 |
 |
 |
||
|
|
|
||
 |
|
 |
|
|||||||
| بوابة السفر الى النمسا Austria في هذا المنتدى يتم تزويد المستخدم بالتقارير المصورة الخاصة بالنمسا بالإضافة الى مكتبة صور خاصة . |
| Tags: 2007 |
 |
|
|
أدوات الموضوع | انواع عرض الموضوع |
18-07-2007, 09:22 AM
|
#47 (permalink) |
|
مسافر متميز
تاريخ التسجيل: Jul 2007
رقم العضوية :147072
المشاركات: 162
|
اخي الكريم الف حمد الله على السلامة
بس احاتج منك شرح تفصيلي عن الطريق الى zell am saa بمعنى ابي رقم المحطة ورقم القطار لاى ينقلك لها.. وبالطريق كم محطة توقف عندها.... وباي محطة تنزل... لانى بطلع دايركت من فينا اليها دون المرور بسالز بورغ وشكرا لك |
|
|
|
18-07-2007, 12:00 PM
|
#49 (permalink) | ||||||||
|
مشرف النمسا
تاريخ التسجيل: May 2007
الدولة: * في قلب زوجتي *
رقم العضوية :134545
المشاركات: 3,379
|
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
ان شاء الله راح انشر باقي التقرير الليلة |
||||||||
|
|
|
|
18-07-2007, 05:50 PM
|
#53 (permalink) | |||
|
مشرف النمسا
تاريخ التسجيل: May 2007
الدولة: * في قلب زوجتي *
رقم العضوية :134545
المشاركات: 3,379
|
اقتباس:
اقتباس:
استمتع اخوي الله يحفظك... اقتباس:
 وأعيد ذكريات شهر العسل  ... وبعدين هو توه صغير وراح يقلقنا ... |
|||
|
|
|
|
18-07-2007, 07:28 PM
|
#56 (permalink) |
|
مسافرجديد
تاريخ التسجيل: Jul 2007
رقم العضوية :146834
المشاركات: 10
|
الحمدلله على السلامه يابو عبدالاله....
وعندي استفسارات إذا ممكن تجاوبلي عليها؟؟؟ أنا رحلتي إن شالله بتاريخ 29/8من مطار الدوحه الى فينا والعوده بتاريخ 11/9<<<يخوف التاريخ المهم وين تنصحني اروح ياليت تذكرلي الأماكن اللي تستاهل (حنا أثنين يعني خفايف) وكيف أقسم الأيام؟؟ المناطق اللي أبي أروح لها هي (فينا,زيلامسي,سالتسبيرغ)؟؟ وكيف الأجواء هناك؟؟؟أيش الملابس المناسبه؟؟؟ وكم التكلفه تقريبآ للأكل (لأن السكن محجوز والتذكره محجوزه)مصروفك اليومي فقط تقبل تحياتي... |
|
|
|
|
18-07-2007, 10:23 PM
|
#58 (permalink) |
|
مشرف النمسا
تاريخ التسجيل: May 2007
الدولة: * في قلب زوجتي *
رقم العضوية :134545
المشاركات: 3,379
|
 السلام عليكم اخواني واخواتي مرحبا بكم مرة ثانية ... وراح اكمل محطة فيينا ..... في حاجه ودي اقولها وهي اني بسب استعجالي في نشر الموضوع اول مره عشان ما أطول عليكم ....... نسيت اذكر بعض النقاط المهمه وهي :  (((اشكر كل اعضاء المنتدى وخاصة الخبراء على مواضيعهم وردودهم اللي استفدت منها كثييييييييير))) و في اشياء شعرت بأهميتها وودي اقولها لكم لانكم راح تستفيدون منها... مثل : 1- الشنطة اللي على شكل حزام اللي تلف على الخصر صراحة مهمة  خاصة انهم هناك يتعاملون بالسنتات ( النقود المعدنية) بشكل كبييييير وراح تتوهقون بها ... وبعد تريحكم من مضايقة الجوال وغيره في الجيب.. -------------------------------------------------------------------- 2- الديرة كلها مشي  فانصح بالبحث عن حذاء مشي مريح ( اعزكم الله) .. وخلو عنكم التكشح والترزز انا وزجتي تكسرت رجولنا اول يومين وبعدين معد صرنا نلبس الا الأبوات  ...