 |
 |
 |
||
|
|
|
||
 |
|
 |
|
|||||||
| بوابـــة السفر إلى تايلاند Thailand : في هذا المنتدى يتم تزويد المستخدم بالتقارير المصورة الخاصة بتايلاند بالإضافة الى مكتبة صور خاصة. |
| Tags: بتايا كوشانج, xxx |
 |
|
|
أدوات الموضوع | انواع عرض الموضوع |
20-03-2007, 09:44 AM
|
#32 (permalink) |
|
مسافر متالق
تاريخ التسجيل: Oct 2005
الدولة: جــدة
رقم العضوية :51097
المشاركات: 678
|
اشكرك اخي العزيز deshe1 على كلامك الأكثر من رائع
ولا تشيل هم من تكملة موضوعي وتنزيل الصور بس انت عارف تحميل الصور وكتابة التقرير ياخد وقت وانا انسان وقتي مش ملكي لكن اليوم انشاء الله هنزل مجموعة من الصور اجمل وارق التحيات لك اخي العزيز |
|
|
|
20-03-2007, 12:43 PM
|
#33 (permalink) |
|
مسافر متالق
تاريخ التسجيل: Oct 2005
الدولة: جــدة
رقم العضوية :51097
المشاركات: 678
|
ونتابع معاكم رحلتي في ارض العجائب بعد ما استمتعنا بالمناظر الخلابة والجميلة في منتجعنا طلبت من زوجت الإسرتاحة في الغرفة بينما انا اقوم بااستكشاف المنطقة وسألت المسؤلين في المنتجع عن دباب للإيجار ولكن للأسف كانت جميعها مشغولة فذهبت لأستأجر دباب من خارج المنتجع كي استكشف المنطقة التي حولي وفعلا خرجت مشيا على الأقدام ابحث عن محل لتأجير الدبابات ووجدته قريب جدا مني في نفس الشارع وكان إيجاره بـ 200 بات  وللمعلومية كثير من السياح والمقيمين يستعملون الدباب كوسيلة مواصلات سهلة ورخصية ..... عشان كدا نصيحتي لكم لازم لما توقف دبابك تعرف وين بالتحديد وقفتووو عشان لما ترجع تلاقي دبابك وما تلخبط بين الدبابات الأخرى لأنك بعد ما تلف ودور في الأسواق احتمال كبير تخربط فين وقفت الدباب عشان كدا لازم تحفظ رقم دبابك وعشان ما انسى رقم دبابي صورت رقم اللوحة وطبعا الكاميرا معايا على طووول  وهناك الدبابات متشابها واحنا متعودين على السيارات واحتمال ترجع متلاقي دبابك في مكانووو زي مسار معايا كنت في السوق رجعت ومالقيت الدباب بس كنت متأكد وعارف فين انا وقفتوو وكنت حافظ رقم لوحة دبابي بس رحت طلعت الكاميرا وتأكدت من الرقم ولقيت الرقم صحيح بس وين دبابي راح وبعد بحث دام قرابة ربع ساعة تقريبا لقيت الجماعة مغيرين موقف الدباب عشان كان في عربية النظافة يبغو ينظفو المكان والمكان كان مليان بالدبابات ولكن ربك سهلها. وهادا الشارع اما المنتجع يواديك لحد منطقة العرب والفنادق على طول الطريق    المهم بعد ما استأجرت على طول رحت لمنطقة العرب على شان ابدل الفلوس من الدولار لعملتهم البات وعلى فكرة على نفس الطريق إلي واديك لمنطقة العرب وهوا قريب من المنتجع فيه مكان دائما الاقي فيه بسطات شعبية ناصبين خيمة وكل يوم تلاقي بسطات مختلفة عن التانية كلها ملابس وبضاعتهم نفس البضاعة الموجودة في المحلات التجارية الكبيرة ولكن ارخص بكثير يعني لو حبيت تشتري ممكن تشتري بس برضو ارجع واقول سوق الباتونام ارخص بكثير وهذا المكان إلي بقولو فيه سوق الأحد والإثنين والجمعة وطول