 |
 |
 |
||
|
|
|
||
 |
|
 |
|
|||||||
| دول أوروبـــــــــــــــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى النمسا. |
 |
|
|
أدوات الموضوع | انواع عرض الموضوع |
|
|
05-10-2007, 08:52 PM
|
#3 (permalink) |
|
عضوة العرب المسافرون المميزة
تاريخ التسجيل: Dec 2006
الدولة: Qatar
رقم العضوية :118513
المشاركات: 2,707
|
أخوي الفاضل The Programmer أحيك وأهنئك على هذه السفرة الجميلة لنمسا التي طالما تمنيت زيارتها. بصراحة لساني يعجز عن وصف الصور الرائعة  ، راح أسألك سؤال يمكن سألوا قبلي الكثيرشنهي نوع كاميرتك؟ الله يعينك علي. كما أهنئك على حصولك على هذا اللقب لقب العضو المتميز. تستاهل فعلا. ألف مبروك  . |
|
|
29-08-2007, 05:08 PM
|
#5 (permalink) |
|
مشرف دول آسيا الأخرى و الإمارات
تاريخ التسجيل: Jan 2006
الدولة: طـبـعـاً دبـــــي
رقم العضوية :55662
المشاركات: 3,197
|
السـلام عليـك أخي العزيز / ThE PrOGraMmEr ـ أبدعت فكاهةً + صوراً + تنظيماً = أبدعت تقريراً يصعب مجاراته ، وسأصدقك القول أنه لايوجد في المنتدى من ينافسك في روح الدعابة التي تمتلكها [ الله يديم عليك السعادة ] . ملاحظة : أتشرف بأن تكون مشاركتي الأولى في بوابة النمسا في تقريرك الرائع كصاحبه .  بالتوفيق إن شاء الله دائماً وأبداً |
|
|
|
30-08-2007, 04:07 AM
|
#6 (permalink) |
|
مسافر فعال
تاريخ التسجيل: May 2007
الدولة: عند امي و ابوي
رقم العضوية :131507
المشاركات: 80
|
السلامو عليكوم يا صديقي الشقراوي .. خخخ في كل مكان
و اخيرا و بعد طول انتظار صرت استنى باقي الحلقات .. من يوم ما قلت لي تابع التقرير و انا اقرا شوي و (أوزي) الباقي لليوم اللي بعده ... اتاخر عن النوم بسبتك .. بس اشوى مواضب ما فيه افادات بصراحه يا بروقرامر ... اعجز عن الشكر .. هذا و باقي شين ما شفناه انا متأكد و بعذرك يوم قلت لك اباخذ علومك قبل لا اسافر ... تصرفني  .. اثرك (موبّد) لك تقرير يخلينا نتعيجز نكتب اي شي.عموما الله يبسطك زي ما فرحتنا يا شيخ ... و بعد الصور الاكثر من رائعه انا اعتبر نفسي ما صورت و اعتبر نفسي نوعا ما ما سافرت. قسمن بالله ودي اجي ابوووسك يا شيييخخ هههههههه احجز لي كم صوره ترى اباخذها منك لازم و اولها النحله اللي عند وردة جبنه بوك ... ودك لو ان الواحد ذبان هناك مهوب نحله بس ااااااااخ اسف على الاطاله .. و الله اعتذر ... بس زي ما قلت لي كم يوم و انا اقرا بالتقرير عشان كذا لازم اشكرك .. و كان ودي اسوي اقتباسات <<< الله من زين الكلمه .... بس استحيت على وجهي ما ابي امصخهاالوعد يوم الساترداي ... فتّك بعافيه يا (مملوح) <<< تذكير عشان اخونا اللي من الشرقيه هههههه |
|
|
|
30-08-2007, 11:35 AM
|
#7 (permalink) |
|
مسافر متميز
تاريخ التسجيل: Nov 2004
رقم العضوية :16004
المشاركات: 241
|
مازال الابداع مستمرا
ومازلت متسمرا عند الشاشة همسة في اذنك اخوي: انت موهوب فلا تختزل نفسك بل اطلق لها العنان واكيد هناك المزيد من النجاح ينتظرك لاتلومني من حلاوة تقريرك قلبت الثيم قرشي تحياتي لك |
|
|
|
31-08-2007, 04:05 AM
|
#10 (permalink) |
|
مسافر متميز
تاريخ التسجيل: Jul 2005
رقم العضوية :38963
المشاركات: 302
|
ياشيخ روح ربنا يحميك من العين ومن كل شر
