 |
 |
 |
||
|
|
|
||
 |
|
 |
|
|||||||
| دول أوروبـــــــــــــــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى النمسا. |
 |
|
|
أدوات الموضوع | انواع عرض الموضوع |
|
|
18-08-2007, 01:02 PM
|
#1 (permalink) |
|
الـمـديـر الـــعــام
تاريخ التسجيل: Mar 2003
الدولة: هنا...
رقم العضوية :1
المشاركات: 8,324
|
السلام عليكم ورحمة الله
الغالي....ThE PrOGraMmEr وكما تفضل اخوي الوطواط فان ThE PrOGraMmEr علامة جودة للتقارير الرائعه المميزة تشمل المتعه والفائده كما اشكر المبدع الوطواط صاحب التقارير المتميزة جدا... نرجع للموضوع طريقة الشاورما جدا ممتازة ولي تجارب سابقة لو سالتنى قبل كان اعطيتك  بس يلاحظ هنا اعتقد البنطلون الايسر ما زبطة الحشوة فطلع الاستيكر للتنبية هههههه  عادي ياخي يقلد خاله الى مقطع الناس بالتصوير هههههههه  والحمد لله انك في الاخير بنتزله حلقات هالسنة ولا لو كان على ما قلت بس يمدي الناس يقلون الله ذكريات زمان على كل حال يسعدني ان اسجل متابعتي لتقريرك وطلعت ازين من بعض الناس يسافرون ولا تقارير ولا هم يحزنون ....دق عليه الى انت خابر |
|
|
18-08-2007, 04:49 PM
|
#4 (permalink) | ||
|
مسافر متالق
تاريخ التسجيل: Oct 2005
الدولة: السعودية - سدير
رقم العضوية :50606
المشاركات: 658
|
اقتباس:
إنفلق راسي وأنا أقرا تقريرك ... بس ما أقول إلا عساني ما أسافر وتكون أنت موجود بالصالة أعوذ بالله ... حتى عيال أختك ما سلموا منك اقتباس:
ما شاء الله ... جاك عيال يالمبرمج |
||
|
|
|
18-08-2007, 06:19 PM
|
#5 (permalink) |
|
عضو العرب المسافرون المميز
 
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
[عيد 824]: اشكرك يا عزيزي ومرورك ما زاد تقريري الا جمالاً...
يشرفني متابعتك..وكذلك كون ردّك هو الرد الأول.. [ملكة الليل]:الله يعافيك اختي..والأسلوب الفكاهي لا بد منه لإعطاء التقرير لمسة غير.. انتظري الحلقة القادمة بإذن الله...شاكر لك ردك اختي ... [بيمو]:شهادتك اخوي بيمو اعتز فيها فعلا وبدون مجاملة...وتقريري بدون الأعضاء الرائعين..ولا شيء على فكرة...انا ما تزوجت حتى يجيني عيال  ...اللي تشوفهم في التقرير هذولي عيال اختي الله يخليهم لها ويخليها لهم.. دنا لسّه صغير يا راقل ... شاكر لك ردك اخوي..وانتظر القادم بإذن الله.. [الوطواط]:دائماً تحرجني يا وطواط العرب المسافرون بكلماتك الرائعة وبمدحك المخجل.. ردك افتخر به انه من اول الردود بتقريري..وتسعدني "فغرتك" .[boston25]:والله معليش اللسته مليانه...ابحطك على الويتينغ لست شرفت التقرير عمو.. [Relax]:ابرك الساعات وانا اخوك اللي اعجبك تقريري وشاركت فيه.. متابعتك تشرفني ..اشكرك على الرد.. [هيمان سفر]: يا رجل عاد لا تطيرني في العجة... انا من متى صرت معروف عشان يصير لي معجبين<<هذا المستخدم رأسه الآن بحجم البطيخه..وقام مخه بعرض رسالة له "عفوا...لقد تجاوزت حجم الرأس المسموح به..لا تصدّق نفسك انت وخشتك.. <<والله من خياسة النفس في ذا المخ بعد "اخوي هيمان...