 |
 |
 |
||
|
|
|
||
 |
|
 |
|
|||||||
| بوابة السفر الى النمسا Austria في هذه الساحة يتم طرح الأسئلة والإستفسارات السياحية الخاصة بالنمسا. |
 |
|
|
أدوات الموضوع | انواع عرض الموضوع |
|
|
10-06-2007, 02:48 PM
|
#1 (permalink) |
 
تاريخ التسجيل: May 2007
رقم العضوية :135001
المشاركات: 5,505
|
لاهل السفر
الفزعه يا اهل السفر ... مرحبا الشيوخ كيف الحال؟ انا متابعه لهالمنتدى من فتره وبصراحه كثير حلو والاعضاء احلى ولي الشرف ان اكتب حرف فيه ------------------ ان شاء الله السنه هالصيف راح تسافر انا والعايله فيينا والمانيا بس والله حيييييرني هالمنتدى من كثر مافيه من معلومات هامه وقيمه تقريبا طبعت نص موضوعات المنتدى !!! وللحين محتاره ----------------- ابغي اعرف ايش اسوي بالنسبه: ١) للطيران : - هل احجز من قطر لالمانيا ؟ اومن قطر لفيينا؟ -وكم عدد الايام عشان نوفي البلد حقه ؟ ٢)تآجير السياره : للي جربوا تاجير السياره ... ادخل على موقع يوروب كاب و اختار السياره والوقت و احجز من النت بالكردت كارد؟؟ واطبع الايصال ،، وكل شي تمام ؟؟او ايش الRequirments? و يبغون الليسن في اوروبا ؟ اي ارخص احجز سياره من فيينا او المانيا ؟ وبعدين حلو اني آآجر سياره اروح فيها من ميونخ ل زي الامسي والكابرون وسالسبورغ وازور المناطق المجاوره لحد ما اوصل فيينا؟ وارجع السياره لمين؟؟ يعني كله بالسياره او استعمل القطار ؟ - القارمن مهم ؟ ٣)السكن: انا قريت مواضيع السكن في المانيا وز ال لامسي،، بس احترت كثير والله ،، وابغي اعرف اي احسن سكن على الاطلاق وقريب من السنتر والمقاهي والبحيره ونظيف؟ قريت بالمنتدى بالنسبه لزلامسي ان جراند مب نظيف ومايمدحونه.. والسي هوتيل جنب البحيره والقطار مزعج!!!! يعني ماعليكم امر اي افضل فندق او شقق على الاطلاق؟ و كيف احجز؟اذا عن طريق النت هل هو مضمون ؟ او اوصل هناك وانصدم ؟ بانو مافي حجز؟ وهل الحجز عن طريق النت ارخص؟ وحلو اني احجز في الماريوت بفيينا؟ واحد حجز عن طريق النت لهالفندق؟ ٤)عدد الايام: -يكفي كم يوم لفيينا؟ و لسالزربورغ؟ وكم يوم ل زال مسي ؟ وكم يوم لميونخ ؟ وابغي اعرف تجمع الخليجين وين اكثر ؟ وهل هناك اسواق .....((((للماركات العالميه )))) للي بعمري (((٢١ سنه)))؟؟؟ وبليز ابغي اقتراحاتكم لاحلى المناطق،،، واسسسسسسسفه والله عالاطاله ،، بس لولا الحاجه كان ماسآلت ،،، شكرا وان شاء الله احد يجاوبني ...الله يوفقك ،، وراح ادعيلكم بصلااتي ،، |
|
|
|
10-06-2007, 03:40 PM
|
#2 (permalink) |
 
تاريخ التسجيل: Dec 2006
الدولة: Jubail Industrial City
رقم العضوية :117997
المشاركات: 5,700
|
الطياره احجزي على الخطوط القطريه الى مسونخ وارجعي من فينا
