 |
 |
 |
||
|
|
|
||
 |
|
 |
|
|||||||
| بوابة السفر إلى ماليزيا Malaysia في هذا القسم تجد مواضيع عامة متنوعة للقراءة عن ماليزيا، إذ انه يتم أرشفتها بشكل دوري. |
|
|
أدوات الموضوع | انواع عرض الموضوع |
|
|
25-05-2007, 04:19 AM
|
#1 (permalink) |
|
عائلة آل مختب
تاريخ التسجيل: Jan 2005
رقم العضوية :17252
المشاركات: 1,963
|
## المتحف الوطني العلمي في بوكيت كيارا (كوالالمبور) ##
السلام عليكم..
بالحقيقه في رحلة من رحلاتنا لماليزيا.. كنا مخصصين ايام كثيره في العاصمه الماليزيه (كوالالمبور) << شكرا على هالمعلومه الصراحه  فحاولنا مانخلي شي مانشوفه.. ومن ضمنه بعض الاشياء اللي يمكن ماتستهوي البعض.. وماتعتبر سياحيه حسب المفهوم المتعارف عليه << يمديكم علي وانا صدقيه بس ؟  او انه مايكون عنده وقت كافي لزيارته.. ومن ضمن هالاشياء اللي حاولنا نشوفها... المتحف الوطني العلمي.. National science museum Pusat sains negara  وبالحقيقه انا وزوجي وعيالنا بالاخص انبسطنا جدا.. و اتفقنا على انه مكان رائع وقررنا نزوره المرات الجايه <<< == تحسون عائلة دوافير بس والله انصح فيه اللي معهم اطفال.. كانت تجربه ممتعه <<< === خلاص صجيتينا درينا  اوقات دوام المتحف 9صباحا -5 مساءا كل ايام الاسبوع ماعدا الجمعه <<< === ياحليلهم ملتزمين لو مايجيكم الا ذي  الموقع على مرتفع اسمه بوكيت كيارا bukit kiara وبالحقيقه الطريق له كان مره ونيس وخضار يالله من فضلك <<< -- تعرفون وحده حدها الثمامه معليش سعر التذاكر 6 رينقت للكبار 3 رينقيت للصغار الصور تتحدث...(من الموقع نفسه... لان تصويرنا كله فيديو المعذره)   الاسماك تتراقص فرحة بالزوار ( الا شكلها منشنه عليهم تبي تاكلهم بس اشوى ان بيننا وبينهم قزاز) :109 : جزء من قسم عالم البحار= اكواريوم  تذكرت هذي عيالي يحسبونها العاب كلن يمعط مع جهه يالله جريناهم عنه  جناح استكشاف الفضاء <<< لا والله ماشاء الله اسهبتي بالوصف  ذولا مربطين عيالهم مغربلينهم ههههههههه لا والله ماعندي تعليق على هالصوره بس جازت لي بموقعهم وحطيته  ضب ماليزيان ستايل   خوينا الضب الماليزي يقز سائحة سلحفاتيه اجنبيه اوروبيه .. وتوه مرقمها.. بس الظاهر ماشافت البطاقه اللي مرميه جنبها هارد لك معليش..  مكدونالدز ههههههههه لا امزح ذا جزء من جناح الاطفال.. صورنا فيه وحتى انا دعست راسي وصورت فيه (عمركم شفتوا رجل فضاء لابس نقاب ؟ الله يعينني على ناسا بس)  ممر من ممرات جناح البيئه <<< ذا لو عندنا سورناه وسويناه حديقه وحطينا جنبه عربيه ذرة  الله يستر مايعطس بس وانا واقفه قدامه  تحسون الرموش يبي لها خروع والا ؟  على الاقل المقاعد هنا مهيب 3-3-3 والا لا ياام الزهور؟  الاستكشاف باللمس واللعب.. كان ودي ادخل اطب معهم بس خفت يرجفونني برا المتحف..  سوق سوق سوق يابنات... هههههههههه هذي ملابس المستقبل...يقاله.. على اي اساس مدري.. شكلهم مكثرين من افلام ستار وورز الظاهر..  كرستل ميز على غفله.. اذا فكرتوا تروحون هناك.. خلوا التاكسي ينتظركم لانكم راح تتورطون ماتلقون تكاسي برا.. نصيحه اخيره بس.. وخطمه يمكن تحسون مالها داعي.. بس للي يروح مع اطفاله.. حاولوا تشرحون لهم كل ركن شرح مبسط.. ولاتستهينون بعقلياتهم..تراهم يفهمون.. وجربوا معهم كل شي.. وجاوبوا على كل اسئله اطفالكم (فيه لوحات تغشش) وطولوا بالكم عليهم.. ماذبحنا الا قولة اص ياولد واسكت ياولد.. طبعا كثير منكم ماتستهويه هالنوع من السياحه.. خصوصا العرسان منكم الله يوفقكم.. بس انا انصح كل رب اسره عنده اطفال وعنده الوقت الكافي يمر هالمتحف.. ويارب تنبسطون كثر مااانبسطنا ياال مختب يوم زرناه.. اختكم مسافره مختبه |
|
|
25-05-2007, 11:27 AM
|
#3 (permalink) |
|
مسافر متميز
تاريخ التسجيل: Apr 2006
رقم العضوية :71554
المشاركات: 489
|
مشكوره. بس المتحف يناسب الاطفال من اى عمر؟ وفعلا ما فى اى تكسى ما اتوقع كل اللى يروح يخلى التاكسى ينطره.
