الموضوع: كم مكافئة الطالب المبتعث إلى كندا ؟؟؟

بإذن الله سأتخرج السنة هذي وناوي على البعثات وبصراحه ما عندي اي خلفية عنها وودي استفسر عن المكافئة؟؟ وهل السكن على حسابي؟؟

المكافئه تقريباً 1969 يعني 2000 إلا شوي بالدولار الكندي والسكن عليك

يعني فوق 6000 ريال ممتاز

بعد اذنك اخوي وحيد زمانه بس بأخش عرض في موضوعك وأسال اخوووي احبك ياكندا :)
السؤال اللي يطرح نفسه هل المكافئة تكفي معيشة وملابس وفلة ولا لازم دعم خارجي ؟؟!!

والله ياموج المكافأه تكفي وزياده لاكن للشخص اللي يصرف بعقل يعني مو يروح يستأجر شقه 1400 ويقول ماكفتني المكافأه وإلا يروح يستأجر شقه بعيده عن الجامعه ويشتري سياره وكل يوم مشاوير ترى البنزين غالي في فانكوفريعني اللتر بـ1.13 دولار لاكن عموماً حلوه مره المكافأه

يعطيك ألف عافية اخووووي على الررررد

بس عندي سؤااااال صغيرررررررررررررررررررر؟؟؟؟

هل فانكوفر تصلح للدراسة (هل درست فيها)؟؟

كيف يعني تصلح للدراسه وضح شوي
ولاكن عموماً فانكوفر تصلح لكل شي دراسه وفله وسياحه وكلش

طيب ياشباب لاهنتوا كم المكافأة بالنسبة للي مبتعث مع زوجته؟

هههههه شكلك رايح تدور على الفله ياولد انتبه بس تراء ماعندهم يمه ارحميني .
وبعدين ياخوي تراء سالفة البعثات صعبة دور لك واسطة من الحين والحق عمرك وبالتوفيق للجميع.

لا تتأمل على البعث ..

ترى أنا لي 4 شهور ..

وواحد من الشباب مع زوجته وعيال له أكثر من 7 شهور ..

وشفت شباب لهم 9 شهور وسنة ..

ولا في طاري للبعث .. ولا أحد معطيهم وجه ..

يا شباب .. لا أحد يتأمل بالبعث ..

ترى والله الحالة كسيفة ما يعلم فيها إلا الله ..

كلنا تبن هنا .. والبعث جالسة تنصرف للواسطات بس ..

تحياتي
موفقين

اخوي GAdEG
هونها وتهون وانا اخوك وش فيك معصب :)
الدعوه ومافيها مهوب كل من جاهم يبي بعثه على طول يرسلونه
هم مقسمينها مراحل الاولى والثانية والثالثة في الطريق انشاالله وكل مرحلة لها تاريخ تقدم فيه
اما بالنسبة للواسطة فماهو شي جديد مايمشي امورك هنا الا الواسطة
والسلام