وأنصح ايضا بأخد شبشب بلاستيك لدورة المياه ( أعزكم الله ) لأن شباشب الحمام قطنيه وراح تتبلل وتضايكم.. ------------------------------------------------------------------- 3- مخارج الافياش في النمسا على شكل الاصبعين الدائريين فأنصحكم تأخذون نفس هذا الفيش اللي في الصورة لانه يصلح لكل أنواع الاجهزة اللي معكم   ------------------------------------------------------------------- 4- نصيحة مهمة اشتروا كرتون منادل الجيب ام نص ريال وكرتون ومناديل معطرةعشان تمسحون يدينكم قبل أكل الوجبات الخفيفة والشوكولاته وانتم تتمشون... وخلوها معكم وكل يوم خذوا معكم كم حبه والله راح تحتاجونها بقوة ... ------------------------------------------------------------------ 5- طبعا المويه هناك نوعين في بغاز ولونها بنفسجي وفي بدون غاز لونها أخضر والي بدون غاز هذا شكلها وسعرها من 1.5 الى 2 يورو  ------------------------------------------------------------------ 6- في موضوع يهم الحريم وهو النقاب والعباية السوداء ... بصراحة انا تفاجأت بالحريم هناك من جد جزاهم الله خير لو أقولكم انو تقريبا 50% من الخليجيات منقبات لا وعبايات سوداء بعد .. انا زوجتي فصلت كابات ونقابات ملونة بس الخياط ماظبطها لها وقالت بكيفها بروح بلبسي هذا ويوم وصلنا هناك قالت أشوا اني ماجبتها .... صحيح في نظرات من الناس بس طبييييييييييعي ولا في مضايقات ولا تحييز  بالعكس النمساويين معاملتهم راقية ومحترمة لأبعد الحدود...------------------------------------------------------------------- 7- انصح بقوووووة باستخدام الاندرقراوند صراحة ونيس وسريع وسهل وان شاء الله بشرح طريقة استخدامة بالصور ... ومن ناحية الأمان جداااااا آمن ..رجعت من البراتر انا وزوجتي بعد مغيب الشمس تقريبا الساعة 10 وكان مليان وطبيعي ... لكن آخر الليل مرة ما أنصح خصوصا العوائل ... بس لاتنسون الاذكار ... تقريبا هذي هي النقاط المهمة واذا ذكرت شي بذكره في الموضوع... ------------------------------------------------------------------- 8- اهم شيييييييييييييييييي القهوة لاتنسونها ترى لها خرمة هناك خصوصا في زيلامسي .. واذا تبغون نصيحتي اعملو مثلي خذو غلاية وعبوها مويه حتى النص واذا غلت حطو القهوة زي كذا  ولاتنسون تاخذون ترمس صغير ... وحطو في الهيل والزعفران بعدين زلّوا القهوة ومخمخووووووووا   ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ نكمل موضوع فيينا صحيح.... نسيت انزل صور مطعم الميريديان والمسبح ... وبخصوص فطور المريديان كان حلييييو ... وطحنا انا وزوجتي في البيض الأومليت لأن الباقي كله زبادي وفواكة ومعلبات ... وهذي صور المطعم والمسبح   راح أسرد الايام الباقيه سوى عشان ما أطول عليكم ..... من الأماكن السياحية اللي رحنالها قصر الشانبرون صراحة حلو وممتع والتذاكر حقته انواع مثل الي في الصورة واخذنا خصم 1.5 يورو عشان معانا بطاقة فيينا كارد  التذكرة الاولى جولة على أغلب القصر بدون الحديقة ... والتذكرة الثانية جولة على القصر مع الحديقة وهي اللي اخذناها طبعا ما صورت القصر