كلامك فعلا بقدر ما اسعدني .. اخجلني..وبعدين ما اقتنعت بأن ممكن تقرير يسحب الجو من تقرير ثاني...لأن لكل تقرير لمسات خاصه لصاحبة واسلوب يميزه.. تقبل تحيّاتي وشكري لك... [نكبة زمانه]: الله يعافيك اخوي...ولا تخاف...حاط إدارة للجودة في تقريري ما راح يخلونني انزل في المستوى..<< انقلع بس بس وش قصدك انك متابع جيري قبلي...ما فهمت ! [دلوعتي]: ابشر ان شاء الله.. في الطريق [عيوووس]: اجل نغير المثل نخليه الزين والدلع نجدي يا بنت الحلال انا الحين شايل هم تقريري تبين اكتب تقريرك بعد...الا اذا آخذ 10 ريال على السطر موافق.. تحيّاتي لك اختي...ومشكورة على الرد...وانتظري البقيّة بإذن الله. . . . [مسافر2006]: الله يخليك اخوي...وبعدين وش فيكم مكبريني انتم  ...تراني ما وصلت 24 سنة  شاكر لك ردّك.. [تورا بورا]: يا جعل ربّي يسلمك على هالكلام ومتابعتك للتقرير تسعدني جداً...على فكرة...ولا صورة حتى الآن بالكاميرا الإحترافية..كلها بالجوال.. شاكر لك ردّك اخوي.. [skr600]: وانت احلى الله يسلمك اخوي.. [الرحّالة]: تسلم اخوي على الكلام الحلو...وبإذن الله راح استمر بنفس الأسلوب دام فيه اعضاء وردود رائعة مثلكم.. شاكر لك ردّك.. [عبدالعزيز]: وعليكم السلام ورحمة الله وبركاته,, الجودة والتميّز اخوي عبدالعزيز هي من صفات العرب المسافرون...وانا مجرّد اني من الأشياء التكميلية لها لا اكثر . . . اما البنطلون عاد وش اسوي الزبون كان مستعجل وهذا اللي طلع معي اما بعض الناس اللي يسافرون على قولتك..شاطر علي انا يا رجال..انواع الإستهبال وخفّة الدم في هالدّوام.. اخوي عبدالعزيز...ما تتصوّر وش تأثير كون ان ردّك من اول الردود في تقريري وانعكاس هالشيء على بقية التقرير بإذن الله.. تقبل تحيّة عطرة مني..  [Travel addicted]: ويا بثرها بعد تسلم اخوي...بس تعال...الحين حلقة كل يوم تعتبره بطيء؟؟!!...عز الله اللي بتتعب معي لأني بناء على تقريري السابق...كنت انزّل في الأسبوع معدّل 3 حلقات..على العموم شاكر لك ردّك ومرورك.. [مسافرة كويتية]: مرورك وردّك اختي اروع...والله يعافيك..البقيّة في الطريق بإذن الله.. [هاوي نفود]: اجل اوجعت راسك يا بعدهم ههههههههه رحلة بدون حش ما لها طعم والله شاكر لك ردّك يا عزيزي...ومثل ما قلت للأخوان فوق...انا توني ما بعد تزوّجت ------ الحلقة راح اكتبها اليوم بإذن الله..واذا امداني نزلتها...ولا انزلّها عاد بشكل اكيد ان شاء الله على بكرا.. تقبّلوا تحياتي.. |
|
|
|
18-08-2007, 07:50 PM
|
#7 (permalink) |
|
مسافر متميز
تاريخ التسجيل: Mar 2007
الدولة: الدوحة - قطر
رقم العضوية :124227
المشاركات: 472
|
يعطيك العافية أخوي عالتقرير
بس انا ماقريته كله لكن أدخل موضوعي في صورة ( هدية ) لك وأنت في برج الدانوب http://travel.maktoob.com/vb/showthr...55#post1513355 |
|
|
|
19-08-2007, 08:40 AM
|
#11 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
[شيش ملك]: وما تتصوّر اخوي وش الأثر الطيب على نفسي اللي خليته بردّك هذا..اتمنى اكون عند حسن ظنكم...واشكرك على تواصلك..
