 |
 |
 |
||
|
|
|
||
 |
|
 |
|
|||||||
| بوابة السفر الى النمسا Austria في هذا المنتدى يتم تزويد المستخدم بالتقارير المصورة الخاصة بالنمسا بالإضافة الى مكتبة صور خاصة . |
| Tags: 2007 |
 |
|
|
أدوات الموضوع | انواع عرض الموضوع |
|
|
20-07-2007, 05:51 AM
|
#1 (permalink) |
|
مشرف النمسا
تاريخ التسجيل: May 2007
الدولة: * في قلب زوجتي *
رقم العضوية :134545
المشاركات: 3,379
|
 السلام عليكم وصلنا الى المحطة الثانية من رحلتي الى النمسا ### زيلامسي ### بداية احب أذكر بعض النقاط المهمة اللي نسيت أذكرها سواء نقاط عامة او بخصوص زيلامسي: 1- اخواني واخواتي لو أقولكم اني بغيت أموووووووووووت قهر  من موقف صارلي وانا في زيلامسي هذا الموقف خلاني أندم أني ماسمعت كلام بعض الأعضاء بخصوص الدعوة الى الله وانت في السفر لو على الاقل تاخذ معك مطويات بالانجليزي او بالالماني او بحسب الدولة اللي انت رايحلها .... يأخواني كنت طالع انا وزوجتي من سوبرماركت بيللا وفاجأني واحد وعطاني كتيب يوم ناظرت فيه واذا هو يبتسم وحطّه في يدي وقالي ( دانكي ) يعني شكرا بالالماني وراح ... يوم ناظرت في الكتيب الا مكتوب عليه  صار هذا الرجل من المُبشّرين ( النصارى الذين يدعون الى ديانتهم ) فقلت لزوجتي آآآآآآآآآآآآآآآآآآآآآآآآآآآه يالقهر ليتني جايب معي كتيبات عن الاسلام وعن الرسول عشان اعطيه  ياخواني والله حنا أولى من هذا الرجل بالدعوة .. قال تعالى {كنتم خير أمة أخرجت للناس تأمرون بالمعروف وتنهون عن المنكر وتؤمنون بالله} ويا أخواني هذا قصة ثانيه والله العظيم ما كان ودي أذكرها خوفاً من الرياء ولكن رأيت ان في ذكرها مصلحة وفائدة ... كان ساكن جنبي في فندق سي فيلا واحد بريطاني وراح تشوفون صورته .. دقيت أنا وياه صحبه وبعد يومين قالي عندك نسخة من القرآن قلت اللحين لا .. لكن عطني عنوانك وأنا أرسلك ... وتمنيت لو معي كتيبات عن الاسلام عشان اعطيه .. ولكن الحمدلله على كل حال ... عشان كذا ياخواني أطلببببببببكم طلب خذوا معكم كتيبات ومو شرط تعطونها اي أحد اذا شوفتو احد ارتاح لكم وسولف معكم عطوه ترى والله انها خير من الدنيا ومافيها ( لآن يهدي الله بك رجلا خير لك من حمر النعم ) هذي نقطة حبيت اذكرها .... والله من وراء القصد ... ------------------------------------------------------------------------ 2- اشكر الاعضاء اللي نبهونا عن البوصلة اللي في مكتبة جرير صراحة انها رهيبة وسهلة وهذي صورتها  طريقة استخدامها سهههههههلة وهي : في كتيب يجي معها ومكتوب فيه رقم جنب كل مدينة .. وتشوف انت كم رقم مدينتك وتحرك البوصلة يمين يسار بحيث تجعل المؤشر الاخضر (اللي هو الشمال ) على رقم مدينتك وبكذا تكون القبلة بإتجاه السهم الابيض ... في الصورة المؤشر على 24.5 على فيينا .... ---------------------------------------------------------------------- 3- يوجد بالقرب من زيلامسي مسجد يُصلّى فيه الجمعه ... وانا صليت فيه الجمعه وهو مسجد أتراك من أهل السنة والجماعة .. صحيح ان عندهم بعض البدع في صلاة الجمعة لكن يضلّون من أهل السنة والجماعة ... وهذا صورة للمسجد وعنوانه ونبذة عنه  ---------------------------------------------------------------------- 4- الجو في زيلامسي بارد في الليل .... وخصوصا اذا كان الجو غيم ومطر فحتى