 |
 |
 |
||
|
|
|
||
 |
|
 |
|
|||||||
| دول أوروبـــــــــــــــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى النمسا. |
 |
|
|
أدوات الموضوع | انواع عرض الموضوع |
|
|
22-08-2007, 06:21 PM
|
#1 (permalink) |
|
مسافر متميز
تاريخ التسجيل: Sep 2004
رقم العضوية :15232
المشاركات: 391
|
ياااااشيخ ارفق علينا كلنا حبة حبة مو مرة وحده
ياخي اسلوبك وتقريرك ماشاءلله كذا  والله تقرير رووووعه ماشاءلله حسيت اني معكم بالرحله رقم 10 <<<< يتلزق  عرفت كيف تصف الرحلة من بحذافيرها تعجبني والله التفاصيل ... ومن يوم وصلت المطار وطلعت كاميرا الكانون حسيت ان تو المسلسل يبدى وأروع صورة صراحه شدتني بقوة الي هي صورة التمر والقهوة ... طلبتك لعل تكون فيه صورة مشابهه على تكونون جالسين على اطراف جبال الالب  وياريت بعد التقرير تعطينا معلومات وافية عن كاميرة كانون بتاعتك لاني والله ودي بوحده ومستعد أعشيك بمطاعم ست الشام بس عطني دورة تصوير ولا عليك مالك الا الي يملا لك التانكي Full منتظرين على احر من جمر بقية التقرير |
|
|
22-08-2007, 10:24 PM
|
#4 (permalink) |
 
تاريخ التسجيل: May 2007
رقم العضوية :135001
المشاركات: 5,505
|
[CENTER]ThE PrOGraMeR!!!!
تقريرك عجيييييب واسلوبك احلى ودمك خفيف تسلم عالتقرير الحلو .. والله مت من الضحك وعجيبه حركه الشوارمــــــا ...والله ماعرفت عنها من قبل!!!  والعيال عندنا وعندكم خير << اخواني مثلهم هههه وعندي نفس هالصوره توني مصورتها قريب http://www.arab7.com/up/file/1187810547784.jpg اااه ذكرتني بميونخ ... احلى وناسه الف شكر وننتظرك على احر من الجمـــــر ..  [/CENTER] |
|
|
|
23-08-2007, 02:00 AM
|
#5 (permalink) |
|
وسام العضو المميز
 
تاريخ التسجيل: Jun 2005
الدولة: قطـــر
رقم العضوية :23945
المشاركات: 2,428
|
الغالي/ ThE PrOGraMmEr السلام عليكم ورحمة الله وبركاته ،، لقد استمتعت وانا متسمر على شاشة ابداعك ، ( لا وفاتح الحق من الضحك ..) ما شاء الله ، تقرير قرأته من اول حرف الى اخر حرف هذه الليله . وهذا بفضل اسلوبك الرائع . وعلى طاري ام سليمان ذكرتني بالنشميه من يوم جيت من السفر وانا ناسيها في الشنطه ..!! يبدو ان الاخوان والاخوات حجزوا كل المقاعد لمتابعة تقريرك ، لذا يشرفني متابعة تقريرك الرائع ولو على الدرج . موفق اخي الغالي ، وبانتظار التفاصيل لبقية الاجزاء ،، اخوك/ رجل شرقي قطر |
|
|
|
23-08-2007, 06:57 PM
|
#7 (permalink) |
|
مسؤولة إدارية
تاريخ التسجيل: Mar 2006
الدولة: Abu Dhabi
رقم العضوية :65542
المشاركات: 7,528
|
حمدلله على سلامتك ياأخوي .. الصراحة.. ماقدر أوصف ياأخي إنت عجيب أسلوبك جدا فريد رحلتك لتايلاند والله كل ماأكون متضايقة بس أدخل عليها علشان أضحك وأرفه عن نفسي.. ماشاء الله الحين وصلنا للنمسا ... الله يعطيك العافية يارب على التقرير ( الي ماأقدر أوصفه ) يكفي إنه بصماتك عليها وهي مش أي بصمة طبعا .... وإنت الحين بتجبرني إني أكون مداومه على المنتدى علشان أتابع موضوعك .. تقبل تحياتي .. |
|
|
|
23-08-2007, 11:50 PM
|
#8 (permalink) |
|
