وشارع سوخفيت شارع العرب والعوائل .... وسوخمفيت منطقة مثل اي منطقة في اوربا اتشوف البلاوي بس مب لهالدرجه الناس معظمين الامر.... والله ثم والله اني ما شفت من اللي يتكلمون عنه.... بعدين ماله داعي تتمشوف فيه في انصاف الليالي ... اللي يبا يتسوق فيه ... يروح من الساعه 6 -9 أو 10 ليلا مع اني هالحي ما شفته الا مرتين ....واحس ماله داعي الحريم يتمشون فيه ... (( ودايما انصح السكن في الشارع المقابل عند فندق اللاند مارك )) ليس في حي نانا ... انما بالقرب منه)) واللي يبا يتمشى ويتسوق بالليل ممكن تتمشون عالشارع الرئيسي المؤدي لمركز روبنسون .... (( الصراحه ما اشوف هالاشكال اللي تذكرونها))!!!! والله اني يوم اسير لندن استحي من السوالف اللي نشوفها أكثر من تايلاند... يعني في النهار بعد أكثر من الليل!!! بالنسبة لرد أحد الاخوة للأخ روح غناتي... عن حمامات السباحه.....أخي الكريم تعال شوف فنادق الدول العربية والاسلامية كيف!!!! خلها على الله!

المشاركة الأصلية كتبت بواسطة روح غناتي

مرحبا اخوي الغالي East Lover

بالعكس الاختلاف في الرأي لا يفسد في الود قضيه ولو كان ردك بعض الشي قاسي بس انته اخ عزيز وغالي .

اخي الفاضل كان محور حديث اخونا هالو بانكوك يتركز على بتايا بان هل هي تصلح للعوائل اما لا وان كان نعم فلماذا وان كانت لا فلماذا .

الحمدالله كلنا مسلمين وكلنا يخاف الله ويحافظ على عرضه وشرفه ولا تتمنا بان نترك اهلنا يتفرجون على مثل هذه الصور والمشاهد السيئة وخصوصا لو كانوا على سفر.

فاليوم لو بنتكلم عن مثل هذي الامور محتاجين منتدا خاص وما راح نخلص من الكلام الدوله الفلانيه فيها والدوله الفلانيه كذا ,صاحبي وللاسف ان الذي يحافظ على اهله سيحافظ عليهم حتي ولو كان في افسد رقعه على وجه الارض وال ما عنده ايمان ولا دين ولا يخاف الله ولو كان على اشرف واطهر رقعه على وجه الارض راح يعرض اهل للسخريه والمهزله .

صاحبي وحبيبي في الله انته احد الاشخاص ال اعزهم كثيرا في المنتدا ولكن احزنتني لما اراك تكتب
بوكت لاتصلح وفيها كذا وكذا
وبتايا لاتصلح فيها كذا وكذا
وبانكوك لاتصلح لان فيها كذا وكذا
ماذا تبقي في تايلند من مناطق ال يقدر الواحد ياخداهله اليها
يجب علينا نحن ان نبين الامور السلبيه والامور الاجابيه في كل منطقه زرناها ولا نقتصر فقط على الامور السلبيه دون اعطاء البديل لها وكيفيه تفادي السلبيات (مثال الجزيره الفلانيه فيها سلبيات وسلبياتها تتركز في الشارع الفلاني والفندق الفلاني والشاطئ الفلاني والحل علينا السكن في المنطقه الفلانيه وهي تقع في هذا المكان و الشاطئ الفلاني انظف وهو يقع في المكان كذا وامطاعم النظيفه في هذا المكان ونذكر كل الاماكن بالاسم وما نعرفه عن هذا المكان بشكل كامل (والكامل هو الله).

اما بخصوص كلامك عن المسبح ال في فندق (بتايا بارك) الله يسامحك انا ذكرت اني ساكن في الفندق وليس في المسبح واكثر ال يسكن الفندق هم العوائل ومن جميع الجنسيات والمسبح او الحديقه المائية خارج الفندق وبعيده عن الغرف ومن المستحل ان هناك رجل سيترك اهله يذهبون الي مسبح مختلط حتي ولو كان تابع للفندق وانته يخوي عارف واني لم اذكر في كلامي اني قمت بصطحابهم للمسبح اما بخصوص مناظر العراه على الشواطي والمسابح تراهم مالين المكان سواء كان في بتايا او اي جزيرة اخري في العالم لا يستطيع احد ان يردعهم .


انا واقولها وبصوت عاااااالي انا لست مع العوائل المسلمه ال تروح لبتايا وهي لاتعرف شي عن هذا المكان شيئا وتعرض نفسها للمناظر السيئه وفي النهايه تندم انها زارة تايلند وبتايا ولكن يجب علينا ان نرشد العوائل وان ارادت ان تذهب الى بتايا او كانت هناك وتريد منا ببعض المعلومات لا نسد الابواب في وجوههم ونقول لاتصلح فقط ونسكت يجب علينا مساعدتهم في كيف اتصرف وين يروحوا ايضا نضع في الحسبان بان هناك عرب ولكن لسوا بمسلمين وهم من اصحاب الديانات الاخري وهم مشاركين بالمنتدا يجب علينا مراعاة اخواننا بكتابة جميع الامور الاجابيه والسلبيه و بشكل مفصل لكي تكون شامل للجميع في منتدا الجميع

والسموحه اخوي تبقي اخ عزيز وغالي ياeast Lover

المشاركة الأصلية كتبت بواسطة هالو بانكوك