 |
 |
 |
||
|
|
|
||
 |
|
 |
|
|||||||
| بوابـــة السفر إلى تايلاند Thailand : في هذا المنتدى يتم تزويد المستخدم بالتقارير المصورة الخاصة بتايلاند بالإضافة الى مكتبة صور خاصة. |
| Tags: بتايا كوشانج, xxx |
 |
|
|
أدوات الموضوع | انواع عرض الموضوع |
|
|
03-11-2007, 11:45 AM
|
#1 (permalink) |
|
مسافرجديد
تاريخ التسجيل: Nov 2007
رقم العضوية :161472
المشاركات: 3
|
اولاً هادي اول مشاركة لي في منتداكم الرائع اروجا ان تتقبلوني اخا لكم ثانياً انا تجولت كثيراً في هادا المنتدى الرائع بعد توصية من صديقي العزيز مصطفى الذي قلب كياني رأساِ على عقب وإعجابه الكبير بمن يقومون على هذا المنتدى ونصحني إذا اردت السفر لأي بلد في العالم عليك الدخول للمنتدى واخد معلومات منه وفعلا تجولت في هادا المنتدى وكان اقل شي ان اقوم بالشكر للجميع وخصوصا ( مصطفى ) حقيقة ابداع X ابداخ اخي مصطفى تقرير ولا اروع من كدا معلومات كلمة مفيدة جدا قليلة عليها حقيقة انا كنت مسافر لسوريا بس بعد قراءتي لتقريرك غيرت وجهة سفري لتايلاند وخصوصا اني مسافر مع زوجتي سوف اتبع خطواتك بحذافيرها ونفس برنامجك اسمحل اخي العزيز وسوف اطبع كل المعلومات التي سوف استفيد منها اتمنى ان تفيدا اكثر عن هادا البلد تحياتي |
|
|
|
17-03-2007, 10:01 AM
|
#3 (permalink) |
|
مسافر متالق
تاريخ التسجيل: Oct 2005
الدولة: جــدة
رقم العضوية :51097
المشاركات: 678
|
الله يسلمك اخي traveler Q8i ومشكور على تجشيعك اما بالنسبة للباص وانت في بانكوك خد تاكسي وقلو وديني على (باص ستيشن) وهوا يعرف طريقوا
ولا تتفق معاه على السعر بس اكد عليه يوديك بالكيلو ارخص بكتير اما خطوط الإتحاد حقيقة طلعت انظف وافخم مما تخيلت بجد طيران مريح وتعاملهم جدا راقي غير المقاعد المريحة والشاشات المثبتة في المقاعد تقدر تشوف اخر الأفلام وتستمتع بالألعاب الموجودة وما تحس بطول الرحلة اشكر مرورك اخي desh1 الأمير سعود اكيد راح اضيفك مايحتاج كلام اما بالنسبة لسؤالك عن الأماكن السياحية في بتايا لا تستعجل راح اذكرها في تقريري وهميز هذا التقرير بالإجابة عن سؤال الكثير من الإخوان والأخوات هل بتايا تصلح للعوائل ام لا ؟؟ انا رحتها السنة الماضية لوحدي وكانت اول مرة اسافر فيها وهادي السنة اخدت الأهل معايا .... رمح الشمال blak heart slbukh مشكور على مروركم وترحيبكم جميعاً تابعوني اول ما اخلص من تحميل الصور هكمل تقريري تحياتي للجميع |
|
|
|
|
17-03-2007, 05:00 PM
|
#7 (permalink) |
|
مسافر متالق
تاريخ التسجيل: Oct 2005
الدولة: جــدة
رقم العضوية :51097
المشاركات: 678
|
