 |
 |
 |
||
|
|
|
||
 |
|
 |
|
|||||||
| دول أوروبـــــــــــــــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى النمسا. |
 |
|
|
أدوات الموضوع | انواع عرض الموضوع |
|
|
20-08-2007, 08:28 AM
|
#2 (permalink) | |
|
مسافر متالق
تاريخ التسجيل: Jun 2003
الدولة: الرياض
رقم العضوية :543
المشاركات: 893
|
اقتباس:
هلا اخوي اسلوبك مره حلو في السرد والوصف ما شاء الله بالنسبة لطريقة الشاورما ذكرتني بشغالتي يوم جت تسافر ,أنا وياها نلف شاورما ونعبي الشنطة ....> معليش على التشبية  لكن الطريقة عجيبة وشكلي بجربها .. أما جيري ...> حرام عليك اشوا انك موب اخوي والا كان فضحت بعيالي  كمل لا تتاخر علينا بالتقرير وفي انتظار قصة ام سليمان  |
|
|
|
20-08-2007, 09:37 AM
|
#3 (permalink) |
|
مسافر متميز
تاريخ التسجيل: Mar 2007
الدولة: الدوحة - قطر
رقم العضوية :124227
المشاركات: 472
|
ههههههههههههههههههههه
ههههههههههههههههههههه متابعين أخوي ، وأهم شي اللي يبحث عن زوجة هههههههههههههههههههههههههههههههههههههههه ضحكنا عليك ضحك يا .............. ؟؟ اقو ولا اسكت لوووووول |
|
|
|
20-08-2007, 10:29 AM
|
#5 (permalink) |
|
عضو العرب المسافرون المميز
 
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
[ريم دبي]: الله يسلمك اختي...ووش دعوى..انا بدونكم ولا شيء..
 [boston25]: حيّاك اخوي...وام سليمان قادمة خخخخخخخخ [الباسل]: المشكلة لو ارتفع لهالإرتفاع الضغط راح يسوي لي مشكلة وما اقدر  لا الصراحة الصور مثل ما قلت حوالي 4000 وبعد ما اصفيهم ويبقى اللي عليه الكلام اتوقع تكون بين ال 800 الى 1000 صورة ان شاء الله.. شاكر لك ردّك يا بطلي...واحرجتني صراحة بتسميتك لي بـ "المحترف"..  [هاوي نفود]: ايه والله قايلتها...انا ودي ادري من وين جايبتها..  عاد التقرير ما احب اخليه مختصر...يا بالتفصيل يا بلاه.. ام سليمان راح تعرفها بس اصبر ..[الرحالة]: جايتك في الطريق ان شاء الله..  [تركي]: تسلم لي يا الغالي.. وعدة التصوير شف...على الشهر 1000 ريال...ما يخالف والشعار هذا يا طويل العمر الشعار الرسمي لبرج الدانوب...شكلك جوعان...وش جااابه للشاورما.. [تورا بورا]: خلاص جاك الفرج...اليوم بإذن الله.. [بو شرف]: تسلم لي يا الغالي..تشرفني متابعتك.. [حدّي مصر]: شهادة وإطراء اعتز فيهم والله وبدون مجاملة.. والله مثل ما قلت لواحد من الأخوان قبل...انا احس ان لكل تقرير اسلوبة ولمسة خاصة بكاتبه.. اشكرك على الرد .. [عيووس]: هلا والله يا تمساح...