 |
 |
 |
||
|
|
|
||
 |
|
 |
|
|||||||
| الدول العربية والإسلامية تعنى هذه البوابة بتزويد المستخدمين بجميع المعلومات المتنوعة الخاصة بالكويت. |
| Tags: رحلة الى الكويت |
 |
|
|
أدوات الموضوع | انواع عرض الموضوع |
19-01-2007, 01:15 AM
|
#1 (permalink) |
|
مشرفة الإمارات
تاريخ التسجيل: Dec 2004
الدولة: إماراتي الحبيبه
رقم العضوية :16723
المشاركات: 3,898
|
رحلتي من دار زايد إلى لؤلؤة الخليج
السلام عليكم ورحمة الله وبركاته
حيالله هل لؤلؤة الخليج تقريري بسيط ...لأن الأيام كانت قليله بس استمتعنا فيها..فاقلت ارد الجميل لو بالشي القليل لكل من ساعدني بالمعلومات. والله يعطيكم العافيه. والسموحه تراني أول مره انزل تقرير بالصور...والصور على قدي كانت رحلتنا بتاريخ 30-11-2006 تصادف إجازة عيد الإتحاد بالإمارات إلي بيكون بتاريخ 2-12-2006 فاستغلينا الإجازه وقلنا بنروح لكويت الحبيبه. الإنطلاقه كانت من مطار دبي الدولي على طيران الإمارات   واهم شي المطاعم إلي فالمطار  > > > > مايفوتون شي    طبعا من ادخل هالمكان ما اخلي آيه ولا دعاء إلا اختمه من الخوف > > > راكبه صاروخ مب طياره    انطلقنا وبحمدلله وصلنا مطار الكويت الدولي...وأحلى شي فالمطار ان أغلب إلي كانو يستقبلون أهلهم من هل الكويت... بعكسنا نحن 1000 من الجاليه الآسيويه و 100 مواطن    واول ماظهرنا استقبلنا سائق من الفندق إلي هوه (ريتز السالميه) مع العلم كنا حاجزين في لي مريديان وخونو فينا وكنسلو الحجز قبل لانسافر بساعات ولحمدلله لقينا حجز في ريتز السالميه لأن كان عددنا كبير ما شاء الله.وكان وصولنا المغربوخذنا سويت غرفتين وصاله وحمام(عزكم الله) وعندهم أيضا غرف منفرده   لوبي الفندق صغير بس مرتب   الغرف...وماشي فرق بين الغرفه الاولى والثانيه    الصاله    وبعد مارتحنا شوي فالفندق.... اتصلنا على رقم الإستعلامات فيه 8080 اضن ناسيه الرقم...خذته من المنتدى وفادني الله يعطيهم العافيه. وطلبنا منهم أقرب مكتب لتأجير السيارات وماقصرو،يزاهم الله خير...وأجرنا كمن سياره ، لأنا كنا 4 عوائل خذنا جوله في لؤلؤة الخليج...وصلنا شارع الخليج...وكان شوي مزدحم بس الحلو ما شاء الله كلهم من هل الكويت.خذنا لفه بالسياره.. وبعدها رحنا لمطعم كبابجي (في الستي سنتر) وهو المركز المقابل للفندق على الشارع الثاني.و أكله ممتاز  ...بس خذنا تقريبا ساعه فالسياره على بال ماحصلنا باركن لأن الشارع إلي يدخل عالسنتر كان مزدحم.  ونتهى يومنا الأول....ولي عوده  |
|
|
20-01-2007, 08:40 PM
|
#11 (permalink) |
|
مشرفة الإمارات
تاريخ التسجيل: Dec 2004
الدولة: إماراتي الحبيبه
رقم العضوية :16723
المشاركات: 3,898
|
السلام عليكم
اشكر كل من رد وشارك بالموضوع تسلمون... الله يعطيكم العافيه قبل لا ابدا جولتنا... رابط الفندق...والصور وايد قريبه من الواقع http://www.ritzkuwait.com/salmiya/splash_salmiya.htm فاليوم الثاني إلي هوه الجمعه..فطرنا الصبح فالفندق(بوفيه مفتوح)وفري مع الحجز وبعدها قلنا بنطلع بناخذ لفه بالسياره نستكشف الكويت  وبنرجع عشان اخوانا وأهلنا بيروحون يصلون الظهر(صلاة الجمعه)وهذي بعض من الصور المارينا...واضح من الخلف فندق الكورنيش-التابع لفنادق- ريتز    شارع الخليج...وكان الجو عجييييييييب   مطعم مس الغانم....كان وايد خاطري اروح المطعم بس الوقت مامدانا    عدنا للفندق وبعد الصلاه قررنا نروح نتغدى في سوق شرق...ونتسوق بالمره> > > حريم مايصبرون عن السوق    وخترنا مطعم تشليز....تفضلو معانا بالعاااااااااافيه  الجلسات الخارجيه للسنتر من الشرفه، المكان يجنن  ..ولجو كان باااااااارد ثلجنا    وقعدنا فالسنتر تقريبا لين المغرب، بعدها ظهرنا وتمشينا عالبحر،ورحنا محل لبيع الأقمشه > > > واخص بكلامي خواتي إلي بيزورون لكويت من دول الخليج...عندهم محل فالكويت يبيع الأقمشه الماركات الأصليه (الحراير) بسعر مغري الوار اضن ب300درهم مثل كرستيان لاكروا وديور وغيرهم من الماركات،بعكس السعر لو خذتي الفستان من المحل الأصلي يصل لل12000درهم والعشاء كان في مطعم آشاز (الهندي) في ردهة المطاعم في مارينا كرسنت  وخلص يومنا الثاني وعدنا للفندق |
