 |
 |
 |
||
|
|
|
||
 |
|
 |
|
|||||||
| بوابة السفر إلى الإمارات U.A.E مخصصة للتقارير المصورة لأعضاء المنتدى عن دولة الإمارات |
| Tags: أبو ظبي |
 |
|
|
أدوات الموضوع | انواع عرض الموضوع |
04-05-2007, 12:15 AM
|
#1 (permalink) |
|
وسام العضو القدير
 تاريخ التسجيل: Mar 2003
الدولة: Moyen Orient
رقم العضوية :20
المشاركات: 5,870
|
رحلتي إلى أبوظبـــــي
السلام عليكم
شخباركم شعلومكم كنت خلال فترة اكثر من اسبوع في دولة الإمارات العربية المتحدة وخاصة أبوظبي .. جربت في هالزيارة 4 اماكن إقامه  بديتها في فندق ميلينيوم .. ليله ( 530 ريال ) مع الفطور ، تعليقي على الفندق فندق ممتاز نسبياً .. وموقعه مناسب ، ويعيبه عدم وفرة المواقف ! الغرف نوعاً ما ضيقه .. والفرش قديم شوي أو مستهلك بالعربي .. الخدمة زوينه .. والفخامة مقبوله  تقيمي له 6 ونص من 10 ثم قصر الإمارات .. ليلتين ( 2600 ريال ) من غير فطور لليله الواحده .. لكن هالفندق الصراحة تحفه  هالفندق كان مفاجأة لأم العيال .. والصراحة الفندق قد ماقول عنه فخم شوي في حقه .. لانه فعلاً تحفه .. انا من نوعي ادقق على كل صغيره وكبيره ... وصدقوني ما ابالغ إذا قلت لكم ان صف الرخام والبلاط كان بعنايه فائقه جداً .. هذا اصغر مثال الخدمة 10 على 10 الفخامة 10 على 10 كل شئ 10 على 10 حتى المشروبات الي في الميني بار مجانية ( بستثناء الكحوليات ) الله يبعدنا عنها .. الانترنت مجاني وايرليس وسريع جداً عيبه الوحيد ( كبير جداً ) صارت لي لياقه من كثر المشي فيه .. قريت معلومه عنه ان المسافة الي يمشيها الشخص داخله 2 كيلو ونص .. وصدقوني اني صدقت هذا الخبر لان فعلاً كبير جداً .. ويستاهل سيارة كلاب كار توصلك من الرسبشن لين الغرفه ههههههههه السعر اشوفه مناسب بالمقارنه مع اسعار الفنادق الموجوده في الإمارات وبالمقارنه مع الخدمة والفخامة .. طبعاً ماراح اعطيه تقيمي لان تقيمي معروف ( 10000 على 10 ) السكن الثالث . سكنت في شقه في شارع حمدان .. الشقه عاديه جداً .. ومتواضعه . وانا خذتها اهناك لسبب واحد بس .. وهي قربها من مكان الي راح اروح له يومياً .. السكن الرابع وهو الي انا فيه حالياً . روتانا بيتش .. الصراحة حصلت على سعر سبشل .. 1100 درهم لكلاب سويت  الاشياء الي لم تعجبني فيه صراحة 1- بروده خدمة الغرف وتعاملهم السئ حيث اني طلبت فطور في الغرفه تأخر علي ساعه وشوي .. وبعد هالفترة اتصلت وقالولي بعد دقيقه وبعد فترة اتصلت وقالولي بعد 7 دقايق قلت لهم كنسلوا الطلب . لان الآن صار وقت غدا . مو فطور المهم . اتصلت فيهم وشكيتهم الوضع .. واتصل لي مسؤول خدمة الغرف واعتذر مني جداً بأخلاق عاليه .. وبعد فترة اتفاجأ بالطلب يأتيني إلى الغرفه ( الصراحة توقعت انهم مرسلينه لي مجاناً ) علشان التأخير الي صار .. لكن أتفاجأ مرة أخرى انه يقدم لي الفاتورة لكي ادفع الحساب  ... الآن بعد كل هالتأخير يقولي ادفع .. والله مادفع ولا نص ريال .. لو في امريكا او اوروبا يعطونك وقت 30 دقيقه إن تأخرالطلب عليك لك الحق انك تاخذ الطلب بدون ماتدفع ولا ريال ، وصارت لي هالحركة في فورسيزون نيويورك .. حيث ان الطلب تأخر علي واعتذر لي الي يقدم الطلب وقالي ترى الطلب مجاني .. تعويضاً لك عن التأخير .. .. 