بتايا اولا تعتبر بتايا من اجمل المدن وتبعد تقريبا ساعه ونصف الى ساعتين من مطار بانكوك ويوجد باص يوديك لبتايا من المطار وتمتاز هذه المدينه المطلة على البحر بتنوع السائحين اليها من كل اقطار العالم وستشاهد الكثير من الجنسيات واللغات المختلفة من جميع انحاء العالم ولن اطيل الحديث كثيرا لأن الكثير من الإخوان الذين سبقوني إلى هناك كتبوا في هذا المنتدى الكثير عنها وهي غنية عن التعريف ولكن حبيت ان الفت نظر الإخوان إلي يبغو يروحوها مع عوائلهم انا بصراحة هادي تاني مرة اسافر على تايلاند اول مرة كنت لوحدي وحبيت وقتها اخد فكرة عن البلد وبعد كذا اخد الأهل .. والمرة التانية هادي السنة وكانت معي المدام وابني الصغير ولقد اختلفت الآراءحول موضوع بتايا تصلح للعوائل اما لا ؟؟ قسم يقول بتايا فقط للشباب وماتصلح ابداً للعوائل والطرف التاني يقول إلي يعرف بتايا بتصلح للعوائل وانا خضت التجربة بنفسي وراح اتكلم بصراح وبدون مبالغة وهجاوب على هذا السؤال من وجهت نظري الطرفين على حق !!! اكيد راح تستغربوووو !!! ... لأن كل واحد شايفها من زاوية واحد وهي الزاوية الإيجابيا له بختصار ما ابغى اطول عليكم من الناحية الإجابية بتايا من الساعة 8 صباحاً حتى الساعة 5 عصراً بالكتير الساعة 6 تصلح للعوائل وهي ان تذهب للمناطق السياحية إلي ذكروها الأخوان وهذكرها في تقريري اما بعد الساعة 6 مساء ابدا ما تطلع مع زوجتك لأي مكان لأنك راح تلاقي بنات الليل في كل مكان ( الليدي ) وإخواني الشباب يعرفو كلامي لأنها تتميز بكثرة البارات وين ماتروح هتلاقي بار وفيه مناظر مخلة بالآداب ومنطقة العرب ابدا ما تدخلها مع اهلك اطلاقا هذي نصيحتي اذا كان معاك اهلك وإلي يقول غير كدا غلطان لأن الشباب هناك مكفيين وموفين الله يهديهم مو مخلين شي ما سوووه خاربينهاااا وهادي من الناحية السلبية وانا عندي منطقة العرب حطيتها في البلاك ليست ممنوع دخول العوائل ما ادخلها إلي في الظهر عند الغداء واكون رحت استكشف المنطقة قبل ما اخد زوجتي لأنوو بصراحة هناك مناظر مايقبلها احد ... ممكن تروح المراكز للتسوق لكن في طريقك لأي مركز تجاري زي البج سي ولا رويال جارند ولا مجمع اللوتس ولا غيرو كلهم في طريقهم مليان بالبارات يعني تعمل حسابك زوجتك هتشوف هادي المناظر اما بالنسبة للتسوق فبانكوك ارخص بكتير من بتاياوخصوصا في الملابس وهذا عن واقع تجربة وليك حرية الإختيار وانا من رأي جزيرة كوشانج تصلح للعوائل تماما بصراحة هناك متلاقي بنات الليل وكل الموجودين عوائل محترمين جدا كل واحد في حال نفسوووو وتنبسط تماما مع اهلك هدوووء وطبيعة خلاابة والسياحة والمطاعم فيها ارخص من بتايا وهتكلم عن جزيرة كوشان بالتفصيل قريباً اما (مناطق السياحه للعوائل في بتايا) وهي جميلة جدا جدا جدا وهذكرها بختصار وبعدين اتكلم وين رحت بالتحديد 1- حديقة التماسيح ( كوكو دايفا) 2 - بتايا سنيك شوه حديقة الافاعي وهي حديقة لعرض الافاعي وهي قريبة من حديقة التماسيح على نفس الطريق 3 - بتايا بارك (وهي منطقة جميله تمتاز ببرك السباحه) 4 - بتايا كار وهذا المكان يوجود في حلبة لسباق السيارات 5-بتايا مانكي وهو مكان لعرض القردة 6-بتايا سكيه وهو عباره عن بركة سباحه كبيره جدا وبها ادوات التزحلج على الماء 7-بتايا