الحلقة دقايق ونازلة ان شاء الله [روح المسك]: الله يعافيك اختي... والله من اول ما قلتي هدية وانا عارف وش تقصدين..بس يالله احرقتي علي وحده من صور تقريري لكن ما يخالف..شاكر لك ردّك اختي.. [سلوم]: الله يعافيك اخوي سلوم...والبقية قادمة بإذن الله..  [هايــدي]: تسلم لي يا الغالي...والله يستر من التكسير لا تجيني فاتورة جامدة...ما تسوى علي والله شاكر لك ردّك.. [رحال الكويتي]: يسعدني ويشرفني كلامك اخي العزيز...تابع بقية التقرير.. |
|
|
|
19-08-2007, 08:49 AM
|
#12 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
 إستكمالا للحلقة الأولى...كان آخر شيء تكلمت عنه يوم جيري تنام وهي ماسكة الخبزة.. الرحلة مثل ما انتم عارفين...من الدوحة الى ميونخ.. وهذي صورة تبين المسار حقنا على الخريطة..  انا سبق واني تكلمت في تقريري السابق عن الأنوار الزرقاء اللي يولعونها داخل الطيارة اذا صارت الطيارة في وضع مستقر وفي وسط الرحلة...يعني بإختصار وقت النوم  ...وكنت قد قلت عنها انها تحس انك تحب وحده وانت تناظرها... لأنها لونها ازرق رااايق هههههههههه المره اللي راحت ما كتب الله اني اصورها لكم...لكن هالمرة جبت لكم الصور  وهذي بشكل اوضح ..  كان الجو هااااديء جداً في الطيارة ويساعد على النوم...لكن على كثرة المحاولات...الا انها كلها بائت بالفشل..  بعد ما بدينا نقترب من الأراضي الألمانية...قمت اشوف اشياء مبطي عنها...الا وهي المسطحات الخضراء واللي تفتح النفس ...طبعا كانت الغيوم تغطي اغلب المناطق اللي تحتنا...وكان شكلها كأنها موكيت سبحان الله..صورة لقطتها للشاشة واحنا على مشارف الأراضي الألمانية...يعني كان باقي حوالي ال 45 دقيقة على الهبوط..  وهنا صور متفرقة من المناظر الخياليّة اللي كنت جالس اشوفها..  وهنا بعد ما انقشعت بعض الغيوم..  جناح القطريّة...ويا جبل ما يهزّك ريح ..  دخلنا في الغيوم بشكل اكبر..  من زاوية ثانية..  الفيزا اللي ماخذينها..بحكم ان وصولنا على ميونخ في المانيا...اخذناها من السفارة الألمانية في الرياض واخذت حوالي الأسبوعين الى 20 يوم...وطبعا مثل ما هو معروف عندكم انها فيزا الشنغن Schengen ...وهذا الموقع اللي فيه الأبليكيشن حقها.. الأبليكيشن على ملف Word.."إضغط هنا" الأبليكيشن على ملف PDF..."إضغط هنا" الصور الثلاثة الجاية...ما بينها الا دقايق بسيطة...ولكن تلاحظون الفرق الكبير بين الصور...والتداخل العجيب سبحان الله بين الغيوم واشعة الشمس...واللي بدورها كوّنت منظر لعل أقل ما يمكن ان يوصفه...هو الصور..    لوحة فنية جميلة...تشكلت من الحقول الزراعية الموجودة بضواحي ميونخ...بعضها محصود...والبعض توه طالع..  صورة ثانية اقرب..   قبيل قبيل الهبوط....<<قاصد اكررها يا ذيابة  قبيل الهبوط....<<عرفتوا ليش كررتها  الجانب المعاكس لمبنى المطار...بالضبط زي ساحات مطار الملك خالد..  اسطول طيارات اللوفثانسا "Lufthansa" وهي خطوط ألمانيا الرسمية..  الرحلة استغرقت من الدوحة الى ميونخ حوالي ال6 ساعات ونصف.. لحظة الدخول للمطار..وواضح التطور والترتيب فيه..  لقطات متفرقة من المطار..   شبك سيارة الشركة البافارية المتوحشة كان في استقبالنا... "الشركة البافارية هي BMW للمعلومية وحرف الB هو اختصار ل Bavarian"  طبعا احنا الى الآن...ما ندري وش الجو برا...بحكم اننا دخلنا عن طريق البوابة اللي تركب في باب الطيارة على طول..<<ممكن تتسائلون...ليش قلت هالمعلومة...!! الحين تعرفون..  كنا متوزعين...واحد لحاله...واثنين مع بعض وواحد ورا لحاله..طبعا نمشي ورا بعض لكن اقصد اننا ما كنا نمشي كلنا قروب واحد... كنت انا الأول في السرب<<حشا بط بمجرد ما طلعت مع باب المطار...