 |
 |
 |
||
|
|
|
||
 |
|
 |
|
|||||||
| الأرشيف العام لبوابة ماليزيا في هذا القسم تجد مواضيع عامة متنوعة للقراءة عن المدن الماليزية، إذ انه يتم أرشفتها بشكل دوري. |
| Tags: أفاموزا |
|
|
أدوات الموضوع | انواع عرض الموضوع |
15-07-2007, 03:32 PM
|
#1 (permalink) |
|
مسافر متميز
تاريخ التسجيل: Jun 2006
رقم العضوية :86559
المشاركات: 354
|
رحت افاموسا امس تعالوا شوفوا تقريري(صور)
السلام عليكم ورحمة الله وبركاته اليوم جايب لكم تقرير طازج عن رحلتي امس الى افاموسا طبعا الي مايعرف افاموسا عباره منتجع كبير في من ضمنه حديقة الحيوانات والحديقة المائية ومدينة رعاة البقر (الكاو بوي) ممكن تحجز عن طريق الفندق الى افاموسا وممكن تحجز عن طريق المكتب بشارع العرب مقابل ماكدونالدز حجزنا بـ 115 رنقت للشخص + 58 رنقت للمواصلات (رايح وجاي) = 173 رنجت وقت الرحلة الساعة 10:30 صباحا مدة الرحلة ساعة ونصف تقريبا طبعا احنا طلعنا بنص الدرب بدا المطر يهطل علينا ونااااااااااسه لكن خفنا اننا نوصل افاموسا والمطر يستمر ويخرب علينا عاد حديقة حيوانات ومطر الريحه  دقيقه دقيقه وين ام الاولاد اليوم ؟؟؟  والله شكلها راحت افاموسا اليوم والا جنتنق مسكينه عاد اليوم مطر من الصبح الى الحين ماوقف المهم هذي صور لمدخل افاموسا عالم الحيوان   طبعا افاموسا حلوه بس الجو مو حلو رطووووووووووووووووووووووبه نكدت علينا طبعا اول ما تدخلون ما راح تشوفون شي مميز بتشوفون الحيوانات والتصوير معهم الي بكل مكان موجود صوره مع الفيل  صورة مع الببغاء  صراحه انا ضاق صدري وقاعد اقول بنفسي ياليت ارجع للفندق زهق قعدنا نتمشى وشفنا الحيوانات بط على نعام على طاووس شوي الا تطلع الحيوانات الجديده   ذكروني بـ بكاهونتاس خخخخخ  المهم الى الحين ومافي اي شي مميز او غريب الي ذبحونا عليه افاموسا وافاموسا شوي وتصير الساعه 2 الظهر وينادون على ان عرض الكاو بوي راح يبداء بعد ربع ساعه ونشوف الناس كلها تمشي لعرض الكاو بوي واحنا مع الخيل يا شقراء خل نشوف على الكاو بوي دخلنا ولقينا الصفوف الاماميه فاضيه استانسنا ورحنا ركض وقعدنا ننتظر شوي الا الرطووبه ذبحتنا ولا نقدر نغير مكانا الاماكن الي ورى كلها فل وعوائل شوي الا طلعنا اغبياء رايحين نركض قدام طلعت المراوح بالنص وورى والناس قاعده بالبراد واحنا استوينا قدام شوي الا اقول لخويي وين الظرف حق الحجز طلعه لي وقمت ابرد فيه على عمري فنصيحه بالعروض دوروا المراوح واقعدوا قدامها بداء عرض الكاو بوي بطلق رصاص صوته عالي والله الكل فز من مكانه كانه حقيقي والعرض صراحه كان حلووووووووووو ومميز جدا وسع صدورنا  وهذي صور من مسرع الكاو بوي   خلص عرض الكاو بوي وكان في عرض الحيوانات المتنوعه بس احنا مارحنا له جعنا متنا جوع من الصبح ما اكلنا شي رحنا اكلنا بالمطعم حقهم طلبت لي دجاج مقلي مع بطاطس وبيبسي الله يزود النعمه ما اكلت منه ولا شي اللهم البطاطس والدجاج بس ذقته وخليته حسافة الـ 30 رنقت راحت عالفاضي رحت لكشك يبيع بطاطس وعصير اشتريت منه واكلت وسديت جوعي بعد ماخلصنا رحنا عرض الطيور  وبحكم خبرتنا قعدنا مقابل المراوح والهوا يبررررد على