النهار يكون بارد فانصح بالجاكيتات .... -------------------------------------------------------------------- 5- زيلامسي ماتحتاج تكاسي مررررة لان كل شي جنبك وتقدر تلفها كلها على رجولك ماعدا الرحلات فتكون بالباصات وراح اذكر كل رحلة ورقم باصها وكيف تعرف عنها وتروح لها ... -------------------------------------------------------------------- 6- وفي نقطة مهمة عشان تبرمجون جدولكم اول ماتوصلون لجميع الرحلات روحوا لمكتب الـ information ( مكتب الاستعلامات ) اللي جنب مكتب البريد وهذي صورته  واطلبوا منهم مطويات فيها مواعيد وأرقام الباصات اللي تروح للمناطق السياحية مثل : الشلالات ومرتفعات كابرون والزحليقة ... وهذي صورة للمطويات  تلاحظون مكتوب رقم الباصات في الدائرة البنفسجية باص رقم 260 >> للذهاب الى قرية سالفدين ( الزحليقة الصيفية ) باص رقم 660 >> للذهاب الى مرتفعات كابرون باص رقم 670 >> للذهاب الى شلالات كريميل ... وبخصوص كيفية الذهاب لمحطة الباصات وشراء التذاكر راح اقولها في التقرير ... 7- موضوع ازعاج القطار صراحة مبالغ فيه ..... صحيح انك تسمعه وانت في الغرفة لكن لما تجي تنام وتسكر البلكونه تسمع صوت خفييييف ومو مزعج .... والقطارات هناك قلييييييييل ما تمر في الليل واخر قطار يمر الساعة 12 بالليل .... -------------------------------------------------------------------------------------------------------------------------- نبدا اللحين في التقرير عن زيلامسي اولا احب اذكر المشكلة اللي حصلتلي في محطة سالزبورغ لان في احدى الاخوات سألتني عن كيفية تغيير القطارات ... يوم وصلنا الى سالزبورغ كان لابد اننا نغيير القطار وبسب تأخرنا في النزول وعدم معرفة المحطة وكان الموضوع فيه نزله ورقيه بالمصعد تأخرنا على القطار الثاني وراح علينا ... تنبيه مهمممممم : اذا حجزتوا تأكدو ان الوقت بين وصول القطار وتحرك الثاني يكون طويل عشان يمديكم تنزلون عفشكم وتروحون للقطار الثاني .. في سالزبورغ اول ماتوصل تلقى المصعد امامك اذا نزلت راح تكون في الصالة الرئيسية تلقى اللوحة الزرقاء دور اسم ZELL AM SEE وتلقى مكتوب جنبها رقم المسار انطلق بسرعة حسب اللوحات الارشادية اللي مكتوب فيها أرقام المسارات .. واذا ماعرفت اسأل الانفرميشن وهم يدلونك ... انا يوم تأخرت على القطار أظطريت اني اخذ قطار ثاني يطلع على محطة وبعدين غيرت القطار وطلعت على زيلامسي وكان اسم المحطة اللي غيرت فيها القطار  وهذي صور للمحطة زيلامسي   ** فندق سي فيلا ** كانت تكلفة التاكسي لفندق سي فيلا 5 يورو وهذي صورة الفندق اول ماوصلنا  ودخلنا عالرسبشن وسوينا التشيك ان وكان سعر الغرفة 980 ريال واستقبالهم رائع وهذي صورة الرسبشن  وبعدين طلعنا على غرفتنا في الدور الثاني  وكان رقم غرفتنا  ودخلنا الغرفة  وكان فيها دورتين مياه ( أعزكم الله ) وحدة للمرحاض ووحدة للمغسلة والمروش ( أعتذر لعدم وضوح الصورة )  وهذي صور للغرفة   (( الغرفة مافيها سيفتي بوكس ولا مكيف ولا طاولة كوي ولا مكواة بحكم ان الفندق 4 نجوم ، وفي سيفتي بوكس عند الرسيبشن)) ويوم طلعت للبلكونة ابي أشوف المنظر سمعت واحد يسلم علي والتفت لقيته جاري ديفيد اللي قلتلكم عنه  وبعد ماسولفت معه شوي قعدت أتأمل في المنظر اللي قدامي وما صدقت اللي اشوفه شي شي شي خياااااااال ... منظر عجيييييب ... يالله الفردوس يارب العالمين ... وهذي صور من البلكونة ....     (( أبغى اوريكم صورة توضيحيه قبل ما أوريكم صور الحديقة لتحدد السي هوتيل القديم والسي فيلا الجديد ))  وهذي صور من الحديقة    وهنا غرفتنا اللي في الدور الثاني في الوسط    وهذي صور للمطعم وللافطار    (( اذا كتب الله لي زيارة اخرى لزيلامسي لن أتعدى فندق سي فيلا )) وبعد ماريحنا شوي رحنا نتمشى ... (((( وراح اوصف لكم الطريق من السي فيلا الى القراند وشارع المشاة والسيتي سنتر بالصور )))) اول ما تطلع من الفندق تروح يسار مع هذا الشارع الصغير  هذا الشارع بين البحيرة وبين سكة القطار ويمتد حتى محطة القطار في آخر زيلامسي ... اذا مشيت مع هذا الشارع وطلعت الطلعة الخفيفة اللي واضحه في آخر الصورة اللي فوق راح يجيك هذا المسبح على يسارك  وبعد المسبح يجيك مطعم اسمه  بعدين تمشي شوي تجيك عاليسار حديقة أطفال فيه مراجيح وكلها أشجار كبيرة  بعدها يجيك فندق القراند على يسارك  اذا أعطيت ظهرك لمدخل القراند يكون قدامك شارع المشاه اللي يوصل للسنتر وعليه القهاوي والمطاعم (((( لاحظوا فندق القراند في آخر الصورة ))))  في الصورة اللي فوق وانت واقف تناظر القراند إلتفت على يمينك وراح تشوف هذا الشارع  لاحظو سوبرماركت بيللا باللون الأصفر عاليمين في اخر الصورة اللي فوق اذا خليتو بييلا على يمينكم ولفيتو بعدها يمين تجيكم ساحة فيها فندق نيو بوست  واذا خليتو بيللا على يمينكم ورحتو قدام يجيكم هذا الشارع اللي كله محلات وقهاوي..   ونهاية الشارع تجيكم محطة القطار عاليسار ... ومقابلها مطعم شاورما حلو وهذي الصورة.... (( اعتذر عن عدم وضوح الصورة ))  وموقع محطة الباصات اذا خليتو فندق نيو بوست على يساركم بيجيكم تقاطع تعدوه تجيكم المحطة عاليمين  وهذا شباك التذاكر حق الباصات  8 8 8 8 تشوفون الاوراق اللي معلقة تحت بعض على شباك التذاكر هي نفسها المطويات اللي صورتها فوق في اول التقرير اللي فيها مواعيد انطلاق الباصات ... ومكتب الانفرميشن مع نفس التقاطع اللي بعد النيو بوست بس تروح يسار يجيك عاليسار .. **** مطعم علي بابا ****  هذا المطعم لي معه ذكريات جميلة ماراح انساها طول عمري وهذي الذكريات كانت مع صديقي وحبيبي ابو هاشم  هذا الرجل النبيل والكريم والخلوق بمعنى الكلمة نشأت بيني وبينه صداقة مدتها 4 ايام فقط وذلك من خلال معرفتي لقصته وسبب مجيئه الى زيلامسي والتي لا استطيع ان اذكرها لعدم أخذ الأذن منه .. وهو المسئول عن قسم المأكولات في المطعم ويقدم جميع الأكلات العربية من مشويات ومقبلات وحلويات وجميع انواع الارز واللحم وايضا يقدم الافطار مثل الفول والشكشوكة واللبنة وجميع انواع الجبن والزيتون وهو الذي يطبخ بيده وأكله لذيييييذ  ... وأسعارة معقولة بالنسبة للأسعار في النمسا صراحة انا اول يوم افطرت في الفندق والباقي عند ابو هاشمويوم من الايام وانا رايح العصر اتمشى  مع زوجتي مريت وسلمت على ابو هاشم و قالي لاتتعشى اليوم يابوعبدالاله انا راح اسوي غوزي لحم  وابيك تجربة .. قلت اوكي يابوهاشم بس اذا ما صار تمام ماراح أحاسب  .. قال : اوكي..ويوم جينا في الليل قدم لنا هذا الصحن  انا وزوجتي كنا جوعانين ويوم شفنا الصحن بهالشكل ما انتظرنا على طول سمينا وطبينا في النعمة  وبعد 10 دقايق شوفو الصحن كيف صار 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7  صراحه اكلة لذييييييييييييييذة ... اخواني لا أوصيكم رحوا لأبو هاشم وكلوا عنده وراح تنسو فطور الفندق والمطاعم واشربو شاهي اخضر وادعولي...