يخوي بلشت بعمري ..ما ادري انت بنت ولا ولد...قلت خلك في السّليم عشان ما تجرح مشاعرها لو كانت بنت...اما لو كانت تمساح ... فهو تمساح ما عنده مشاعر اصلا << تراني امزح يا صديقي.. تسلم لي على هالدعوة...والصراحة اول مره اسمع ان اسم المطار بي ام دبليو...انت متأكد..؟!! على العموم اشكرك اخوي على الرد..وتسعدني متابعتك.. [M!Ss T!Na]: اشكرك على الكلام الحلو اختي...واعجابك بالتقرير يسعدني والله.. للأسف والله...اكذب عليك اذا قلت راح اكمله اليوم...لأني فيه معلومات كثيييره مره وما اقدر اخلصه بدري...على فكرة...معلومة لك ولجميع الأعضاء..ما اتوقع ينتهي التقرير الا في شوال عشان تكونون في الصورة (مع توقّف كامل في رمضان.. )مشكورة على الرد...ورحلة موفقة بإذن الله... [MaTRiX]: تسلم تســلم تســــلم تســـــلم البقية قادمة بإذن الله.. [عبدالعزيز]: هلا بمديرنا الغالي.. الإبداع ما يكتمل بدون حضورك وحضور الأعضاء الكرام... اذا كنت تقصد الصورة اللي انت حاطها في ردّك... هذي مهيب طيّارة...هذا مخش في القزازة لكنه ما بيّن الا عشان الشمس ساطعه عليه بقوة.. مشكور على الرد يا ابو سعود .. [Syriana]: الله يقوّيك ويعافيك اخوي.. وابشر بالصور ان شاء الله.. التي شيرتات والله العكس.. افضل بمراحل من التصفيط العادي..(طبعا لا بد يكون فيها شوي عرافيط لكن اقل بكثير من الطريقة العادية..) مشكور على الرد.. [مشافرة كويتية]: الله يقوّيك اختي...وابشري بقصة أم سليمان شكرا على الرد . . [دلوعتي]: ابشر ان شاء الله..ما شاء الله ام سليمان مسبّبة ضجة اعلامية [إسراء]: الله يسلمك اختي..واشكرك على هالمدح والكلام الحلو..والتقرير في طريقه ان شاء الله.. [الفجر]: تسلمين اختي..وبعدين ليش ما جربتي الفلافل ...ترا ممكن تعطي نتايج احسن<<<اقول انقلع بس..يا ثقل دمك انت ووجهك.. هههههه اما جيري...اشوا ان امها تضحّك عليها معي.. وام سليمان بإذن الله بتقابلونها اليوم...بس احس اني ابتصفّق اذا عرفتوا من هي  ..[روح المسك]: اشكرك على الإهتمام والمتابعة..بس وش تقصدين باللي يبحث عن زوجة ما فهمت والله.. ؟ ايييه قولي  مشكورة على الرد.. |
|
|
|
20-08-2007, 09:04 PM
|
#6 (permalink) |
|
مسافرجديد
تاريخ التسجيل: Aug 2007
رقم العضوية :151737
المشاركات: 29
|
للأسف والله...اكذب عليك اذا قلت راح اكمله اليوم...لأني فيه معلومات كثيييره مره وما اقدر اخلصه بدري...على فكرة...معلومة لك ولجميع الأعضاء..ما اتوقع ينتهي التقرير الا في شوال عشان تكونون في الصورة (مع توقّف كامل في رمضان..