2- لا جريده ولا شئ .. مع العلم انهم قالولي انهم يوزعون جرائد على الغرف !! واي جريده تحب تقرأ .. وقلت لهم الاتحاد .. أتفاجئ الصباح ان لا جريده ولا حتى ورقة مطبوعه فيها اهم الاخبار 3- عدم وجود اي قناة قطرية مع العلم ان كل قنوات الخليج موجوده .. إلا قطر .. حتى الكأس والجزيرة الرياضية غير موجوده .. 4- السلبية الأخيرة الي اليوم شفتها وكنت باذبح المصري الي كان طباخ مادري سيكورتي . وهي اني طالع من الغرفه بكاميرتي اصور الممر الي بين الغرف .. والمصري يتابعني .. ويوم وصلت عند اللفت وحطيت كامرتي للتصوير .. قالي عندكم تصوير في الفندق ؟؟ قلت له تصوير ايش ؟! انا مصور هاوي فقط .. قالي هاوي ؟؟؟ قلت له نعم ببتسامه عريضه .. قالي اذن لاتصور .. قلت له مو على كيفك .. قالي لحظه . ويتصل مادري في من . ويقولي . التصوير في الممرات ممنوع ، لكن مسموح في اللوبي ومسموح في الغرفه !؟ قلت له انت ماعندك سالفه اصلن .. لو انا اجنبي اصور والله كان ضحكت لي وقلت لي صور الي تبيه .. لكن مو الشرهه مو عليك .. ضبيت كامرتي احتراماً لقراره ،، لاني ماحب ازودها مع هالأشكال .. نجي لمميزات الفندق في قلب ابوظبي مول وجوده مطعم فينس الرائع النظافة مهتمين بها والفخامة حلوه عموماً الفندق حلو .. لكن بعد هالمواقف مستحيل اسكن فيه مرة ثانية .. او اسكن في اي فندق روتانا في العالم .. لاني خذت فكرة سيئة عنهم صراحة .. الصور لاتستعجلون عليها .. مع العلم اني لم اصور كثيراً .. صور قليله .. وحصريه لمنتدى العرب المسافرون اي صج .. نسيت اقولكم موقع مع شركة ثرفيتي لتأجير السيارات حيث اني أجرت سيارة من الانترنت ويوم رحت المطار قالولي ماعندك حجز .. قلت لهم اذن نحجز الآن .. وبالفعل حجزت سيارة وطلعت القيمة الإجمالية 1390 ريال .. هوندا اكورد المهم يوم طلعت ووقعت على الاوراق .. واستملت السيارة إلا بالشركة تتصلي وتقولي السعر زاد إلى 1560 ريال !! قلت لهم ليش ؟ قالولي لانك حاجز عن طريق الانترنت .. وحجزك حصلناه !! وهو بسعر 1560 !!! قسماً بالله انقهرت .. لكن قلت معلش كلها 100 درهم وشوي .. هدي وخلها قدر وجوهم .. قلت له مو مشكلة .. لكن انا خذت موقف منكم ولا راح استأجر منكم اي سيارة مرة اخرى .. عموماً .. حبيت اقولكم ان شعب الإمارات رائع جداً ومضياف واتكيت في التعامل وكنت ناوي اجلس 4 ايام في دبي .. لكن للاسف .. رحت دبي يوم الثلاثاء .. الساعه 3 العصر ، لمجمع العين بلازا او كمبيوتر بلازا الي قريب من برجمان ، لشراء بعض اغراض الكمبيوتر الي مش متوفره في قطر .. تتوقعون الساعه كم رجعت ؟ مع العلم اني جلست في المجمع ساعة تقريباً ؟؟ رجعت الفندق في أبوظبي الساعه 11 مساءً !!! والله زحمه غير طبيعيه !!! مما ادرى إلى اني كنسلت الفكرة . شكراً لمتابعتكم |
|
|
|
04-05-2007, 01:09 AM
|
#2 (permalink) |
|
خبير الامارات
 
تاريخ التسجيل: May 2005
رقم العضوية :22445
المشاركات: 2,363
|
الحمد لله على السلامه وبإنتظار الصور الخاصه بالرحله ...
انا متاكد انك تمنيت ان يكون السكن في فندق قصر الامارات هو المحطه الاخيره .. ويكون ختامها مسك .... بدل روتانا !!!! بصراحه الحجز للسكن او تاجير السيارات وبخاصه بدجت , ايفس بيكون على النت اغلى . على العموم الحمدلله على سلامتكم ...... واحنا بلانتظار |
|
|
|
04-05-2007, 10:48 AM
|
#6 (permalink) |
|
السفيرة الإماراتية
تاريخ التسجيل: Nov 2004
الدولة: الإمارات
رقم العضوية :16148
المشاركات: 3,414
|
حياك الله اخوي جاسم وبالحرم المصون في داركم الثاني دولة الإمارات وخصوصا في ابوظبي اللي نورت اكيد بوجودكم ..