وتكفون سلمولي على ابو هاشم سلام كثيييييييييييير ..... *** القارب الكهربائي *** اخواني لايفوتكم القارب الكهربائي صراحة فلللللللللللللة وراح تتمنعون فيه خصوصا انه مو مثل اللي عندنا يركب معك ابو هنود ويتفلسف عليك وماتاخذ راحتك ، لا والنصف ساعة ب 300 ريال  ... لايفوتكم اذا ركبتوا ورحتو الى منتصف البحيرة شوفو المناظر من حواليكم شي خيااااااااال ... سعر القارب 7 يورو لمدة نصف ساعة .... و 13.5 يورو لمدة ساعة وموقع التأجير بجنب فندق القراند على طول وهذ صورة له  وهذي صور من القارب       ----------------------------------------------------------------------------------------------------------- والحمدلله على توفيقه واحسانه انتظروني في الجزء الثاني من تقرير زيلامسي واللي راح يشمل على رحلة شلالات الكريميل رحلة الزحليقة الصيفية واجمل حاجة في زيلامسي رحلة الطائرة فوق زيلامسي وراح أذكر السبب اللي حرمني من رحلة مرتفاعات كابرون ( والحمدلله على كل حال ) اخيرا وليس آخراً اتمنى ان يكون التقرير قد حاز على رضاكم وسامحوني على التقصير وانا جاهز للاسئلة محبكم ابو عبدالاله .... |
|
|
|
20-07-2007, 06:24 AM
|
#2 (permalink) |
|
مسافر فعال
تاريخ التسجيل: Jul 2006
الدولة: Dar Zayed
رقم العضوية :104802
المشاركات: 62
|
: :
: : الجرعه الاولى من .. المعشوقه زيلامسي .. فيها نوع كبير من التعذيب  اشكرك اخوي على حرصك الشديد على نقل لنا كل ما شاهدته وادق التفاصيل التى تفيد الاخوه المسافرين... اسال الله ان يرزقنا واياكم جنات الفردوس .. في االانتظار : : : : |
|
|
|
|
09-09-2007, 04:27 PM
|
#3 (permalink) | |
|
مسافر خبير
تاريخ التسجيل: Nov 2005
الدولة: اللهم انسنا بقربك ..؟
رقم العضوية :52292
المشاركات: 1,295
|
اقتباس:
ممكن ولا عليك امر سعر الفندق اللي بفينا والله يعطيك الف عافية |
|
|
|
|
|
10-09-2007, 01:08 AM
|
#4 (permalink) | |
|
مشرف النمسا
تاريخ التسجيل: May 2007
الدولة: * في قلب زوجتي *
رقم العضوية :134545
المشاركات: 3,379
|
اقتباس:
هلابك اخوي .. المطعم موضح بالصورة .. وهو مقابل فندق القراند بعد خط سكة الحديد على اليمين ... وسعر فندق ميريديان بفيينا كان لغرفة ديلوكس 1380 لليلة ... تحياتي لك .. |
|
|
|
|
|
21-07-2007, 03:22 AM
|
#5 (permalink) |
|
مــوقــوف
تاريخ التسجيل: Jul 2007
الدولة: الـــــكويت منطقه ســـــــلوى
رقم العضوية :145804
المشاركات: 858
|
ابى احسن فندق بالنمسا
السلام عليكم اشلونك اخوى بيمو مشكور على اهتمامك فينى راعى التاكس ابو كريم تعرف احد يمدحه يعنى مو نصاب وبالنسبه حك الفنادق ابى احسن فندق انت شفته يصلح حك عائله مكيف طبعا فى النمسا وزلمسى وميونخ وجزاك الله خير حبيبى الرجاء الرد بسرعه
|
|
|
|
|
20-07-2007, 05:51 AM
|
#6 (permalink) |
|
مسافر متميز
تاريخ التسجيل: Jul 2005
رقم العضوية :38963
المشاركات: 302
|
الحمد الله على السلامة
ابداااااااااااااااع وتقرير ما شاءالله عليك والله اني ودي ارجع مرة ثانية مشكووووووووووووور اخوي على هذا القرير الي شكلة وبدايتة خياااااااااااال بس ترااااك شوقتنا لازلمسي لاتأخر علينا في انتظارك يالغالي يعطيك الف عافية |
