 |
 |
 |
||
|
|
|
||
 |
|
 |
|
|||||||
| الدول العربية والإسلامية تعنى هذه البوابة بتزويد المستخدمين بجميع المعلومات المتنوعة الخاصة بالكويت. |
| Tags: رحلة الى الكويت |
 |
|
|
أدوات الموضوع | انواع عرض الموضوع |
11-04-2007, 05:11 PM
|
#1 (permalink) |
|
مسافر متميز
تاريخ التسجيل: Mar 2007
الدولة: الدوحة - قطر
رقم العضوية :124227
المشاركات: 472
|
*& زوروا معاي الكويت ( متجدد ) &*
 بسم الله الرحمن الرحيم شخباركم جميعاً ؟؟ في هذا الموضوع راح أعرض لكم تقرير مفصل عن زيارتي لدولة الكويت ، بعض الأماكن للأسف ماقدرت أصور منها شي ، وذلك بسبب الزحمة وبعد خفت حد يهاوشني لوووووووول فبعرض اللي قدرت أصوره وأن شاء الله يعجبكم الموضوع بسم الله نبدأ : تاريخ 16/2/2007 م اللي يصادف يوم الجمعه ، كان وقت تجهيز الشنط وترتيب كل شي ، والتركيز أهم شي عشان ماأنسى الأغراض . جهزت الجوازات والشنط ، وكل شي أجهزه أحط قريب مدخل البيت عشان ماأنسى ، وطبعاً كان دفتري ملازمني ، على طول أحط صح عند الشي اللي انتهيت منه   طبعاً هاليوم رحت مواصله المطار لأن الساعه 5 ونص الفجر لازم نطلع من البيت والطيارة تقلع الساعه 7 ونص الصبح ، ففظلت أروح مواصلة . طلعنا من البيت عالساعه 5 ونص وتوكلنا على الله واتجنا صوب مطار الدوحة الدولي ، وعند البوابة التقيت بأهلي اللي بسافر معاهم ( بيت خالتي وخالة أمي ، وكان خالي سابقنا بالسيارة هو اهله ) عالساعة 9 تقريباً وصلنا الكويت ، ولحد الآن كل شي تمام ، بس للأسف أول ماطلعنا من المطار ، ماحسيت اني جايه بلاد جديده ، وكانت المباني توحي بأني رايحه مصر وليس الكويت  ماوصف لكم الضيقة والأحباط اللي جاني لما شفت الشوارع ، بس قلت معليه تو الناس ماشفت شي وأكيد نظرتي بتتغير . المهم توجهنا لمكان السكن ( سارة بلازا للشقق الفندقية ) صراحة روعه وموقعه ممتاز قريب من شارع السالمية الحيوي بينا وبين هالشارع 3 دقايق مشي عالأقدام ، ونصيحة اللي بيروح الكويت يسكن بالسالميه لأن كل شي قريب منها ، شارع المطاعم والخليج العربي وشارع البلاجات ومنطقة الأسواق ومجمع المارينا وملحقاته اللي هم ( فندق المارينا والمارينا كرسنت ) والمجمعات اللي لاتعد ولاتحصى ، يعني الحمدلله لما شفت هالشارع ارتحت نفسياً ، وكل انواع المطاعم والكوفي شوبز موجودين فيه طبعاً كان ودي أصور الشقه ، بس اعتفست فوق تحت وكل مابي اصور شي أقى حد قاعد أو اغراض محطوطه لوووووووووول فماصورت الا ( الاصنصير )  والحلووو فيه أنه هادي واغلبه عوايل ، وأهم شي احذانا بقالتيين ويوصلون الأغراض لين الشقة ---------------------------- يتبــــــــــع  *& روح المسك &* ملاحظة : انا جديدة معاكم واستفدت من منتداكم في سفرتي للكويت والبحرين ، وحبيت تشوفون معاي تقرير سفرتي للكويت |
|
|
11-04-2007, 05:13 PM
|
#2 (permalink) |
|
مسافر متميز
تاريخ التسجيل: Mar 2007
الدولة: الدوحة - قطر
رقم العضوية :124227
المشاركات: 472
|