ومشنقل تطلق على اقصى مراحل الإستلقاء...وتأتي كما في لسان العرب...مشنقل...مشنقن...شنقن والمقصود هنا هو الفيزا الأوروبية الشنقن <<اقول اشوى ان مراجعة المعاجم مهيب على يدك Grand Hotel من زاوية ثانية وبشكل اقرب.. خخخخخخخخخخخخخخخخخخخخخخ بعدين القارب الي في زيلامسي هو ابو الشنقلة جو استرخاء من جد بس الله يعين الي بيركب معك شكلك يوم ركبت جلست تجدف بيديك خخخخخخخخخخخخ اما صور القمر خياااااااااااااال ابداااااااااااااااع صراحة تقرأ تقرير كل شي فية من ابداع وتصوير وضحك ووناسة ياخوي والله ما قصرت تابع وحنا معاك ياشيخ لين السنة الجاية عادي على اقل من مهلك بس نبي التفاصيل لاتخلي شي يعطيك الف عافية |
|
|
|
31-08-2007, 05:50 PM
|
#11 (permalink) |
|
عضو العرب المسافرون المميز
 
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
 قبل ما ابدأ...تراني غيّرت لون الخط ابشركم...والله اني احبه لكن جاني شكاوي كثير...فقلت اغيره لكن ما يمنع من بعض التطعيمات به.. بسم الله نبدأ.. هل تعلم اخي القاريء انه في دراسة علمية اجريت مؤخراً في مدينة فرانكفورت الألمانية على ذكور النمل...تبيّن ان رائحة القهوة التركيّة تسبب لها الجنون  ...وذلك لأنها تشبه رائحة الإناث..!!<< يعني مثل اذا شم الرّجال كوكو شانيل في السوق...وانسدح على الأرض فاغراً فاه  وهل تعلم ان قوة خفقان قلب البطّة...يوازي قوة محرك بخاري بقوة 4 حصان..!! آخر معلومة..هل تعلم ان نسبة الطاقة التي تستهلكها النحلة في اليوم...اكبر من نسبة الطاقة التي يستهلكها الإنسان ب14 مره..!!<< انواع العجز.. طيب عاد آآآآخر معلومة قسم بالله....هل تعلم ان كل اللي قلته فوق توني مألفه...وولا يمت للصحّة بأي صلة هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههه لعبت عليكم...انلوووو << (انلوو هو الصوت اللي يطلعه الواحد اذا طلّع لسانه )معليش تعيشون وتاكلون غيرها... انتهت آخر حلقة على نهاية رحلة الكهف الجليدي...والأكل في ماكدونالدز.. حقيقةً...ما كان باقي شيء جدير بالذكر في ذاك اليوم الا بعض المناظر الحلوة في الرجعة.. صورة من زمان وانا اتمنى اصورها...لكن ما فيه ظروف مناسبة لها في السعودية...لكن اخيراً صورتها ..   باقة ورد من قطف يداي الناعمتان  ..هدية لكم..وتراني قافطها انها حقّت جبنة بوك.. مناظر متفرّقة من طريق العودة..    انتهى اليوم بدون شيء يذكر..يالله خلصّت الحلقة مع السلامة.. <<<يا غبي قد سويت الحركة ذي...شف لك وحدة ثانية.. <<طيب...خلاص انتهت الحلقة..<<ما قلت لك انك استخدمتها..!!<<لا انت تقول اني مستخدم خلصت الحلقة...غيرتها وحطيت انتهت الحلقة وش فيك ما تفهم..!!!يوم بكرا...كان وللأسف من بدايته ماهو بالمستوى الحلو للأيام الماضيه...ولعل اول سبب هو اننا ما قمنا الا الساعه 12 وما طلعنا الا الساعة 2 ونص..!! والشيء اللي زاد الطين بلّة انه كان الجو ذاك اليوم من الصبح مطر وغيوم..<<عجيييب ...وشلون مطر وغيوم وزاد الطين بلة...منتب عاقل يا اللي عايش في اسكتلندا طول عمرك ومال من المطر..!!<<ياخي وش فيك عصبي اليوم...لا تهاوش...الحين ابقول لك السالفة...وبعدين رح فرّش اسنانك وانت وريحة فمك ذا الخايسة بعدين تعال كلمني..!! اول شيء قبل ما اقول لكم ليش الجو ما اعجبني...