الموضوع: كيف اجيب قبول غير مشروط من جامعات أمريكا ؟

ابي اراسل 3 جامعات من اجل الحصول على قبول غير مشروط من احد هالجامعات .. لكن والله مب عارف من وين ابتدي وايش ارسل لهم .. ضايع بالطوشه .. الي يقدر يساعدني جزاه الله الف خير ..

غير مشروط يعني ان عندك شهادة توفل ؟

ماعندك مشكلة ان شاء الله

ادخل على موقع الجامعات وادخل على القبول بتحصل الانترنشونل ستيودنت اضغغط عليها ...

بالتحصل شروط القبول منها الضمان المالي ودرجة التوفل و الابلكيشن عبيها وارسلها بالفيدكس او الدي اتش ال ..


وتابع مع مشرف الانترنتشونل على الايميل راح يعطيك كل خطوه بخطوه بتحصلها على ايميلك


مثل تم وصول طلبك وهو قيد الدراسة

اذا في نواقص بيقولك النواقص هي كذا وكذا ...


اذا تم قبولك يرسل لك نسخه على الايميل والنسخة الاصلية توصلك على البريد الورقي ..

تسلم يالغالي
بس إنا ماعندي توفل واريد دراسة اللغة هناك ومن ثم الالحاق بالجامعه

صرت اخربط بين المشروط والغير مشروط !
وممكن يالغالي ترشح لي افضل جامعة هناك واسهلها لدراسة تخصص العلوم السياسية او العلاقات الدولية ؟؟

لكن ياريت نبتعد عن نيويورك وواشنطن .. ويفضل مناطق الساحل ، مثل ميامي كاليفورنيا فلوريدا شيكاغو ، وما إلى ذلك ..

والله يجزيك خير يارب

اخوي
المشروط ....يعني يكون عندك نقص في شي من متطلبات القبول ..تكمله خلال فتره معينه والا يروح عليك القبول ...مثل اللغه او الجيمات او ..الخ

غير المشروط (النهائي او الكامل) يعني تقبل مباشرة في البرنامج ..وتبدأ دراسه فيها على طوول بدون اي شرط معين



الباقي ماادري ....لبيت الاخوان يفيدونك

تبي قبول غير مشروط اسهل شي في امريكا ماعليك الا انك تسجل في معهد لغه تابع لجامعه وانتهاء الموضوع
شيكاغو ليست مدينه ساحليه"للمعلويه فقط"
كانك تبغى معهد فوي وممتاز روح معهد جامعة rice في مدينة هيوستن في ولاية تكساس وبتدعيلي

طيب سؤال : لو عندي قبول مشروط يضموني للبعثه على طول ؟

ومعليش أخوي almzun المعهد rice ممتاز من اي ناحيه ؟
لاني احتمال اروح ادرس بسان انتونيو يعني ساعه عن هيوستن
بس ان كان هذا المعهد حقك زين زين سجلنا فيه
وفيه سؤال ثاني بعد م اسعار السكن هناك بهيوستن ؟

المشاركة الأصلية كتبت بواسطة الصريح

طيب سؤال : لو عندي قبول مشروط يضموني للبعثه على طول ؟

ومعليش أخوي almzun المعهد rice ممتاز من اي ناحيه ؟
لاني احتمال اروح ادرس بسان انتونيو يعني ساعه عن هيوستن
بس ان كان هذا المعهد حقك زين زين سجلنا فيه
وفيه سؤال ثاني بعد م اسعار السكن هناك بهيوستن ؟

هلا اخوي الصريح اذا كان عندك قبول مشروط تقدر تفتح ملف وفتح الملف هو الي يسهل عليك الانظمام للبعثه بنسبه لمعهد rice بقولك من تجربه انا درسة في معهد اللغه التابع لجامعة هيوستن وكان سئ واكثر الشباب الي درسو فيه اطلعو ما كملو فيه معهد rice عدت مميزات منها قلة الطلبه رقي التعامل المستوى فيه مدة شهر ونص يعني البرنامج كامل سنه واربع شهور الاهتمام بطالب بشكل مميز يعني اذا ما حليت الواجب ما يطنشون بلعكس يزيد اهتمامهم فيك المدرسه تاخذ رقمك وتدق عليك كل يوم تسالك حليت الواجب ولا لا
واذا ما حليت واجباتك واهملت يمسكونك الباب يعني مافيه لعب طبعا يهلكونك بلواجبات وهذا لصالحك وبعدين تاسيس اللغه عندهم قوي جدا يعني ما تعدي المستوى الا وانت فاهم.
سان انتونيو تبعد عن هيوستن 3 ساعات
السكن مع عائله في هيوستن 600$ بشهر.
وهذا موقع معهد اللغه http://esl.rice.edu/esl/Default_EN.asp