)لا اخوي وش هذا الكلام لازم تحاول تخلصة قبل رمضان........................نبي نسافر في العيد ونستفيد من تجربتكم .........عاد مالانا غني عنك وعن اخواناواخواتنا بالمنتدى سوررررررررري هنكلف عليك بس تقريرك روووووووووعة واسلوبك كمان رووووووووعة واضح انه مفيد وعامر بالاحداثاث المشوقه. عااااد لاتحرمنا من الاستفادة منه. والله يجزاك الف خير..............والله يوفق الجميع. |
|
|
|
20-08-2007, 11:30 AM
|
#7 (permalink) |
|
مسافر متميز
تاريخ التسجيل: May 2004
رقم العضوية :5478
المشاركات: 173
|
يا ربية اشين شي عندي أني اوصل للصفحة الأخيرة والتقرير ما خلص
، تجيني تكه ويضيق صدري . ولكن بصراحة اسلوبك خيااال يعني سهل وسلس ويمر عبر الحنجرة إلى القلب سيدة وما زلنا في انتظار الباقي من التقرير الرائع يا اروع مبرمج تقارير |
|
|
|
20-08-2007, 01:14 PM
|
#9 (permalink) | |
|
كاتب قدير
تاريخ التسجيل: Apr 2004
رقم العضوية :2331
المشاركات: 2,964
|
لا .. الدعوة ما يبغالها قراءة سريعة .. على العموم راجع من جديد .. اقتباس:
برضه راجع لقراءة الموضوع على مهل! .. |
|
|
|
|
20-08-2007, 02:24 PM
|
#12 (permalink) |
|
مسافر خبير
تاريخ التسجيل: Jul 2005
رقم العضوية :38842
المشاركات: 1,671
|
تقرير في قمة الروعه ... لا من ناحية الشرح ... ولا من ناحية الصور ... ولو ما علمتنا انها من الجوال كان ما
عرفت ... الا على فكره وش هو جوالك ؟ وبما اني من عشاق التصوير ... شدتني صورة العدة ... وياليت لو تعطينا فكره عن محتواها .. من نوع الكاميرا والعدسات المرفقه .. ولو ان البيضاء على ما اعتقد هي كانون 70- 200 ولا لا ؟. عموماً .. اانا حجزت لي كرسي على هذه الرحله ... ولاني تاركه لين ينتهي التقرير ... باذن الله . ابدعت اخوي ... في البداية .. وشوقتنا نكون معك الى النهاية . فلا تطول علينا . ودمت بخير . |
|
|
|
21-08-2007, 08:47 AM
|
#13 (permalink) |
|
مسافر متميز
تاريخ التسجيل: Nov 2004
رقم العضوية :16004
المشاركات: 241
|
لوووووووول
اجل تراعي مشاعري تعلمنا الذرابة ياصديقي هع هع عن جد موضوعك حرك الجو في بوابة النمسا واهنيك على هالتميز بالنسبة للمطار مو ذاكر وين بس في مكان في المطار شفت لوحة مكتوب عليها BMW Flugheven يمكن اكون غلطان |
|
|
|
21-08-2007, 09:34 AM
|
#14 (permalink) |
|
مشرف النمسا
تاريخ التسجيل: May 2007
الدولة: * في قلب زوجتي *
رقم العضوية :134545
المشاركات: 3,379
|
 صراحة .. مع انك لسى ماطلعت من المطار ولاشفت شي لكن عرفت كيف توصف هذه المرحلة باسلوب عجيب ومن غير ماتمللنا ... واذا كان هذا بس في المطار اجل كيف وصف الفنادق والرحلات وكيف الصور اللي انتظرها من اول التقرير وابي اشوف تصوير هالكاميرا العجيبة ( ماشاءالله لا قوة الا بالله ) ... اخوي المبرمج .. انا بروح لعملي السابق هيئة المواصفات والمقاييس السعودية واعرض عليهم تقريرك عشان يعطونه علامة الجودة لكي لايتم كتابة موضوع من اليوم ورايح حتى يتم مطابقته مع موضوعك ..تقدر تقول مجاملة ولكن اللي مثل هالتقرير يستاهل ... سجّلني متابع متحمس ... وارجوك انك تنتهي من التقرير قبل رمضان عشان مانهوجس في التراويح بالتوفيق يالغالي ... |
