اخي العزيز ( المسافر العربي ) يسلمو على مرورك المتواضع

ولا تحرمنا من تواصلك معانا

تحياتي لك يالغالي

اخي العزيز ( سابك 1 ) اشكر مرورك وكلام الرائع اما بالنسبة لسؤالك

اولا الله يهنيكم في شهر العسل وتكون احلى ايام يارب

شوف بتايا جميلة جدا لكن تبغى تعمل حسابك انك هتشوف مناظر غير لائقة عشان كدا اسمع نصيحة اخوووك

لا تتجول في بتايا مع المدام من الساعة 6 مساء حتى طلوع الفجر لأنك هناك هتشوف مناظر غير لائقة وخصوصا معاك زوجتك لأن بتايا مليانا بارات وين ما تروح تلاقي بار وطبعا بنات الليل يا كثرهم هناك

عشان كدا سوي إلي اقلك عليه من واقع تجربة

من الصباح الباكر الساعة ثمانية ابدأ جولتك السياحية تقدر تروح عند منطقة العرب وهناك هتلاقي عند فندق JVC سواقين معاهم كتالوجات فيها صور عن المناطق السياحية الموجودة عندهم ونقي واختار زي ما تحب

وخلي يومك يبدأ من الساعة 8 صباحاً حتى 5 عصراً وبعدها تروح الفندق تريحو شوي وبعدها تروح مركز الجاردن إلي فيه الطيارة هدا فيه مركز يبيع من كل شي يعني تقدر تتسوق هناك او تتفرج على المركز وفيه هناك مطعم سي فود امام مطعم الكنتاكي في الدور الأول اكلهم رائع ونظيف حتى فيه وحدة مسلمة بتقدم الأكل لما توشفك ومعا زوجتك بالحجاب هتجيكم على طول بكدا تكون استغليت اليوم بطوله

لكن انصحك ما تضيع عليك هادي الجزيرة ( جزيرة كوشانج ) تنفعكو كعرسان هادية جدا وجميلة ومحدا عندك ما تلاقي فيها زي بتايا من بارات وخلافه

اما بالنسبة للشق الثاني من السؤال


لم تواجهني اي مشاكل إطلاقاً بالعكس لما يشوفوها بالحجاب يردو السلام يعني يقولو السلام عليكم ويحترمونا وبعض منهم يطالعوا بستغراب لأن هادا شي غريب عليهم ممووو اكتر من كداا

يعني لا تشيل هم هناك كل واحد في حالوووا ..

وتابعنا للنهاية اخي العزيز وتمنياتي لك برحلة سعيدة