 |
 |
 |
||
|
|
|
||
 |
|
 |
|
|||||||
| بوابة السفر إلى المغرب Morocco أجمل الصور لبلاد الاطلس بعيون عشاقها... |
 |
|
|
أدوات الموضوع | انواع عرض الموضوع |
31-07-2007, 07:38 PM
|
#1 (permalink) |
|
مسافر متالق
تاريخ التسجيل: Jun 2005
الدولة: السعوديه
رقم العضوية :27832
المشاركات: 664
|
ان لم تكن معجبا بالساهر من قبل فسوف تعجب به بعد هذا التقرير
السلام عليكم ورحمة الله وبركاته اعزائي اعضاء العرب المسافرون عامة والمغرب طبعاااا خاصةً اشتقنا لكم كثيراااااا ونحمد الله على عودتنا الي ارض الوطن سالمين غانمين بعد رحلة مشوقه الي ارض الاحباب ارض السحر والجمال العربي ارض مغربنا العزيز والغالي كانت الرحله قصيره وسريعه ولكنها رائعه بروعة ارضها واهلها قررت الذهاب انا واحد اصدقائي الي هذه الدوله وكان ذلك بين يوم وليلة فلم نفكر كثيرا لأننا لن نجد البديل وهذه الحقيقه التي حاولنا اخفائها على بعضنا اكثر من مرررره  هذه الحقيقه وهي انني كل عام اذهب واقول اخر رحله انشاء الله وتوبه ماعاد اروح ولكن يتكرر السيناريو ونخطط للرحله التاليه في العام المقبل وربما ان الخطط القادمه سوف تجعلنا نذهب مرتين وثلاثه واربعه في العام الواحد وهذا مااخشاه حاليا  فعلا كلما ذهبت للمغرب زاد تعلقك فيه وحاولت اقنع نفسي واقول كفايه خلاص (صافي) بلاش مغرب بس للأسف طلعت ارادتي ضعيفه جدا ولم استطيع اقناع نفسي ماتوقعتك نهايتي راح تكون اليمه عموما ندخل في صلب الموضوع واحلى موضوع انشاء الله ونعطيكم بعض المعلومات عن رحلتي والهدف هو الاستفاده منها والمتعه ونرفق لكم بعض الصور اللي ممكن تعطيكم لمحه عامه او تصور عن هذه الرحله بالرغم من ان الصور قد ذهب الكثير منها مع الكاميرا الله يرحمها ويغفرلها حيث انها تعرضت للسرقه اثناء عمليه فزعه قمت بها واكلتها على راسي ولكن فيه صور بسيطه في الجوال وراح نعرضها لكم المهم نرجع لموضوعنا الاصلي المغرب معروف وفرحة السفر له معروفه لأصحاب المغرب اما اللي ماراح المغرب اتوقع ماعاش هذه الفرحه اللي تسبق السفر  كالعاده وقبل سفري لأي دوله لابد من التعريج على منتدانا الكبير والكبير كبير ومافي كبير الا وجه الله  اخذنا لفه على البوابه هنا وساحة الاستفسارات الخاصه بالبوابه ووجدنا الشي الكثير ومايروي عطشنا من معلومات مهمه الا انه كانت هذه البوابه اثناء الفتره التي سبقت رحلتي تعاني من ركود ولاااعلم ماهو سبب هذا الركود ولكن تمت معالجه المشكله وعادو لنا الاعضاء الكبار بما فيهم المشرفين وبدأت السفينه تبحر داخل المحيط طبعا بدأت بعمل الحجوزات للطيران وهنا نقطه مهمهمصيبه المغرب انه بعيد ياليته قريب ااااه ياقلبي بس لو انه قريب  بس اتصور لو انه قريب كان ماهو بالحلاوه هذي كان تلاقي كل العالم فيه ومحيوس حوسه الله اعلم بها بس اكيد في حكمه من الله انه صار بعيد الحجز قبل السفر كان تقريبا بمدة اسبوع ونصف وكالعاده المعروفه عندنا بخطوطنا الجويه انك ماراح تلاقي حجز قلنا الاماراتيه حليوه ومجربينها كثير ودبي ابو ليله مره كويسه عشان تبدأ تدخل الاجواء حبه حبه لأني ماأحب الصدمات المفاجئه تعرفون من الرياض لكازا ممكن اصحاب القلوب الضعيفه توقف قلوبهم حجزنا على الاميريتس بالانجليزي  مقعدين كل مقعد ب 2700 ريال سعر