وسام العضو المميز
تاريخ التسجيل: Jun 2005
الدولة: قطـــر
رقم العضوية :23945
المشاركات: 2,428
|
ترانا متسمرين امام الشاشه ، والسينما مزحومه للأخر ، لا احد يتأخر علينا ،، ترى رقم صالتك في السينما (( الصاله رقم 3 )) بحكم ، تاريخ عرض تقريرك مع بقية تقارير الاعضاء في البوابه النمساويه . لذا احفظ رقم الصاله (( 3 )) رجل شرقي قطر |
|
|
|
26-08-2007, 03:20 PM
|
#9 (permalink) |
|
مسافر خبير
تاريخ التسجيل: Jul 2005
رقم العضوية :38842
المشاركات: 1,671
|
هلا بالمبرمج ... هلا بالمتعه ... والتشويق
الحقيقه الجزئين رائعه ... وفيها صور كثير اعجبتني .. ولو يحق لي كان اعدت التقرير كله في ردي .. ولكن وقع الاختيار في النهاية على هذه المجموعه .    هذه اعجبني فيها حجم الشجره بالنسبة للبيت ... واللي تبين فيها انه ضخمه .. وهي عكس ذلك  هذه من دقتها تحس انها تركيب... سبحان الخالق  مقارنه رائعه .. يتضح فيها ضخامة الشلال ..   سبحان الخالق ... كنت اتمنى ترفعها شوي ... حتى توضح المسطحات الخضراء في الصورة  ابصراحه .. ودك تروح مشي ... مو على سيارة  ماشاء الله تبارك الله   زاوية رائعه جداً ( اعجبتني كثير ... ومتخيل شكلك وانت حاط الكاميرا على الارض وتصور ) السوال : هل هذه الصور بعدسة 18-55 ؟ لاني ما اعتقد انها بعدسة المكرو ولا عدسة الزوم واذا كانت هي ... فبصراحه انت رفعت من مستواها ... لانها عدسة ضعيفة .. واحب اضيف هذه الصوره للمكرو  يعطيك العافيه .. على هذا الجزء الرائع بالفعل وطبعاً .. اكيد ... في انتظار القادم ودمت بخير |
|
|
|
24-08-2007, 02:52 AM
|
#10 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
[جهن]: هههههههههههههه عاد المعذرة...اذا تبينه يصير كامل شيكي بعد ثلاث شهور يصير خالص بإذن الله
اشكرك على الإطراء والكلام الحو...والتقرير بإذن الله قادم.. [الرحالة]: ابشر ان شاء الله.. [Abu sultan]: لا لا لاااااا موووو معقول...ابو سلطان مشرفني في التقرير...يا هلا وغلا...كيفك يا صاح..؟؟ على العموم...راح يكون لك ردود كثيرة ان شاء الله...وراح اخذ سواليفك فيها... :1009: اجل ظنّك امعطهم بزود شهر دام انك صاكهم بثلاث سنين ماهوب فارق معهم شهر...ولا لا ؟انا بإنتظار رجعتك يا الغالي..بس تعال...وين الأوسمة والحركات اللي كانت تحت اسمك..؟!! [DAINTY]: بإذن الله ما راح يطول...وراح اسوي اللي اقدر عليه.. [عبدالعزيز]: ههههههههههههههههه شفت شلون...كبرت يا ابو سعود [dart]: الصراحة افتخر واعتز بأن هالكلام من واحد مثلك اخوي.. بالنسبة للعدة يا طويل العمر...هي كالتالي.. Canon EOS 400D + 18-55mm Kit Canon EF 100mm f/2.8 Macro USM Canon EF 100-400mm f/4.5-5.6 L IS USM والبيضاء..صح هي زوم...بس انت شطفتها...هذي اختها الكبيرة 100-400 كرسيّك اعتبره في الدرجة الأولى...ونعتز بخدمتكم.. شاكر لك مرورك وردك المهذّب .. [مسافرة لكن]: والله مرررره مستحيييل...لأنه انتي شايفه اختي وشلون الحلقات تكون طويله...والصراحة احب اسوي الشيء بذمة ولا ما اسويه..لذلك ما فيه مجال نهائياً انه يخلص قبل..  