 |
 |
 |
||
|
|
|
||
 |
|
 |
|
|||||||
| الدول العربية والإسلامية تعنى هذه البوابة بتزويد المستخدمين بجميع المعلومات المتنوعة الخاصة بالكويت. |
| Tags: رحلة الى الكويت |
 |
|
|
أدوات الموضوع | انواع عرض الموضوع |
|
|
24-01-2007, 11:57 AM
|
#1 (permalink) |
|
مسافر خبير
تاريخ التسجيل: Jul 2004
الدولة: الكـــــويـــــــــــت
رقم العضوية :9279
المشاركات: 4,065
|
اختي المسافره من قطر حياج الله وصدقيني ما تجاوزتي الخط الاحمر في انتقادج بالعكس انتقاد في محله والاخوة والاخوات جاوبوج بالصور وبكل شي
انا بجاوبج بخصوص المزروعات وقلتي انها مالها لون كلامج صحيح في هذا الوقت من السنه يتوقف النمو للشجر والازهار وذلك بسبب البرد والاخوة في هيئه الزراعه عارفين هالشي هذا ومايقدرون يسوون شي لان الشجره في هذا الوقت تقريبا في سبات حتى يجي وقت جريان الماء في العود وهو قريبا في اول فبراير وبقدره الرحمن تتحول هذا الاشجار الى شكل ثاني مخالف للي شفتيه في الشتاء البارد واتنى انج تكونين في الكويت في فبراير حتى تلاحظين هذا الشي بعينج اما بخصوص التكسي انتي رايحه المباركيه يوم العيد وفي الظهر منويروح هناك في هالوقت هذا والمبراكيه عباره عن اسواق قديمه وفيها سوق السمك والخظار والتمر وكل شي من مطاعم ومقاهي لكن البرد وفي العيد ماتلقين احد لو رايحه بالليل اضمن انج راح تعطينا صوه ثانيه مغايره للصورة اللي ذكرتيها حياج الله ومستمتع بتقريرج الرائع |
|
|
|
24-01-2007, 12:09 PM
|
#2 (permalink) | |
|
مسافر خبير
تاريخ التسجيل: Feb 2006
رقم العضوية :57065
المشاركات: 1,882
|
اقتباس:
شاكرة لك سعة صدرك بخصوص الشجر فهو من هواياتي المحببة وملاحظتي هاذي بعد تمحيص وتدقيق <<< وحدة ماتحب تظلم  في اماكن ثانية فيها عشب وخضار يرد الروح صورته لهدف بتقراه في التقرير ان شالله وبخصوص المباركية شفيكم علي  امزح بس فعلا احنا رحنا الصبح واذن الظهر واحنا ننطر التاكسي وكان قبل العيد ب 3 ايام وكان فيه عالم ماشالله وتسعدني متابعتكم  |
|
|
|
|
|
24-01-2007, 01:21 PM
|
#4 (permalink) | |
|
مسافر خبير
تاريخ التسجيل: Feb 2006
رقم العضوية :57065
المشاركات: 1,882
|
اقتباس:
هلا اختي bent al-kuwait تسلمين والله على هالكلام الطيب ويشرفني تكونين من المتابعين  |
|
|
|
|
|
24-01-2007, 12:51 PM
|
#5 (permalink) |
|
مسافر خبير
تاريخ التسجيل: Jul 2004
الدولة: الكـــــويـــــــــــت
رقم العضوية :9279
المشاركات: 4,065
|
حياج الله اختي وتقريرج ماشاء الله شايل الدنيا كلها
صدقيني اي شي تقولينه عن الكويت والكويتيين بتقبله منج بصدر رحب وعزيزه يابنت قطر اما عن كلامج عن الشباب اللي في المارينا انا ابد ما اختلف وياج لاني اذا رحت هناك اقعد اخزهم واقول شالبشر من وين طالعين لنا ويا شعرهم اللي ماله اتجاه ابد اللي يشوفهم يقول متهاوشين مع قطو حشا واقعد اخزهم واظحك ويجون لي ويقولون ليش تخزنا طبعا شباب نفسهم شينه حدها اقولهم لا بس بشوف شعركم وين اتجاهه يسمعون كلامي ويروحون ولا همهم شي وبالوقت هذا والله ماعرف البنت من الولد لاحول ولا قوه الا بالله كملي تقريرج وعطينا صورج الحلوة |
|
|
|
|
24-01-2007, 01:27 PM
|
#6 (permalink) | |
|
مسافر خبير
تاريخ التسجيل: Feb 2006
رقم العضوية :57065
المشاركات: 1,882
|
اقتباس:
ناديت عيالي يقرون سطورك عشان يصدقون وافطسوا ضحك عيل متهاوشين مع قطو والله انه احسن تشبيه ولي تعليق عليهم في حولي تابعنا وفالك طيب <<< تلفزيون قطر |
|
|
|
|
|
30-01-2007, 09:36 AM
|
#7 (permalink) | |
|
مسافر خبير
تاريخ التسجيل: Aug 2006
الدولة: العالم العربي
رقم العضوية :107451
المشاركات: 3,670
|
اقتباس:
(_____________ )التعديل الأخير تم بواسطة الباب العالي ; 01-02-2007 الساعة 05:45 PM سبب آخر: حذف جملة |
|
|
|
|
|
24-01-2007, 05:51 PM
|
#8 (permalink) |
|
مسافر متالق
تاريخ التسجيل: May 2006
رقم العضوية :78959
المشاركات: 633
|
ماشالله تقرير حلو وصور احلى..