الطريقة فيه بسطات بس امش بشويش وهتلاقي البسطات والمحلات وافتكرت وقتها لما كانو الإخوان يسألوو عن محلات رخيصة للملابس فقلت لازم انزل واشوف ايش السالفه وهادي صورة لمكان البسطة لليحب يشتري طبعاً  وكملت طريقي ثم وجدت مكان كبير وفيه مبنى لفت نظري كان يلمع مع اشعة الشمس وفيه اجراس قلت خليني اشوف ايش هادا وطلع المعبد حقهم قلت في نفسي خليني اشوف ايش بسو هدول .. ناخد فكرة وشفت البوذا الإلاه حقهم وساعتها حمدت ربي اني ولدت في بلاد تنعم بالإسلام وشفت اشياء غريبة يقدمو للبوذا مشروب الفانتا ولازم يحطو فيه مصاصه ويوجهو على جهة إلاههم وفاكه وصندوق لونه اصفر تخيلو فيه مجموعة من المنظفات من تايد وفيري وصابون وليفة عشان يتروش هههههههههه تلاقي في كل فندق او سوق او محل صغير صندوق مزخرف بالورد والألوان الجميلة وبداخله البواذا الصغير وحوليه قوارير الفانتا والبخور والفواكه هادا المعبد حقهم والله عجب ومرة سألت واحد هناك ليش يتحطوو كل هادا قال عشان ربهم يرضى عنهم وسألت طيب عصير الفانتا ليه دايما عصير فانتا ولازم توجه المصاص قال اجدادنا كانو يعملو كداااا الحلو في الموضوع مرة كنت طالع من المنتجع وشفت البنتين إلي في الإستقبال يواقفين عند المعبد يحضنو بعض وفرحانين كأنوو في خبر سار جدا وسألتهم ايش الحكاية قالو اليوم يوم سعدهم وربهم راضي عليهم وقلت ليش قالت لأن البوذا شرب عصير الفانتا استغربت كيف شربوو قلت اكيد واحد كان معدي وكان عطشان راح شربوو تخيلو مين شرب عصير الفانتا ؟؟؟؟ .... انا شربتوووو حبيت اعمل فيهم مقلب والله ومشي علييهمممم ومسدقين حالهم هههههههههههههههه والله لو عرفو كان دبحوووني ههههههههههه وهادي هي صور المعبد من الخارج والداخل     خلوننا في مشواري إلي كنت رايح فيه لمنطقة العرب شكلو مش هنخلص هههههههههههههه وبدأت استعيد ذكرياتي الجميلة هنا وهناك وكان وقتها الساعة 4 عصراً تقريباً ولكم هذه اللقطات من الشارع المقابل للشاطئ  وهنا آثار المطر واضحه في الشارع         بعد حوالي الساعة رجعت للمنتجع واستأجرت تاكسي يوديني انا والأهل لهادا المركز التجاري بـ 8 ريال = 80 بات وكان اولها رويال جاردن وطبعا الأغلبية يعرف هذا المركز وقد قام بعض الإخوان الذين سبقوني لهذا المكان ونزلو صورهم وقمت بالتقاط بعض الصور وفي بعض الصور ما نزلتها لأنها هيا نفسها إلي حطوها الإخوان قلت ما في داعي للتكرار او بعدين يطلعلي واحد يقولي هادي نفس صورتي انت ماخدها مني !! ههههههههه امزح معاكم وتجولنا في هذا المركز   ووجدت محل الساعات كما وصفو الأخوان وحاولت اخد صورة لكشك الساعات لكن الأخ إلي هناك رفض ومنعني من التصوير لكن صورت محل كنتاكي إلي موجود هناك  امام كنتاكي مطعم للمأكولات البحرية رائع جدا لا يفوتكم كنت دائما اروح اتغدى واتعشى هناك لما رحت اول مرة وجيت اطلب قلت احنا مسلمين ما ابغى اي اضافات علي طلبي راحت ردت عليا وانا مسلمة فرحت وقلت خلاص زبطي الموضوع والله ماقصرت قامت بالواجب وبعدها سارت تشيل ابني