اشكر لك ردّك واهتمامك.. [عيوووس]: اشكرك يا عزيزي على هالكلام وبالنسبة للمطار...ما عندي فكرة والله .. [بيمو]: في الحقيقة انك احرجتني والصراحة خانني التعبير في اني ارد عليك او اشكرك على كلامك اخوي بيمو.. متابعتك شرف كبير لي يا الغالي.. وام سليمان تسلّم عليك وتقول تقهو عندنا اليوم خخخخخخخخخخخ [الوطواط]: موسيقاي لم تكن لتكون بهذه الروعة...لولا روعة المستمعين امثالك .. لون الخط صراحة بيني وبينه عشق..ومعجبني...اذا تبي..ظلّل الكلام عشان يتغير اللون اعتز بصداقتك.. [حدّي مصر]: تسلم لي يا الغالي...وبإذن الله البقية قادمة في الطريق.. [Travel addicted]: هههههههههههههه والله ما ادري...لكن فعلاً الجو يساعد انك تشتهي اي شي ويصير له نكهة خاصة.. وتايلند لاااا تختلف كثير عن ماليزيا.. [الرحالة]: ابشر...في الطريق ان شاء الله [saha]: الله يعافيك يا الغالي...شاكر لك مرورك.. [هاوي نفود]: خخخخخخخخ..اوقات الخوف من الشيء له جو خاص...عشان كذا انا جالس.. شاكر لك ردّك .. [عبدالعزيز]: ما شاء الله عليك...طيب ليش ما قلت لي..ولا ما بغيت تحرقها على الأعضاء.. ؟ بس وش وهّقت ابو سلطان فيه...ولا عشان تقريره..؟ الثلاجة طال عمرك ماهيب مزروفه ههههههههههه ماخوذة بطريقة شرعية من الخطوط السعودية .. الله يسلمك...واسعدني تواجدك الدائم اخوي عبدالعزيز .. [مسافرة كويتية]: الله يعافيك اختي...يوصل ان شاء الله خخخخخخخخ تسعدني متابعتك.. [$$Relax$$]: ههههههههههههههه من الخطوط...بس اعترف انت وشلون اخذتها.. اسعدني ردك ومرورك .. [سعود ابو سلطان]: اشكرك يا الغالي على هالكلام الجميل واللي يثلج الصدر.. البقية قادمة بإذن الله .. [Travel addicted]: ههههههههههههههههه ايه انا شايف ردّها ورديت عليها حتى .. يالله معليش احرقت علي وحده من الصور.. [تورا بورا]: والله انت البطل...اشكرك بعنف يا الغالي..والبقية بعد دقائق ان شاء الله .. [بو شرف]: الله يعافيك يا الغالي...اسعدني تواجدك وردك.. [هيبة ملك]: يا هلا بك .. ههههههههههههه شفت شلون عاد.. هههههههههههه اشكرك على تعليقاتك المفصلة..والتيشيرتات...والله انا نفسي تصدق توني انتبه..!! اللي انا اعرفه اني اعشق الأخضر الفاتح بدرجاتة والبني بدرجاته..لكن فعلاً توني انتبه للمخطط.. تسعدني متابعتك يا الغالي...واشكرك على ردك ومرورك.. [شادو]: يا هلا والله اخوي... الصراحة ما تتصور وش كثر فرحتي بمدحك هذا وكلامك الحلو عن التقرير.. والصراحة ما فيه صورة للقهوه على الجبال بالنسبة للكاميرا يا الغالي...انا كتبت اسمها فوق في ردّي على الأخ "دارت"...وهي تعتبر من فئة كاميرات "المصورين الهواة"...وما توصل لفئة المصورين المحترفين...لأن فيه فوقها فئتين وهي اللي تسمى فئة الكاميرات المحترفة...اللي هي 5D والثانية واللي تتربع على عرش الكانون 1D وفيه اصدار خاص منها على مااعتقد اسمه 1D Mark II وهذي سعرها 27000 فقط لا غير على العموم...شف فيه منتدى عدسات عربية واصدقاء الضوء او حتى قسم التصوير الضوئي في منتدى الإقلاع يفيدونك كثييير ان شاء الله اقول لك شيء وما تعلّم احد...ترا اسمي في منتديات التصوير كلّها واسمي الفنّي في التصوير..ShAdoW...