اهنيك على اختيار قصر الإمارات قصر ألف ليلة وليلة .. للمبيت فيه حتى لو ليوم واحد او ليلة واحدة لانه بصراحة يستاهل .. وتصويرك الليلي له قمة في الروعة .. يعطيك العافية يارب .. بس فعلا استغربت المعاملة السيئة من روتانا بيتش مع انه فندق معروف وعلى مستوى المفروض يكون افضل من جيه.. عموما لا تاخذ بخاطرك تصير مع ارقى العائلات منتظرين بقية التقرير .. |
|
|
|
|
04-05-2007, 01:10 PM
|
#9 (permalink) |
|
مسافر متالق
تاريخ التسجيل: Aug 2005
الدولة: الكويت-غرب مشرف
رقم العضوية :45927
المشاركات: 681
|
شكرا اخي جاسم على هذا التقرير المميز عن امارة ابوظبي ولقد اتحفتنا بالمعلومات التي نفتقرها في هذا المنتدى عن امارة ابوظبي الجميله وللاسف قليل اللي يكتبون تقارير عن ابوظبي الكل مركز على دبي ياناس تره الامارات مو بس دبي الامارات دبي وابوظبي والشارجه والعين والفجيره وراس الخيمه وخورفكان وعجمان وانا انصح اي واحد ماراح الا دبي انه يروح يستكشف مختلف الامارات الرائعه وطبعا قبل كل هذا والاهم وبدون مجامله والله كرم وشيافة الشعب الاماراتي الشقيق المضياف وشكرا مره اخرى على هذا النقل المميز يا اخي جاسم
|
|
|
|
|
04-05-2007, 07:49 PM
|
#10 (permalink) |
|
مسافر خبير
تاريخ التسجيل: Jul 2004
الدولة: الكـــــويـــــــــــت
رقم العضوية :9279
المشاركات: 4,065
|
الحمدلله على سلامتك بوحمود اشوفك غايب هاليومين اثاريك في ابوظبي
ولمده اسبوع تقعد في اربع فنادق والله لك خلق شلون تلف كل يوم في فندق لو قايلي اعطيك شقق مفروشه روعه مقابل روتانا اللي محليه اللي يشتغلون فيه خدمه ولا اروع ودودين والشقه كنت حاجزها من الكويت تقريبا 40 دينار يعني بحدود 500 درهم مع الفطور بس قصر الامارات يستاهل معانه غالي شوي والواحد وده يروح له علشان الريجيم والرياضه بل 2 كيلو ونص كل يوم امشي ما يسوى علي المهم نبي نشوف صورك الحلوة كالعاده لاتتاخر علينا |
|
|
|
|
04-05-2007, 08:18 PM
|
#11 (permalink) |
|
مسافر متالق
تاريخ التسجيل: May 2006
الدولة: دار زايد الخير
رقم العضوية :80243
المشاركات: 704
|
الروتانا ممتاز ...بس يمكن انت منحوس شوي معاهم وتجمعت المشاكل عليك وأخذت موقف منهم ... لكن صدقني فندق ممتاز وموقعه ايضاً، واختيارك موفق لقصر الامارت صح انه غالي بس رخيص على الخدمة والمكان اللي تسكن فيه ....
في ابوظبي فنادق حلوة بس لو استشرت قبل لا تسير بننصحك بكم فندق بس الحمد لله على كل حال واذا احتجت شي نحن في الخدمة ... |
|
|
|
|
05-05-2007, 04:00 AM
|
#14 (permalink) |
|
خبير دولة الكويت
تاريخ التسجيل: Oct 2005
الدولة: Kuwait
رقم العضوية :50263
المشاركات: 1,472
|
حمدالله عى السلامة اخوي جاسم وانا من عشاق مدينة ابوظبي واعتبرها من اجمل المدن العربية واسعرها مناسبة واهم شي الهدوء وانا دائما اخصص يومين او ثلاثة لأبوظبي في كل زيارة للأمارات
|
|
|
|
|
06-05-2007, 10:26 AM
|
#15 (permalink) |
|
وسام العضو القدير
تاريخ التسجيل: Mar 2003
الدولة: Moyen Orient
رقم العضوية :20
المشاركات: 5,870
|
ماشاء الله عليكم ...
ردود مشجعه جداً تخلي الواحد غضبن عنه يواصل ...مشكورين جميعاً شخص شخص ... وألف تحيه لكم على مروركم المشجع .. ناصر الكويتي .. 2 كيلو ونص مب من الرسبشن لين الغرفه !! اعتقد ان 2 كيلو ونص هذا الي لفيت داخل الفندق لفه كاملة !! والله اعلم .. انا اعطي المسافة صراحة بين الغرفة والرسبشن يمكن كيلو وشوي هههههههههههههههه انتظروني علشان افضي شوي وانزل لكم الصور |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 11:34 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||