|
|
|
21-08-2007, 09:32 AM
|
#15 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
 لعل آخر نقطة وقفت عندها امس وتكلمت عنها كانت...انه بقي صورة وحدة بالجوال..<<مسوي نفسه ما يذكر ام سليمان...بس عشان اهبل بكم..عندكم مانع ..!!؟؟ تقريري وانا حر..!!طيب شوفوا...بما انكم مصرّين على انكم تعرفونها...انا ابقول لكم من هي بس مهوب الحين ...لكن خذوا هالصورة بعد ما طلعنا من مواقف المطار..وعلى فكرة.. "ترا ام سليمان موجودة في الصورة"...فالنبيه يبي يعرفها ويبي يلقاها.. بعد ما طلعنا من مواقف المطار...وبعد مناوشات عديدة بين رجل اختي والموقف وقفنا على جنب على اساس نضبط اعدادات الـGPS اللي هو النافيقيشن سيستم مثل ما هو واضح لكم في الصورة اللي فوق..او بالعربي نظام الملاحة..وطبعا كان نوعه TomTom GO 910 وطبعا ما اخذناه من الرياض...طلبناه قبل الرحلة بحوالي شهر ونص من موقع امازون في امريكا وجانا بعد ثلاث اسابيع تقريبا..وطلع سعره حوالي 1800 ريال..طبعا عيبه الوحيد انه ما يدعم الا خرايط امريكا واوروبا..اما الباقي...صراحه من اروع ما يكون وسهل التحكم وفيه مميزات وخيارات كثيرة لدرجة انه ما امداني استكشفها كلها خلال رحلة ال20 يوم..لكن بشكل عام...لولا توفيق الله...ثم هالجهاز...كان رحلتنا ما تسوى قرش ..فعلا في كل شي كنا نعتمد عليه..والحين نبدأ بسم الله مع اول الصور الكانونيّة...يا بعدهم انتي يا Canon هذي الصورة اول ما مسكنا الهايوي متجهين للنمسا من ميونخ..  طبعا الطبيعة كانت شيء لا يوصف وشي فعلا يشرح النفس وهذي لقطات متفرقة من جوانب الطريق..   طبعا واضح لكم ان الوقت كان حول الغروب...وعلى ان غالباً وقت الغروب يكون كئيب...لكن هالمرة العكس..!! كان من اروع ما يكون...ما ادري عشان تونّا واصلين..!! جايز.. صورة ثانية من الطريق....ويالله برضه عشان اساعدكم...أم سليمان موجودة ترا..  حقل توّه محصود..  الا تعالوا على طاري الحقل...والله يا انّي ما هضمت فأر الحقل ذاك...من يوم ما درسته وانا صغير في كتاب العلوم...بالله قد احد شاف فار في حقل..!!  الله من النّصب يا كتاب العلوم..صورة مقرّبة للـGPS...ولا تدرون وشلون..والله اني رحمتكم صورة مقرّبة لــ "أم سليمان" <<لا لا من جد من جد يبي يتصفّــــق.. طبعاً قد يتسائل الكثيرون الحين..ويقولون...مسوي تستخف دمّك انت ووجهك الحين وقاعد تهبّل بنا يوم تقول لنا ام سليمان وام سليمان...وشلون جهاز GPS صار ام سليمان ...ووش علاقته في الموضوع..!!<<طيّب يا ناس عطوني فرصه...انت يا ولد خلاص فك رقبتي والله لا اعلمكم..جاءت التّسمية الكريمة لأم سليمان...بحكم ان الجهاز فيه من مميزاته...وهي اهم مميزاته...انه يعطيك التوجيهات على الطريق بالصوت ...يعني ما تحتاج تناظر الشاشة عشان تعرف انت تبي تلف يمين..او تطلع مع المخرج مثلا..عشان كذا تلقاه يقول على سبيل المثال لا الحصر.."After 300 meters, take the motor way and then take the second exit " ..عرفتوا ليش سميتها ام سليمان..<<لا شكله ملزّم انه ينجلد اليوم خخخخخخخخ طيب طيب خلاص ابقول...