 |
 |
 |
||
|
|
|
||
 |
|
 |
|
|||||||
| بوابة السفر إلى بريطانيا UK وإيرلندا Ireland في هذا المنتدى يتم تزويد المستخدم بالتقارير المصورة الخاصة ببريطانيا وإيرلندا بالإضافة الى مكتبة صور خاصة. |
 |
|
|
أدوات الموضوع | انواع عرض الموضوع |
14-06-2007, 10:08 PM
|
#1 (permalink) |
|
الــــفـــــارس
تاريخ التسجيل: Feb 2006
الدولة: الامـــارات
رقم العضوية :55791
المشاركات: 952
|
رحلة أبو مانع العائليه الى الريف الانجليزي
السلام عليكم ورحمة الله وبركاته أنا والكثير منكم أكيد من محبي الطبيعه والابتعاد عن زحمة وازعاج المدن هاذي ثالث مره أزور فيها بريطانيا وحاليا صار لي قرابة الشهر في لندن فقررت هالمره أنا والأهل نطلع في رحلة استرخاء للتمتع بجمال الأرياف والطبيعه الخلابه فكان لنا وقفه وحيره لأي منطقة نروح ونقضي فيها هذي الرحله في البداية قررنا التوجه الى منطقة البحيرات ( Lake Distriects ) لأني أسمع انها منطقة جميله وتتمتع بطبيعه جميله ولكن هذا ماكان يكفيني عشان أقطع مشوار بدون درايه كافيه بالسكن من واقع تجربه شخصيه أو أحد ويفيدنا فيها وكتبت موضوع للاستفسار عنها في المنتدى , لكن بدون أن أحصل اجابه من شخص مجرب فغيرت الوجهة الى منطقة تبعد عن لندن قرابة ( 3 ساعات ونصف ) بالقطار == اسم المنطقة ( Liskeard ) في مدينة ( Corwall ) عددنا ( 5 ) أشخاص ... 3 كبار وطفلين سعر التذاكر كامله ذهاب وعوده = 137 باوند الذهاب على الدرجة الاولى , والعوده على الدرجه العاديه ( لأن الفرق مش كبير بينهم ... بس كنت أحب أجرب بنفسي وأعرف الفرق بينهم ) وعلى فكره ... هذا السعر كان مخفض كون عندنا أطفال تحت 4 سنوات لأن لما يكون عندك أطفال ويسافرو معك يكون لك تخفيض .. من غير تخفيض البطاقة العائليه الخاصه بهم == عموما توكلنا على الله وكان خط الرحله بالقطار كالتالي من محطة ( بادنجتون ) في لندن – الى محطة ( ليسكارد ) في كورن ويل وهنا الأسماء بالانجليزي للي حاب ياخذها حرفيه ( Paddington ) - ( Liskeard ) == المده الزمنيه للرحله 3 ساعات ونصف , لكنه حصل تأخير وتوقف وصارت المده 4 ساعات ولكنها كانت جميله بسبب المناظر والخضره اللي منتشره على طول الطريق والحين بترككم مع بعض المناظر من القطار والمناظر اللي شاهدناها في طريقنا ( وماراح أكثر منها لأن تركيزي بيكون على المنتجع بشكل أكبر ) هذا مانع يتجول بسيارته في وسط القطار  وهذي كراسي الدرجه الاولى ... وكانت فعلا أفضل من الدرجه العاديه كونها أوسع  مرينا على هذا الجسر الجميل وأخذت كذا صوره على الماشي   == ووصلنا بالسلامه الى محطة ( ليسكارد ) وأخذنا تاكسي الى منتجع غابات Deerpark المسافه كانت تقريبا 18 ميل من المحطه وكان سعر التاكسي 24 باوند بعدها وصلنا للغابه الجميله وتفاجأنا بروعتها وجمال المنتجع وطبيعته الخلابه جدا وهاذي بعض المناظر لهذا المكان الجميل والبقيه تأتيكم == أول ماوصلنا نزلت أنا الاستقبال ومجرد ماعطيتهم الاسم سلموني المفتاح وقلت لهم أهم شي الموقع يكون مميز ... قالو خذ المفتاح ولو ماعجبك المكان ارجع لنا وأول ماطلعت من عندهم على طول قابلنا هذا المنظر  وسكنا في هذا الكوخ الجميل , اللي يتكون من غرفتين وصاله ومطبخ وحمام أعزكم الله ( والسكن مهيأ لعدد 6 أشخاص كبار من غير الأطفال )  وكانت هذي البحيره هي اطلالتنا في الصباح والمساء مع صوت غدير المياه بقربنا  ( وفخاطري قلت ... اللي يرجع لكم ويقولكم ان المكان مب عاجبنه )  وكان البط هذا صديق لأولادي مانع وسعيد