حليوه والا شرايكموموعد الحجز كان بتاريخ 6 جولاي والعوده بتاريخ 20 جولاي تقريبا 12 يوم من غير ليله في دبي في الذهاب والعوده ومددنا يوم واحد وهذا اللي قدرنا عليه طلعت النتيجه النهائيه 13 يوم في المغرب صحيح قليله ولكن تخفف شوي وتعطينا امل في الحياه وتجعل مستقبلنا مشرق والله ياجماعة الربع ويجي الموعد المنتظر يوم الجمعه وقت صلاة المغرب ونروح لمطارنا في الرياض حلوه مطارنا ونقص البوردنق ونشحن الشنط وعلى الدور اللي اسفل وعلى البنك ونحول مبلغ 14 الف ريالليورو وحسبو اليورو بحوالي 5 ريال وعليها كم هلله وعلى البوابه ونتفاجأ ان الرحله تأخرت ماجات الطياره من دبي سألنا وش فيه ياجماعه قالوا عادي تأخرت لمدة ساعتين وانتم مسافرين مسافرين الله لايعوق بشر قلنا يله لعيون المغرب ننتظر والا انا عصبت كنت راح ارجع البيت واقول خلاص ماابي اسافر <====== هين والله لو أنك رايح موزنبيق طبعا اقلعنا على الساعه 11 ليلا ووصلنا دبي قبل رحلتنا للدار البيضاء ب 3 ساعات تقريبا وطلع التأخير في مكانه لأننا ماراح نطول في مطار دبي ولو اقلعنا من الرياض في نفس الموعد كان مشكله نصير بين خيارات اصعبها مر يانجلس بالمطار خمس او ست ساعات او نستأجر فندق والوقت قصير مايستاهل او نستأجر سياره بس الوقت متأخر في دبي على اخر الليل وين تروح العالم قفلت كلها وموب وقت تمشيه فكان التأخير ممتاز وكل تأخيره فيها خيره والحمد لله على كل حال والرحله من بدايتها طيبه وتوحي بأنها راح تكون غير وجده غير والطائف احلى قعدنا نلف في مطار دبي ونتفقد وش الجديد تعرفون مطار دبي كل شهر شي جديد يتغير فيه وشفنا بوابتنا اللي راح نركب من خلالها طيارتنا ومثل كل مره اخر بوابه ماتغيرت كان فيه ملاحظه بسيطه قابلت كم واحد في مطار دبي يقولون التفتيش صاير قلق يعني اذا جايب معاك عطر او اي شي سائل من برا وحجمه يتعدى 100 ميلي ماتطلع فيه الطياره ليش ماادري هذا اللي فهمته من بعض المسافرين والمشكله ياليت يشحنونه في الشنطه مع الشحن لا يرمونه قدام عينك فالزبده اللي معاه عطر يصرفه ويحطه مع شنطة الشحن عشان لاياخذونه اي شي سائل موب شرط العطر طبعا اي شي تشتريه من السوق الحره عادي تاخذه معك لان مافي تفتيش هناك على طول للطياره وصلت المعلومه والا لا  اللهم اني بلغت اللهم فأشهداقلعنا من دبي على الساعه 7.30 صباحا ورحله لمدة ثمان ساعات وصلنا مطار محمد الخامس على الساعه 2.30 ظهرا بتوقيت المغرب وكنت ناوي امغطها على مراكش بس للأسف وصلت تعبان ومرهق اخذنا الشنط بعد ماطولت وماجات الا وحنا مقفله معانا والاخلاق تجاريه يعني لطعونا لمدة ساعه وحنا عيونا مفتوحه على السير وطلعنا بالشنط على رجال الجمارك الحلوين وكانوا في استقبالنا ويرحبون فينا وهذا اللي يحلف على الغدا والثاني يقول والله ان تمرحون الليله عندي قمت حلفت وقلت خلوها المره الثانيه حنا راعين بر وقنص وعلوم رجال وسألت عن رئيسهم عشان ابدي اعجابي في طريقة تنظيم العمل والروح والاخلاق الطيبه اللي استقبلونا فيها افراده الشجعان وقلت لجوهر طلع خمسين درهم وعطه والله انه يستاهل ابو نجمتين وبعدها حلف وقال والله ماتفتحون شناطكم انتم معروفين وابائكم واجدادكم معروفين من زمان وتوكلوا على الله وحشومه نفتشكم سيروا بس واستانسوا في