0Likes
(( التجــــارة فـــي الهنـــــد ))
الـسلام عليـكم ورحمـة اللـه وبـركـــاتـه
أخــواني بعد مالاحظت اهتمـــام عدد مـن الأعضــاء بالتجارة فــي الهنـــد حبيت أفتح هدا الموضوع عشان نتناقش فيه عـــن التــجــارة في الهنــد حسب نظرتي ومعلوماتي المتواضعة لأني انا جيت الهند عشان الغرض دا يعني أبغى اعرف ايش الفرص التجارية بجميع انواعها بالاضافة اني بشتري بضاعة نسائية
خلـــينـــي أعطيكـــم نـــبــذة عــامة عـــن النشــاطات اللي ممكن من وجهة نظري انو تكون مناسبة للتجارة والاستثــمــار فــي الهــــنـــد ،، وخليني أقولها في نقاط .
1- الإستثمار العقـــاري :-
طبعا أكتر مدينــة الاستثمار العقاري دحين بيشهد فيه نهضة قوية وسريعة هي (( بنقلــــور )) السوق العقاري عنــدهم أزدهر وقفز قفزة 10 مرات في خلال 5 سنـوات ولسة قدامه كمان يعني اللي بيلحق الفرصة قــــدامــه ..
حتى الاستثمار العقاري البسيط مو لازم بالملايين
نفسي أديكم أمثلة ممكن تستفيد منها تجاريا بس المنتدي سياحي وصعبة نتكلم فيه عن تجارة بحتة
2- الإستثمار التجاري ((بجمــيع أنواعه ))..
وهــدا فـــرصه حدث ولا حـــرج سواء كنت رجل اعمال تحب المشاريع الضخمة ولا كنت تاجر جملة ولا حتى عندك محــــل صغير صدقني تلاقي غرضك فـــي الهنـد وخليني أقسم الفرص برضو بشكل عام وادي نبذة
1- الاسثمار في العلامات التجـاريـة
طبعا مفهومة اللي هو تاخد وكاله معروفة يعني زي ماكدونالد مثلا /// هنا في الهند في ماركات هندية عالمية لو احد عرف عنها والله يشوووف الخير في كل القطاعات سواء (( وكالات الأغذية ، ولا الايسكريم ، ولا الملابس ، ولا المجـوهرات )) عندهم فرص استثمــارية كثييييييييييييييييييييييييييييييييرة
واللي لاحظته انو فرصهم الاستثمارية في مجال العلامات التجارية أسعارها والله معقووولة وأرخص من أسعار الوكالات الاجنبية وكمان أرخص من لو تبغى تاخد اسم تجاري سعودي زي الطازج مثـلا أو محلات الفراولة )).
2- الاستثمـار في سوق الأسهم الهنــدية
أنا نفســــي لــو واحد فيكم يعرف واحد محترف في التحليل الفني والأسهم السعودية تقنعوه يطلع لمدة اسبوع على السوق الهنـــدي فرق شااااااااااااااااااسع لأنه سوق في بداية نمـــوه وسوق عااااااالمي
خلينا ندخـــل فــي المهم واللي تبغوه اغلبكم /// اللي هو البضايع الجــاهـزة
طبعا مليان المنتجات اللي ممكن تربحك أضعاف في السعودية بس ياربت اللي في باله منتج معين يسألني وانا اجيبله معلومات عنــه
لكــن بشــــكل عـــام /// المـــلابــس الجـــاهـــزة أحسن وأرخص مكان ممكن كمان تلاقي فيه الماركات بسعر مخفض اللي هو فوائض مصانع factory outlet بس شي جودة مو شي تعبان يعني تشتري بضاعة نظييييفة واسعارها ببلاش بس عاد يبغالها فهلوة وشطارة لأنو لما يشوفو العربي يرفعو الأسعـــار هدي كله في منطقــة اسمها Olas بعيــدة عن بومباي 3 ساعات بالسيارة اكرر المنطقة دي بــس للملابس بشكل عام سواء أطفال او سهرة او رجالي والماركات المخفضة...
غيـــر كـــدا أي نوع من أنواع البـــضايع الثانية بالنسبة لأصحاب المحلات سواء اكسسوارات أحذيـة هدا في شارع مشهور اسمه شارع عبدالرحمن في بومباي وبرضو اكرر لاحد يروح الا معاه واحد منهم وفيهم ويعرف يشتريلك بدون مايرفعو عليك الأسعـــار.
وطبعا المدن التانية تلاقي مثلا كل مدينة متخصصة في شي وخليني أختصـرها لكم على هدا النحو -
1- بومــبــاي ((لتجارة الجملة في جميع الأصناف ))
2- دلهــــــي (( بلد تجارة الهواميــر )) يعني 10 كونتينـــر وانت طالع وأغلب تجارها مسلمين
3- جوجرات (( مدينة رجال الأعمال )) أقوى رجال اعمال الهند من هدي المدينة وفيها مصانع متنوعة وأسعارها رخيييييصة والحلو فيهم انه المصنع يوافق يتعامل مع الكميات الصغيــرة .
4- assam في حيدر آباد هدي من الاماكن العالمية لزراعة الشاي ومن افضل انواع الشاي في الهنـد ،، يعني تنفع للي بيستورد شــاي
5- ميســور / مشهــورة بخشب الصندل الطبيعي
6- بنقلــــور / طبعــــا قلنـــا أفضل مكان للنشاط العقـــاري (( مدينــــة تكنلوجية تعليمية )) يعني طلب العقار متزايد بشكل مهووووول
.................................................. .................................................. ................
هـــدا اللي في بالي حاليـــا ،،، وهدي ياجماعة معلومات هنا جمعتها ووجهــة نظر يعني مو شرط اني رحت كل الاماكن اللي بقولها ،،،،، وأي خدمة أو استفســار أنا تحـت أمركم
