 |
 |
 |
||
|
|
|
||
 |
|
 |
|
|||||||
| بوابة السفر إلى المملكة العربية السعودية K.S.A في هذه الساحة يتم طرح الاخبار والمواضيع الاخرى التى ليس لها تعلق باي منطقة بالمملكة العربية السعودية . |
 |
|
|
أدوات الموضوع | انواع عرض الموضوع |
|
|
02-07-2007, 01:08 PM
|
#1 (permalink) |
|
مسافر متميز
تاريخ التسجيل: Jul 2006
رقم العضوية :100228
المشاركات: 424
|
12 يوما لــ kingcom بالطائف وأبها
السلام عليكم ورحمة الله وبركاته
بصراحة هذا او كتابة لي عن رحلة اقوم بها  لذلك لاتدققوا كثيرا  عموما قمت برحلة 12 يوما من الرياض الى الطائف الى ابها الى الرياض بالسيارة وانواع المواقف والمتعة والترفيه وسأعود الى الرياض غدا بإذن الله عز وجل من أبها ولدي الكثير من الصور والكثير من التعليقات والكثير من المفاجأت بالنسبة لي فشجعونا عشان يطلع التقرير حلو على قولت المثل ابتسم تطلع الصورة حلوة مش عاوزين غير ابتسامه وان شاء الله اول ما اوصل الرياض برتب الصور والتقرير مفصلا والى اللقاء اليوم دعاية بس |
|
|
02-07-2007, 01:42 PM
|
#2 (permalink) |
|
مسافر فعال
تاريخ التسجيل: Feb 2007
رقم العضوية :122769
المشاركات: 81
|
بارك الله فيك
ان شاء الله توصل بالسلامة وحقيقة ابي شي على عجالة الآن قبل التقرير وابيك تفيدني فيه بعد اذنك لاني مسافر نهاية الاسبوع بس محتار شوي ما هو الافضل الطائف او ابها ابيك تعملي مقارنة بينهم بعد إذنك لك تحياتي |
|
|
|
04-07-2007, 01:15 PM
|
#8 (permalink) |
|
مسافر متميز
تاريخ التسجيل: Jul 2006
رقم العضوية :100228
المشاركات: 424
|
الاخ من غير اسم احسن
تبي نصيحتي اختصر على نفسك وروح ابها فلا ابها من ابها جو وامطار وبراد وشيء يفتح النفس اما اذا تبي ملاهي روح الطائف ===> لايزعلون علينا اهل الطائف ههههههههههههههههههههههههههه ************** اخي ابو تركي يعلم الله كنت اتمنى لقائك واضفتك بالايميل لدي ولكن لضيق الوقت ووجود العائلة معي والسبب انه حصل ظرف طاريء فقلصت الاجازة وعدت للرياض رغم ان العائلة كانوا يريدون البقاء اكثر ولي عودة قريب انشاء الله وعلى رواقه وبقابلك انشاء الله لاني احس ابها اذا الواحد مااخذ بها اسبوعين على الاقل ماعنده سالفة ههههههههههههههههههههههههههه وكذلك به امور اريد استشيرك بها بالماسنجر انشاء الله ***************** azooz77 hbk5555 مهاجر أسير الدار بارك الله فيكم وانشاء الله التقرير رح يعجبكم |
|
|
|
06-07-2007, 03:29 PM
|
#9 (permalink) |
|
مسافر متميز
تاريخ التسجيل: Jun 2005
رقم العضوية :24749
المشاركات: 219
|
ايش التقرير اللي مو راضي ينزل
لو تقرير عن هيئة الأمم المتحدة كان نزل عجل الإجازة بتنتهي واحنا ما شفنا شي هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه |
|
|
|
06-07-2007, 11:15 PM
|
#10 (permalink) | |
|
مسافر متميز
تاريخ التسجيل: Jul 2006
رقم العضوية :100228
المشاركات: 424
|
اقتباس:
للحين يطبخ ولا نضج بس لاتستعجل يطلع لك دم هههههههههههههههههههههههههه ابشر بالخير قريب بس ترى مسافة 12 ساعة بالسيارة يبي لها 4 ايام نوم |
|
|
|
|
08-07-2007, 09:32 AM
|
#14 (permalink) |
|
مسافر متميز
تاريخ التسجيل: Jul 2006
رقم العضوية :100228
المشاركات: 424
|
التقرير وصل
السلام عليكم ورحمة الله وبركاته
بالبداية اسفين عالتأخير ياجماعة بس التقرير لازم يمر بعدة مراحل منها الكتابة  ثم المراجعة ثم التنقيح تحت بند منع من النشر ثم الرفع للمقام السامي وزارة الداخلية (المدام)لاعتماده والتصديق عليه ثم نشره ===> شفتوا الدعوى موب سهلة خذني جيتك  ههههههههههههههههههههههههههههههههه بالبداية الرحلة او الاجازة او تغيير الجو اتي على جزئين الجزء الاول بالطائف والجزء الثاني بأبها (يالب قليبه)  هههههههههههههههههههههه فالطائف عروس المصايف بس بالعادة الشايب اذا تقدم بعجوزه العمر وقامت تشتكي الركب والروماتيزم يخربها الشايب ويتزوج فرفوره ام 18 سنة وخذ يالدلع وصبغ اللحية وتضييق الثياب بيسوي نفسه ولد غصب عموما هذه الفرفورة هي ابها هههههههههههههههههههههههههههههه طبعا اهل الطائف مستغربين بصراحة انا لي عشرين سنة اذا بغيت اصيف بالمملكة اروح الطائف