والله يا انتم نشبات بعد والواحد ما يعلمكم شي.. الصوت اللي يعطيك التعليمات ويوجهك...صوت حرمة امريكية..احببناها واحبتنا خلال رحلتنا كلها..وألفت علينا...بس مشكلتها تاكل واجد الله يهديها وهازّة الميزانية علينا شوي ..المهم اني وفي اول يوم وتحديدا وحنا طالعين من مطار ميونخ..اطلقت على هذه المرأة اسم ام سليمان...كنوع من التقدير لها..وكانت تسميتي لها من باب الإستهبال والمزح..لكن هيهات هيهات..<<تراني داري ان هيهات هيهات مكانها خطأ...بس ودي اقولها وش عليكم مني..!!المهم..ما دريت الا وتسمية "أم سليمان"..اُعتُمِدَت اعتماداً رسمياً من جميع اعضاء الرحلة الموقّرين...وصرنا فعلا طول الرحلة...هات ام سليمان...جب ام سليمان..عط ام سليمان قهوة...شف لا تصير تبي الحمام.. انا عارف انكم ودكم تجلدوني لأنكم متوقعين كائن بشري...لكن ترا ما اسمح لأي احد يغلط عليها...ترا صار بيني وبينها علاقة حب وغرام...وترا زواجنا الصيف الجاي الله يحييكم كلكم...الين القى لي وحدة ثانية تقبل بي..<<لا تشرهون عنده انفصام شخصية... صراحة حاولت ابحث عن عينة صوت لأم سليمان بس عجزت القاه...لقيت اصوات ثانية تقدر تختارها على نفس الجهاز لكن ام سليمان ما لقيتها يا حرام يا حرام على العموم..هذا رابط لموقعهم...وفيه معلومات كاملة وتفاصيل كثيرة مرة عن الجهاز.."إضغط هنا" صورة لوحدة من مراوح توليد الطاقة والمنتشرة في كل مكان هناك..  نسيت اقول لكم مخطّطنا.. كان التخطيط من قبل ما نسافر اصلا...ثابت وواضح...علشان كذا كانت وجهتنا ثابتة.. كان التخطيط اننا نشوف لنا مكان ريفي مناسب في منطقة Tirol (اللي هي المنطقة اللي تجمع زيلامسي..كابرون...سالزبرغ..موندسي..والكثير الكثير..)..المهم اننا كنا ناوين نشوف لنا مثل ما قلت مكان يكون ريفي وهاديء...في قرية او مدينة يسهل الوصول منها الى اغلب الأماكن اللي تستحق الزيارة بحيث تكون هالمدينة مثل الموّزع...يعني نطلع منها على سبيل المثال الى زي لامسي...ونرجع..اليوم اللي بعده مثلا نطلع منها نروح لبحيرة موندسي...ونرجع...هكذا دواليك..<<اخيرا..استخدمت كلمة "دواليك" قبل ما اموت صورة مقرّبة لمروحة توليد الطّاقة..  استقر اختيارنا بعد طول تفكير على مدينة صغيرة (هي فعلا ما تعتبر مدينة لكنها اكبر من القرية)...واسمها (سالفلدن) Saalfelden ولعل اللي راحوا للنمسا يعرفونها.. وهنا صورة تبيّن موقع سالفلدن (تقريباً) في منطقة تيرول..وكذلك تبيّن المسار اللي مشيناه بداية من جنوب المانيا...وتعمقاً ووصولا الى الريف النمساوي..(الخط البرتقالي)  الشيء الغريب فعلا...انا قد سمعت عن جنون الألمانيين وتهوّرهم في السواقة...مع اني سمعت عن هالشي كذا مره الا اني ما اقتنعت به الا يوم شفته...!!! يا ناس قسم بالله شيء غير طبيعي...الله يحلّل الدائري الشمالي عندنا قبل ما يستقعدون الدوريّات للناس.. وقسم بالله نمشي 160...ويجيك يمشي مليون من ورا .. ويشطفونا كننا نمشي 40!!  وهذي صورة للأستاد الخاص او بالأصح مقر نادي بايرن ميونيخ Bayern Munich وتوّهم ناقلين له بعد ما كان في الأولمبيك بارك في ميونيخ..منزل مبارك  بدينا ندخل مرحلة الغروب...