ابغاكم تشوفون هالصور المتفرّقة من البيت واللي تبيّن الجو..    المشكلة يا طوال العمر..انه ما فيه ولا شيء نقدر نروح له لأن كل شيء مقفل بسبب المطر...وحتى لو بغينا نمشي على رجلينا في مكان مشي نبي نترطب وتتوصخ ملابسنا...ولا لو انها علينا حنا...الأجواء هذي تسوى عندي السفرة كلها...لكن فعلاً ما تقدر تسوي شيء اذا صار الجو كذا.. التخطيط كان هاليوم على اننا نروح لسالزبورغ Salzburg...وفعلا وجهنا لها.. سالزبرغ طرازها غير الريف اللي حنا متعودين عليه من يوم ما جينا.. كانت مدينة كبيرة ومبانيها قديمة شوي...وزحمة ناس رايحه وجايه...شكلها وسيعة صدر لكن للأسف مثل ما قلت ان المطر خرب علينا وما قدرنا نشوف شيء...بالإضافة الى اننا ما جهّزنا معلومات كافية عنها...او عن الأماكن اللي ممكن نزورها (على كل حال حتى لو كنا مجهزين...المطر ما وقف طول ذاك اليوم) .. هذي صورة تبيّن الطريق والمسافة..  لقطات متفرّقة من الطريق...ولاحظوا الجو يا نااااااااااااااااااااااااااااااااااس ...      بحيرة على الطريق... (تكفينا هالمناظر من ذاك اليوم بغض النظر عن رحلة سالزبرغ)..    بالله كل واحد فيكم يتخيّل انه جالس على هالبحيرة..ومعه من الجنس الطيف..(زوجته زوجته اعوذ بالله كلهم قاموا يناظروني..!! )<<ضاق صدره يوم تخيّل الموقف   حركة..  الغيوم تزيد شيئاً فشيئاً..   الغيوم تمون....حول ما تجي تتقهوى معنا...!!  ام سليمان...وكان مزاجها عالي ذاك اليوم بمناسبة ان ولدها سليمان الله يحفظه جاه بنت سمّاها تماضر..!!<<والله من شاف امك يا سليمان...ما استغرب من تسميتك هاللي كنها وجهك..!!  بوادر الوصول الى سالزبورغ..(لاحظوا انعكاس سلة المشمش على القزازة )..<<كله من زوج اختي...كل شيء يحطه على الطبلون!!...لو اقعد انا جنبه حطني على الطبلون...بس اشوا اني كنت انا اللي اسوق  اول ما دخلنا سالزبرغ...ولاحظوا الطراز المختلف..   اقول يا حلاة الشوزن بس  اول شي تعبنا على بال ما لقينا لنا موقف نوقف فيه سيارتنا  ...عشان كذا نزلناهم وقعدت انا وزوج اختي ندور موقف...وباللعنة لقينا...مكان بينه وبين المكان اللي نزلناهم فيه يمكن ربع ساعة مشي..على فكرة تراني ما اعرف مسمّيات الساحات او الشوارع...لذلك اللي يشوف شيء يعرفه لا يبخل على الأخوان بإسمه هذي ساحة عند الموقف اللي وقفنا فيه..  لقطات متفرّقة للمباني..   يمي يمي..(انتبهوا بعض النكهات معها كحول...خصوصاً جوز الهند<<ماكله وهو ما يدري ).. مصنع يستخدم البيض ويحوله الى اعمال فنيّة..   شارع كان كله محلات ماركات...ويبدوا لي انه مشهور عندهم...لكنه ضيّق..!!  المطر كان مدّهر وما وقّف..  الأخوان المماليح (انا اللي على اليمين..لاحظوا يدي...مدري ليه احس اني ابعطي اخوي بقس ) قلعة والله اني ناسي وش اسمها...لكن الظاهر لها علاقة بالموسيقار المعروف...موزارت Mozart..  لوي فيتون..<< ما احبها مدري ليه..<<لا تكفا...عشاني..!!  مرينا كوفي شوب على نفس الشارع اللي تو..وكان رايق الصراحة...لكن للأسف ما كان فيه مكان يكفي 9 اشخاص ..سألنا اللي تشتغل وين ممكن نلقى اقرب كوفي شوب ويكون حلو...قالت امش زود 200 متر تقريبا وتلقاه هناك...واسمه Republic رحنا له وكان فعلا حلو...لكنه اقرب لأنه يكون بار من انه كوفي شوب.. الجدير بالذكر هنا...انه يجيب لك الطلب قبل ما تطلبه من سرعتهم !! من جد سريعييين..وكانت قهوتهم وعصيراتهم حلوه مره.... يتبع>> |