المغريب قلنا له تم والله انك اجودي انت وافرادك لفيت المطار في عجالةٍ من امري ورحت يسار عند محلات تأجير السيارات وكل واحد يقول تعال اختار السياره اللي تبيها قلت الخلاااا انا مااعرف الا بدجت او افياس او هيرتز اما الباقي لااشوفكم واروح اسأل المكاتب الثلاثه كل واحد يقول عندك حجز قلت ماعندي الا حجز عوده بس اي حجز انت وياه ابي سياره شلون احجز قال مافيه سيارات المهم رحت للمكاتب الثانيه واشوف السيارات واقارنها مع الاسعار طلعت كلها خرابيط ماتسوى واسعارها غاليه وانا وراي خط وماودي اتوهق في سياره قرمبع وابتلش فيها ونفس الوقت ودي بسياره نظيفه وسعرها وسط واخذ طاكسي على كازا وامر اكثر من محل تأجير والاقي هناك الرخص والسيارات الحلوه واخذلي رينو استخدام حشمه ولونها ازرق وحليوه ب 350 درهم واعبيها فل ب 400 درهم وجلست اضحك اول مره استأجر سياره رخيصه والبنزين اغلى من ايجارها واستأجر شقه في كازا وقلنا ناخذ ليلتين فيها نرتاح من تعب السفر ومنها نشقر على كازا ونشوف اخر التطورات والجو العام كيف تعرفون كازا مدينه تجنن واللي يجيها كل مره ما يصبر منها وعلى هذا الاساس قلنا ليلتين طيبه فيها وتفي بالغرض واخذت شقه بشارع انفا قدام سوق انفا والتوين خلفك على شارع المسيره والعماره اللي سكنت فيها اسمها اقامة ليلي مدخل العماره بجانب مدخل مطعم كانون اللبناني مطعم جدا راقي واكله نظيف وسعره غالي شوي بس يستاهل والتوين تروح له مشي على رجولك والمقاهي هناك والفله وكل شي حولك وفعلا اخذتها بمبلغ 1300 درهم ليلتين 2600 درهم مع شغالتها غرفتين نوم بحماماتها وانتم بالكرامه بصالونين مغربي وكنب مع مطبخ وبلكونه وحوش خلفي وتقريبا اللي يشوفها يقول احسن من سويت بحياة ريجنسي ومعروف سويت حياة ريجنسي هذا بخلاف الامان وحرية التنقل من والي الشقه في جميع الاوقات  طبعا انا تعبت من الكتابه وخلونا مع بعض الصور وانشاء الله تفي بالغرض وبعدها نواصل ماتبقى في كازا والانتقال الي مراكش ومااادراك مامراكش --------------------------------------------------------------------------------------------------------------------  صوره من بلكونة الشقه توضح شارع انفا المواجه وتظهر الاشاره خذ يمين من عندها الله لايهينك والاشاره اللي بعدها يسار وتدخل شارع المسيره اللي فيه التوين --------------------------------------------------------------------------------------------  صوره لنفس الشارع اعلاه بس من الجهه اليسرى للبلكونه ----------------------------------------------------------------------------------------------------------  طبعا يظهر سوق انفا امام الشقه مباشرة وزيما قلت الموقع ولا احلى ------------------------------------------------------------------------------------------------------------  الشقه من الداخل ويظهر الصالون الاول وهو عباره عن جلسه مغربيه بصراحه شكلها يفتح النفس -----------------------------------------------------------------------------------------------------------------  صوره ولكن في وقت الظهيره والناس نايمه طبعا كل الصور بالجوال وكويس انه في صور----------------------------------------------------------------------------------------------------------------  