السياره هذا رابط عن يوروب كار بيفيدك كثير لمشرفنا الرائع ابو ريان اضغـــــط هنــــــا اذا انتو عيله وعددكم كثير فا القطارات متعبه عليكم ويبي لكم تاجرون سياره افضل واوفر لكم واريح من القطارات ....التأجير يبون رخصة قياده دوليه تطلعينها من مكاتب السفريات من بلدك ويبون فيزا سارية وبا النسبه للحجز الحجز من ميونخ ارخص من فينا بمراحل....القارمن جدا مهم احرصي ان تكون به خرائط تفصيليه با اللغه الانجليزيه و السياره تكون ديزل عشان ماتصرف و تكون قير اتوماتيك عشان ماتعبكم وتكون مكيفه لانكم يمكن تحتاجون المكيف ببعض المناطق با النسبه بصفتكم عيله وكثار هذي مواضيع عن الشقق الفندقيه الممتازه بتفيدكم الروابط تصفحيها الشقق في فينا هذه الروابط شقق فينـــــا المركزيه للخبير زمــــــــــــاااان موسوعة الشقق في فينـــــا للخبيره ماري شقق اخرى في فينـــا للخبيره ماري الشقق في سالزبورج للرائع سانتوس اضغــــــط هنــــــا الشقق في زالامسي للخبير ابو ناصر اضغـــــط هنـــــــا فندق وشقق في زالامسي لمشرفنا وخبيرنا الرائع اخر الفرسان اضغــــــط هنــــــا خللي مخططكم كذا ميونخ ليلتين (فيها شارع للتسوق وفيه ماركات حلوه ورخيصه ) زالامسي 5 ليالي سالزبورج 3 ليالي فينــــــــــا 3 ليالي و العوده منها الى ارض الوطن وتقدرين تزيدين الايام فا اللي تبين ** فندق ماريووت فينــــــــا اكثر فندق في فينا يقصده الخليجييين ** اكثر منطقتين يقصدهم الخليجيين هم فينا وزالامسي ويجلسون بشارع المشاه وعند البحيره و المقاهي با التوفيق |
|
|
|
|
10-06-2007, 11:29 PM
|
#5 (permalink) |
|
مسافر متميز
تاريخ التسجيل: May 2007
الدولة: الــــــدوحــــــــه
رقم العضوية :132241
المشاركات: 389
|
هلا اختي سارة انا وجهت نظري للسفرة تعكسين خطة الاخ ((حدي مصر ))اسموحه اخوي مع ان معلوماتك كافيه ووافيه يعطيك العافيه... بس قولي يا ساره ليش نعكس خبرج البنات ما يقدرون يروحون السفر بدون تسوق واسواق ميونخ عامرة واحسن من سوق فينا وحتى ما تشلون حمل ثقيل في التنقل خلوها المحطه الاخيرة هذي وجهة نظري وانت وشورج...............................لك تحياتي وسفر موفقة انشالله عزيزتي
|
|
|
|
|
11-06-2007, 07:33 AM
|
#6 (permalink) | |
|
تاريخ التسجيل: Dec 2006
الدولة: Jubail Industrial City
رقم العضوية :117997
المشاركات: 5,700
|
اقتباس:
الهدف الاول و الاخير من جعل ميونخ اولا هي ان تكون لأستأجار السياره منها حيث ان فينا يكون الاستأجار منها غالي نوعا ما مقارنة بميونخ اتمنى وضحت الصوره....أختلاف الرأي لايفسد للود قضية  با التوفيق |
|
|
|
|
|
11-06-2007, 01:40 PM
|
#8 (permalink) | |
|
تاريخ التسجيل: Dec 2006
الدولة: Jubail Industrial City
رقم العضوية :117997
المشاركات: 5,700
|
اقتباس:
نعم متأكد ومن تجربة شخصيه لنفس نوع السياره ومن نفس الشركه ولنفس الفتره ونفس المميزات طلعت ميونخ ارخص بحدود 100 يورو عن فينا وعن جنيف وعن باريس وبعض المناطق اكثر من 100 يورو با التوفيق |
|
|
|
|
|
11-06-2007, 03:20 PM
|
#9 (permalink) |
|
مسافر خبير
تاريخ التسجيل: Apr 2005
الدولة: دار زايد الله يرحمه
رقم العضوية :22001
المشاركات: 1,494
|
ابغي اعرف ايش اسوي بالنسبه:
