 |
 |
 |
||
|
|
|
||
 |
|
 |
|
|||||||
| دول جنوب و شرق آسيـــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى الصين وهونج كونج. |
 |
|
|
أدوات الموضوع | انواع عرض الموضوع |
|
|
01-08-2007, 08:16 AM
|
#1 (permalink) |
|
مسافر متالق
تاريخ التسجيل: Jul 2007
الدولة: قطر
رقم العضوية :149430
المشاركات: 717
|
رحلتي الى هونج كونج لمدة اسبوعين
بسم الله الرحمن الرحيم
في البداية احب اشكر هذا المنتدى وبالصراحة في منتديات ثانية بعد استفد منها قبل ما اسافر.  قبل سفري الى هونج كونج قالت صديقتي ادخلي على هذا المنتدى واح تستفيدين وفعلا والله استفدت كثير وعجبني رحلة بو مروان واخذت العناوين وتحمست كثير للسفرة وقلت لازم اشتري كاميرا عشان اصور وكان في داخلي كذا تنافس اني احط اجمل اللقطات وانا اليوم حابة اكتب عن رحلتي الى هونج كونج بالصور وان شاء الله تعجبكم الصور بس ابي تشجيع منكم وحماس  والله اني من يوم ما جيت وانا احاول اصغر في الصور ومب عارفة  واول ما تعلمت شلون اصغر الصور على طول دخلت اكتب التقريريلا مع التقرير  كانت رحلتي يوم 13-7-2007 وتقريبا كنا هناك اسبوعين وكانت الرحلة عائلية مع اخواني واختي واعيالها والوالدة طبعا ورجعنا يوم الجمعة تاريخ 27-7-2007 وانا استانست في الرحلة كثير اقلعت الطيارة الساعة وحدة ونصف الفجر تأخرت شوي في الأقلاع ووصلنا هناك الساعة تسع ونصف بتوقيت الدوحة يعني الساعة ثنتين ونصف الظهر عندهم و 8 ساعات بالطيارة والكل نام بالطيارة وهذا كان موعد الاقلاع  وهذي الصورة واحنا في الجو اول ما طلع الصبح  واخيراقربنا نوصل  والله كنت مستانسة اول ما شفت هونج كونج من الطيارة وهذه الصور قبل نزول الطيارة     انزلت الطيارة بالسلامة والحمد لله وهذا مطار هونج كونج ومطار هونج كونج كبير وايد والله مطارهم راقي وعجيب اول ما تنزل من الطيارة تمشي مسافة لين توصل الى القطار وبالقطار ياخذك عند ختم الجوازات وهذا القطار  بس اول ما وصلنا الطابور اش طوله  وصارت سالفة مع اختي وزوجها واعيالها  احنا خلصنا بسرعة بس اختي وزوجها واعيالها اخروهم يمكن ساعة في التدقيق على جوازاتهم مدري وش السالفة بس جلسنا ننتظرهم واخذنا العفش وخلصنا وهما لسه يدققون على جوازاتهم يلا اخيرا خلصوا وطلعنا من المطار الى الفندق انتظروني مع التكملة |
|
|
|
01-08-2007, 08:44 AM
|
#2 (permalink) |
|
مسافر خبير
تاريخ التسجيل: Jul 2007
الدولة: ][الـهوا شـرقـيـ وقـلـبـيـ هــاويـ الشـرقـيهـ][
رقم العضوية :144405
المشاركات: 1,362
|
الحمدالله على السلامة اهم شي استانستو الله يعطيك العافية على الصور انا يوم نزلت المطار ماشفت القطار كانو خاشينة يمكن هههههه يالة عاد نبي نشوف التقرير الباقي الله يوفقك ايش نوغ الكاميرا ؟ |
|
|
|
|
01-08-2007, 09:14 AM
|
#3 (permalink) |
|
مسافر متالق
تاريخ التسجيل: Jul 2007
الدولة: قطر
رقم العضوية :149430
المشاركات: 717
|
لووووووووووووووول فشلة نزلت الموضوع مرتين لان اول مرة ما نزلت الموضوع ما طلع عندي وانقهرت وكتبته ثاني مرة والله تعبت بس يلا المشرف خله يمسح الموضوع المكرر ويهون التعب