|
|
|
31-08-2007, 11:16 PM
|
#12 (permalink) | |
|
مسافر متميز
تاريخ التسجيل: Mar 2007
رقم العضوية :124971
المشاركات: 461
|
اقتباس:
مثل ماتفضلت اخوي هالشارع مشهور عندهم ولو لاحظت السهم اللي فوق يشير على الشقه اللي كان ساكنها موزارت واللي صارت كوفي باسمه ونفس الشارع اذا مشيت لاخره بتحصل الحي اليهودي تشكرات خيووو على هالصور الحلوه |
|
|
|
|
31-08-2007, 06:01 PM
|
#13 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
توت مع خوخ مع سفن اب مع جرذي مع جزمة مبلّط هندي..!! ما بقى شيء ما حطوه لي في هالعصير..  صورة من داخل الكوفي شوب..  خلصنا منه وطلعنا ما ندري وين نروح...لأن كل شيء مطر...لذلك...وللأسف...اضطرينا اننا ننهي رحلتنا الفاشلة نسبياً الى سالزبرغ...ونعود ادراجنا..طبعاً هالشيء احزنني..لأني ما كان ودّي ان رحلة سالزبورغ تقتصر على كذا...لكن الحمدلله على كل حال.. على كل حال...انا من نظرتي الأولية لسالزبورغ بحكم اني ما تعمّقت فيها وما شفت شيء زين...ومن وجهة نظري...احس انها حلوة للمعاريس اكثر من العوايل...لأنها بلدة رومانسية بحتة لأن جلساتها ومطاعهما وشوارعها مررره رااايقه وهادية.. عودة الهزيمة الى السيّارة..  كنا جوعانين كالعادة ..وطبعا ما ندري وين ناكل...ناخذ لحم وناكل في البيت!!...ناخذ شاورما من هالمحلات!!..نوقف في مطعم على الطريق..!!انواع الآراء والتعارض ..بغينا نوقف عند محل شاورما لكن كل ماجينا نبي نوقف...يا اننا ما نقدر نديور له...ولا انه صاك...يعني سبحان الله ما طاعت تيسّر هالشاورما.. آخر شي وحنا نمشي على الهايوي...ونقز برجر كنج على الجهة الثانية ونديور له بصعوبة بالغة..ووقفنا عنده...وبدوا زوج اختي واخوي بـ "رحلة البحث عن العلوج" (العلوج هو لحم العجل...لكن نسميه علوج وانا واخوي بالذّات نعشق لحم العجل...انصحكم تجربونه...خفيف مره ولذيذ..)...اللي ما انتهت الا من بكرا..لا وما لقوا الا شوي بعد..حول 2 كيلو...ويوم راحوا لسوبر ماركت ثاني وينزل زوج اختي وما لقى...قلت له انت فيك نحس ياخوي!!...قال اجل وشلون قبل شوي لقينا...قلت عشاني معكم ..قال خلاص نشوف الحين...والله ونوقف عند سوبر ماركت ثاني...قلت شف...ابنزل وابلقى اوكي..؟قال خلاص...يا رب ما تلقى..قلت تشوف...انا ما ادري ليش كان عندي يقين واحساااس اني ابلقى... والله وادخل والقى ضعف اللي هم جابوه وآخذه واطلع وانا منتصر.. تخيلوا على روعة المناظر واحنا رايحين لسالزبرغ...الا انها كانت اروع في الرجعة...ولعلكم تحكمون بالصور...       الغروب...مع الغيوم...شكلوا لوحة فنّية عمري ما راح انساها...وما اتوقع ابشوف مثل ذاك المنظر اللي ما استمر اكثر من 5 الى 8 دقايق..    الجبل...يطل بخجل من ورا الغيوم..  منظر الغروب مره ثانية..   الغيوم منسدحة على الجبل   انعكاس اشعة الشمس الأرجوانية..على الجبل...<<عارف ان الأرجواني هو البنفسجي...لكن تكفون ودي اقول ارجواني من زمان...معليش ؟؟    لاااااااااااا إله الا الله....   كمّلنا طريق العودة...ووقفنا على مصانع الهدا لتعبئة المياه..مصنع ربّي..  مويه من النهر...برودة وحلاوة تضرب في المخ على طول..  يؤسفني اقول لكم ان اليوم ما تبقى فيه شيء...عارف ان الحلقة قصيرة...لكن ظروف هاليوم حكمتنا بكذا...بالإضافة الى ان اليوم اللي بعده ما اقدر ابداه واوقف في نصه او ربعه...لأنه فيه شيء ما يصلح ينقطع على جزئين... اتمنى تعجبكم الحلقة والمعذرة على انها قصيرة...لكن عاد عطوني اجازة اليوم جمعة تحيّاتي لكم...ThE PrOGraMmEr |