بالنسبة لسوق المباركية فهو سوق شعبي له زبائنه .. بالنسبة للعاصمة فهى مثل ما ذكرتى وقف عندها الزمن واصبحت السالمية هى العاصمة الحديثة بالنسبة للمبانى والاسواق.....  بانتظار البقية المتميزة.... |
|
|
|
|
24-01-2007, 06:16 PM
|
#9 (permalink) | |
|
مسافر خبير
تاريخ التسجيل: Feb 2006
رقم العضوية :57065
المشاركات: 1,882
|
اقتباس:
صدقت اخ سايح في البلاد  السالمية فعلا شكلها هي العاصمة يكفي عدد الاسواق والمطاعم اللي فيها ناقصها الوزارات وقصر الحكم وتصير العاصمة صحيح سايق التاكسي اشر على سور كبيررررررررررررررررر بعيد شوي السالمية وقال هذا قصر بس للاسف لاسمعت ولا عرفت شنوا تعرفونه وشاكرة مروورك اخي الكريم |
|
|
|
|
|
26-01-2007, 08:39 AM
|
#13 (permalink) | |
|
مسافر خبير
تاريخ التسجيل: Feb 2006
رقم العضوية :57065
المشاركات: 1,882
|
اقتباس:
هلا مسافرة القلوب عند بعضها نزلتي ردج وانا كنت انزل التقرير والصور تشرفني متابعتج |
|
|
|
|
|
25-01-2007, 11:12 PM
|
#14 (permalink) |
|
مسافر خبير
تاريخ التسجيل: Feb 2006
رقم العضوية :57065
المشاركات: 1,882
|
بسم الله الرحمن الرحيم
نبداء يومنا الثاني الخميس بكرة بيصادف الوقفة يوم الجمعة والسبت بيصادف العيد والفندق مزين وجاهز للكرسمس فقط اللوبي فيه شجرة الميلاد والهدايا تحتها وحتى بعد انقضاء عيدهم ظلت موجودة لان باقي راس السنة بعد والكافي علية جرابات الهدايا وزينة وغيرة وعيد الاضحى محد صوبة قلت اكيد خاشين الزينة مفاجاءة <<<< هم لو مازينوا الفندق للكريسمس جان مافكرت في زينة عيد الاضحى انتظروني مع عيد الاضحى المهم بعد معركة الفطور والهوت شوكلت <<<< عقب مايشربون شوي وتروح الرغوة ينادونها تحط كريما طلعنا في اتجاة المركز العلمي بناء على رغبة العيال الشديده لانهم دشوا موقع المركز الالكتروني وهم في قطر وعجبهم واايد المركز يحوي 3 اقسام وتذاكرهم الاول: سينما ثلاثية الابعاد الثاني: نادي الاكتشاف للاطفال الثالث :القسم البحري والبري وهو اهم مافي المركز طبعا الموظف نصح زوجي يشتري جميع التذاكر عشان ندخل الكل وهو اللي صار في موقع النت ذكروا انك تدخل اي فلم تختارة فعيالي يطالعون اللوحات عشان يختارون قال الموظف لااقرب فلم هو اللي بتدخلونة لان كل فلم وله وقت وهاذي ملاحظة مهمة : لازم الزائر اولا يشوف الافلام في الموقع وبعدين يتصل على الاستقبال يتاكد من المواعيد ومن ثم يحدد موعد الزيارة عشان يرتب وقتة والمركز راااااائع قضينا في 4 ساعات ولولا البررررررررد كان زدناها ساعة وقعدنا على البحر  وهذا ديكور بالفلين عند قسم السينما يوم وقف ولدي يصور جا الحارس مسرع خايف على الفلين قلنا ايوه عرفنا وبننتبه لة ان شالله لان فعلا بعض اسنانة مكسورة <<<< ماعض فيها حد لا الزوار الله