تسلم اخوي دحنوش على مرورك خخخخخخخخخخ صج ما شفت القطار يمكن لان المطار كبير انت نزلوك عند مبنى ختم الجوازات مباشرة والكاميرا هي كانون ديجتل 7 بكسل بس حد يقولي شلون اكمل التقرير ترى انا جديدة وما اعرف يعني اكمل هنا بس اختفت عندي هذي الوجوه الكاركتيريه وينها ابي احطها مع التقرير احلى |
|
|
|
|
01-08-2007, 10:52 AM
|
#9 (permalink) |
|
مسافر متالق
تاريخ التسجيل: Jul 2007
الدولة: قطر
رقم العضوية :149430
المشاركات: 717
|
تكملة الرحلة
طيار الحب انا هناك تعقدت من شي اسمه طابور في كل مكان طابور
وهم عادي عندهم وعندهم طوله بال وشعب في حاله واحنا في الطابور صوتنا طالع واعيال اختي يسون العجب بس شوارعهم انا ما شفت زحمة ابد منظمين جدا يسلموووووووووو طيار الحب على مرورك ومنور الصفحة وهاب الكويت مرورك اسعدني ومنور الصفحة والحين وصلنا للفندق بس احنا جلسنا في كولون وهي جزيرة تابعة لهونج كونج يعني حتى اقرب من لما تكون في الشارقة تروح لدبي ما كنا نحس بالزحمة ابد وكنا هناك مستأجرين سيارة كبيرة وفيها مواصلات كثيرة مثل الباصات والقطارات بس احنا اخذنا سيارة خاصة لان معنا اطفال وكنا حاجزين الفندق من قطر فندق شنقريلا وهو خمس نجوم الليلة اعتقد 1250 تقريبا وهو قريب من كورنيش كولون كنا نروح مشي للكورنيش ومحطة القطار كان جنبنا  وهذا الفندق من الخارج  وهذا اللوبي حق الفندق   واااااااااااااااو واخيرا وصلنا الى الغرفة بعد التعب  وهذي هي الغرفة   وثاني يوم من الصبح يتصلون علينا الفندق و كل يوم الصبح الساعة 8 حق الفطور وهذا مطعم الفندق الي نروح نتريق فيه   وهنا اختي حاطة فطور حق اعيالها هنا وعافية يا اعيال اختي  وهنا بعد ما خلصوا بالعافية على قلبهم وبعد ما خلصنا من الفطور رجعنا للغرفة وفتحت الستارة وشفت مناظر حلوة من النافذة وهذي اول صورة لكوفي شوب تحت الفندق  وهذي مناظر حلوة وايد من الفندق على البحر   وهنا ما اروع المنظر مع السحب   انتظروني مع التكملة عندي وايد صور |
|
|
|
|
01-08-2007, 12:19 PM
|
#10 (permalink) |
|
مسافر متالق
تاريخ التسجيل: Jul 2007
الدولة: قطر
رقم العضوية :149430
المشاركات: 717
|
والله قبل ساعة قعدت احمل صور واكتب وسويت له رد سريع بس ما طلع ليش كذا يسير معي هذي ثاني مرة يصير معي كذا والحين يعني لازم اكتب من جديد واحمل الصور مرة ثانية انزين امري لله اول شي اخوي طيار الحب انا اتعقدت هناك من سالفة الطابور كرهوني في الطابور كل مكان طابور وهم عندهم طوله بال وصوتهم ما يطلع واحنا مسوين ازعاج في الطابور واعيال اختي يسون العجب بس شوارعهم والله منظمة ومب زحمة واحنا هناك كنا ماخذين سيارة خاصة مع سواق لان معانا اعيال صغار بس الي يروح بدون اطفال يقدر يستخدم الباص او القطار وانا ركبت القطار مرتين وراح بعدين احط لكم الصور يسلموووووووووو طيار على مرورك ومنور الصفحة وهاب الكويت و ابو كرام و kyoto مروركم اسعدني ومنورين الصفحة انتظروني مع التكملة |
|
|
|
|
01-08-2007, 03:03 PM
|
#11 (permalink) |
|
مسافر خبير
تاريخ التسجيل: Jul 2007