وحفظتها طوبة طوبة وهالسنة رحت ابها وصار فكري بالطائف مثل الشايب وعجوزه كما بالقصة انفة الذكر ===> ترى هالسطرين ممنوعة من النشر لما بهما من تأييد للتعدد بالزوجات وهذا لايرضي وزارة الداخلية لدينا بس حطيتهم واللي يصير يصير العمر واحد والموت واحد  ههههههههههههههههههههههههههههههههههههههههههههههههه رح ابدأ بالجزء الاول الطائف عروس المصايف طبعا ودكم تعرفون فكرة السفرة كيف جات بالبداية الوالدة كان ودها تعتمر وقالت لي قبل والمرة في راسها تمشيه وابو الشباب مقدم فيزا على اسبانيا وتأخرت وضبطت السفر على ماليزيا طبعا انا واثنين من الشباب مو عائلة تصدقون عاد ذاك اليوم اللي كنت بقول لزوجتي فيه اني بسافر لماليزيا بدأت بالكلام هي اول ماجلست وقالت ابو فلان تصدق فيه واحد مايستحي وغبي وووو زوجة وحدة من صاحباتي ويشتغل جندي بالدفاع المدني ويقول لزوجته انا بروح ماليزيا دورة للدفاع المدني هناك مدتها اسبوع وهي كاشفه كذبته وماتدري وش تسوي معاه  وش رايك فيه صدق انه فيه وفيه يحسب كذبته مو مكشوفة ===>> طبعا انا سجيت  واقول في نفسي ياولد خل ااجل الموضوع شكلها معصبة الحين المهم وترد علي وش فيك ليش ماترد قلت ابد سلامتك وش رايك امشيك بماليزيا قالت وشو ياحبي لك قلت قصدي الطائف وابها قالت بل مسرع ماقلبت قلت ابد زلقت الكلمة مع سالفتك المهم تجهزوا بس وبكذا ثبتت الرحلة ولخبطت ابو الميزانية بسفرة ماليزيا ههههههههههههههههههههههههههههههههههههههههه المهم حجزت الفندق جراند بهادر بالهدا وتوكلنا على الله ومشينا من الرياض انا والمدام والوالدة ياحليلها رايحة بتعتمر مادرت انها تمشية غير لما وصلت الطائف ولا كان ماراحت معي تبي قهوة الصبح مع شايبها لايجيه فرفورة تخطفه منها ومعي اثنتين من اخواتي الصغار حقين الابتدائي ناجحين ويبون نجاحة قلت يالله معنا هههههههههههههههههههههههههههههههههههههه اليــــــــــــــــــــــــــــــــــــــــوم الاول وصلنا الفندق يوم الاحد بالساعة 3 العصر طبعا حجزت اثنين استديو سعر الواحد 700 ريال وعلى حساب شركة الشروق الذهبي امثال رويال القرشي وحللت فيهم ذكروني عشان اشرح لكم كيف تتخلصون منهم وانتم الكسبانين وهذه صور للفندق   وهذه صور اخرى التقطتها في اوقات مختلفة       صورة من بعد وتظهر بها الملاهي الموجودة وهي عبارة عن 6 العاب للاطفال  طبعا حكاية البضائع المخفضة كلام فاضي محلات تفتقر للبضائع اصلا ممكن بمهرجان الصيف تشتغل احسن  وتقييمي للفندق بشكل عام لايستحق اكثر من مسمى شقق فخمة وليس فندق حتى عمالته كما قال بعض الزملاء بالمنتدى كأنهم عمال مؤسسة نظافة او شقق مفروشة فهم يفتقرون الى كل شيء يميز موظف الفندق وكيفية تعامله المهم ريحنا الى الساعة 8 بالليل الجو راد وحلو بالهدا درجة الحرارة بالنهار 27 - 30 درجة مئوية وبالليل توصل الى 20-24 درجة الساعة 8المساء طلعنا ورحنا على منتزه الجبل الاخضر عالطريق النازل بالهدا  وكان هادي وحلو بس كان فيه هواء شديد ذيك الليلة وبارد واحنا جايين بالمايوهات من الرياض حسبنا انه حر ههههههههههههههههههههههههههههههههههههههههه قصدي لابسين صيفي حيل وذبحنا البرد  طبعا فيه جلسات حلوه للي يبي يشوي وبالاجار 50 ريال للجلسة وفيه العاب حلوة وفيه لعبة اسمها التوبلجان او التزحلق وهي تجذبك بالبداية والاخ رمان الطائف قال لاتفوتك بس انا اقول انحش عنها ترى خطرة حيييييييييييييييييييييل وخصوصا للاطفال وقيمة التذكرة لها 25 ريال وهذه بعض الصور للمنتزه      اليوم الثاني طلعنا على قرية الكر بالتلفريك ثم بالمساء ذهبنا الى حديقة الملك فهد وتقريرها تحت الاصدار لتجهيز الصور ملاحظة مهمة: جودة الصور لم يكن بعضها الى تلك الدرجة وهو اما لبعد التصوير اولا وثانيا التصوير تم بجوال N73 و جوال NOKIA 6300 و ETEN M600+ وذلك لانني نسيت الكميرا بالرياض بس بسفرة ماليزيا اوعدكم بشيء يخليكم تتشققون من حلاوة الصور انشاء الله والى اللقاء في اليوم التالي |
|
|
|
«
مدارس او مراكز صيفيه داخليه
|
روماني يريد زيارة السعودية لشهر واحد كيف استطيع استخراج فيزة زيارة له ?
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 06:37 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||