|
|
|
04-10-2007, 04:09 PM
|
#14 (permalink) | |
|
مسافر فعال
تاريخ التسجيل: Nov 2005
رقم العضوية :52041
المشاركات: 74
|
اقتباس:
بس هذي عاد توححححححححححححححفه اجل ارجوانيه |
|
|
|
|
31-08-2007, 06:18 PM
|
#15 (permalink) |
|
عضو العرب المسافرون المميز
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683
|
[dart]: اها..انت قصدك اني اجيب الصورة من فوق...ما ارفع توجيهها الى السماء.. اشكرك على الرد والمتابعة المستمرة.. [عربي حر]: الله يعافيك اخوي.. [الرحالة]: العفو اخوي...هذا واجبي .. اشكرك على متابعتك المستمرّة.. [بو شرف]: افتخر بكلامك اخي الغالي..مشكور على الرد.. [Mohammed]: ههههههههههه والله كأنك داري انه قبل فتره كان يتكلم عنها مملوح يا طويل العمر...ما ادري وشلون اشرحها لك...هلحين انت اذا شفت وحده زينه....يعني اعجبتك...هل ضروري انها تكون جميلة؟؟ يعني عيونها كبيرة..والخشم دقيق...واحواجب مرسومة؟؟ مهوب شرط..صح؟؟ في الحاله هذي تقول عنها مملوحه...وممكن يستخدم على ان الواحد خفيف دم او بمعنى آخر وعشان اريحك...تقدر تستبدلها تماماً بكلمة كيوت.. <<والله يا عليك شرح من جننننبها..الحلقة الجايه في انتظارك الحين [vw_passat]: اله يجزاك خير على هالكلام يا الغالي... اشكرك على الرد والمتابعة.. [هايدي]: تسلم لي والله يا صاحبي.. [مسافر دلوع]: فعلاً تستحق الزيارة.. اشكرك على الرد.. [عبد العزيز]: الا مخش...بس انه في العدسه ولا تدري وشلون...خيط عنكبوت يتدلّى من الشجرة..<<<اسألك بالله ما افحمتك بكلمة "يتدلّى" الا تعال...انت وش وضعك..شكلك كنت تشتغل في برج مراقبه في المطار ولا وشو؟ مشكور يا ابو لمى على هالردود الحلوة...الله لا يخلينا .. [Awal_7abib]: شكلها وانا اخوك نبي نحولها مرقوق وجريش مشكور على كلامك الحلو يا مديرنا وشرفني مرورك وردك.. [QJQ]: هلا هلا هلا والله بأخوي الغالي.. QJQ ... ما تتصوّر والله فرحتي بردّك الكريم.. وفعلاً شهادتك شي افتخر به واعتز فيه...خصوصا انه من شخص مثلك... الشرف هذا راح يكون لي.. اشكرك على ردّك الحلو اخي الغالي.. [هاوي إجازة]: هههههههههههههههههههههههههههههههه هلا والله.. يا عزيزي الساعه المباركه والله.. اما من ناحية موبّد...ايه والله كنت موبّد كلامك يا صديقي اسعدني كثيراً بدون مجاملة..وولا اطاله ولا شيء.. مشكور على الرد الكويّس يا كويّس [عيوووس]: والله يا الغالي يعدني جداً هالشيء...وهذاهو ما اتمناه.. همستك تعني لي الشيء الكثير...ولها مكان كبير في قلبي..اشكرك يا الغالي على متابعتك وحرصك.. [Mohammed]: ولا تخاف ولا شيء...يا مملوح [هاوي اجازة]: بس يا ولد عيب...لا تسولف في تقريري [@waleed@]: يشرّفني اخوي ان التقرير حاز على اعجابك.. والله يا قرب التقرير يبي يقعد الى السنه الجاية مشكور على الرد والمرور .. |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 07:53 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||