وكانت فعلا مناظر ساحرة... وهذي لقطات متفرّقة..   الغيوم تختفي وترجع تصك خلال ثواني..تلاحظون قبل شوي الشمس كانت موجودة...وينها الحين..!!  منظر مغري للي يسوق السيارة...انه يدعس البنزين الى ما تطلع رجلة مع شبك المكينة ...خصوصاً مع ناس يشجعون زي الألمان..!! مناظر متفرقة..    مستر بين كان موجود معنا  بدينا نقرب من جبال الألب...وهذي بوادرها..  وقفنا في اول محطة...ناخذ تذكرة ب 8 يورو تجنبنا دفع ضرايب الطريق كل مرّه نمر من عندها...لكن لا احد يدري...ما مرينا من عند اي ضرايب ..وال8 يورو يخلف الله عليها خخخخخخخوهذي صورة المحطة...وتلاحظون اننا بدينا نتطفّل على جبال الألب ودخلنا وسطها..  لوحة السوبر ماركت..<<بغيت اقول بقالة بس استحيت  ولد اختي ماخذ له قبّعة من السوبر ماركت...  طبعا العائلة الكريمة من مستهلكي المواد الغذائية بشكل كبير ههههههه يعني بإختصار ضروس...وقد اطلق علينا زوج اختي في نص الرحلة.. "لوّاحة للبشر...لا تبقي ولا تذر" ...فعلا...اي مكان فيه اكل..نقتحمه كما يقتحم هوريكين كاترينا الأراضي الأمريكية..<<الله يلوم اللي يلومنا..الواحد له نفس ياكل مع هالمناظر والأماكن اللي تفتح النفس..زوج اختي مدح لنا ديرة صغيرة على طريقنا اسمها سول Soll فكانت هي وجهتنا للعشاء...لأننا على آخر وجبة اكلناها في القطريّة...إضافة الى اننا "ضروس" وصلنا سول...وكانت بلدة...في حياتي ما شفت هدوء زي ذاك الهدوء...لو يقرقر بطنك سمعوك اللي في المدينة كلها..!! دخلنا مطعم كان قد قفل...لكنهم ما قصروا...وطلبنا سكالوب واسباغيتي.. الجدير بالذكر هنا...هو لبس اللي تشتغل في المطعم...قسم بالله كني جالس اناظر فلم كرتون...ابد...ما تقول الا لبس هايدي اللي ما راح ولا جا..!! هذي صور صورتها بالجوّال لأني مخلي الكاميرا في السيارة.. هذي صورة مبنى في البلدة..  وهذي صورة للشارع الرئيسي في البلدة...طريق الملك فهد حقهم  صورة من داخل المطعم..  طبعا ابلشتنا جيري بلعبة على شكل عجوز ساحرة...تصفق لها وانت واقف جنبها وتقعد العجوز تضحك....طول يومها راح تصفيق هالخبلة.. وهذي صورة العجوز..  حركة اعجبتتتتني في المطعم..  طلعنا من المطعم متجهين لديرتنا...وكان باقي لنا حوالي ال40 الى 50 كيلو.. وهذي صورة قبل ما نمشي لصيدلية في سول... يلعن ام الفخامة يا شيخ...الله يذكرك بالخير يا صيدليّة السقّاف هههههههههه  احد الأنفاق اللي دخلناها بعد ما تحركنا من سول...  وصلنا ديرتنا ولله الحمد..وكنا حاجزين دور عن طريق الإتصال بالتلفون على صاحبة المجمع من يوم ما كنا في الرياض...واول ما وصلنا قالت انتم الحين اطلعوا نوموا وريحوا اكيد انكم تعبانين من السفر (للمعلومية كانت الساعة حوالي 11:30 او 12 في الليل)...وبكرا فيها حلال نوقع العقد ونسوي كل شي..<<والله انك بنت اجواد يا شيخه ههههههههههه طبعا السكن عرفه زوج اختي من واحد من اخوياه كان موجود هنا الصيف الماضي واعطاه رقم صاحبة المجمع..ومن هالناحية اللي يبي يروح لا يشيل هم...السكن في هالأماكن متوفّر وبكثرة...وحتى اذا ما كنت تعرف مكان معين مثل حالتنا...