يا سرّاق الأسماء اشكرك على ردّك يا الغالي.. [هايدي]: اشكرك اختي على الرد.. [ساره 2007]: الله يسلمك اختي...اسعدني ردك...واخجلتيني الصراحة بكلامك.. انتظري بقيّة التقرير...الحلقة دقايق ونازلة بإذن الله .. [رجل شرقي]: يا هلا والله بالغالي .. كيف حالك يا ولد قطر .. ؟الإبداع ما يكتمل الا بتواجدك ولا يهونون باقي الأعضاء.. اسعدني تواجدك يا الغالي..وانت مكانك في الدرجة الأولى وش دعوى على الدرج..واذا كانت فل...]اخوي انا الكابتن اركبك جنبي...بس حركات القديمين تخلّص التمر علي...يا ويلك اسعدني مرورك...والبقية قادمة بإذن الله .. [خزامى الثلج]: هههههههههههههههههههههههه اشوى مهوب انا لحالي.. والله شف يا عزيزي...الصراحة الحلقات يبغى لها شغل ماهو بسيط..بالإضافة الى اني ما تناسبني الظروف دايما اني اكتب...لذلك ارجو منكم العذر على التأخير.. شاكر لك ردّك.. [redjoory]: يا هلا اختي...بصراحة....ما لقيت رد مناسب او كلمة شكر اقدر اقولها لك على ردّك اللي يعني لي الشيء الكثير..ويحفزني بقوة اني اكمل التقرير طالما ان فيه ناس متابعة بهالشكل.. الصراحة اخجلتيني اختي الفاضلة بكلامك...واسعدني تواجدك...ولا املك الا ان اقول اشكرك على الرد...واتمنى تستمتعين بالتقرير .. [رجل شرقي]: والله عارف يا الغالي اني تأخرت عليكم...لكن ابي العذر والسموحة.. والصالة رقم 3 ...خلاص اعتبرها تخزّنت اشكرك على الإهتمام.. [القنّاص]: الله يعطيك الف الف عافية يا الغالي...فعلا ردّك اثلج صدري واخجل تواضعي يا عزيزي..اشكرك على الرد.. |
|
|
|
24-08-2007, 03:55 PM
|
#11 (permalink) | |
|
مسافر متميز
تاريخ التسجيل: Sep 2004
رقم العضوية :15232
المشاركات: 391
|
اقتباس:
وبالنسبه للكاميرا بسالك الملحقات جايه معها ولا انت شاريها ؟ واممممم لو مافيه احراج كم كلفتك ؟ وبالنسبة لكاميرا فئة المحترفين الي هي مارك تو عرفتها كنت اذكرها بثلاثين بس زين نزل سعرها بسبع وعشرين الف بسيييييييييييييييييييييطه ..... <<<< قبط مشكور على الافاده وبالنسبة للاسم طول الله عمرك معي حقوق منذ العام 2001 بهذا الاسم يعني بقلب الطاوله عليك واطالبك بتعويض هههههههههه بس مسامحينك انت اسمك كل حرف اكبر من الثاني مشكووور وماقصرت |
|
|
|
|
24-08-2007, 02:58 AM
|
#12 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
 بعد ما وقفنا آخر حلقة عند شرب القهوة والتمر.. راح اكمل اليوم بإذن الله بقية ذاك اليوم.. بحكم اني مثل ما قلت لكم...كان عندي تشوّق ولهفة كبيير اني اطلع على رجليني حول البيت واقعد اصور...وهذا اللي حصل بمجرد اني خلصت متقهوي..  المناظر كانت تسحر العقل..وتأسر الألباب..<<لو ما يجيكم من حلقة اليوم الا هالجملة تكفيكم قبل ما ابدأ التصوير...رحت انا وزوج اختي للسوبر ماركت القريب من البيت...وكان اسمه Billa وهو اللي اكتشفت انه السائد عندهم...ولا بد تلقى له فرع واحد على الأقل في كل ديرة.. وهذي صورة بيلا..  اللي يقهر فيهم...انك اذا اخذت مقاضيك وجيت تبي تطلع...يا انك تشيلها في يديك  ...او انك تاخذ من الكراتين الفاضية اللي رامينها برا ...اما مسألة اكياس...ما فيه الا الي يبيعونها بفلوس...