 |
 |
 |
||
|
|
|
||
 |
|
 |
|
|||||||
| بوابة السفر إلى أسبانيا Spain تعنى هذه البوابة بتزويد المستخدمين بجميع المعلومات المتنوعة الخاصة بالسفر الى الأندلس وغرناطة وأشببيلية وماربيا. |
|
|
أدوات الموضوع | انواع عرض الموضوع |
|
|
23-04-2007, 08:26 PM
|
#1 (permalink) |
|
مسافر فعال
تاريخ التسجيل: Feb 2006
رقم العضوية :60650
المشاركات: 97
|
ياخبراء الأندلس ساعدوني انا ضيفكم خلال شهر
السلام عليكم احبتي واخواني الاندلسيين
 صراحه مستانس انها بتكون اول زياره لي لأسبانيا لذا أرجوا مساعدتكم ياهل الخبره رحلتي في يوم 16 مايو من امريكا-باريس-برشلونه بجلس في برشلونه 4 ايام ثم بحلولها للجنوب الأسباني ورائحة أجدادي  بالنسبه للحجوزات كل شي كامل من خطوط طيران وفنادق وغيرها أتمنى تزويدي بمعلومات عن المدن اللي بزورها واقرب الأماكن من الهوتيل ! بالنسبه لبرشلونه حجزت عن طريق الانترنت في فندق Eurostars Grand Marina قريت عنه انه كويس بس مادري وش احلى الاماكن المقاربه له وهل الفندق مريح وبعيد عن المشاكل؟؟ وبعدها بتوجه ان شاءالله لغرناطه وسأسكن في هوتيل Andalucia Center Hotel لأني اريد من هناء ومن غرناطه زيارة اغلب الجنوب الاسباني (الاندلس) واهم المدن كــ قرطبه وغيرها راح اجلس في قرطبه اسبوع تقريبا ومن ثم سأتوجه للرياض لذا اتمنى منكم أحبتي إفادتي كما عودتمونا أخوكم عنــاد |
|
|
24-04-2007, 10:21 PM
|
#2 (permalink) |
|
وسام التميز الاسباني
تاريخ التسجيل: Dec 2005
الدولة: -UAE-
رقم العضوية :53813
المشاركات: 850
|
أهلا بعناد الاندلسي ...
أولا : أتمنى لك رحله موفقه وان شاء الله تستانس بأسبانيا . وان شاء الله الاخوه الخبراء يفيدونك بالفنادق ...بحس حبيت اعلق ان تقعد اسبوع بقرطبة احس كثير .. يعنى من ماربيلا تروح لكل مناطق الجنوب ...مثل قرطبة واشبيله وشذونه ورنده , وغرناطة ... يعنى حاول تشوف اكثر المناطق والله الله ننتظر التقرير والصور بالمناطق ولا تنسي تزور قصر الحمراء ... ورحله موفقه ...واستانس ببرشلونه ترا يمدحونها ...وخصوصا شارع الرمبلا ... اخر فلسفه من اعتماد...بس ما حبيت أقر الموضوع ولا اعلق سلام |
|
|
|
24-04-2007, 11:45 PM
|
#3 (permalink) |
|
خبير ايرلندا الجنوبية
تاريخ التسجيل: Feb 2006
الدولة: الكويت-ايرلندا
رقم العضوية :61206
المشاركات: 847
|
زين تسوي اخوي عناد هذا هو الشغل المضبوط أحسن من الرجوع الفوري من امريكا للسعودية و اختيار موفق للمدن
تصدق انك شعللتني و زدت شوقي للاندلس تراك الهبتني و خليتني اطلع خرائطي الاندلسية و بيدي الحين سيف ابو عبدالله الصغير (بس صغير) ماسكة بيدي اليسار و أكتب لك باليمين ما قلت بقرطبة وين حجزت ؟ بتقعد اسبوع بقرطبة وين ابن زيدون خوينا عنك أخاف يصير فيه شي لما يقرأ هالكلام لا تنسى تزور مدينة الزهراء بقرطبة و اعتقد انها من اهم الاماكن اللي الواحد لازم يزورها اذا ذهب لقرطبة و اذا ما كنت راح تؤجر سيارة فيوجد باصات تذهب الى هناك و بتقريري راح تلاقي اهم الاماكن اللي زرتها داخل قرطبة و غرناطة لكن بما انك راح تبقى اسبوع بقرطبة فهذا راح يعطيك مجال لزيارة أماكن اكثر و كذلك لزيارة المناطق المجاورة خلي معاك قاموس عربي-اسباني يفيدك جدا لان اغلب الاسبان اللي شفتهم لا يتحدثون بالانكليزي و اذا ما حصلت بامريكا اتوقع بتلاقي قواميس انكليزي-اسباني اذا يناسبك و لا بأس انك تاخذ كتاب سياحي عن اسبانيا او عن الجنوب الاسباني مثلا و منها يسليك بالطيارة مثلا و يكون مرجع سياحي في الطريق من غرناطة الى قرطبة احتمال تمر بقلعة بني سعيد و هذا يعتمد على اي طريق ستسلك لان هناك طريقين و اعذرني ناسي ارقام الطرق بس موجودة بالتقرير و قلعة بني سعيد تستحق الزيارة بغرناطة عندك مطعم الريانيز arrayanes مغربي و حلال و تلقاه في البيازين مطعم ممتاز و تذاكر الحمراء لا تنسى تحجزها مسبقا و افضل شي بالانترنت و تحدد التاريخ و الوقت اللي تبيه و اذا عندك اي استفسار في ما يتعلق بقرطبة و غرناطة يشرفني اني اكون بخدمتك و لي عودة لموضوعك بعد ما اتفضى و اهم شي يكون معاك كامرة ديجتال مع ميموري كارد 4 جيجا لزوم الصور و التقرير رحلة سعيدة و موفقة |
|
|
|
25-04-2007, 08:33 PM
|
#4 (permalink) |
|
مسافر فعال
تاريخ التسجيل: Feb 2006
رقم العضوية :60650
المشاركات: 97
|
اعتماد يا لبى قلبك والله ..ادري انك ما تقصرين مع الاعضاء
لا توصين حريص على قصر الحمراء بالنسبه لقرطبه ماراح يكون وقتي كله فيها طبعا وبما ان اغلب المدن التاريخيه قريب منها فراح تكون نقطو الأنطلاق <<< احس اني في سباق ضاحيه ما قصرتي يالغاليه ----- مرابط يالبى قلبك بعد انت ما قصرت يالغالي واكيد اذا عندي سؤال لمن اوصل هناك ماراح اتردد بما ان اللاب توب راح يكون معاي تابعت تقريرك عن زيارتك للأندلس وصراحه ماشاءالله عليك رووعه بالتفاصيل والصور وفادتني كثير ويكون بعلمك اني نزلت موضوعك عندي على وورد دوكومنت وبطبعه واخليك على شكل كتاب صغير مصور يفيدني في رحلتي بيض الله خشتك اقصد وجهك..لاهنت يالغالي عنــــ ــ ــ ــ ـــــــــــاد |
|
|
«
تاريخ سقوط "اهم القواعد والمدن والحواضر "الأندلسية
|
( البحث عن الأندلسيين المواركة )... رحلة أعضاء المنتدى من الأندلس إلى المغرب
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 09:39 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||