مكاتب معلومات السيّاح Tourist Information منتشرة هناك وتلقاها في اي ديرة مهما كانت صغيرة حتى لو كانت عبارة عن شارع وشجرتين وحرامي...تلقى فيها مكتب معلومات هذي صور متفرّقة للدور حقنا.. زوج اختي الله يعيننا وياه...24 ساعة مشغول...ما تدري في ايش..بس انه منشغل..لكن الله يعطيه العافيه...شمعة تحترق لتضيء للآخرين..  الدور فيه ثلاث غرف...ثنتين كبيرة ووحدة منهم صغيرة...وهذي وحده من الغرف الكبيرة..  دورة مياه صغيرة الله يعزكم..  طبعا فيه غيرها فيها شاور والحمام اكبر من هذا بكثير.. وهذي صورة من الصالة...المعذرو مهزوزة شوي..  الديرة اللي فيها بيتنا هااادئة بشكل خرافي لا يمكن ان الواحد يوصفه...يعني ممكن توصل الى مراحل من الإسترخاء الذهني مع هالهدوء...لا يمكن انك تحلم حتى توصلها في اي مكان في السعودية مهما كان منعزل.. الا يمكن في الربع الخالي...لكن شتّان بينهم هذا بالإضافة الى صوت نهر يبعد حوالي 400 متر تقريبا عن السكن...ولاحظوا اني اسمعه من شدّة الهدوء.. صورة للبلكونة...وتظهر الغرفة الكبيرة الثانية...على اليمين..والباب الثاني هذي هي الصالة..  انتهى اليوم بدون شيء يذكر غير الإسترخاء.. وبما اني خليتكم تنتظرون كثير عشان هالحلقة وهو شيء خارج عن إرادتي...ما راح اوقف هنا (مع اني كنت افضل اسوي حلقة مستقلة لكل يوم)...لكن انتم تستاهلون ابعطيكم كذا صورة من يوم بكرا...وبعض المعلومات..على الرغم من اننا كنا تعبانين ومفروض ننام نوم عميق...الا اني ومن شدة التفكير وتخيّل المكان سواء من يوم اني في الرياض او حتى يوم وصلنا(بحكم اننا كنا ظلام وقت وصولنا)..كنت متحمس اني اطلع واستكشف المكان برا...طبعا مصطحباً معي اعز اصدقائي في هالرحلة...الا وهي كاميرتي .. على حماسي هذا...كنت اول من صحى في البيت...وكانت الساعة بالضبط 8:16 دقيقة صباحاً.. قمت وعلى طول شاور سريع وطلعت استكشف...واول ما طلعت لقيت بنت الأجواد جايبة حليب...وخبز..!!...طبعا تبيّن لنا في النهاية انها حاسبته علينا بأكثر من قيمتة في السوبر ماركت بشيء ملحوظ...لكن ريّحتنا من مشوار السوبر ماركت في الصبح خصوصا ان الواحد ما له خلق وهو توّه قايم من النوم... هذي صور الخبز..يشهوي صح؟؟؟   طبعا كل صبح ما يقوم الا انا واختي الكبيرة وزوجها...اما الباقين محرومين مساكين من شيء اعتبره من احلى الأشياء في هالرحلة...وش تتوقعون... ؟؟ القهوة العربية...والتمر...الله لا يخلينا..  كانت فعلا تعني لي الشيء الكثير جلسة القهوة على هالصبح..وكنت غالبا ما اتنازل عن لذة النوم مقابل اني ما اترك جلسة القهوة..  التمر الخلاص...والطحينة..مع القهوة..وهالمناظر..وبراااد...يالله من فضلك...ماذا قد يخطر على بال المرء اكثر من ذلك..؟؟  اشوفكم انبسطتوا عاد..!! خلاص...قلت كل يوم له حلقة يعني كل يوم له حلقة ...يالله كل واحد على فصله...!!راح اكمل لكم بقيّة اليوم في الحلقة الجاية ان شاء الله..واعتذر على التأخير اللي صار لكن والله فعلا شيء ماهو في يدي.. اتمنى تكون الحلقة اعجبتكم..اشوفكم على خير.. تحيّاتي لكم...ThE PrOGraMmEr |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 05:51 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||