القلب والعرض كان روووووووووووووووعه صراحه وهذي صور المسرح    وبعد ماخلصنا عرض الطيور بداء بعده عرض الفيله ونفس الشي ركض للمراوح وللبراد وبداء عرض الفيله ونفس الشي كان فللللللللللللللللله وهذي بعض صور العرض    وبعد ما خلص عرض الفيله رحنا لسيارات السفار علشان ناخذ لفه على سفاري افاموسا طبعا السيارات موجده من 9 الصبح الى 9 المساء ماتوقف      زبدة الكلام افاموسا بدون عروض الحيوانات ماتسوى رنجت  خلصنا من قسم الحيوانات الساعة 5 ونص تقريبا طلعنا الا في باصات تنتظرنا علشان تنقلنا الى مدينة الكاو بوي اول ماتدخل يسألونك اي فيلم 4D رباعي الابعاد تبي تشوفه واي وقت انت احتار الفيلم والوقت الي يناسبك طبعا كل ربع ساعه في عرض مدة كل عرض 13 دقيقه وشو الـعرض رباعي الابعاد صالة مثل صالات السينما طبعا اول ماتدخل يعطونك نظارات خاصه لازم تلبسهم علشان تستمتع بالعرض يبداء العرض على شاشه كبيره وانت لابس هالنظاره وتحس انه من جد قاعد بالفيلم لدجة ان بعض اللقطات اخليك غضب تمد يدك كانه غصن شجره بيدخل بعينك هههههه طبعا العرض اذا مثلا لقطه فيها ماء يرش راح يرشون عليك ماء بالعرض خخخخخ طلعنا من العرض غرقانين ماء من كثر ما رشونا واذا في هواء تحس بالهواء ينفخ عليك سواء من فوق او تحت او على جنب العرض فضيع واذا حبيت تحضر فيلم ثاني تقدر تحجز الفيلم بـ 20 رنجت خلصنا وتمشينا بمدينة الكاو بوي طبعا خااااايسه ولا فيها شي يسوى اللهم صالة البولينغ والكرنفال الي يبداء الساعة 8 ونصف الى الساعة 10 مساء والكرنفال كان حلو وختموه بالالعاب النارية طبعا ماصوت بمدينة الكاوبوي لان بطارية الكاميرا خلصت بشكل عام افاموسا حلوه لكن الجو مو حلو رطوبه وخياس بس العروض تنسيك الرطوبه لانها حلوه وسلامتكم |
|
|
15-07-2007, 04:59 PM
|
#7 (permalink) |
|
مسافر خبير
تاريخ التسجيل: Mar 2006
الدولة: السعوديه(,بلاد الحرمين,,,)
رقم العضوية :66566
المشاركات: 3,048
|
 يعطيك الف عافيه عزيز على هالتقرير الرائع واليوم من فتحت المنتدى الظهر ادور عليه قلت شكل افاموزا اى كلام دام عزيز ماكتب عنها اى شئ للحين بس بصراحه شكله حلو قررنا اضافته للجدول ((واكتب الاملاحظات ...القعدة تحت المراوح ..)) وترى حنا للحين ماسافرنا بس نرتب الجدول سفرنا 1 اغسطس ان شاء اللهطيب ابسال حنا مانقدر نطلع لها من الصبح لارتبطانا بالدورة بالصباح الى الساعه 2 هل يمدينا نروح لها من بعد هالوقت ونلحق على العروض والا بيفوتنا الشئ المميز ارجوكم عطونا النصيحه اخاف نتوهق نضرب مشوار وعلى الفاضى ؟؟ :اكرر شكرى على هالتقرير المميز جزاك الله كل خير |
|
|
|
16-07-2007, 01:13 AM
|
#13 (permalink) |
|
مسافر متالق
تاريخ التسجيل: Jul 2005
الدولة: Q a t a r فديتها
رقم العضوية :37670
المشاركات: 697
|
ماشاء الله روووعه هالتقرير البسيط السريع ..بس ملياان معلومات خلتني نوعا ما اهون عن افامووسا ..<<< مادري ليش على العموم عطيتني معلومات ماكنت اعرفها ....وكنت اتخيلها شي خيال بس طلعت عاديه .... |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 06:36 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||