وهل زرت متاحف غير هذا المتحف؟ الصراحه موضوعك وايد مفيد وجديد ما فى احد تطرق له. الله يعطيك العافية. |
|
|
|
25-05-2007, 02:52 PM
|
#5 (permalink) |
|
عائلة آل مختب
تاريخ التسجيل: Jan 2005
رقم العضوية :17252
المشاركات: 1,963
|
ام صبا يعطيك عافيه على المرور والاهتمام..
بالنسبه للتاكسي حنا توهقنا وطلعنا برا مالقينا شي.. فاضطرينا نمشي للبوابه الخارجيه حقت المتحف ( شوي بعيده) وخليناهم يكلمون لنا تاكسي وطول على ماجاء شوي.. وبالحقيقه مازرنا غير هذا المتحف في كوالا حتى الان.. بس هالسنه ناوين نكمل وناخذ لنا لفه على البقيه باذن الله.. |
|
|
|
26-05-2007, 01:08 PM
|
#10 (permalink) |
|
مشرف السعودية
تاريخ التسجيل: Jan 2006
الدولة: الرياض
رقم العضوية :54781
المشاركات: 10,790
|
يا سلام عليكم يا عائلة آل مختب
كل مواضيعكم مفيدة ودمها خفيف جعلكم سالمين من أكبر مختب لأصغر مختب فيكم والله شكله حلو أنا أحب هالمتاحف بس ما يصلح للكبار يعني بس للي معه أطفال ولا شلون ؟! |
|
|
في جدول كولا اللي من كثر مازحمته الضاهر بينفجر 
|
27-05-2007, 12:35 AM
|
#12 (permalink) |
|
عائلة آل مختب
تاريخ التسجيل: Jan 2005
رقم العضوية :17252
المشاركات: 1,963
|
روزمري...
المتحف مايبعد شي كثير عن كوالا.. دقايق بس.. يعني ممكن تعتبرينه على اطراف المدينه.. بالنسبه للي يصلح للاطفال.. ملاهي التايم سكوير انبسطوا عليها والله كثير وماينز وندرلاند.. وصن وي لاقون << مايحتاج قول.. ووديهم الاكويريوم (عالم ماوراء البحار) في البرجين.. وفيه شي بوديهم له هالسنه ان الله كتب لنا عمر.. وروحه ان شاء الله وهو المتحف الفضائي aerospace expo 2007 تحياتي لك وشكرا على ردك |
|
|
|
27-05-2007, 12:45 AM
|
#14 (permalink) |
|
عائلة آل مختب
تاريخ التسجيل: Jan 2005
رقم العضوية :17252
المشاركات: 1,963
|
هلا بمهند
حياك الله بالموضوع وشكرا على الرد الــــ  بالنسبه للمعرض هو يصلح للاطفال والكبار الدوافير امثالي انا وزوجي.. اذا انت دافور وعندك حب استطلاع تعال للمتحف << تحسون بيت ابوي اعزم عليه مهوب متحف ذا هو مخصص للجميع.. وفيه قسم خاص للاطفال يشبه فكرة مركز الاستكشاف بالشارقه كانك قد مريت عليه تحياتي والف شكر على الرد |
|
|
|
27-05-2007, 12:52 AM
|
#15 (permalink) |
|
عائلة آل مختب
تاريخ التسجيل: Jan 2005
رقم العضوية :17252
المشاركات: 1,963
|
خالد !!
هلا فيك.. هاه وش اخبار الاستعدادات؟ شريت بخاخات بعوضك والا توك وتبي تعتمد خطة النحشه قبل المغرب للفندق؟ بالنسبه لمعرض جده بالصراحه مااسميه معرض.. وان كان محسوب علينا والا فيه معرض مايفتح الا الربوع والخميس؟ ان شاء الله تلقى وقت تفره.. وترا مافيه بعوض تطمن << لايفوتكم الدعايه بستحياتي وشكرا على الرد |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 03:16 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||