طبعاً يوم الوصول اللي يصادف يوم السبت تاريخ 17/2/2007 م ، رحنا مجمع المارينا ( منطقة الأسواق ) بالسيارة خذنا أقل من خمس دقايق ، ومثل ماقلت لكم من قبل أن كل شي قريب من الفندق ، وبعدها رجعنا شارع السالمية ، وتمشينا فيه ودخلنا مجمع الفنار والبستان وأعتقد ليلى جاليري ، كلهم جنب بعض ، وبعدين تعشينا بمطعم ( قريت ستييك يصير قريب من ماكدونالدز ومطم كوردو ) أكله زوييين بس من الجوع كلنا كل شي لوووووووول ، وبعدها رحنا الشقه عشان نرتاح . يوم الأحد اللي يصادف تاريخ 18/2/2007 م ، رحنا مجمع الأوقاف ( يبيع جلابيات ودراعات كويتيه ) صراحه سوق مايفتح النفس بالمرررره مع أن اتوقع عنده حركات حلوة ولبس حلووو بس نفسياً تعبنا من السوق  وأتوقع سوق الجبر اللي خبري فيه من ايام الإبتدائية احلى منه بوايد  بس بعدين قالوا لنا ان الوقاف له كذا فرع اعتقد وانتوا شكلكم رحتوا للقديم ، المهم احنا رحنا اللي قريب من سنتر بوينت ، وماعجبني فيه الا محل ( الفراولة ) حق المجوهرات وكله عنده الماص بس ( زركووون ) يعني روحوا ولاتفوتوونه وعنده الرخيص والغالي ، خذت منه حلق يطلع بالقطري 860 والتصوير ظالمه وبقوووووووو وبعدها طلعنا منه ورحنا سوق المباركية واحنا بالطريق لسوق المباركية شفنا حادث عند الإشارات ، وطبعاً تأخرنا وايد ، ومن الملل قلت أصور برج التحرير  واحنا مندمجين فالسوالف ، قالت بنت خالتي اقروا اللي مكتوب عاللافته ههههههه صراحه ضحكتني كلمة الشرور وقلت أصورها لكم  وبعد معاناه وصلنا سوق المباركية وياحلووووووووووة من سوق  ============= يتبع [/COLOR] *& روح المسك &* |
|
|
|
11-04-2007, 05:18 PM
|
#3 (permalink) |
|
مسافر متميز
تاريخ التسجيل: Mar 2007
الدولة: الدوحة - قطر
رقم العضوية :124227
المشاركات: 472
|
نكمل رحلتنا في سوق المباركية : أول مادخلت السوق ، لفت انتباهي محل يبيع مكسرات وحلويات ، وطيران عند هالمحل ، خذت حلوى عمانية يمممي يمييي لذيذة وايد ، وصار هجوم عالصحن ، فخذت واحد غيره .  وهذي صورة لزاوية فالمحل  وبعدها خذنا جولة فالسوق ، طبعاً ماقدرت أصور من الزحمه وماقدر كل اشوي اوقف لأني بضيع لووووووووول ، بس فعلاً سوق شعبي حلوووو والأحلى فيه أن مافي تنظيم ، فجأه تشوف ملابس وتلقى عندهم خضروات وفواكه ، وبعدها بأشوي سممممك ، هذي ميزة السوق اللي عجبتني ، وبالمره حييييوي ، خاصة بالليل ياسلاااام أحلى وأحلى ، روحوا له بالليل وبالنهار وبتحسون بالفرق الكبير . بعدها طلعنا برا عند المطاعم والقهاوي ، طبعاً مافي الا أحنا ، بس قالوا لنا تعالوا فالليل وبتشوفون شلون الناس ماليين القهاوي والمطاعم  وطلبنا شاااااي عالفحم ، هذا أكثر شي يشتهر فيه السووق  وكل مانشوف الشاي انغني اغنية ( خدري الشاي خدريه ) لوووووووووووول وهذا شعار الجودة للسوق  وانتهت رحلتنا الصباحية عند سوق المباركية ، بعد ماطلبنا غدا من مطعم إيراني وتوكلنا على الله رايحين صوب البيت ، بس واحنا نمشي فالطريق للسيارة ، اشوف بنت خالي ضربت برك ، ذبحني الفضول يوم رحت لها لقيت هالشي وقلت الا أصوووووره لوووووووووووول  والعصر رحنا سوق شرق ( مجمع كبير يطل على مرينا ( مرسى للطرادات ) فيه تشكيلة حلوة ومتنوعه من المحلات وفيه سينما ومطاعم لاتعد ولا تحصى ، بس للأسف هالمره مافي صور ، ورجعنا البيتوتعشينا من مطعم ( كوردو ) مطعم مشهور بسندويشات الشاورما ، يصير بشارع السالمية الحيوي ( صراحة ماعرف اسم هالشارع ) وجنب ماكدونالدز اللي على زاوية . وبكره انكمل رحلتنا مع السلامة *& روح المسك &* |
|
|
|
11-04-2007, 07:26 PM
|
#5 (permalink) |
|
مسافر خبير
تاريخ التسجيل: Jul 2004
الدولة: الكـــــويـــــــــــت
رقم العضوية :9279
المشاركات: 4,065
|
