 |
 |
 |
||
|
|
|
||
 |
|
 |
|
|||||||
| بوابة السفر إلى ماليزيا Malaysia في هذا القسم تجد مواضيع عامة متنوعة للقراءة عن ماليزيا، إذ انه يتم أرشفتها بشكل دوري. |
|
|
أدوات الموضوع | انواع عرض الموضوع |
27-06-2007, 10:59 AM
|
#1 (permalink) |
|
عائلة آل مختب
تاريخ التسجيل: Jan 2005
رقم العضوية :17252
المشاركات: 1,963
|
** Utama 1 المول الرائع اللي محد جاب طاريه **
السلام عليكم..
فيه مول جديد رائع جدا جدا... الاحظ ماأحد جاب طاريه.. وماخذ جوائز كثيره مع ان ماله الا سنه.. الى درجة انه اخذ جائزه اروع مول في ماليزيا العام.. اسمه Utama 1 ... الاجواء فيها تشرح الصدر.. وفيها حديقه ومسابح...  وبرا فيه بحيره.. وعباره عن 600 محل.. و6 طوابق.. مطاعم...ازياء..احذيه...شنط...اكسسوارات ..مجوهرات...ديكورات...ترفيه و و و و << تحسون وحده تركض ومتحمسه وانقطع النفس من الحماس... و13 سينما والعاب وبولينق زمطاعم و و ... وفيه ميزه مره حلوه..ان(الجناح الجديد) بالمول كله مغطى بشبكة وايرلس انترنت.. يعني ياطويل العمر خذ معك اللاب توب واجلس بأي مكان وخل بنت الحلال تتسوق لمين تطفش.. ولاتقعد تطفشها انت يللا يللا خلنطلع.. زهقت.. اوجعتن رجليني  <<< تحسون فيه معاناة نفسيه هنا مكبوته ودي افضفض بس منيب عارفه وشلون...  ومفسم الى عدة ثيمات مختلفه اللي هي.. Highstreet  هذا سلمكم الله القسم للناس (الهاي).. او اللي مخربينه بالمصاريف والشراء.. او اللي ملحطين مثلي.. يقلبون عيونهم بين الملابس الموجوده فيه وبين ملابسها اللي من سيتي بلازا <<لا وفرحانه بعد.. من ضمن المحلات بالقسم هذا.. Versace , Polo Ralph Lauren, Zara, MNG, Tommy Hilfiger, DKNY, Armani, FCUK, Calvin Klein, Brooks Brothers, French Connection, Lacoste, Warehouse, XOXO, Caractére, Forever 21, Gap وفيه كوفي شوبات منها الcoffee bean وفيه مطاعم كثيره هنا ومن المطاعم فيه chillis <<< === يم يم يم  , Rainforest,  هي عباره عن غابه صناعيه فيها شلال صناعي<< احلفي نحسبه شلال صزي بوسط السوق <<كف بالله.. فيه كافيهات ومطاعم.. من ضمن المطاعم.. Italiannies, Chatterbox, Secret Recipe Bar B Q Plaza. Promenade Lakeside,  هذا القسم فيه نشاطات اول مره اسمع فيها بالمولات.. فيه مسابح ودروس متخصصه بالغوض والسباحه تتوقعون ممكن يفتحون هالنشاط بالاندلس مثلا؟ هممممم..  بالاضافه الى بيع الحيوانات الاليفه.. يعني كانكم طاقين مشوار الى ماليزيا علشان تشترون سخله والا عنز ..هذا مطلبكم Oval   وهو اللي تقام فيه بالعاده المهرجانات والفعاليات (لتوسط موقعه) وفيهم عروض ازياء مرات.. وفيهم عروض ترويجيه للمنتجات الجديده.. وفيه مشاهير يجيبونهم يسلمون للناس ويوقعون.. طبعا مانعرفهم بس متاكده عيالي بيقطون يسلمون باشوف جدولهم لعل وعسى نلقى بشير غنيم والا فايز المالكي في حدا الايام Centercourt   زي البقاله بس على كبير شوي كذا هههههههه بيع خضار وفواكه ولوازم منزليه ومخابز وهكذا.. اعتقد الفكره وصلت صح؟  