 |
 |
 |
||
|
|
|
||
 |
|
 |
|
|||||||
| بوابـــة السفر إلى تايلاند Thailand : في هذا المنتدى يتم تزويد المستخدم بالتقارير المصورة الخاصة بتايلاند بالإضافة الى مكتبة صور خاصة. |
 |
|
|
أدوات الموضوع | انواع عرض الموضوع |
|
|
23-07-2007, 12:34 PM
|
#1 (permalink) |
|
مسافر متالق
تاريخ التسجيل: May 2006
الدولة: ((الشرقيــه))
رقم العضوية :78160
المشاركات: 643
|
تقرير واقعــــي (تايلند 2007) من البؤس الى السعاده ((بالصور))
بسم الله الرحمن الرحيم
في البدايه اود ان اقدم الشكر الجزيل لكل من ساعدني في ترتيب رحلتي الى تايلند لهذا الصيف بطريقه مباشره او غير مباشره ومن لا يشكر الناس لا يشكر الله لا أخفي عليكم ان تقرير الاخ ThE PrOGraMmEr افاادني كثييييرا في التخطيط لرحلتي وما انسى بالتأكيد اخوي الوطواط وعقاب والشكر بالتاكيد موصول لمشرفنا العزيز ياخي افهم والمشرف الجديد  المسافر العربي ماودي بصراحه انسى اي احد لكن ليعلموا جميعا اني شاكر ومقدر وممتن على كل معلومه وصلتني صغيره او كبيره مفيده او غير مفيده قبل ما ابتدي تقريري احب اوضح شغلات بسيطه انا قريت تقارير كثيره سواء لسفرتي هذي او سفرتي لماليزيا او مصر او غيرها ماكنت بصراحه تامه اعير لموضوع المجهود المبذووول الشي الكثير كنت انتظر التقرير يكمل بالصور وخلاص لكن والله بالفعل عرفت مقدار تعب الأعضاء لمن يقولون ان الصور تحتاج لمجهود كبير لتنقيحها وفرزها فأنا اتمنى من الجميع انهم يطولون بالهم شوي علي وعلى التقرير قعدت بس افرز الصور واظبطها حوالي 10 ايام تقريبا (عليمي تحملوني  )ان شاء الله ماراح اتأخر عليكم كثير لكني انا اشتغل في دوام 12 ساعه يوميا بسبب المشروع الجديد الي قاعد اشتغل فيه (( الصبر جميل )) التقرير يحمل بين طياته 290 صوره صوره تنطح صوره من اصل 1300 صوره صورتها في تايلند بتقولون لي ليه مااحطها كلها بقولكم مالكم شغل << من الحين خربت اخلاقه لا بس مثل ماانتوا عارفين لزوم التنقيح وبعضها يطلع متكرر او تكون الصوره مافيها شي زايد على غيرها او بعضها غير صالح للنشر ( يا بعض الاجانب يحبون يرززون قدام الكاميرا لعن ابو داركم وخروا خلونا نصور  )وسويت لوجو او شعار لسفرتي الي تايلند علشان ارفقها مع الصور تعرفون حفظا للحقوق الأدبيه ماينلطش التقرير مثل ماانلطشوا بعض الاعضاء شفنا تقاريرهم وتعبهم في منتديات ثانيه وبأسماء مستعاره مختلفه وراح يكون شعار لتقريري المتواضع  طولتها عليكم صح  عندي تنبيهات بسيطه قبل ماابدا *احب اقول ان كل مايكتب في التقرير هو من وجهت نظري انا ممكن ان تأخذ وممكن ان ترد على حسب هوا الشخص الي يقرا او يروح لهناك يعني ممكن يكون عاجبه شي انا ماعجبني ابدا والعكس صحيح فأتمنى التنبه للنقطه هذي * الرجاء ملئ المعلومات كامله بالنسبه للي يبون يفيزون في المطار لان اخلاق الي يفيزوووون تعبااااانه مرررررره وينتظرون منك اي غلط علشان يعطلونك. وتراهم بيسألونك كم معك من كاش * (طنش تعش تنتعش) هذا الشي لازم تحطه في بالك مع البياعين الي في النايت بازار في بانكوك لانك اذا ماعجبك سعرهم وفاوضتهم على سعر رخيص توقع انهم يسبونك او يستهزؤون فيك فلا تعيرون للموضوع اي اهميه. * الكلاب