طيب اوكي بيعوها ما قلنا شيء...لكن لا تحطون شعاركم عليها..!!المهم بعد ما رجعنا من السوبر ماركت...بديت جولتي التصويرية ..واليكم هذه الصور...المنظر مباشرة من بلكونة البيت..  الزاوية الثانية..  البيت المجاور لبيتنا..  البلكونة في النهار وقد تغيّرت ملامحها.. (الصورة اللي حطيتها للبلكونة كنت لاقطها من الجهة المعاكسة) مجموعة من الخيول ترعى.. (هم بعيدين مره بس انا لاقطهم بعدسة الزوم)..   الجبل...والغيوم مسيطرة على الموقف..  واحد من الجبال البعيدة..  حشرة دبة ما ادري وشي  ما لقاها الا هالنّحلة...احس انها عايشة ازين من عيشة الأوادم في السعودية خخخخخخخخ مجموعة من ورود (جبنة بوك ) اهديها لكم.. كلب صاحبة المنزل وهو جالس تحت سيارة المبيدات الحشريّة..  المنظر الخلفي للبيت (الصور الأولى كانت من واجهة البيت..)  صورة من الخارج للبيت (هو اللي على اليسار..الدور العلوي تحديداً)  يظهر طرف بيت على اليسار(الكرسي والطاولة)...هذا بيت صاحبة المجمع...وتلاحظون قدامها مسبح وكراسي استلقاء...وفيه نطيطة..  هذا بيت صغير ما ادري وشو...بس اتوقع انه بيت عصافير...اعجبني مره...يا ليت اني عصفور واعيش فيه << اقول انقلع بس...ما تحمّلناك وانت آدمي...نتحمّلك وانت عصفور وجاي تبي سميد ولا سمسم تاكله.. نبتة غريبة...صح انها تشبة لفرشة تنظيف الرضاعات...بس اعجبتني  مجموعة من الورود برضه...بس ما اهديها لكم...غالية   احد النحلات وهي نازلة على وردة (فكرت كثييير احط هالصورة ولا لا...لأني فيه صور ابغاها تكون في البومي الخاص بالتصوير المحترف...وما ابي احطها في التقرير...بإختصار النقوة...وهي ما تتجاوز ال10 صور....لكن قلت يا رجال خلّك كريم وحطلهم اول وحده والباقي لا يشمّونها حتى)  احد ضحايا الإستعمار الإنجليزي لقيته على الأرض..  زوج اختي مشخّص مع الكلب   خلّصت جولتي...ودخلت على اساس الفطور جاهز..وطبعا اليوم تلاحظون اننا ما قومّنا الباقين بدري بحكم اننا امس واصلين متأخرين...ولا كان مصحّينهم من بدري..  وهذا فطورنا..  وهذي انواع جبن لزوج اختي...ترا كل واحد اخيس ريحة من الثاني  ..وانا وقعت في الفخ واكلت من اللي تحت يمين احسب ان اللي معه كزبرة او بقدونس..!!صار مقطّن...طبعاً اذا صار الجبن مقطّن كذا...يعتبر من افضل انواع الجابن وافخرها ..وبالتالي اغلاها سعر..!!! بس انتبهوا...مهوب القى واحد بكرا حاط لي قارورة جبن كرافت في الشمس مدة اسبوعين واذا قطّنت ياكلها ويتسمّم...يجي يقول المبرمج قال لنا...ترا ما لي دخل تخطيطنا لهاليوم كان من يوم امس...اننا نروج الى شلالات كريمل Krimml ... وتبعد عن ديرتنا حوالي الساعة ونص بالسيارة.. وهذي صورة من قوقل إيرث تبيّن الطريق والمسافة بين سالفلدن وشلالات كريمل..  طلعنا متأخرين طبعاً...لكن بس هاليوم سويناه استثنائي.. وهذي مناظر متفرّقة من الطريق.. الحطب عندهم كثير بشكل غير طبيعي...وين ما تمشي تلقى مثل هالكومة...وعلى فكرة...هذي من اقل الكميّات اللي شفتها بحكم صغر البيت..  البيوت الرّيفية بنسبة 90% تكون متطابقة في الشكل والتصميم وحتى تنسيق الورود نفسه..!! وهذا الشكل تقريبا هو اللي يغلب ...  