Courtyard   هذا المكان مخصص للديكورات والمحلات اللي على نفس نمط ساكو يعني خرابيط do-it-yourself واكسسوارات سيارات.. وهدايا بسيطه.. وملعب صغير للاطفال.. (لا انسى بس اغمي عيون زوجي وحنا مارين.. بقول له ذا محل للبوذيين بس.. معابد وكذا قوه نهج) Entertainment Zone   هنا فيه ال13 سينما.. و36 مسار بولينق وفيه اكبر جبل تسلق صناعي داخلي في قارة اسيا<< == بتلقون عيالي مسنترين هناك.. قروده الله يصلحهم يحبون ذي الاشياء ماشاء الله.. بارميهم هناك وادور انا وزوجي ونتعشى بتشيليز ونرجع ناخذهم ومعنا وجبات من مكدونالدز . مثل ماتشوفون.. حسب الوصف.. فيه غابات صناعيه داخليه..وشلالات..ومسابح.. وسينمات ومطاعم وترفيه وفيه اشياء كثيره.. من ضمنها جوسكو .. بالحقيقه من اروع المولات لايفوتكم.. هو موب بمركز كوالا بالضبط..في بيتالينق جايا .... هذا موقعه تحديدا..  بس ينراح له بالتاكسي.. 20 دقيقه تقريبا... وحتى هم موفرين باصات مجانيه تمر على بعض الفنادق تمشي من الفنادق الساعه 11 صباحا و2 ظهرا.. وترجع للفنادق 4 ونص مساء و9 مساء  ومثل ماهو موضح.. محطات الباص المجاني هي الفنادق التاليه.. شيراتون.. ريناسينس.. داربي بارك.. برنس.. ميليا.. دورست.. هنا قائمة بأهم الفعاليات للمول هذا.. http://www.1utama.com.my/Event/Eventlist.aspx اوقات العمل 10 صباحا-10 ليلا وانا اقترح تخصصون يوم من ايامكم لبوتراجايا... تتمشون فيها وتاخذون سفينه تدور على اهم معالم المنطقه.. وبعدين تروحون اوتاما ..او العكس..(في نفس اليوم طبعا) باختصار.. المول حلو مره.. ولايفوتكم.. (ايقونة ماليزيين يناظرونن بحقد ومعصبين علي لاني دليت ربعنا عليه.. ونبي نبدا نزاحمهم  )اختكم مسافر مختب.. (ترقبوا الجزء الثاني فندق One World Hotel الملاصق لمول Utama 1 ) |
|
|
27-06-2007, 11:20 AM
|
#6 (permalink) | |
|
مسافر فعال
تاريخ التسجيل: Mar 2007
رقم العضوية :127052
المشاركات: 130
|
اقتباس:
ويوم لبوتراجايا ذا لازم جدا وحاطه من بدري بالجدول لان هالمنطقه عجباني تحس تطور وشي |
|
|
|
|
27-06-2007, 11:43 AM
|
#9 (permalink) | |
|
عائلة آل مختب
تاريخ التسجيل: Jan 2005
رقم العضوية :17252
المشاركات: 1,963
|
خالد!!!
اقتباس:
موب احسن (وجه معصب ومتابع مجلس وايت هارت ومخططاتكم) وبالنسبه لبوتراجايا انا كنت اقصد انكم تروحون لها نفس اليوم مع اوتاما.. تحياتي لك وشكرا على الرد |
|
|
|
|
27-06-2007, 12:15 PM
|
#13 (permalink) |
|
مسافر متميز
تاريخ التسجيل: Dec 2006
رقم العضوية :117063
المشاركات: 502
|
مشكورين عالموضوع الحلو الشيق
بس اظن سبب عدم ذكره مع بقية المولات المعروفة هو بعده عن المدينة نوعا ما. و بالتالي معظم السياح (ارباب العائلات خاصة  ) يشوفون مادام انه في النهاية انه مركز تسوق و بعيد عن المدينة اذا ليس هناك داعي للذهاب اليه او حتى ذكره و الله يعطيكم العافية على مواضيعكم المتجدة و دمتم |
|
|
|
27-06-2007, 01:00 PM
|
#15 (permalink) |
|
مسافر متميز
تاريخ التسجيل: Jun 2006
الدولة: الأحســـــــــــاء
رقم العضوية :93988
المشاركات: 399
|
اهلا بيكم يا آل مختب ماشاءالله تبارك الله عليكم عيني عليكم بارده في كل زاوية وفي كل نافذ وفي كل داعوووس داعسين نفسكم فيه يعطيكم العافية على هالمعلومات الجديدة والرائعة عن كل جديد بماليزيا وربي يجزيكم بالخير لمساعدتكم لخلق الله المسافرين  |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 03:07 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||