١) للطيران : - هل احجز من قطر لالمانيا ؟ اومن قطر لفيينا؟ اذا تبين تختمينها تسوق خلي العوده من ميونخ لقطر وهذا مايعني ان اسواق فيينا هب شي بالعكس اسواق فيينا روعه خصوصا شارع المشاه الكارنر..فيها شغلات حلوه ماتحصلينها في ميونخ بس التسوق في ميونخ لقيتها اهون وارخص عن فيينا .. وفي الاخير القرار لكم -وكم عدد الايام عشان نوفي البلد حقه ؟ فيينا 3 ايام ميونخ 4 ٢)تآجير السياره : للي جربوا تاجير السياره ... ادخل على موقع يوروب كاب و اختار السياره والوقت و احجز من النت بالكردت كارد؟؟ واطبع الايصال ،، وكل شي تمام ؟؟او ايش الRequirments? و يبغون الليسن في اوروبا ؟ اي ارخص احجز سياره من فيينا او المانيا ؟ وبعدين حلو اني آآجر سياره اروح فيها من ميونخ ل زي الامسي والكابرون وسالسبورغ وازور المناطق المجاوره لحد ما اوصل فيينا؟ وارجع السياره لمين؟؟ يعني كله بالسياره او استعمل القطار ؟ - القارمن مهم ؟ اسمحيلي ماعندي فكره لاننا نحن نأجر سيارات مع سايق يوم ننتقل من منطقه لاخرى ..الخبراء بيفيدونج ان شاء الله  ٣)السكن: انا قريت مواضيع السكن في المانيا وز ال لامسي،، بس احترت كثير والله ،، وابغي اعرف اي احسن سكن على الاطلاق وقريب من السنتر والمقاهي والبحيره ونظيف؟ في ميونخ اللاميرديان فندقين وعن تجربه كلهن اوكيه موقع وخدمه ونظافه وموقعه قريب عالمارين 10 دقايق مشي ووراه سوق الاتراك مطاعم واسواق واذا تبون شقق ماكس ميليان وموقع جدا رائع وهادي وفي السنتر وقريب منج صيدليه وسوبرماركت ومطاعم برجر كنج وماكدونالد ..ومشي 10 دقايق للمارين بلاتز والسوق ..و5 دقايق مشي للماكس ميليان اعتبر موقعه روعه واهدا عن موقع اللاميرديان اللي وراه سوق الاتراك ودوم زحمه وحركه في الشارع ويعتبر موقعه ممتاز .. وعن تجربه الفندقين ماعليهن كلام قريت بالمنتدى بالنسبه لزلامسي ان جراند مب نظيف ومايمدحونه.. والسي هوتيل جنب البحيره والقطار مزعج!!!! يعني ماعليكم امر اي افضل فندق او شقق على الاطلاق؟ بصراحه اغلب العايلات اللي تعرفنا عليهم في زيلامسي شكو من جراند هوتيل بسبب ضيق الغرف والحشرات لانه مطل عالبحيره وصوت القطار مزعج.. وعن تجربه انصحج بشقق نيوبوست بتلاقين في توقيعي تقرير عنهن بالصور ... و كيف احجز؟اذا عن طريق النت هل هو مضمون ؟ او اوصل هناك وانصدم ؟ بانو مافي حجز؟ وهل الحجز عن طريق النت ارخص؟ الحجز بالنت سهل ومضمون والاسعار اوفر وارخص وتوصلين ويكون حجزج نفسه مافي اي مشاكل وعن تجربه .. وحلو اني احجز في الماريوت بفيينا؟ واحد حجز عن طريق النت لهالفندق؟ الماريوت فيينا روعه وعن تجربه .. نظافه وخدمه وموقع ممتااااز وراج بيكون شارع المشاه للتسوق ومطاعم وكفيات 5 دقايق مشي .. ٤)عدد الايام: -يكفي كم يوم لفيينا؟ برايي 3 ايام كفايه و لسالزربورغ؟ 3 وكم يوم ل زال مسي ؟ 7 ايام عالاقل عشان تزورين القرى القريبه والقمه الجبليه والشلالات .. وكم يوم لميونخ ؟ 4 ايام او 5 عالاقل تزورون اهم الاماكن والبحيرات والقرى القريبه وتتسوقون .. وابغي اعرف تجمع الخليجين وين اكثر ؟ في الصيف الخليجيين في كل مكان بتحصلينهم مابتفقدين حد الله يعطيهم العافيه وهل هناك اسواق .....