مناظر متفرّقة من الطريق..   اذكر فيه واحد من الشعراء...كان يوصف جبل مرتفع والغيوم حوله...بأنه مثل الرجل اللي لابس عمامة..وفعلا تشبيهه بليغ ...وكانت الجبال هناك ما تقول الا شعب السودان الشّقيق.. كلها لازم تصير الغيوم مغطية قمتها.. كنيسة في احدى القرى اللي مرينا فيها على الطريق..طبعا كل الطرق هناك من مدينة الى مدينة ما هي هاي واي او طريق سريع...كلها عبارة عن شوارع ريفيّة تدخل من بلدة الى بلدة...وعلى هالطّريقة..  صورة لمساحة مفتوحة...وترا اللي فارشين المساحة الخضراء...هو العبداللطيف للمفروشات...ما شاء الله ما تقول الا موكيت..!!  تحيّاتي لكم...ThE PrOGraMmEr |
|
|
|
24-08-2007, 03:00 AM
|
#13 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
يا جبل ما يهزّك ريح..  على فكرة...تشتهر النمسا بالذّات على مستوى العالم...بجمال وكثرة الأماكن الخاصة بالتزلّج  ...وطبعا كلها اماكن طبيعية من صنع رب العالمين بدون تدخّل بشري الا في التلفريك...ونسبة كبيرة من ابطال العالم في التزلّج نمساوييّن..لذلك النمسا ما تنقرب في الشتاء...لزحمة الناس فيها...وللغلاء الفاحش في كل شيء...بحكم انه موسم السياحة عندهم..كنيسة ثانية..اعجبني شكلها البقر...ما نقصه الا شيشة وبلوت على هالفلّة.. !! منظر من مكان وقفنا فيه عشان نصوّر..ويظهر الثلج وهو يغطّي قمة الجبل..  صورة لخريطة تبين شكل الجبال..  العلم النمساوي مرفرفاً..  منظر يشرح الصدر...من نفس المكان اللي وقفنا فيه..<<لا يجيني واحد ويسوي نفسه ذيب ويقول وشلون موقفين...والمراية حقت السيارة طالع طرفها...تونا ماشين يا ذيب انت  شجرة حلللوة...محفور عليها وجيه رجّالين.. صورة مقرّبة..لاحظوا الدقّة..  صورة لي وانا فاقع عينه هالمسيكين..  منظر يذكّرني بشعبان الرياض اذا جت السيول بالضبط (شعبان جمع شعيب مهوب الشهر) مفترق طرق..وتلاحظون كريمل من ضمن الوجهات الموجودة..  مبنى مهجور...ودي اجرّب انام فيه..  كعبول كان مرافقنا في الطريق...لأنه غاير من مستر بين يوم يجي معنا من المطار  البقر.. انواع الدلع  هذا ما أسميه فعلاً..Landscape...  منظر...تعمّدت اطبق فيه قاعدة الإثلاث.. (قاعدة في التصوير..وهي اول شيء يلزم المصور انه يعرفها ويطبقها)..  كعبول...ويظهر الغرور...على ايش ما ادري..لكن من شاف لون دبابك غسل يديه منك..  كثّرت عليكم الكنايس اليوم...لكن آخر مرة قسم بالله يا استاد..<<ما ادري ليش ما كنّا نقول استاذ...!! مصرين على استاد..!!  اما هالمنظر...فهو برعاية السريّع للمفروشات...هذا من جد موكيييييت سبحااان الله..!! يا شين التقليد...يقلدون دول مجلس التعاون الخليجي..<<اشوى انهم من شدة اتحادهم تدخل من دولة لدولة بدون جوازات...  أخيرا...وصلنا للمدينة اللي فيها الشلال...لكن ما عرفنا وين...فتعمقنا فيها شوي الى ما نوصل مكتب المعلومات....ويعلمّنا.. وهذي مقبرة كانت مواجهة لمركز المعلومات السياحية..  طبعاً مراكز المعلومات على عكس اغلب المناطق الريفية...يتقنون الإنجليزي وبقوة.. دلّونا مباشرة على الشلال...وتوجّهنا له.. وهذي صورة للشلال..  يالله مع السلامه خلصت الحلقة...  