بعد ما تجولنا بالسوق الشعبي لمدة 26 دقيقة .. وأخذنا التاكسي لمجمع العالي الساعة 11:25صباحاً ووصلنا المجمع الساعة 11:31صباحاً يعني 6دقايق بالتاكسي وطلب 4دنانير غريبة .. 40 ريال ب6 دقايق ليه..

المهم هذا هو مجمع العالي

المجمع تقريباً خالي من المتسوقين ومليء بالعمال ..وهذا هو المجمع من الداخل جديد وكبير وراقي

*

*

*

*

*

وصعدنا للدور الأول نبحث عن مدينة ملاهي صغيرة للأطفال وما لقينا يمكن تكون موجودة بمكان بعيد لأن أحنا كنا حاطين في بالنا نروح مجمع السيف لأن واثقين من وجود ملاهي فيه.. وما نبغي أنتعب عمرنا ونبحث عن ملاهي في مجمع العالي وهذي صورة من الدور الأول

بعد ما لفينا في مجمع العالي تقريباً 12 دقيقة طلعنا منه على مجمع السيف (في الصورة هذي أنا واقفة عند مجمع العالي وأصور مجمع السيف الحلو فيهم أن المجمعات بجانب بعض)

*

*

*

*

بعد ما صعدنا الدور الأول وأنا أصور عرفت أن التصوير ممنوع بالمجمع اللهم ألا أذا بأصور عيالي عادي لكن ديكورات المجمع ممنوع

وهذي مدينة ملاهي الأطفال مجك آيلاند اللي بمجمع السيف حلللللوة وفيها ألعاب متنوعة ومجموعة مطاعم (دخلنا مدينة الملاهي الساعة 11:45 صباحاً وطلعنا منها الساعة 2:15 مساءاً يعني لعبنا العيال لمدة ساعتين ونص.. وأنا ما كان لي نصيب للتسوق وعااااادي عندي لأني حاطه عيني على السوق الحرة كل بلد أسافر لها ما أتسوق لنفسي الا من السوق الحرة)

وأخذنا للصغار بطاقة ب5 دنانير للألعاب وكل ما تقرب تخلص نشحنها مرة ثانية وثالثة ورابعة وخامسة لين أنقطع الكهرب عن الألعاب وأبتلشنا بالبطاقة وفيها 4 دنانير

وكانت الألعاب رخيصة كباقي مجمعات البحرين يعني اللعبة ب200 فلس يعني ريالين مع أن المجمع كبير جداً وراقي .. بينما عندنا بالسيتي سنتر بالدوحة اللعبة ب5 ريال
وهذا اللي قدرت أصوره من الألعاب

*

*

*


وأنقطعت الكهرباء عن الألعاب الساعة تقريباً 2 الظهر ودخلنا قسم المطاعم وتغديت في مطعم عراقي أكله لذيذ وأسعاره زينه اسمه ملح الزاد.. وبعدها رجعنا للألعاب في نفس القسم ولكن مافي أمل ترجع الكهرباء وكانت البطاقة لازال فيها 4 دنانير والعيال ما أشبعوا لعب وقعدنا ندور عند الألعاب على أمل ترجع الكهرباء

هذي بنتي تدور لعبة شغالة

وهذا الولد نفس السالفة رايح بعيد يعني قال الألعاب اللي قاعدين عندها ما تشتغل لكن البعيدة بتشتغل

المهم قعدنا نرتاح شوي طالما الكهرباء طافيه عن أغلب الألعاب وخاصة ألعاب الصغار وعيالي لقوا هذي ويفتكرونها نطاطية وأشوفهم حذفوا جواتيهم الله يعزكم وقعدوا يناقزون فيها وأنا مستغربة معقولة هذي نطاطية .. والله كأنها نطاطية لكنها فاشه .. يالله خلهم يلعبون لين يرجع تيار الكهرباء.. وهذي هي اللعبة

المهم قمت أنا وزوجي نلعب بلعبة ألكترونية قريبة من العيال وفجأة أشوف السكيورتي 3 شباب يركضون صوب عيالي ويصرخون عليهم وهم خايفين نزلوا نزلوا نزلوا.. وعيالي تيبسوا مكانهم ما تعودوا أحد يكلمهم غيري أنا وأبوهم ومب عارفين شسالفة.. زوجي ما أنتبه كان مندمج باللعب بس أنا رحت لهم قلت يمكن يبغونا ندفع ثمن اللعبة وهم معاهم حق وألا حاطين عيالنا يلعبون بالمجان .. المهم قلت لهم لحظة خلوهم يلعبون شسالفة .. قال لي واحد منهم لا أختي هذي لعبة تسلق للكبار وأحتمال يرجع التيار الكهربائي بأي لحظة وتنتفخ وتصعد لين السقف وبيطيحون وبيتعورون وركيض على عيالي وأكلمهم وينزلون وشكرت الشباب وشكرهم زوجي والحمد الله الله حفظ عيالي .. أنتبهوا يا أمهات لهذي اللعبة..

المهم أنتظرنا التيار يرجع ومافي فايدة وجات الساعة 2:15 الظهر ولا رجع التيار ولما سألنا الموظفة قالت فيه في مجمع المارينا مول نفس مدينة الملاهي المجك آيلاند ممكن تروحون تلعبون العيال هناك.. شكرناها ورجعنا الشقة..
وهذي صورة لبرج طارق المؤيد وفندق السن روك كل يوم نمر عليهم وأحنا راجعين الشقة قلت هالمرة بأصورهم لكم

أخذنا قيلولة من الساعة 2:30 إلى الساعة 4:30العصر وبعدها تجهزنا للخروج ..

أنتظروني في تتمة اليوم الرابع في مملكة البحرين..