منتشره عندهم زي قطاوه الشوارع عندنا  * اذا صادفكم شي وعكر صفوكم اتمنى انكم ترمونه ورا ظهركم وتكملون رحلتكم لأن الايام معدوده. ليه نخرب على انفسنا بالايام الجايه. *المشوره ثم المشوره ثم المشوره اذا كانوا معاك اهلك. يمكن انت تكون مخطط لشي وتتوقع انه بيعجبكم لكن مايعجب اهلك علشان كذا احرص اخوي او اختي يالي مخطط الرحله انك تستشير الي معك بالرحله. (لايجيني واحد ويقول اكيد متقابع هو مع زوجته على السفره  لا والله بس هي مجرد تنبيه سفرتني من ناحيه التخطيط كانت جيده جدا)*التكاسي في بوكيت ارخص بكثيييييير من التوك توك بنما في بانكوك العكس لكن ماانصح احد ياخذ توك توك في بانكوك لان دخان السيارات كله يصير على وجهك ولا يمدينا نتلطم مامعنا شماغ   التخطيط للرحله ابتدأ تقريبا في شهر 3 ( مارس) كان بدري شوي لكن للحماس الزايد  خصوصا ان سفره 2006 تنكنسلت والله لا يعيدها من ايام  في بدايه التخطيط كنت ناوي اني ازور ماليزيا لكن اشار علي احد الاصدقاء بالذهاب الي تايلند وتجربه شي جديد خصوصا اني رحلت لماليزيا من فتره قريبه 2005 في شهر العسل توكلت على الله وبدأت بالتخطيط لتايلند واول مكان تدور فيه يا واقعي اول مكان تدور فيه امممممم << مايبيلها تفكير المسافرون العرب بدون اي كلام دخلت منتدى تايلند والقى قدامي تقرير المبرمج واقراه سطر سطر واسأل واستفسر اليييين قبل سفرتي نزلت موضوع يوضح بالتفصيل تخطيطي للرحله والفنادق الي بسكنها بالتفصيل افتحوا الرابط هذا علشان مااعيد نفس الكلام الي كنت كاتبه لكم تخطيط رحلتي الى تايلند 14 ليله/15 يوم مثل ماشفتوا او راح تشوفون في الموضوع ان رحلتي 14 ليله / 15 يوم رحلت المغادره كانت في 16/6 والعوده في 1/7 يمكن يتسائل البعض ليييه عنوان رحلتك تقرير واقعـــي (تايلند 2007) من البؤس الى السعاده ؟؟!! انا بقولكم ليه بعد ماخططت وتكتكت سفرتي تمام التمام صار في نقص في أحد الاقسام عندنا في المشروع الجديد وطلبوا مهندسين يجون يغطون النقص من الي تبرع بالموضوع ودق الصدر ؟؟!! مين يا ترا مافي غير قسمنا الرهييييييييب لوووووووووووووووووووووووووووووووووول ومييين اختاروا علشااان يغطي النقص هنااااك ميييييييييين؟؟؟؟ واقعـــي المسكين  ومعاي شخص ثانيبتقولون شفيها بقولكم ان اجازتي أزعجووني عليها القسم الي نقلت عنده مؤقتا قالوا ماتاخذ اجازتك بالوقت هذا قلت لهم يا جماعه الخير انا سويت حجوزاتي وخلصت اموري ووووو قالوا لا واقعد على اعصابي بين شد وجذب بيني وبينهم  وقلت لهم وقتها انا طالع طالع الله لايعوق بشر والجماعه مصرين على رايهم انا عارف اذا رفضوا انتهى الموضوع لكني قاعد احارب لاخر لحظه لعل وعسى اليييييييييييييييين ماجاب الله الفرج انتقل للقسم شخص ثالث بعدنا ويوم عرف موضوعي قالي خلاص انا بغطي مكانك مع الشخص الي نقلوه معاي روح انت ووسع صدرك وتنفرج اساريري بعدها  هذا اول شي سببلي قلق نفسي والقادم اكثر بعد دوام الاربعاء 13/6 قفظنا اغراضنا علشان نروح للدمام عند الوالد يومين وبعدين نسافر ان شاء الله هذي صوره سريعه للحوسه قبل التقفيظ (تقفيظ = تظبيط = ترتيب  )  طبعا الي مرتب الاغراض هذي انا (اياك اعني واسمعي يا جاره  )يوم السبت