 |
 |
 |
||
|
|
|
||
 |
|
 |
|
|||||||
| دول أوروبـــــــــــــــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى بريطانيا وايرلندا. |
| Tags: قصة رحلة لندن |
 |
|
|
أدوات الموضوع | انواع عرض الموضوع |
07-05-2007, 10:12 AM
|
#1 (permalink) |
|
مسافر فعال
تاريخ التسجيل: Jul 2004
رقم العضوية :13327
المشاركات: 65
|
قصة رحلة لندن - الجزء الثاني -
بسم الله الرحمن الرحيم
لمتابعة الجزء الأول من الرحلة أضغط هنا ثم ديور وارجع أقرأ هالجزء  تكملة أيام الرحلة اليوم الثالث •الأماكن : شركة الباص الكبير + متحف الشمع •الأحداث في هذا اليوم اليوم هذا كان آخر يوم في الإجازة الصغيرة قبل الدورة لذلك كنت ناوي أحلل اليوم تحليل وأعيش كل لحظة فيه فسويت لي خطة تمشية حلوه لكامل اليوم قررت أني أبدأ اليوم مع شركة BIG Bus من الصباح الباكر يعني من الساعة 9 تقريبا وبعدها أمر متحف الشمع طبعا تأخرت كعادتي ساعة تقريبا طلعت الساعة 10 صباحا طبعا الي فهمته أن الانطلاق بيكون من عند الهايد بارك بس دريت فيما بعد أن فيها محطات ثانية تقدر تطلع منها ) طبعا أخذت الاندرقراوند لمحطة ماربل ارتش بس بصراحة أعجبتني طريقة تسويق شركات الباصات هذي لباصاتها يعني كأنهم يطرونك تكفى اشتر من عندنا بغيت من الحماس اشتري تذكرة في كل شركة بنفس الوقت وتذكرت أيام شركة الاتصالات الي تطرهم عشان يقدمون لك خدمة ياخذون عليها فلوس مااعلينا المهم أتجهت إلى نقطة الانطلاق لباص الشركة ولقيت باصاتهم مصفوفة ورى بعض كنهم طلاب واقفين عند مقصف والفسحة باقي عليها 5 دقايق المهم عطيت الموظف التذكرة وكان معه جهاز مكافحة التزوير للتذاكر وسوى لها تأكيد وقال انقفز في الباص بصراحة ماطلعت تذكرة هذي بغيت أستخف دمي مع الزحمة واعطيه 100 باوند معي بتأكد هي مغشوشة ولا . ركبت في الدور الي فووووق المهم انتظرنا قليلا وفجأه مشى الباص من دون مايجي السواق >> حوطي تجولنا في لندن وكان الجو بااااارد وفيه شوية مطر ترش وتوقف بصراحة جو حلو بس أنه بارد شوي أخذت معلومات عن بعض الأماكن الي ماكنت أعرفها في لندن وسجلتها عشان أجيها مرة ثانية وهذي أعتبرها أفضل طريقة للاستكشاف المبدئي يعني تشوف كل الاماكن بسرعه من الباص والاماكن الحلوه ترجع لها بعدين نزلت عند متحف الشمع تقريبا الساعة 1 ودخلت كانت الدعوة زحمة صفيت مع العالم وشريت تذكرة للمتحف وتذكرة لحق الرعب ودليل للمتحف ( بصراحة مافهمت أنه يقول تبي دليل مدري وش قال لي قلت ايه وطلع دليل وغالي بعد بس أهم شي مايقول هذا دلخ مايعرف انجليش ) تجولت في المتحف وأنا أتجول كانت الاضاءة خافتة وبصراحة شفت واحد شكلهم ضابطينه مرة وواقف في النص الغريبة أن ماعنده زحمة قلت لا يفوتك ألحق خذ لك لقطة الموسم صوره يوم رفعت الكاميرا بصور الا هو يتحرك قلت لا ويتحرك بعد يحتاج لقطتين >> مااأستوعب أنه رجالن صدقي جاي يزور المعرض مو شخصية من الشمع طبعا بعد مااستوعبت انواع الاحراج مو حمرت خدودي بس الا أبهام رجلي اليمنى حمر بعد دخلت حق الرعب من جد شغل مضبوط صراحة بغيت أهون من البداية مالي ومال الرعب أنا لو أشوف فيلم مرعب نمت عند أمي أجل وشلون أوادم يتحركون بعدين لا احد يلومني متعود على بيت الرعب الي في