يهداهم مايحافظون الفلم اللي دخلناة يحكي قصة سلحفاة تلف المحيط وتشرح لنا باللغة العربية عن انواع اسماك القرش وربعهم والتصوير في قاع المحيط كان رهيب ولدي الصغير كان كاشخ بالنظارة اللي تسمحلك بالرؤية بالبعد الثالث ولا  قرب القرش من الشاشة مع موسيقى تصويرية وجنة القرش في حضن ولدي قعد يصررررررررخ متروع ويصيح فصخناة النظارة وهديناه لين نام ههههههالقصد ان لو في صغار في ال5 سنين وتحت احرصوا ان مايلبسون النظارات الا اذا خذو على الجو  ولممر اللي بعدها نكمل القاعات وهنا استراحة وفيها كوستا كوفي وقعدة حلللللللوة امام البحر  جهة الواجهة البحرية بعد الفلم رحنا قاعة الاكتشاف حلوة وايد للاطفال والكبار بعد فيها شرح بالاجهزة وتجارب يسويها الطفل وكله يدور حول البترول الفكرة موجودة في نادي الطفل في منتزة الخور في دبي عبارة عن عدة ادوار تشمل كل شي في الحياة وهو بالفعل مفخرة وهذا من الخارج  من الداخل    وهذا قسم العاب تعليمي <<<<< طبعا عيالي خذوة من الجانب الترفيهي فقط   نصيحة يحبذ دخولة بعد القسم البحري عشان العيال يطولون فية اكثر وهذا عجبني وااايد من تزين وتلوين طلبة المدارس واساميهم عليهم  وهنا القسم البري والبحري يتدرج من بري الى بري بحري اللى بحري     خفاش  البومة  التماسيح الحلوة  الطرق داخل القسم اشجار طبيعية وبراااد وجو رهيب لدرجة انك تنسى وللحظات انك في الكويت كانكم فعلا في طبيعة اوربية وفقوا فيه   وفيه الاحواض بسمك 9 ملي تقريبا ومفتوحة من الاعلى ومكتوب قبل الدخول اطعام السمك بس ماشفنا شي لاكن لاتزعلون عيالي قامو بالواجب وهم مايدرون بلافته صاروا ينتفون ورق الشجرة حذا واحد من الاحواض ويقطونها على السمك وهم في لمح البصر يجتمعون عليه صغار ويجننون وعقب ماشبعنا >>> احنا لكبار من شكل السمك قال ابوهم حرام اكي وحدة طاحت يمكن ضرها الاكل وماتت يالله خلاص ورحنا عنهم <<<<<< لو حد منكم موظف هناك ترى ماصار شي من هذا اصلا لو على السمك هانت عيالي حتى الاسد ماسلم هههههههه <<< في يوم حديقة الحيوان وهذا هو الحوض  وهنا احواض السمك الكبيرة والمغلقة              هاذي الصورة لاي نوووووع من السمك بس ترى مقلوبة <<< لاتسالون لاني مادري ليش  وبهذا يكون القسم البحري خلص وبعدها قعدنا في الكافي وخذنا جولة على البحر وماخرب علينا الا البرررررررررررررد الشديد   المركز في السالمية بس ابراج الكويت واضحة لان الكل على الواجهة البحرية احنا ننتفض من البرد وهو هناك يلعب الله يحفظة   وانتهت رحلة المركز العلمي على احلى مايكون بس عقبها رحت للكويت عشان عشان <<< ولا نخليها للتقرير الجاي وللملتقى انتظر ارائكم في اروع مركز |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 07:52 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||