وفرحانين عليه والله يا جماعة الخير كل ما ادخل مطعم ولا سوق ولا اي مكان يجيو البنات يتهافتو على ولدي ويرجوو عليها وإلي تتصور معاه لدرجة انها اخدت الولد معاها جوا في المطبخ توريه للطباخين لدرجة زوجتي سارت تحصنوو وتقرا عليه شكلهم مساكين ما عندهم اطفال كثير تلاقي كل عائلة عندهم تنين ولا ثلاثة اكثر شي عشان كدا لما يشوفو طفل يحبو يلعبو معاه وقتها طلبنا ستيك سمك واشاياء ثانية مش فاكر المهم لما تطلب الستيك سمك تاخد معاه السلطة مجانا يعني تروح لبوفيه السلطة وعامل زي البوفيه المفتوح تعبي صحنك لما تشبع وإذا خلص تروح تعبي تاني ومعاه سلطات فواكه واشياء تانية مرح لذيذة ويعبولك ببسي لما تنسطح تقدر تعبي اكتر من مرة والله اكلنا لما الواحد سار مو قادر يمشي كل هادا بـ 65 ريال 650 بات والله يابلاش لا وبعد كنا ماخدين طلب زيادة زاد مننا صحن كامل المرة إلي بعدها ماطلبناه سار تكلفة الغداء انا والمدام 45 ريال = 450 بات هادا الرخص ولا بلاااش   وبعدها سرنا نتجول في المركز وبدينا نتسوق   وانا بتجول في المركز سرت اصمع اصوات غريبة في الدور التاني طلعت اشوف ايش مصدر هادي الأصوات لقيت مكان عامل زي مدينة الأشباح بنتين جالسين برا في الإستقبال وحاطين مكياج مرعب كأنهم بيعملو فلم مرعب وشكلهم جميل وإلي يبغى يتصور معاها ماعنده مانع ابدا فصرنا نلتقط بعض الصور الجميلة معهم      وانا بتصور جنب هذه المناظر حطيت يدي على هذا الشباك وإلا فجأة طلعلي هذا الأخ المرعب مع صوت يفجع قلت اخد صورة للمجسم هذا  وفي تذكرة للدخول بـ 60 ريال واستمتعنا جدا والتقط بعص الصور لهذا المكان انشاء الله يعجبكم التقرير وبعدها رحنا للأسواق المجاورة لفينا لما دخنااا وهناك عطلت عليا الكاميرا حقتي فجأة سارت ما تشتغل زعلت جدا وهادي الكاميرا كنت شاريها من بانكوك العام الماضي قلت خلاص لازم اصلحها بس الحمد لله كنت جايب معايا كاميرا احتياطية ونفعتني كان زماني ما قدرت اجيبلكم اي صور بس ربنا ستر على طول رحت لمجمع أجهزة الكمبيوتر قلت اكيد هناك في محل لتصليح الكاميرات وفعلا لقيت في الدور السفلي ( البدروم) مركز لصيانة جميع الأجهزة الكهربائية والساعات وكل شي واعطيتهم الكاميرا قالولي بعد يومين راجعنا فعلا رجعت بعد يومين كانو مصلحينها وسألت كم المبلغ تخيلووو فاجأوني يقولو Free ببلاش قلت ياسلام اكيد انت تمزح قال لا مجانا لأن كاميرتك داخلا ضمن الضمان فرحت جدا وقلت يلا وفرت حق التصليح لو كان هادا الموقف سار عندنا في السعودية كان مرمطوك حتى لو جبتلو الضمان كان دفعك حق التنظيف هههههه بس حبيت الفت نظركم في هذا المركز تصليح جميع الأجهزة للمعلومية وهوا قريب جدا من منطقة العرب ولو سألت اي احد هناك هيدلك اتمنى ان يكون التقرير نال إعجابكم واذا اي واحد عند استفسار انا تحت امرك ارق واجمل التحيات لك من تواضع ورد على موضوعي |
|
|
|
|
21-03-2007, 03:59 PM
|
#36 (permalink) |
|
مسافر متالق
تاريخ التسجيل: Apr 2005
الدولة: كويت الخير
رقم العضوية :21243