|
|
|
|
20-07-2007, 07:02 AM
|
#11 (permalink) |
|
مسافر فعال
تاريخ التسجيل: Jul 2007
الدولة: الدمام
رقم العضوية :145851
المشاركات: 67
|
جزاك الله خيرا كتبت فأبدعت الله لايخلينا منك لو شكرناك من الان الى بعد اسبوع مايكفيك والله كأني انا اللي سافر ماشاء الله عليك والله يخلي لك عبد الاله وامه ويخليك لهم
انا بأذن الله بكون هناك بعد اسبوعين والله يعلم اني احس اني زرت النمسا من قبل كله من تقاريرك انت والاخوان الله يعافيكم بس تكفى لاتطول علينا بالباقي ترى كل شوي نشيك المنتدى وندور على تقريرك سر على بركة الله وسلامك ان شاء الله بيوصل لابو هاشم بس من نقول له |
|
|
|
|
20-07-2007, 07:25 AM
|
#12 (permalink) |
|
مسافر فعال
تاريخ التسجيل: Sep 2005
رقم العضوية :48397
المشاركات: 130
|
اشكرك من أعماق قلبي يا أخ بيمو والله الصور روعة والتوضيح اروع واروع قمة في الابداع ما شاء الله عليك "اقول هات احب راسك" **************** ترى امزح بس تستاهل والله
والله مررره شوقتني لزيلامسي راح اكون فيها ان شاء الله من 1 اغسطس في فندق نيوبوست على فكرة ايش نوع الكاميرا الي صورت فيها وكم ميجا بيكسل |
|
|
|
|
20-07-2007, 08:25 AM
|
#13 (permalink) |
|
مــوقــوف
تاريخ التسجيل: Jul 2007
الدولة: الـــــكويت منطقه ســـــــلوى
رقم العضوية :145804
المشاركات: 858
|
ابى عناوين فنادق ممتازه بالنمسا
السلام عليكم اخوانى وخواتى الاعزاء ممكن تفدونى بالنمسا وزلمسى وميونخ افضل فندق عائله انا بروح مع زوجتى ابى اعرف تعرفون صاحب تاكسى طيب ومحترم الرجاء الرد بسرعه وابى عناوين مناطق الطبيعه جزاكم الله خير
|
|
|
|
|
20-07-2007, 08:54 AM
|
#14 (permalink) |
|
مــوقــوف
تاريخ التسجيل: Jul 2007
الدولة: الـــــكويت منطقه ســـــــلوى
رقم العضوية :145804
المشاركات: 858
|
ابوعبدالله سوال بصراحه
السلام عليكم اشلونك اخوى بوعبدالله بصراحه صور جنة الدنيا وجزاك الله خير على الموضوع هذا انا بصراحه بروح حك النمسا مع زوجتى انت طرحت صاحب التاكسى مع الصور بكل صراحه تفيدنى اتصل على وهو محترم وكم ياخذ عطنى خبر انا سجلت رقمه عندى بس اتظر منك الرد بسرعه عشان بسافر بروح النمسا اول شهر 8 او عندك رقم تاكسى ثانى محترم تحطه وشكرا
|
|
|
|
|
20-07-2007, 08:37 AM
|
#15 (permalink) |
|
خبير الهند
 
تاريخ التسجيل: Jan 2005
الدولة: جـــــــــــدة جــــدتــــنـــا
رقم العضوية :17363
المشاركات: 3,199
|
الحقيقة قمة الإبداع يا بيمو وصور ما شاء الله راااائعة جداً والحقيقة أنا مبسوط من التقرير وأحس كأني في النمسا الآن
.بالنسبة لموضوع الدعوة ترى الفرصة موجودة وخاصة في بلادنا لأن كثير من الشباب المسلم يحتاج توعية وإرشاد والعودة إلى الطريق المستقيم ، كما أن هناك نسبة كبيرة من الجاليات الأجنبية في بلادنا حيث يمكن أن نستغل الفرصة لدعوتهم إلى ديننا الحنيف. جزاك الله خير الجزاء على طرحك هذا الموضوع.  |
|
|
|
|
«
تقرير عن رحلة الامير الى النمسا والمانيا شهر مايو 2008
|
رحلة مسافر للطبيعة لأرض الطبيعة (النمـسـا) بالتفصيل والصور
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 06:35 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||