ورفيقهم وين ماراحو  وكنا نتمشى بين هالمناظر في تجولاتنا من و الى السكن  والأطفال كثير يستمتعو بهالمناظر والأجواء واطعام البط والأسماك والسناجب  هذا منظر للكوخ اللي سكناه من زاويه اخرى  شو رايك وانت جالس على البلكونه وتستمتع بهالمناظر والطبيعه والأجواء البارده مع كوب كابتشينو حار  وشو رايك لما تطلع انت وأهلك وسط الغابه وماتسمع الا أصوات العصافير وأغاريدها  وشو رايك مع هالجوله وسط الغابه تلقى مجرى مياه عذب بين الأشجار وتلعب فيه انت وأطفالك   مانع يجهز نفسه للعب بالماء بفسخ حذاءه ( والأب من الطرف الآخر خلف الكواليس )  بعدها ترجع السكن وتكمل جلسه فالبلكونه وتبدأ تجهز العشاء بنفسك  وفالأخير أهديكم كعادتي أحد الورود اللي صورتها قرب الكوخ  وان شاء الله لي رجعه لأبين لكم ميزات وعيوب هذا المكان من واقع تجربتي ولكن الى ذلك الحين ... أحب أقولكم بأنه مكان مميز للراحه والاسترخاء وأنا رحت له خاصة ان عندي الوالده ... وماحبيت أتعبها بالمشاوير الكثيره مثل سفراتنا الخاصه |
|
|
|
14-06-2007, 10:52 PM
|
#4 (permalink) |
|
خبيرة مانشستر
تاريخ التسجيل: May 2005
الدولة: مانشستر uk
رقم العضوية :23085
المشاركات: 1,625
|
مشكوووور اخوي وجزاك الله خير بس عندي سؤالين وشلون حجزت هالمكان ومن دللك علية ؟؟؟؟؟ وبكم سعرة وهل ياجرونة باليوم ؟؟ <<<<<<<<<< غثيتك بس تدري الوقت اللحين اجازة ودي اروح له يومين
جزاك الله خير والله يكثر من امثاللك ..... |
|
|
|
|
14-06-2007, 11:02 PM
|
#6 (permalink) | |
|
الــــفـــــارس
تاريخ التسجيل: Feb 2006
الدولة: الامـــارات
رقم العضوية :55791
المشاركات: 952
|
اقتباس:
وباذن الله المزيد قادم لأمثالكم |
|
|
|
|
|
14-06-2007, 11:49 PM
|
#7 (permalink) | |
|
الــــفـــــارس
تاريخ التسجيل: Feb 2006
الدولة: الامـــارات
رقم العضوية :55791
المشاركات: 952
|
اقتباس:
== هالمكان عرفته من كتيب كنت ماخذه من سفريات وأخذت أقراه وعجبني شكله كان في نفس الصفحه اللي كنت أقراها رقم للاتصال به اذا كنت أبغي أحجز فيه اللي هو هذا الرقم 08703332000 وهذا موقع الكتاب اللي كنت أقراه http://www.hoseasons.co.uk ولما استقريت على المكان وعزمت رحت سفريات توماس كوك هنا في لندن وسألتهم عن هذا المنتجع وأعطيتهم التفاصيل من حيث الموقع والمنطقه ماقصرو وياي وكوني خذته عن طريق شركة سفريات طلع السعر أرخص من الاتصال بالرقم هذا == عموما اختي انتو جربو تحجزو فيه عن طريق الرقم اللي أدرجته لكم فوق وعن طريق مكتب سياحي مثل توماس كوك وشوفو السعر الأفضل لكم وعزمو == وبالنسبه للسعر ... طبعا الحجز لمدة 3 ليالي هو نفس سعر 4 ليالي يعني تحجز 3 ليالي أو 4 بيطلع عليك بنفس السعر وهذا أقل مده تقدر تحجز فيها عندهم ( ولك القرار اذا تدفع مثلا ل 3 ليالي وتقعد ليلتين ) لكن هم أقل نصيب ياخذوه هو سعر 3 ليالي والسعر الاجمالي للسكن لمدة 4 ليالي اللي خذناه كان = 402 باوند بس احنا كنا مرتبطين في لندن لهذا السبب قعدنا 3 ليالي بس == بس أهم شي اختي اخذي مني هالنصيحه أنا عن نفسي كنت مجهز نفسي من ناحيه الأكل والشرب ومستلزماتنا لهالمده وكنا شايلين معنا كل شي ... خضره وفواكه ولحم ودجاج وبهارات وعيش وطحين و و الخ ( وحتى الطوبيّ كنا شايلينه ويانا عشان نخبز عليه الرقاق عالصبح وعالليل ) لأني أنا أصلا كنت حابب ان الأكل يكون هناك طبخ منزل وليس مطاعم والحمدلله هذا فادني كثير هناك ... لأن المنتجع مافيه هالامور بالمره يعني ( اخدم نفسك