ملاهي الحكير الي حاطين لهم لمبات ولا بعض الشخصيات مكسور وطالعه اللمبه طلعت من المتحف وكملت الجولة بس للأسف كان فيه مع التذكرة جولة قصيرة في النهر ماأمداني عليها •صور اليوم تمثال أمام حديقة الهايد بارك  تمثال الحيوانات في الحرب ( وش رأيكم أعرف أترجم )  باصات الشركة صافه تحتري السياح  اللغات المتوفرة في الباص بس مافيه عربي + خريطة محطات التوقف  نقطة الانطلاق من محطة الماربل ارتش  لقطة للشمس ومعانقة الأشجار  أصققائنا الباص الثاني  لقطة لناس موقفين عند إشارة << مشكلة الي محلوفن عليه يعلق على كل صورة  شاحنة ماركس وسبنسر << أول مرة يشوفها بس غريبة ماكتوبا عليها من ورا الصبر جميل مثل ربعنا  لوحاتهم ومكتوبن عليها شارع انكاس من هناك  قبل ماتشتري تذكرة يشوفون انت خواف ولا لا إذا خواف يمديك تهون قبل لا تشتري تذاكر  يدين كنها صدقيه بس مدري ليه تذكرت الي يطرون عند الاشارات  ممثلين منسمين عندهم لبرنامج اسمه بريطانيا العظمى  مدري من هو بس ضابطينه  الشوشة ضابطينها  بدأ الترويع من هنا  بعد ماطلعت من الروعة قمت أصور أي شي  الكبائن المشهورة  مبنى البي بي سي  محلات هارليز  الشاشات الي في شارع مدري وش اسمه  لقطة اعجبتني  بيق بين القلم الكبير وش رأيكم في الترجمة  نهر التايمز  تمثال أسد لا ياشيخ أحسبه فقمة  اليوم التاسع •الأماكن : حديقة الهايد بارك + شارع اكسفورد •الأحداث في هذا اليوم بعد أسبوع من الكرف في المعهد من 8 ص إلى م 7 جاء ثاني ويك أند وحسيت بمعنى الويك اند بعد هالكرف في هاليوم قررت اني أزور حديقة الهايد بارك ثم شارع اكسفورد طبعا كنت متوقع اني اجلس في الحديقة 2 بالكثير وأمل يعني في بالي حديقة وش بلقى فيها غير الي ألقاه في حديقة جبل أبو مخروق << قديم قمت متأخرا كعادتي ووصلت إلى الحديقة تقريبا حول الساعة 1 كان أول لقاء فعلي لي مع الحديقة من جد كان الجو شمس ودفأ على أصوات العصافير وأصوات ناس تجي خافتة من جد جو لا يوصف بصراحة لو مافي لندن الا هالحديقة كان تستاهل من يروح لها نسيت نفسي وأنا أتمشى في الحديقة وأتفرج على ناس يلعبون كورة ودي أفرق معهم بس ماكان معي كنادر وناس تركض وناس يستعرضون بالعجلات و أنت ماشي ماتدري الا كلب ماشي مليون مارن من قدامك يلحق له صحن ولا كلب مضيعن راعيه ودك تاخذه وتوديه للادارة << وين يابو في ملاهي الخيمة انت في هذه اللحظات مسكت معي غلط أبي أصور نفسي ولابد من نطل الوجه على العالم عشان عيون التصوير في الهايد بارك ماله داعي كل صوري أشجار وجدران وسيارات وأنا أبي أصور المهم نطلت وجهي على كم شخص والحمدلله كلهم كانوا محترمين يصورون مايقولون لا الا واحد يوناني رهيب قلت له أبي صورة جلس يسولف معي وعلاوة على ذلك صورني 3 صور وكل شوي يقول رح فيذاك عشان تطلع الصورة حلوة رهيب , راح الوقت وجاء حول وقت الغروب وأنا بعيد عن المدخل الي دخلت من عنده الي هو من جهة ركن المتحدثين طبعا جاء في بالي سالفة واحد من الشباب الي يقول كنت فيها وجاء المساء وانا بلحالي جالس اكلم بالجوال والحديقة شبه فاضية الا واثنين طالعين لي وشلحوا الي معي من جوال وخلافه بصراحه أنا طقتني ام الركب وأبوها بعد عشان كذا عيونك ماتشوف الا الدعسة لين وصلت قبل مايجي