|
|
|
20-01-2007, 10:00 PM
|
#12 (permalink) |
|
مشرفة الإمارات
تاريخ التسجيل: Dec 2004
الدولة: إماراتي الحبيبه
رقم العضوية :16723
المشاركات: 3,898
|
؟
اليوم الثالث
كالعاده فطرنا في الفندق وكان في خاطري اروح الأكواريوم(المركز العلمي)، احدهم وافق ، وحد اعترض  يبون يروحون المارينا قلنالهم لاحقين عالأسواق بس ماااااشي فايده،فاخسرت انا وفازو هم بالمارينا بس ماندمت الظهر كانت وجهتنا للمارينا للتسوق...اتسوقنا المركز حلو ومرتب  ردهة المطاعم -مارينا كرسنت-   وبعدها قررو ياخذون اجر في بطونهم جاعو بصراحه ماكنت جوعانه بس شنسوي حشره مع الناس عيد وتوجهنا لمطعم فريج صويلح ... اسمه تحفه عجيب وانصح الكل إن يروحله...موقعه خلف المارينا..رحناله مشي من السنتر...واكله شعبي جداً ممتاز ولحلو الأجواء التراثيه إلي فيه.  جلسه عند مدخل المطعم  من داخل المطعم  مسلسل درب الزلق اضن     كان يخبز الخبز ويجيبلنا الخبز حار  رجعنا للسنتر اتمشينا فيه شوي...وبعدها قعدنا في الجلسات الخارجيه ردهة المارينا كرسنت لين المساء   قلنا بنحلي في الشوكلة بار ...وليييييت يفتحون عدنا فرع فالإمارات  ...معنهم قالولنا قريب إن شاء الله بيكون عندهم فرع في الإمارات ولا شفتونا كل يوم قاصين تذكره  للشوكلة بار وراجعين ولي بيروح لكويت لايفوت هالكافيه  اتفضلو بالعافيه  المنيو   Classic Fondue بالعافيه عليكم  Toblerone Fondue    ويا حلات الشكولة بار  بعدها رحنا لسوق النقره (الشعبي) .يعني سفرتنا كلها سوقX سوق ______________________________________________ آخر يوم كانت رحلتنا الظهر  ...وترجيتهم رجا نروح الشكولة بار قبل لانروح المطار ، وبالفعل رحنا لاكن فرعهم إلي بالرميثيه وكان طارق العلي عنده تصوير أمام الكافيه تقريبا > > > ماتفوت شي    وختامها شوكلة ، سوري أقصد وختامها مسك توجهنا إلى مطار الكويت الدولي للعوده إلى أرض الوطن. لكويت حلوه وشعبها أحلى  ....ولي محلنها أغلب إلي فالسانتر من هل الديرهوالسناتر فالليل كثير تزدحم. يعني مانشوف الجاليه الآسيويه بكثره كنت مخططه إني اروح الأكواريوم ، ولمدينة الترفيهيه ، وندخل الأبراج ،والمعارض النسائيه مثل كاريزما وغيره ...بس كل هذا ماصار لضيق الوقت والأيام قصيره إن شاء الله لنا رجعه في هلا فبراير وسمحولي عالقصور |
|
|
|
20-01-2007, 11:24 PM
|
#14 (permalink) |
|
خبير دولة الكويت
تاريخ التسجيل: Oct 2005
الدولة: Kuwait
رقم العضوية :50263
المشاركات: 1,472
|
اختي بنوتة الامارات تقرير اكثر من روعه والصور اروع هناك اماكن كثيرة تستحق الزيارة مثلا عندكم المهلب مول والكوت ومجمع الصالحية ومركز الراية وفيلا مودا في الفحيحيل ومنتزة الشعب والمدينه الترفيهية ومرح لاند ومرة ثانية لاتنسون المطاعم والمقاهي في البدع قريب من السالمية عن فندق النخيل ولاتنسوق سوق المباركية وانشاء الله في زيارتكم القادمة يكون مجمع ذي افنيوز تم افتتاحة رسميا حيث سيكون اكبر مول بالمنطقة بعد مول الامارات
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 10:33 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||