلمك عنه ياخووك صرت خبير 5 ايام ومافوت يوم الا ومتشنقل عند الغروب في البحيرة في قوارب افضل من هذا تلقاها بالضبط جنب الجراند لونها ابيض جنب اللي يبيع آيس كريم "قسم بالله ماني بمشاركهم ولا اعرفهم" هع هع داري بتقولها ..خخخ سلم لي على جيري وياليت تقنعها بعرض النصر تراه زين ..هع وانت لاتقفل جوالك .. وانتظر اتصال قمة عربية اجل ... "اشوف مافي احد" ... هههههههههه تحياتي لك ياصديقي |
|
|
|
|
26-08-2007, 12:19 PM
|
#12 (permalink) |
|
خبير استراليا
 
تاريخ التسجيل: Jul 2005
رقم العضوية :35381
المشاركات: 2,118
|
لالالالالا ما اتحمل اسلوبك راااااااااااايق متى رحت كرواتيا؟؟اسف على اللقافة وش رايك فيها؟وهل له تقرير في منتدى العرب المسافرون ابغى ادور لك تقارير اقراها ماشاء الله اسلوبك ممتع ادخل متضايق اطلع بعد موضوعك مبسوط |
|
|
|
26-08-2007, 05:09 PM
|
#14 (permalink) |
|
مسافر متالق
تاريخ التسجيل: Oct 2005
الدولة: السعودية - سدير
رقم العضوية :50606
المشاركات: 658
|
تعجبني بتقديرك لأفضل مدة للبقاء في زيلامسي
هذا أجمل ما في التقارير مع إحترام إختلاف وجهات النظر والله يحفظلكم صغاركم . . . . ومرة ثانية خل عنك اللقافة وأترك الناس في حالهم إما إنك تصور كرت الدعوة اللي جاك وإلا تراهم ما حسبوك على العشاء إلا عروسهم غداء وإلا عشاء |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 02:06 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||