((((للماركات العالميه )))) للي بعمري (((٢١ سنه)))؟؟؟ الا تارسه المكان بتحتارين شو بتشترين اسأليني انا انا هاوية ماركات  فيينا كل الماركات فيها في الكارنر ستريت وفي ميونخ في الماكس ميليان كله بوتيكات الماركات ديور ولويس فيتون وشانيل وجوتشي ..الخ وبليز ابغي اقتراحاتكم لاحلى المناطق،،، هذي يبالها تلقين نظره على تقارير الاعضاء وبتلاقين وااااااااااااااايد مناطق تستحق الزياره لانها وايده وعليج تختارين اللي تبونه طبيعه والا مدن .. واسسسسسسسفه والله عالاطاله ،، بس لولا الحاجه كان ماسآلت ،،، شكرا وان شاء الله احد يجاوبني ...الله يوفقك ،، وراح ادعيلكم بصلااتي ،، افا عليج حاضرين للطيبين وفي الخدمه والسموحه عالقصور اختج الامارات [/FONT][/SIZE][/QUOTE] |
|
|
|
|
11-06-2007, 05:17 PM
|
#10 (permalink) |
|
تاريخ التسجيل: May 2007
رقم العضوية :135001
المشاركات: 5,505
|
هلا والله بمريومه قطر وبومحمد وحدي مصر ،،، والامارات
مشكورييين عالردود الحلوه والله ---------- فديتج الامارات تسلمين الشيخه ،، تعبناج ويانا ،، والله استفدت كثير والحين عرفت وين اسكن بالمانيا وز الا مسي بس ياقلبي والله متتتتتتتتتتتت وانا ادور شقق حلوه واسعارها اوكي بالسنتر في فيينا؟؟؟ وييييييييين ،؟؟؟ قريت مواضيع كثيره بس مالقيت  |
|
|
|
|
11-06-2007, 05:30 PM
|
#11 (permalink) | |
|
مسافر خبير
تاريخ التسجيل: Apr 2005
الدولة: دار زايد الله يرحمه
رقم العضوية :22001
المشاركات: 1,494
|
اقتباس:
 وبخصوص الشقق انا قبلج عيزت ادور شقق في فييننا لكن للاسف صعب تلاقين وفي حال حصلتي هب مستوى ..لذلك انصحج بفندق الماريوت خذو غرف بترتاحون ..واذا تبون فندق اسعاره اقل عندج الريدسون ساس في نفس الشارع وعدال الماريون المبني اللي جنبه ووايد اعضاء مجربينه ويمدحونه ويقولون ان اسعاره اقل من الماريوت .. وحاضرين لأي استفسار وأي خدمه اختج الامارات  |
|
|
|
|
|
11-06-2007, 05:39 PM
|
#12 (permalink) |
|
تاريخ التسجيل: May 2007
رقم العضوية :135001
المشاركات: 5,505
|
هلا اختي والله احرجتيني بطيبتج ...
والسنه بعد لازم نزور الامارات مانصبر عنهااااااااااااااااا فديتج ،،، و الله يعني خلاص اخذ الماريوت ؟؟ احسن شي؟؟ ماشي شقق في فيينا؟؟  لان احنا بنروح عايله مكونه من ٧ اشخاص( ٣ بالغين )(٢ مراهقين )(٢ اطفال) |
|
|
|
|
12-06-2007, 09:37 PM
|
#13 (permalink) | |
|
مسافر فعال
تاريخ التسجيل: Jun 2004
رقم العضوية :6127
المشاركات: 93
|
السلام عليكم
اختي ساره اذا تسمحين لي ممكن اشارك في موضوعك؟ اقتباس:
ونرجع لك ساره انا الان في طور البحث عن شقق في فينا..الاعضاء والله ماقصروا نزلوا مواضيع كثيره عن الشقق..بس انا نفسك لحد الان مالقيت اللي يناسبني, واذا لقيت اكون مااعرف وين موقعه بالضبط خصوصا اني ابي شي قريب من شارع المشا..بس ان شاءالله اول ماحصل شي ممتاز بقولك على طول..والوعد النمسا ان شاءالله |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 03:02 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||