فيش شوه وهي عباره عن حديقة زجاجيه كبيره سيجد الزائر اليها كل انواع الاسماك 8-بتايا فيش وهي عباره عن مستنقع كبير لتربيه الاسماكالاسماك من قبل القائمين على هذه الحديقة 9-بتايا شاوتنج وهو مكان مغلق للرماية بالاسلحة المتنوعه بالطلقات الحيه 10-بتايا فلاور حديقه الزهور وهي حديقة بها شلالات صناعيه جميله وزهور باشكال مختلفه بالاضافه الى مجسمات لعجائب الدنيا السبع وهو مكان لطيف وجميل 11 - بتايا ايلفنت وهي حديقة الفيلة وتمتاز هذه الحديقة بوجود الفيلة للركوب عليها 12-(حديقه الاحلام) واسمها nong nooch garden وهي حديقة جميلة جدا جدا ------- اما الآن ابدء اتكلم عن رحلتي ..... وأنا في طريقي إلي بتايا كنت ماخد معايا عنوان المنتجع إلي هنزل فيها وكنت خايف ما آلاقي غرفة فاضية لأني نزلت في وقت الهاي سزون لكن ماكنت شايل هم لأني عارف هناك فنادق كثيرة وين ماتروح هتلاقي فنادق وبأسعار تناسب كل المستويات الرخيص والغالي المهم الرحلة استغرقت حوالي الساعتين اول ما وصلت سواق الباص وقف ونزلنا وطلعت عنوان المنتجع هناك التكاسي مختلف عن بانكوك التاكسي عندهم وانيت صعب تلاقي تاكسي زي بانكوك ... وقفت تاكسي وعلى طول ودانا على المنتجع وهادي صورة مدخل المنتجع وهوا رائع وجميل جدا جدا واروع من الخيال   اكيد تبغو تعرفوا السعر كم هيكون وخصوصا في الهاي سيزووون خليها شوي استعمل معاكم اسلوب التشويق ..... وهادا الإستقبال يستقبلوك احلى استقبال واحسن معاملة  المهم هوريكم عنوان المنتجع إلي اخدت من هذا المنتدى ويسمحلي اخي الكريم بتنزيل عنوان المنتجع عشان اسهل المهمه على الإخوان وهذه الخارطه توضح المنتجع عن منطقة العرب و الطريق المؤديه الى منطقة العرب والرجوع الى المنتجع وهعطيكم موقع المنتجع في النت www.chabahutresortpattaya.com  وهادا صورة الأخ إلي هناك كان معايا برنت من عنوان المنتجع والصور إلي اخدتها من المنتدى وكانت فيها صورتو ما تتخيلو كيف كانت فرحتووو وصار ينادي زملاؤو يشوفو صورتو ويسألني اكيد هادي في النت قلتلو اكيد وطلب مني اصور لما شاف الكاميرا معايا وصورتو وخليتو يشوف صورتو في كاميرتي الديجيتال وشاف كرشتووو كبيرااا قلي لااا مو حلوة صورني تاني وصورتي وراح شافط بطنوو عشان ما تبان الكرشه والله فقعني ضحك كان منظرو خطير بعد شفط البطن بس لثواني ورجعت الكرشة لمكانها الطبيعي ههههههههههه وهادي صورتو وهوا يرحب فيا بدخول المكان  وهادي صورة من الداخل الغرفة وهي فخمة جدا هتشوفو الديكور من خشبي السقف مغطى بديكور من الخشب والإضاءة المخفية    ]  ومنظر البلكونة شي خطير بمعنى الكلمة وتفتح الباب تشوف جمال الطبيعة وإلي زاد الموضوع جمال بدأت تمطر اول مادخلنا الغرفة وكانت الجوي فوق الخيال وعلى طول وقتها قلت لازم اطلع الكاميرا واخد صور بين هادي المناضر الرائعة واكيد ما نسيت حبايبي الموجودين في المنتدى لازم اصور ليهم وامتع عيونهم بهادي المناظر الخيالية