من الداخل لانه ممنوع ... وفي حديقة حيوانات على يمين الحديقة لكن مارحنالها وهذ صور من الحديقة   ويوم رجعنا رحنا للكارتتنر نتقهوا وبعدها رحنا جهت النهر وتمشينا فيه وهذ صور منه   وبعدها رجعنا للفندق ... واليوم اللي بعده رحنا نتمشا في الكارتنر وتسوقنا من بعض المحلات ... على حسب كلام ام عبدالاله انو مافي شي غريب ويستاهل والاسعار مرتفعة شوي ولكن اعجبها H&M وبعض المحلات .. وشرينا شكولاتة موزارت وهي اشهر شكولاتة في النمسا وهذي صورة المحل  ويعدها رحنا لملاهي البراتر وصراحة الملاهي ممتعة وفيها ألعاب قوية وهذي صور منها هذي الصورة وانت داخل للبراتر  وهذي صور للعبة النحلة  وهذي الصورة اعتذر لعدم وضوحها لاني صورتها من لعبة الحلقة الكبيرة اللي تدور بس قلت لازم انزلها لانها ماخذه منظر من فوق  أيييييييييييييييييه هذي الصورة ابيكم تركزون على الرجال اللي عاليسار يأشرلي بالبندق يبي يضحك علي باللعبة اللي ترمي الكور أو تطلق رصاص  وفي النهاية يمصطك بمبلغ وقدرة ...لا وخويه اللي عاليمين يقوله يابختك بالصيدة.... لكني صورته وانا أقول تبطي يابو الشباب  الله يخليلي اعضاء المنتدى الغاليين اللي حذرونا منك ومن أشكالك... في حاجه ودي اقولها... كثير من الاعضاء يسألني عن طريقة استخدام الاندرقراوند وراح اشرح الطريقة بالصور طبعا تذاكر الاندرقراوند تشتريها من ماكينة التذاكر في اي محطة .. لكن انا شريت بطاقة فيينا كارد من كشك لمدة 3 ايام بسعر 18 يورو للشخص لانها شامله الاندرقراوند والباصات وعليها تخفيض لدخول المناطق السياحة لكن سعر تذكرة الاندرقراوند لحالها لمدة 3 ايام تقريبا 13 يورو ... وانت رايح للقطار راح يجيك هذا الصندوق الازرق تختم التذكرة فيه...  لنفترض انك في البراتر وتبغى ترجع لشارع المشاة عند محطة ستيفنز .. يعني حسب الخريطة اللي تحت تبي تروح من محطة براتر ستيرن اللي رقمتها انا برقم (4) الى محطة ستيفنز بلاتز رقم (1) مرورا بمحطات برقم 3 وَ 2  (الخريطة تلقاها عند الكونسيرج اللي في الفندق او في الكشكات او في استعلامات الاندرقراوند تحت) نقطه مهمة ... اذا نزلت تحت راح تلقى مسارين للقطار واحد رايح وواحد جاي .. كيف تعرف القطار اللي رايح لساحة ستيفنز؟؟؟ سهلة ... حسب الخريطة في نهايتين للمسار نهاية تنتهي في محطة شمالا مثلا ..ونهاية تنتهي في محطة جنوبا ... انت شوف المحطة اللي تبي تروح لها في اتجاه اي محطة من النهايتين ؟؟؟؟..... في مثالنا هذا وانت في البراتر تكون محطة ستيفنز في اتجاه المسار اللي ينتهي جنوبا عند محطة Reumann-Platz فاذا نزلت راح تلقى لوحة بأسم آخر محطتين زي هذي  واذا مالقيت الوحة روح لاي مسار وتلقى لوحة زي هذي وراح تعرف انت على اي مسار  ارجو اني وضحت الطريقة وسامحوني على التقصير... -------------------------------------- اليوم اللي بعده كالعاده رحنا للكارتنر وتمشينا بعدين رحنا لشارع الماريا هلفر وهذي صور من الشارع هذي صورة ويبدو فيها فندق nh Atterseehaus  وهذي صورة لمطعم شاورما تركي  وصور لبعض المولات والمحلات    وبعد الماريا رحنا لبرج الدانوب عشان نتغدى فيه وصراحة لا يفوتكم البرج رووووووعه والحديقة حقته مره حلوة ... خصوصا وانت قاعد تاكل في المطعم البانوراما وتناظر فيينا كلها تحتك ... كان الدخول 5.5 يورو للشخص وانت داخل يصورونك واذا طلعت تلقى صورك معلقه عند الباب قدام الله وخلقه واذا بغيت تاخذها تشتريها ب 2 يورو ... وهذي صور لحديقة البرج  كان في الحديقة سباق ماراثون وهذي صورة لأحد المتسابقين  وهذي صورة من مطعم البرج  وهذي صورة من المطعم لمبنى الأمم المتحدة  وهذي صورة لنهر الدانوب وملاهي البراتر  واللحين راح اذكر طريقة حجز القطار الى زيلامسي وكيفة معرفة القطار والبوابه والمسار ... مع انو كان ودي اذكرها في تقرير زيلامسي لكن لان بعض الاعضاء مستعجلين وقلت يستاهلون نذكره عشانهم... اول شي واهمممممم شي اذا كنتم رايحين على زيلامسي فلابد من التوقف في سالزبورج ((( تأكدو ))) ان الفرق بين وصول قطاركم الى سالزبورج وتحرك القطار الثاني الى زيلامسي اكثر من ربع ساعة على الاقل عشان يمديكم تنزلون وتروحون للقطار الثاني خصوصا حنا يالعرب عفشنا واجد وثقيل .. لايصير لكم مثل اللي صارلي تأخرنا عن القطار وأضطرينا نجلس ساعة نستنى القطار الثاني لا وبعد ما كان دايركت على زيلامسي وقفنا في محطة وغيرنا القطار الى زيلامسي.... ثاني شي لاتحجزون الا من المحطة نفسها قبل بيوم او نفس اليوم بس قبل رحلتكم بساعة على الاقل لانو في مجال وفي حجز ولا تحجزون مقاعد .. انا يوم رحت كان القطار فااااااااااضي وحجز المقاعد ب 7 يورو... ونصيحه اذا سألتو الكونسيرج حق الفندق عن مواعيد القطار راح يعطيكم التايم تيبل ويقولكم في مكاتب في وسط البلد تحجزلكم ... لا تسمعون كلامهم .. انا قالولي كذا وقلت ياولد خلني اضمن لي مقاعد ورحت لهذا المكتب وخذا مني 20 يورو مقابل حجزه لي  ... وما انتبهت الا يوم رجعت الفندق وقلت يالله خيره وهذي صورة المكتب المهم رحنا لمحطة wien westbahnhof بالتاكسي وكلف 10.5 يورو حسب العداد ... ودخلنا المحطة وكانت بهذا الشكل وتلقون لوحة زرقاء كبيرة مكتوب فيها مواعيد الرحلات والبوابات وهذي صورتها :  كان قطارنا الساعة 10:34 صباحا .. ودورت قطارنا المتجه الى سالزبورج لقيته على بوابة 8  اذا كنت حاجز مقعد معين تلقى مكتوب في التذكرة رقم المقطورة والمقعد وكان رقم مقطورتي 17   ونصيحه احجزوا درجة ثانية لانو مافي فررررررررررررررق عن الاولى اللهم المقاعد جلد .... وهذي صورة الدرجة الاولى  وهذي الدرجة الثانية  وهذي صورة للكباين وانصح حجزها للي يبي يتسدح ويتمدح  او الحريم اللي يبون ياخذون راحتهم  ----------------------------------------------------------------- تقريبا هذا كل شي في محطتي الاولى فيينا وان شاء الله اكون عند حسن الظن واتمنى ان تكون محطة فيينا اعجبكم وسامحوني على القصور ..... انتظروني في تقرير القادم ((( ساحرة العيون زيلامسي ))) لأنها هي تقريري الحقيقي... وانا جاهز لأي سؤال او استفسار محبكم ابو عبدالاله |
|
|
|
|
«
تقرير عن رحلة الامير الى النمسا والمانيا شهر مايو 2008
|
رحلة مسافر للطبيعة لأرض الطبيعة (النمـسـا) بالتفصيل والصور
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 07:57 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||