الدولة: Saudi - Riyadh
رقم العضوية :145794
المشاركات: 1,203
|
اخت دانة
اذا كتبتي الموضوع وخلصتي سوي نسخ للكل قبل ادراج الموضوع ثاني شي طولي بالك شوي الظاهر الاتصال عندك بطيء او عندك مشكلة في تحديث الصفحة ومشكورة على الصور الحلوة لازلنا متابعين معك وبانتظار المزيد |
|
|
|
|
01-08-2007, 04:13 PM
|
#13 (permalink) |
|
مسافر متالق
تاريخ التسجيل: Jul 2007
الدولة: قطر
رقم العضوية :149430
المشاركات: 717
|
ثاني يوم الى بيك peak
تسلم Abu Karam على متابعتك لتقريري وان شاء الله تعجبكم الصور واشكرك على النصيحة
يلا بكمل رحنا ثاني يوم الى بيك peak ورحنا زي ما قلت بالسيارة وخذ منا وقت يمكن 35 دقيقة وهناك على البيك في مول وفي برج وفي متحف الشمع مكان روووووعة اول شي رحنا على المول تمشينا وبعدين دخلنا على البرج  وبعدين صعدنا الى اعلى البرج وهذي المناظر من فوق البرج بس انا مقربة الصورة     وبعدين في هاليوم طلعنا ونسينا نروح الى متحف الشمع وهو في نفس المكان وانا كنت ماخذه المعلومة من هنا ان في متحف الشمع في بيك ورجعنا يوم غير لنفس المكان عشان نروح على المتحف نسأل السواق وين بالضبط المتحف يقول ما يعرف ونسأل الصينين بعد ما يعرفون وانا متاكدة ان في متحف الشمع زي ما قلت لكم والله استفدت من هذا المنتدى وايد و تدرون الاجانب السواح والله يعرفون احسن من اهل البلد هذول الصينين كله يهزون راسهم بس  وبعدين شفنا وحدة امريكية وسألناها هي الي قالت لنا مكانه بالضبط في البرجوبعدين دخلنا على المتحف بس ما اذكر سعر التذكرة كم وهذا المتحف اسمه نفس اسم متحف الشمع الي في لندن بس الي هنا على اصغر بس حلو  وهنا مع الشخصيات الي في متحف الشمع       وهنا خلصنا من متحف الشمع والمكان الي اسمه بيك واليوم تعبت انتظروني بكرة ان شاء الله مع صور ديزني لاند |
|
|
|
|
01-08-2007, 04:25 PM
|
#14 (permalink) |
|
مسافر متالق
تاريخ التسجيل: Jul 2007
الدولة: قطر
رقم العضوية :149430
المشاركات: 717
|
هلا ومرحبا فيك اخوي بو شرف شوف هناك الجو عندهم غريب في غيوم وفي شمس وحر شوي في نفس الوقت يعني شهر 7 الي احنا رحنا كان حر شوي بس مب زي الحر الي عندنا
يعني الي يبي يروح هونج كونج لا يروح شهر 7 حرام على الطبيعة الي عندهم والمناظر الحلوة يعني يكون براد يكون احلى ومدري والله درجة الحرارة كم بالضبط بس كان حر شوي بس في الليل الجو حلو |
|
|
|
|
01-08-2007, 04:49 PM
|
#15 (permalink) |
|
مسافرجديد
تاريخ التسجيل: Jun 2007
رقم العضوية :140821
المشاركات: 24
|
الأخت أحلى دانة قطر الله يعطيك الف عافية على التقرير المميز وبإنتظار المزيد وخصوصاً اني الان في قوانزو ورايح لهونج كونج بعد بكرة ولا اعرف شي بس مواضيع الاخوان أفادتني وانشاء الله استفيد منك بعد. تحياتي .. |
|
|
|
|
«
{}{}{ تقريري المصور : لرحلتي إلى .. الصين ( هونغ كونغ- شنزن -غوانزو ).. }{}{}
|
أيام في آسيا (الصين - هونج كونج - مكاو - تايلاند)
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 06:45 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||