بنفسك ) في كل شيء هناك اذا كنت تحتاج لأي شي وماعندك سياره تطلع تجيبه مالك الا تقولهم وهم في صباح اليوم الثاني يجيبوه لك أنا الحمدلله كنت في غنى عن هذا ... لكن الحذر واجب ولابد تاخذو احتياطكم قبل الوصول مب شرط لهذا المكان ... ولكن حتى هناك منتجعات مشابهة نفس الحال فيها == والشيء الثاني يفضل يروح لها بسياره لأنك بتحتاج السياره هناك لأن في فعاليات قريبه منك تقريبا 5 و 8 و 10 أميال مثل ركوب الخيل أو صيد الأسماك أو حديقة الحيوانات وانت مابتقدر تروح لها مشي ... ولكن بالسياره بيسهل عليك هذا الشيء == أنا بالنسبه لي بعد كنت عامل حساب هذا من قبل ولهذا قررت أروح بالقطار لأني قريت الكتاب والفعاليات القريبه منه وسألت المكتب عنها وعن بعدها عن المكان وعرفت المسافات وقلت بما ان الوالده معنا بنخليها هالمره مجرد استرخاء وتمشيات فالمنتجع وحوله وفالمرات القادمه باذن الله بتكون رحلات أطول وفعاليات أكثر من الحاضر والحمدلله كان وقت ممتع لنا هناك وراحه الكل منا يتمناها == أتمنى اني أفدتك اختي الكريمه وأفدت اخواني قراء هذا الموضوع == اخوكم أبو مانع |
|
|
|
|
المكان روووووووووووووعة .... 
|
15-06-2007, 05:17 PM
|
#10 (permalink) |
|
مسافر فعال
تاريخ التسجيل: May 2007
رقم العضوية :134533
المشاركات: 86
|
مشكوووور ياابو مانع عاالتقرير الروووعه والمكاان الاروووع
بس ابي اعرف كم سعر الكوخ حق 8 اشخااص ؟؟ولو بنطلع لهاالمنتجع من لندن باالسيااره كم بناخذ وقت ؟؟؟؟؟ووكيف الجو هنااك براااااد؟؟ ويعطيييك الف عافيه |
|
|
|
|
15-06-2007, 07:41 PM
|
#12 (permalink) |
|
مسافر خبير
تاريخ التسجيل: Feb 2006
رقم العضوية :57065
المشاركات: 1,882
|
ماشاءالله تقرير رائع لمكان اروع
الله يهنيكم في رحللكم ويبارك لكم في الوالدة بس ممكن تعطينا معلومات اكثر عن المناطق حول المنتجع يعني شنهي اقرب المدن الكبيرة له وهل هم ذاكرين قرى مميزة جنبة وجزاك الله خير |
|
|
|
|
15-06-2007, 11:40 PM
|
#14 (permalink) | |
|
الــــفـــــارس
تاريخ التسجيل: Feb 2006
الدولة: الامـــارات
رقم العضوية :55791
المشاركات: 952
|
اقتباس:
بالنسبه للكوخ لعدد 8 أشخاص أنا لما وصلت هناك تبيّن لي بأن عندهم 3 أنواع من الأكواخ ( أو الكباين مثل ماهم يسموها ) النوع الأول هو Standard = أقصى عدد 6 أشخاص النوع الثاني هو Superior = أقصى عدد 6 أشخاص النوع الثالث هو VIP = أقصى عدد 4 أشخاص ( ولكن هم عطوني كتيب فالمنتجع أعتقد اني لمحت واحد من الأكواخ يكفي لعدد 8 أشخاص ) بس ان شاء الله من أكون فالسكن وأشوفه بتأكد وبرجع أكتب ردي بهالخصوص وان وجد سعره ماأعتقد يفرق عن اللي نحن خذناه لأنهم يحسبون السعر للكوخ ككل مش لعدد الأشخاص == وان شاء الله بحط الأكواخ وأنواعها وصور من كل كوخ ومميزاته وعيوبه عشان يستفيد من الرد كل من يقرأ الموضوع وكل مهتم == وبالنسبه لسؤالج اختي عن السياره ... أنا مثل ماتعرفي رحت له بالقطار والمده كانت 3 ساعات ونصف لكني بالسياره أعتقد ان ماخاب ظني تتراوح المده مابين 4 و 5 ساعات ( مش متأكد مجرد تخمين بسبب خط سير القطار وعدم وجود عراقيل فالطريق مثل السيارات ) == وأما الجو فهو بارد فالليل وتحتاجو لتشغيل التدفئه لكن بالنهار متغير مابين مغيم ومشمس ... ولكنه جميل وجو تمشيه ( حطو فالاحتمال تقلبات الجو على حسب الوقت اللي بتروحو له ) |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 09:51 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||