هلا والله بالمسك وروح المسك عندنا بالكويت والله هذي الساعه المباركه والشارع اللي بالسالميه اسمه شارع سالم المبارك ياكثر ماقلته للاخت المسافره من قطر
ومجمع الاوقاف ماكو الا واحد اللي رحتيله مافي غيره بس ما ادري ليش ما اعجبج مع انه نسائي من الدرجه الاولى ةكل الحريم يحبونه المهم الله يحييج في ديرتج وبين اهلج |
|
|
|
11-04-2007, 07:27 PM
|
#6 (permalink) |
|
مستشارة الكويت
تاريخ التسجيل: May 2005
رقم العضوية :22801
المشاركات: 934
|
حياج الله ياروح المسك
التقرير مبين من بدايته انه قوي وحلو. بالنسبة للعمارات القديمة المباني القديمة تلقينها بكل البلدان يعني مستحيل بلد بتحصلين فيها كل المباني والعمارات يديدة ومثل هالعمارات القديمة بالنسبة للكويت تحصلينها اكثر شي بحولي والفروانية ( قطع محددة بالفروانية ) واغلب اللي يسكنون فيها من الاجانب لان اجاراتها رخيصة ، لكن ماكو شي يظل على حاله خصوصا هالايام اغلب المباني القديمة انشالت يعني مثلا انتي رحتي مجمع الاوقاف يمكن لاحظتي البراحة اللي مجابله المجمع كان فيها المباني والعمارات القديمة وكلها اهدموها العام . الموضوع يحتاج بس شوية صبر لان كل شي قديم بينهدم هذا ملاحظ بالبلد. بالنسبة حق مجمع الاوقاف مودايما تلقين الدراريع والبضاعة حلوة فيه واحيانا تلقين البضاعة ولا اروع. عشان جذي انا افضل التصميم بالنسبة للدراريع ولو سائلتينا بالنتدى قبل لاتيين جان عطيناج عناوين خيايطة بس ولايهمج خيرها بغيرها وهو مجمع مووايد قديم وهو مو حق التمشي لان مايصلح لان كله محلات للتشري بس . وبانتظار البقية الحلوة |
|
|
|
11-04-2007, 08:17 PM
|
#8 (permalink) | |
|
مسافر متميز
تاريخ التسجيل: Mar 2007
الدولة: الدوحة - قطر
رقم العضوية :124227
المشاركات: 472
|
اقتباس:
يعافيج يارب ويخليج ويسلمج تابعيني وفالج طيب شاكرة لج مرورج حبيبتي ولا هنتي عالرد |
|
|
|
|
11-04-2007, 08:23 PM
|
#9 (permalink) | |
|
مسافر متميز
تاريخ التسجيل: Mar 2007
الدولة: الدوحة - قطر
رقم العضوية :124227
المشاركات: 472
|
اقتباس:
هلا فيك مليون أخوي ناصر ، ومشكور على توضيح اسم الشارع خلاص أكيد مراح أنساه وبخصوص مجمع الأوقاف هو عجبني من ناحية البضاعة عنده الزين وعند الكشخه وعنده المتوسط ، بس أنا أقصد شكل السوق مايشجع ، وخاصه لما طلعنا الدور الثاني بالمره ماله داعي  بس البضاعة معليها غبار الصراحة .وتمنيت لو أن إدارة السوق صاكه الدور الثاني لأنه مافيه محلات ومبين ان المحلات المستأجره اللي فيه طلعوا المؤجرين منها وتركوها خرابه ، فصاير المنظر مو ذاك الزود . وعن نفسي ماكنت ناويه اخذ دراريع عشان جذي كنت مستعيله وابي اطلع بسرعه  مشكور عالمرور والرد اخوي وادعوك لزيارة موضوعي مره ثانية ومشاهدة بقية التقرير  بتشوفون وبتسمعون شي يسركم ياأهل الكويت |
|
|
|
|
11-04-2007, 08:30 PM
|
#10 (permalink) | |
|
مسافر متميز
تاريخ التسجيل: Mar 2007
الدولة: الدوحة - قطر
رقم العضوية :124227
المشاركات: 472
|
اقتباس:
الله يحيج يارب ومشكورة عالأطراء الحلوو والله محد حلوو الا الكويت وأهلها ربي يحفظكم إن شاء الله ملاحظتج في محلها أختي وحتى احنا بقطر عندنا هالشي بس تم العمل على فرض عقوبات واصدروا قرار بإزالتها . بس اللي يعور القلب أكثر فالكويت انها موجوده على شوارع عمومية وحيوية ومشوهه المنظر كثير  يعني شي يقهر والله الكويت هي قطر وقطر هي الكويت ، عشان جذي ماعجبني المنظر يوم شفته يالله عقبال مايزيلون كل عماره تشوه المنظر العام وبخصوص الدراريع ، قلت حق اخوي ناصر اني ماكنت ناويه أخذ شي منها مع ان دراريعك وااااو عليها بس كنت مكتفيه ولله الحمد ، عشان جذي ماسألت عن احسن المحلات .بس اللي اعرفه عندكم مجمع العربيد يمدحونه ، للأمانه مارحت له . مشكوره اختي عالمرور والتعليق واتمنى أشوف لج ردود ثانية في موضوعي |