منظر مدري وش يبي بس الجود من الموجود الصوره توضح الصالون الثاني اللي به التلفازه -----------------------------------------------------------------------------------------------------  منظر ارض جو  ----------------------------------------------------------------------------------------------------  منظر ليلي ------------------------------------------------------------------------------------------------------  ------------------------------------------------------------------------------------------------------------- ونكتفي بهذا القدر وانشاء الله القادم مذهل وان لم تكن معجبا بالساهر من قبل فالبتأكيد سوف تعجب به بعد هذا التقرير ونشوفكم على خير ولاتنسونا من ارائكم وانتقاداتكم الهادفه بايووووووووووووووو al.saher |
|
|
31-07-2007, 08:49 PM
|
#2 (permalink) |
|
مسافر خبير
تاريخ التسجيل: Feb 2006
الدولة: جده
رقم العضوية :57425
المشاركات: 2,074
|
اخى العزيز al.saher
الحمد لله على السلامه والاكيد معجبين من الاول وزاد الاعجاب الواضح انها رحله ممتعه وبدايه تقرير اكثر من ممتازه , سجلنى اول المتابعين لك بس عجل علينا السفر قرب . تحياتى ,,,,,, |
|
|
|
31-07-2007, 10:36 PM
|
#6 (permalink) |
|
مستشار المغرب
تاريخ التسجيل: Jun 2007
رقم العضوية :138659
المشاركات: 2,190
|
اخي الساهر معجب فيك من زماااااااان قبل الموضوع ,, ولكن بعد التقرير زاااد اعجابي ,, (( هذه الحقيقه وهي انني كل عام اذهب واقول اخر رحله انشاء الله وتوبه ماعاد اروح ولكن يتكرر السيناريو ونخطط للرحله التاليه في العام المقبل وربما ان الخطط القادمه سوف تجعلنا نذهب مرتين وثلاثه واربعه في العام الواحد وهذا مااخشاه حاليا )) فعلا كلما ذهبت للمغرب زاد تعلقك فيه وحاولت اقنع نفسي واقول كفايه خلاص (صافي) بلاش مغرب بس للأسف طلعت ارادتي ضعيفه جدا ولم استطيع اقناع نفسي ماتوقعتك نهايتي راح تكون اليمه تعرف واحد من اصحابي انضرب  ضرب يحبة قلبك (( لكن الصراحة هو الغلطان )) وبعدها اقسم لي ماراح يجي المغرب ثاني ما كمل خمس اشهر إلا وهو بالمغرب هذا بلا ابوووك يعقاااب ,, الواحد ما يدري أذا تزوج وش بيسوي (( اي شي سائل موب شرط العطر طبعا اي شي تشتريه من السوق الحره عادي تاخذه معك لان مافي تفتيش هناك على طول للطياره وصلت المعلومه والا لا اللهم اني بلغت اللهم فأشهد)) وصلت يالغالي ومشكور وما قصرت ,,(( وقلت لجوهر طلع خمسين درهم وعطه والله انه يستاهل ابو نجمتين )) لله درك .. والله الكرم حكيم و تعالج العلاجك سريع(( وبعدها حلف وقال والله ماتفتحون شناطكم انتم معروفين وابائكم واجدادكم معروفين من زمان وتوكلوا على الله وحشومه نفتشكم سيروا بس واستانسوا في المغريب قلنا له تم والله انك اجودي انت وافرادك )) قلت لك حكيم وعلاجك ادى المفعول اللزم(( اسمها اقامة ليلي مدخل العماره بجانب مدخل مطعم كانون اللبناني مطعم ))   الغالي أخوي الساهر .. أخوي تعلم أن الشقق ليست كالفنادق الفنادق ممكن تتكلم عليها بشكل عام عاااادي جداً أما الشقق فالأفضل أنه لأ يتكلم عن مكانها أو اسهما أبدا لأننا أذا تكلمنا عنها أشتهرت وصارت شبهه ,, والشقق الجديده تكون أمان وما من تشتهر تكون خطره ,, عشان كذا لو لم تذكر أسم الإقامة ولا عنوانها لكان أفضل لأنه ربما تجد أحد المحرضين أو الدبابييس ويضر صاحب الشقه بالتبليغ عنهااا واذا أراد أحد الأخوة منك الشقه يراسلك بالخاص وأخبره بالتفاصيل ,, والله ياخوي الشقه روووعه صراحة واسلوبك في سرد القصه قمة في الجمال تمتعت وانا اقرءه ,, ننتظر المتبقي على احر من الجمر .. وتقبل تحياتي .. |