والجميلة وزوجتي لما شافت المناظر سار عندها نوع من الذهول وقالت انا في حلم ولا في علم اسيبك مع الصور          اما المسبح حاجا لا توصف خلي الصور تشرح لكم      اكيد تبغو تعرفوا سعر الغرفة هقولكم الحين سعر الغرفة 1300 بات يعني 130 ريال تقريبا وإذا اخدتها 6 أيام راح ينزل في السعر يحسبها بـ 100 ريال بس انا اخدتها يوم واحد قلت خليني اشوف وضع بتايا كيف وبعد كدا ازود على حسب رغبتني وبعد كدا زدت يومين سار الإجمالي 3 ايام لأني ابغى اروح كوشانج وقلت في الرجعة ارجعلها تاني ارجوا ان ينال التقرير اعجابكم ولنا بقية |
|
|
|
|
17-03-2007, 09:57 PM
|
#8 (permalink) |
|
مسافر متالق
تاريخ التسجيل: Apr 2005
الدولة: كويت الخير
رقم العضوية :21243
المشاركات: 891
|
اخوي الله يخليك ياريت لو تشوف شنو الفرق بين هالغرف وتقولي
http://www.chabahutresortpattaya.com/?p=roomstyle_2 لانه محتار بصراحه ابي غرفه ديلوكس فراش كبير وتطل على هالمناظر وكم سعرها اذا اخذتها لمده شهر هل يوجد خصم ؟ |
|
|
|
|
18-03-2007, 01:09 PM
|
#11 (permalink) |
|
مسافر متالق
تاريخ التسجيل: Oct 2005
الدولة: جــدة
رقم العضوية :51097
المشاركات: 678
|
اخوي deshe1 شوف اول غرفة حسب الموقع هادي بانجلو من دورين يعني فيها غرفتين نوم وهي كبيرة تنفع لعائلة او اكثر من شخصين اما الثانية فهي بجانب المنتجع ولا تطل على هذه المناظر الجميلة لكن بإمكانك تروح للمنتجع وتستمتع بالمسبح والمناضر لأنهم مع بعض امام المنتجع اما الغرفة الثالثة فهيا غرفة نوم وغرفة معيشة اما الغرفة الرابعة هي عبارة عن غرفة نوم واحدة وهي نفس إلي انا اخدتها وهي إلي كانت فاضيا وقتها وكان سعرها 1300 بات = 130 ريال اما الباقي حقيقة ما اعرف سعرهم بس ما بتزيد عن 200 او 250 ريال وجميع الغرف هي ديلوكس وجميلة وكبيرة وسرسرها مريح جدا وجميعها تطل على هذه المناظر الجميلة معدا الغرفة الثانية ولكنها قريبا جدا منها والحلو في الموضوع فيها سفتي داخل الغرفة عامل زي الخزنة تحط فيها الرقم السري إلي يناسبك وهادا يعطيك امان اكتر وانصحك اذا كنت لوحدك او مع عائلتك تاخد الأخيرة لأنها كلها واحد وفي نفس المنتجع ونفس الخدمات اما اذا اخدتها شهر اكيد راح يعطيك خصم كبير بس انت اول شي احجز يوم واحد وبعد ماتشوف بعينك وترتاح وتحس انها مناسب لك تقدر تتفاوض معاه وقلو ابغاها اسبوع وكاسر معاه قد ماتقدر وخد منو اخر سعر هينزلك وبعد كدا قلو انك تبغاه شهر راح ينزل اكتر واشكر مرورك اخي hahm318 وتابعنا للنهاية يسلمو على المرور Bent KSA بالنسبة للأسعار اذا كان قصدك سعر الفندق انا ذكرتو في تقريري واكيد راح ازودك بمعلومات اكثر |
|
|
|
|
«
Ξ҈Ξ»ـ.¸¸.Ϡ₡(تقريري عن فوكيـت الساحـره)Ϡ₡.¸¸.ـ«Ξ҈Ξ
|
{{~~{{ تقريري رحتلي لبانكوك بغرض التسوق }}~~}}
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 09:02 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||