المشاركات: 890
|
اخوي وين المكان بالضبط السوق اللي انت حاطه البسطات الخيمه والمعبد اي مكان بالضبط لانه رحت هناك وماشفتهم وين احصلهم بالضبط وانا جاي من منطقه العرب فندق في سي اخليه على يساري وفندق مارين على يميني اكمل سيده؟؟
|
|
|
|
|
22-03-2007, 12:06 PM
|
#38 (permalink) |
|
مسافر متالق
تاريخ التسجيل: Oct 2005
الدولة: جــدة
رقم العضوية :51097
المشاركات: 678
|
أخوي العزيز ( deshe1 ) شوف اول ما تطلع من المنتجع خد يسار وامشي على طووول وقبل التقاطع إلي انا عامل عليه دائرة زرقاء بـ 100 تقريبا هتلاقيه على يسارك مساحة فاضية هتلاقي فيها خيمة كبيرة نفس إلي في الصورة بس هادا في النهار وقبل غروب الشمس تلاقيهم شالو بسطاتهم وخيمتهم وفي الليل تلاقي مكانها جلسات صغيرة يفترشو الأرض وهيا عبارة عن مجموعة طاولات وفيها شمعة صغير ييأجروها قال يعني جو رومانسي للحبيبة اما بالنسبة للمعبد فهوا بعد التقاطع المذكور أعلاه في نفس الطريق المؤدي لمنطقة العرب قبل الإشارة على اليمين وهادي خريطة اخونا ( روح غناتي ) بعد ما اضفت الدائرة للتوضيح وعلى فكرة هادي الخريطة مو دقيقة لأن تنقصها بعض الشوارع بس انت خليك على وصوفي  اشكرك اخوي ( بانكوك ) على كلامك الطيب والرائع تحياتي للجميع |
|
|
|
|
23-03-2007, 02:53 PM
|
#39 (permalink) |
|
مسافر متميز
تاريخ التسجيل: Jan 2007
الدولة: kuwait
رقم العضوية :119615
المشاركات: 160
|
تقريـــر يلامس الواقـع  والله خليتـنى أضحك و أنا قاعد أقرا اعن الساعات اللى تصلح للعائلات و الشباب و مناطقه العرب فى بتايا .... دائما مناطق ساخنه سواءا فى بانكوك او فى بتايا , وعن قيامك بالأستكشاف المبـكر لاى منطقه قبل أصطحابك للمدام  .... على العموووم خليتنى اتذكر الكـثـير من المواقف الطريفه فى بتايا ,, مشكووووور على الجهد الكبيـر . |
|
|
|
|
26-03-2007, 10:42 AM
|
#42 (permalink) |
|
مسافر متالق
تاريخ التسجيل: Oct 2005
الدولة: جــدة
رقم العضوية :51097
المشاركات: 678
|
اخوي bosloh انشاء الله دائما تكون مستانس على موضوعي وتابعنا في هناك المزيد من الموااقف الطريفة لا تفوتك ... اما عن طلعات الإستكشاف هادا لابد منه ولا تسير تايلاند من البلادان إلي تنحط في قائمة البلاك ليست وبعدين يسير هادا آخر تقرير في تايلاند ولا ايش ... ؟! وبمأني ذكرتك بمواقفك الطريفة هات ماعندك لتمتعنا بسواليفك اخي العزيز الله يعافيك اخوي عقاب وانشاء انشاء الله تكون مستمتع معنا على طول وانشاءالله اكون عند حسن ظن الجميع اشكرك اخي mishariii على مرورك الطيب والله يعافيك وقريبا انتهي من تحميل الصور وهنزل التقري اول ما انتهي واعذروني على التأخير وارق واجمل التحيات للجميع |
|
|
|
|
«
Ξ҈Ξ»ـ.¸¸.Ϡ₡(تقريري عن فوكيـت الساحـره)Ϡ₡.¸¸.ـ«Ξ҈Ξ
|
{{~~{{ تقريري رحتلي لبانكوك بغرض التسوق }}~~}}
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 06:43 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||