وحسيت بالجو "كانت درجة الحرارة 25" ... اعطى دماغي إشارة سريعة الى عضلات وجهي تأمر بإظهار إبتسامة بلهاء تنم عن السعادة ..وتعبر عن الفرح لهذا الجو الرائع...اكتسحت كل منا هذه الإبتسامة ببلاهة وعفوية لا توصف ... هذه الإبتسامة لا يفوقها في البلاهة الا إبتسامات جورج بوش الأحمق.. اول ما شفت الوضع كذا...قلت ابجلس اشوف كل واحد من اهلي اذا طلعوا واضحك على شكله... قسم بالله ضحكت ضحك...والله تعابير وجيههم...كل واحد منهم طالع وفيه شوي تكشير "بسبب قلّة النوم طبعا وتعب الرحلة ولا ما فيه اي مشكلة "...المهم..يكون وجهه عادي...اول ما يطلع ينقلب وجهه 180 درجة..وتجي إبتسامة كل وحده ابله من اللي قبلها ..والله يا حسينا اننا فعلاً مساكين في الرياض...اجل 49..!! هذي هي الساحة اللي دخلناها واكتسحتنا الإبتسامات...والى الآن ما طلعنا من المطار...باقي تختيم الجوازات واستلام سيارة الإيجار..  وصلنا لمكتب التأجير اللي ماخذين منه السيارة واللي هو Avis..وكان حجزنا لها طبعاً عن طريق النت عن طريق موقع شركة Sixt وكنا طالبين السيارة 9مقاعد..لكن ما يقدرون يحددون لك وشي بالضبط.. يوم وصلنا صارت السيارة فان مرسيدس مثل ما طلبنا 9 مقاعد.. مكتب Avis  الموقع الرسمي لشركة Avis "إضغط هنا" الموقع الرسمي لشركة Sixt اللي اخذنا السيارة عن طريقها.. اضغط..."إضغط هنا" بعد إنهاء إجراءات السيارة...آآآآهااااه...على طول على السرا حق الجوازات...<<ممكن تتسائلون ليش قلت اهااااه...صح؟ انا اقول لكم...اول ما وصلنا السرا حق الجوازات...وجلسنا ننتظر وننتظر...اخذنا وقت طويل... قامت جيري وبدون أية مقدمات...وبأعلى صوتها...قالت.."ما يطيييييييق الصبرة" ...طبعا هي أغنية شعبية جداً في السعودية وما يعرفها الا الشياب غالباً...فلا تسألوني كيف عرفتها جيري طريقة Avis في تسليم السيارة كانت رائعة...بحيث توقّع كل الأوراق معهم وتخلّص كل شيء...وبعدين يعطونك المفتاح وصورة العقد وكل الأوراق اللي تحتاجها معك...ويقولك وين السيارة.. طبعا مواقف السيارات الإيجار...فيها ضخامة تهوس..!! خمس ادوار مواقف...كل دور انا متأكد انه يحتوي على ما لا يقل عن 600 سيارة من كل انواع وفئات السيارات اللي تطري علي بالكم..!! طبعا كل دور لشركة معيّنة...اتجهنا الى الدور الخاص بشركة Avis صورة لأحد الممرات في المطار...وكان رااااايق...ويتلوّن كل شوي..  صورة ثانية..  صورة لجزء بسييييط من اسطول سيارات شركة Avis والمعذرة على الإهتزاز اللي في الصورة..  تفاجأنا يوم وصلنا لسيارتنا انها ليست الا سيارة إبادة حشرات او لمطاردة الكلاب الضالة في رواية اخرى ...حتى خيّل لي فلبيني قصير القامة ينزل من السيارة ويقول اين تريدني ان ارش هذا الفليت يا هذا...<<حشا صار الحطيئة ذا مهوب فلبيني..!! المهم انها كنها سيارة نقل بقر...  طبعا بغى يصدم بنا رجل اختي 84 مرة بس عشان يطلع السيارة من الموقف بس لااااا احد يقول له شيء...هو احسن واحد يسوق في العالم...وهو ما درا انه مسبب كوارث مرورية وراه خخخخخخخ السيارة كلّفت حوالي الـ6600 الى 7000 ريال لمدة 20 يوم..مفتوحة الكيلومترات.. احب اقول لكم انه ما بقى الا صورة وحده من تصوير الجوال...وبعدها ابشروا بالعز لأني طلعت شنطة الكاميرات وركبت عدساتي وعدّتي...لكن نلتقي مع هالصورة الأخيرة في الحلقة الجاية...واللي راح اعرفكم فيها على رفيقتنا الجديدة طوال الرحلة.."أم سليمان"...يا ترا من هي أم سليمان!! ...الحلقة الجاية راح تعرفونها..<<يلعن ابو اسلوب التشويق حقّك يا شيخ تحيّاتي لكم...ThE PrOGraMmEr |
|
|
) بانتظار نتائج الكاميره 
) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 01:12 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||