خخخخخخخخخخخخخ يا زلايب لعبت عليكم.. تراني قاصد احط وردة بس ابشوف وش تقولون.. طيب خلاص خلاص لا تعصبون...هذي صورة الشّلال..  <<<هذا المستخدم فقد الوعي بسبب حذاء رُمي عليه من قبل ابو سلطان وذلك لإستهباله المتكرّر في التقرير.. لحّوووول...يخوي الواحد ما يمزح معكم..!! خلاص مانيب مكمّل التقرير..!! عندكم شيء..وش بتسوون يعني..!! والله...قل قسم..طيب خلاص خلااص ابكمّل..<<جاه رشوة من احد الأعضاء الكاشات وصلنا للشلالات...والصراحة ما اتذكّر اسعار الدخول لكنها كانت بسيطة..يعني يمكن كلنا ما تعدينا ال80 ريال.. وهذي خريطة المكان..  |
|
|
|
24-08-2007, 03:01 AM
|
#14 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
وهذي صورة شلال صناعي عند المدخل..<<بغيت استهبل واحطها على اساس انها هي الشلال بس خفت انجلد  المدخل..  المسافة بين المواقف والشلال نفسه حوالي 25 دقيقة مشي.. منظر يتكرّر بشكل كثير...ولكن بإختلاف الشكل والحجم..  الشلال من بعيد..  قربنا شوي..  الشلال مع الجنب..  وصلنا...ولاحظوا الرذاذ وشلون يطير في الهواء..  الرذاذ المتطاير من الشلال كان يرد الروح..ويفتح النفس..  النهر اللي يجري واللي يصب فيه الشلال..  صورة اوضح لرذاذ الشلال..  وحدة ثانية..  المبرمج مسوي فيها قوي ومعطي الشلال ظهره..وهو ميت من البرد من الرذاذ والهواء..  صورة لي عند الشلال..  صورة لزوج اختي وهو مقابل للشلال...لاحظوا حجمه عشان تعرفون حجم الشلال..تراه اكبر بكثير من ما هو ظاهر في الصور.. صورة مقرّبة..والمعذرة على الهزّة لكن الكاميرا انعدمت وانا احاول اصوّر..والرذاذ المتطاير...شيء غييير...والله كأنه دش بدون مبالغة..  صورة جماعية..ولاحظوا الملابس وشلون رطبة..  مغربي للنظارات كان فاتح فرع هناك  العدسة اللي فوق لحالها هذي هي عدسة الماكرو..عدستي المفضّلة طبقات من الغيوم...شكلت منظر اكثر من رائع..  بعد كذا طلعت الشمس...وشكّلت مع رذاذ الشلال لوحة فنية لا تقدّر بثمن...وطلع قوس قزح روعه.. بس للأسف ما قدرت اصوره.. الجدير بالذكر...انك وانت فوق عند الشلال والموية تضرب فيك..تحس انك ملك العالم من النشوة والمتعة.. وحنا طالعين من الشلال كان زوج اختي متوزي بين الشجر يبي يروع البنات...لكن بنت اختي كانت هي الضحية...خافت خوف حتى كادت ان تطير الى بارئها بطائرة من طراز F16 من شدة الروعة اللي يحتاج زيادة معلومات او يبغى زيادة صور لشلال...يزور الموقع الرسمي له "إضغط هنا" اليوم تبقّى فيه القليل...لكن الحلقة انتهت ...لأنها امتلت صور...وانا صراحة تعبت وداهمني الوقت...اعتذر على ثقل الحلقة...واتمنى تكون اعجبتكم وتكون تستاهل الإنتظار.. تحيّاتي لكم...ThE PrOGraMmEr |
|
|
|
25-08-2007, 11:25 AM
|
#15 (permalink) | ||
|
مسافر متالق
تاريخ التسجيل: Oct 2005
الدولة: السعودية - سدير
رقم العضوية :50606
المشاركات: 658
|
اقتباس:
اقتباس:
الله يصبرك معنا على تقرير هالمبرمج . . . . واصل ونحن ( غصبن علينا ) معك |
||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 01:01 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||