|
|
|
01-08-2007, 01:54 AM
|
#11 (permalink) |
|
خبير سفر المغرب
 
تاريخ التسجيل: Jul 2004
رقم العضوية :12640
المشاركات: 3,269
|
أخي العزيز al.saher
انت من من نحترمهم قبل الموضوع وزاد بعده اخي بدايه واعده لموضوع جميل .. على فكره شقه انفا رائعه بكل ماتعنيه الكلمه فمن النادر ايجاد شقه بهذه المواصفات مع تحفظي على السعر ... في انتظار التكملة |
|
|
|
01-08-2007, 09:01 AM
|
#12 (permalink) |
|
مسافر خبير
تاريخ التسجيل: Jul 2006
الدولة: الـخـبـر
رقم العضوية :98493
المشاركات: 1,802
|
مع الساهر مش حنغمض عيونا
لي كم يوم وانا انتظر تقريرك خصوصا ان فيه بعضهم له يومين مطنش تقريره مع انهم واعدينا الساهر تخطيط حلو من اول الرحلة وتبشر بالتقرير اللي بداية خير في الصيفيه هذي بالمغرب خصوصا من كم سنه لم اسمع ان صيف المغرب لم يمر بوناسه مثل هذي السنه حركتك في تأجير السيارة من كازا حلوووة جداا وياليت الجميع يتبعها الشقه والله خراااااااافه ذكرتني بغرفة غرفة الجلوس واحد من الشباب عسل يالله نحتري الجزء الثاني وراني معك مواصل فلا تطول |
|
|
|
01-08-2007, 02:35 PM
|
#13 (permalink) |
|
مسافر متميز
تاريخ التسجيل: May 2007
الدولة: Q8
رقم العضوية :131056
المشاركات: 309
|
الاخ الساهر اولا الحمد لله على السلامه و مشكور على التقرير مع الصور....
اما بنسبه للخمسين فلنا تحفظ اخوي الا اذا معاك شي و تبي تطوفه من الجمارك بدون لا تدفع !! اما بنسبه لمكان الشقه وين صايره فناس راح تسألك و اعتقد وايد ناس ما عنها خاصيه الرسائل الا اذا تبونها ناس و ناس فهذا شانكم !! و السعر باعتقادي زوين بالنسبه لهذه الفتره!! و تقبل ملاحضاتي بسعة صدر أخوي |
|
|
|
01-08-2007, 03:51 PM
|
#14 (permalink) | |
|
مسافر متالق
تاريخ التسجيل: Jun 2005
الدولة: السعوديه
رقم العضوية :27832
المشاركات: 664
|
اقتباس:
الله يسلمك اخوي الدكالي وانا اللي معجب بتشريفك وردك الاول قبل الجميع وابشرك كانت رحله ولا احلى منها وانشاء الله تقرأ وتشاهد مايسرك انت وباقي الاعضاء وانشاء الله مانتأخر في الاجزاء الباقيه تقبل تحياتي al.saher |
|
|
|
|
01-08-2007, 03:54 PM
|
#15 (permalink) |
|
مسافر خبير
تاريخ التسجيل: Jul 2003
رقم العضوية :599
المشاركات: 1,795
|
الأخ العزيز الساهر ... الحمد لله على السلامة ،، وشكراً على هذا التقرير الرائع والجميل ، وللعلم لازلنا نتذكر تقريرك السابق الجميل والذي استمتعنا به كثيراً ... وللعلم أيضاً ، فإعجابنا بك وبتقاريرك كما هو ،، ورأينا فيك ونظرتنا لك لم تتغير ... في إنتظار بقية هذا التقرير الجميل والرائع ...... -- |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 04:09 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||