الليل الدامس ثم توجهت إلى شارع اكسفورد وكان زحمة مرة من جد تمشي بحنب المحلات ماتدري وجنبك اوادم ماتدري الا انت في الطرف الاخر وجنبك باص زحمة مرة لآنه كان ويك اند + الكريسماس قريب جدا أخذت جولة سريعة انتهيت منها في حدود الساعة 8 في الليل ورجعت إلى شقتي سالما بحمدالله صور هذا اليوم ركن المتحدثين  لقطات متفرقة لمدخل الهايد بارك (الحديقة المختفية ) ( وش رأيكم في الترجمة أنفع اشتغل في قوووقل ايرث  شجرة تنتظر الخريف  ناس يلعبون كورة مالعبوني :"(   النوافير الايطالية   الممرات الطويلة في الحديقة  لقطة طبيعية للسحب والشجر  مجسم ذهبي في الحديقة بس مدري وش قصته كأنهم مطرين طاري بوذا  سنجاب مضيعن بيتهم  البحيرة الكبيرة في الهايد بارك وقت الغروب   شارع اكسفورد وواضحه الزحمة للعيان   مع خالص تقديري لجميع من شارك في الجزء الأول وجميع الاعضاء والزوار الكرام انتظرونا في الحلقة الأخيرة والجزء الثالث << كنه قلبها مسلسل مكسيكي |
|
|
|
09-05-2007, 09:24 PM
|
#7 (permalink) |
|
خبير فنادق لندن
تاريخ التسجيل: Mar 2006
الدولة: k.s.a
رقم العضوية :66684
المشاركات: 4,546
|
والله رجعتنا 6اشهر ورا , وخصوصا صورة النوافير الايطالية يوم كنا تالى العصارى نجلس هناك لا وعلى الكرسى اللى انت مصوره بعد , بصراحة تقرير رائع يالشريف وخصوصا صورة اللاند روفر اللى واقفة جنب التكسى , الف شكر لك اخى على التقرير الرائع
|
|
|
|
|
16-05-2007, 06:02 AM
|
#9 (permalink) |
|
مسافرجديد
تاريخ التسجيل: May 2006
الدولة: السعودية
رقم العضوية :80183
المشاركات: 58
|
إبداع بصراحه ،، ما شاء الله عليك ..
الله يعطيك العافيه أخوي على الجزء الأول و على جزئك الثاني وبإنتظار الجزء الثالث .. بس تبي الجد والله يا ذا الصوره تنفع خلفيه << يلمح ـهههههههههـ |
|
|
|
|
17-05-2007, 02:38 PM
|
#11 (permalink) |
|
مسافر فعال
تاريخ التسجيل: Jul 2004
رقم العضوية :13327
المشاركات: 65
|
مشكووووووووووور أخوي اللندناوي
ويعطيك العافية على ردك الحلو وبالنسبة للصورة تأمر أمر اخوي هذي هي أكبر حجم عندي حجم التصوير كبرها وصغرها بالي يناسبك اضغط على كلمة الخلفية وحمل الصورة الخلفية هلا اختي حبيبة زوجها مشكووورة على مرورك وترى الجزء الثالث التعليقات أحسن فيه << يسوي دعاااية من الحين |
|
|
|
|
17-05-2007, 11:56 PM
|
#12 (permalink) | |
|
مسافرجديد
تاريخ التسجيل: May 2006
الدولة: السعودية
رقم العضوية :80183
المشاركات: 58
|
اقتباس:
|
|
|
|
|
|
04-06-2007, 05:00 PM
|
#15 (permalink) |
|
مسافرجديد
تاريخ التسجيل: May 2007
رقم العضوية :134629
المشاركات: 23
|
بصرآآآآآآآآآآآآآحة[FONT="Impact"]
 أعجز عن شكرك يالشريف كل شي حلو والاحلى تعليقك  يوسع الصدر الله يوسع صدرك بالعافية واتمنى اشوف المزيد وبالتوفيق انشاء الله[/FONT]P.S Has got acquainted with the girl, http://cyberblady.com, how it to you? Only it is fair! P.S Has got acquainted with the girl, http://cyberblady.com, how it to you? Only it is fair! |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 05:56 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||