|
|
|
|
11-04-2007, 08:32 PM
|
#11 (permalink) |
|
مسافر خبير
تاريخ التسجيل: Jul 2004
الدولة: الكـــــويـــــــــــت
رقم العضوية :9279
المشاركات: 4,065
|
حيالله المسك وروح المسك مره ثانيه
مثل ما قالت اختنا الكبيره المسافره الكويتيه ان المجمع هذا فقط للدراريع مو للتمشي ولا شي ثاني وفيه محلات مكمله له مثل لوازم الخياطه وفيه مركز العاب في السرداب علشان اذا راحوا الحريم السوق يخلون العيال يلعبون وما يتعبونهم بالسوق ويمكن انج اساسا مو يايه تشترين دراريع طلعت عليج الزياره مو ذاك الزود لكن صدقيني في ناس ودهم يقعدون ساعه بس بالمجمع هذا طبعا راح نتابعج ان شاء الله ونشوف التقرير اللي من بدايته حلو ومنسق خصوصا اذا يا التقرير من قطر له طعم ثاني ما ادري ليش |
|
|
|
11-04-2007, 08:33 PM
|
#12 (permalink) | |
|
مسافر متميز
تاريخ التسجيل: Mar 2007
الدولة: الدوحة - قطر
رقم العضوية :124227
المشاركات: 472
|
اقتباس:
الله يعافيج يارب مرورج أكيد هو الأحلى يابنت الكويت الله يقويج ، تابعيني وفالج طيب |
|
|
|
|
11-04-2007, 08:37 PM
|
#13 (permalink) |
|
مسافر خبير
تاريخ التسجيل: Feb 2006
رقم العضوية :57065
المشاركات: 1,882
|
هلا اختي روح المسك
تقريرج ماشالله حلو ومحليه روحج المرحة بس معقولة ماتعرفين اسم الشارع اللي بالسالميه وانتي شبة مقيمة فيه اسمه شارع سالم المبارك ( الاسم خذته بالكوبي من رد اخونا ناصر )ههههههههههههههههه شفينا بنات قطر على هالشارع  ومجمع الاوقاف ما اعجبج لانج ماتبين دراريع والا انجان صرتي مثلي من محل لين محل اشيل من هالجلابيات والسوق محلو في عيوني هههههههههههه ومتابعين معاج هالرحلة الحلوة |
|
|
|
11-04-2007, 08:52 PM
|
#14 (permalink) | |
|
مسافر متميز
تاريخ التسجيل: Mar 2007
الدولة: الدوحة - قطر
رقم العضوية :124227
المشاركات: 472
|
اقتباس:
بالضبط يابنت بلادي وصلتي للي أبي أوصل له بالحجي بس بنتي مشاغبتني ومب مخليتني اركز عالكلام ، وقاعده اروح وأجي على نفس النقطه من غير ماوصل للهدف لوووووووووول فعلاً انتي لو تدخلين سوق مالج حاجه فيه تتمليين وودج لو ماطلعتي من البيت أحسن ، وتخيلي أحنا كنا 5 حريم رايحين السوق عشان وحده تبي تتسوق ، عشان جذي تمللنا منه وكان قلبنا طاير نبي نروح المباركية .وبخصوص الشارع كل مره اشوف اسمه ولا أخزن فالميموري كارد اللي في مخي مشكوره عالكلام الحلوو حبيبتي ومانور الموضوع وخلاه حلوو الله طلتج يابنت بلادي سي يوو سوون  |
|
|
|
|
11-04-2007, 08:56 PM
|
#15 (permalink) | |
|
مسافر متميز
تاريخ التسجيل: Mar 2007
الدولة: الدوحة - قطر
رقم العضوية :124227
المشاركات: 472
|
اقتباس:
الله يحيك أخوي وحياك في موضوعي مره ثانية صدقت بكل كلمه قلتها شرف لي اتابعوني وإن شاء الله يعجبكم التقرير وتسلم عالكلام الطيب والحلووو أخوي |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 06:33 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||