الصباح رحت صرفت دولارات علشان السفره وهذا صوره سريعه للدورارات على قوله عادل امام   كلفني البكج من المكتب الي في تايلند بالظبط 2480 دولار شامله: -الرحلات الداخليه وراح يجي تفصيلها في التقرير. -حجوزات الفنادق مثل ما كتبتهم في موضوعي السابق وراح اذكر لكم سعر كل فندق في التقرير بعد. -شملت ايضا اربع رحلات في جزيره بوكيت. -رحله الكروز من بوكيت الى جزيره بي بي. -وتكسي من المطار الى الفندق والعكس. اكتفي الحين بالشي القليل هذا واعتبروها افتتاحيه متواضعه والحلقه القادمه نبتدي ان شاء الله رحلتنا من مطار الملك فهد بالدمام والسلام خير ختام |
|
|
|
23-07-2007, 12:55 PM
|
#3 (permalink) |
|
ابو حمد
تاريخ التسجيل: May 2005
الدولة: KuWaiT
رقم العضوية :23530
المشاركات: 4,567
|
الحمدالله على السلامه
وتقريرك جاء بوقته لانه ملينا من مواضيع الاسئله ونبى نتابع شي جديد مع التقارير الموجوده بالبوابه والصرحه انت وباقى الاعضاء الى يكتبون لنا تقارير تحسسنا انه تعبنا ما راح بلاش فالشكر لكم وليس لنا ومثل ما انت استفدت من البوابه واعضائها ان شاء الله الكثير راح يستفيد من تقريرك استمر اخوى وانا اول المتابعين لك والله يجزاك خير بكل حرف تكتبه بدايه تدل على انه التقرير راح يكون مشوقه من هذى الصوره  |
|
|
|
|
23-07-2007, 02:08 PM
|
#4 (permalink) | |
|
مسافر متالق
تاريخ التسجيل: May 2006
الدولة: ((الشرقيــه))
رقم العضوية :78160
المشاركات: 643
|
اقتباس:
تشرفت اخوي بمرورك في تقريري المتواضع وهذا كان والله المقصد نفيد مثل ما نستفيد شرايك بالشعار هذا رناااااان صح وانتظر القادم احلى واحلى |
|
|
|
|
|
23-07-2007, 02:09 PM
|
#6 (permalink) | |
|
مسافر متالق
تاريخ التسجيل: May 2006
الدولة: ((الشرقيــه))
رقم العضوية :78160
المشاركات: 643
|
اقتباس:
لكن الله لا يهينك انتبه للفرش جديد لا تنكب عليه القهوه انتظر الجديد |
|
|
|
|
|
23-07-2007, 02:11 PM
|
#8 (permalink) | |
|
مسافر متالق
تاريخ التسجيل: May 2006
الدولة: ((الشرقيــه))
رقم العضوية :78160
المشاركات: 643
|
اقتباس:
مرااحب اخوي اول شي شفيكم على الصوره هذي اصلا كنت متردد كثييييير اني انزلها علشان مايقولون الجماعه مصور الجزم (تكرمون) ويوريها لنا  على العموم انا سعييييد جدا باطرائك الجميل تابعني |
|
|
|
|
|
23-07-2007, 02:12 PM
|
#10 (permalink) | |
|
مسافر متالق
تاريخ التسجيل: May 2006
الدولة: ((الشرقيــه))
رقم العضوية :78160
المشاركات: 643
|
اقتباس:
الله يسلمك يالغالي واذا على التعليقه مو مشكله تصبر معي شوي القادم اكثر من الحلقه هذي وان شاء الله يسرك |
|
|
|
|
|
23-07-2007, 02:15 PM
|
#15 (permalink) |
|
مسافر متالق
تاريخ التسجيل: May 2006
الدولة: ((الشرقيــه))
رقم العضوية :78160
المشاركات: 643
|
أسد نايم:
العفو يالغالي وشاكر لك مرورك والقادم احلى ان شاء الله ابو اياد2007: ان شاء الله وشاكر مرورك ماجد الفهد: حياك وانتظر القادم في القريب العاجل بس اظبط الحلقه القادمه مع الصور |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 11:07 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||