المشاركة الأصلية كتبت بواسطة ذكريات مسافر

السلام عليكم .. بالنسبة لموضوع العفش الزائد نصيحة لكل من لديه خادمة قبل سفرها بعشرة أيام ارسل جميع مالديها عن طريق مكاتب الشحن وبتطلع عليك رخيصة جداً ويقبلون المكاسر أيضاً تتأكد إن العفش وصل قبل ما تسافر .
قد يستغرب البعض ولكن حقيقة أرسلت أكثر من مرة أوزان تتعدى 60 كيلو بسعر يترواح ما بين 300 حتى 550 كحد أعلى .. طبعاً ما نسوي دعاية لأحد لكن البقالات الإندونيسية في الرياض وجدة وتحديداً في حي الروضة بالرياض يوجد مكتب أتعامل معاه فقط اذهب لأي بقالة وخذ الرقم منه وطبعاً يجيلك إلى بابك ويوصل العفش إلى باب بيت الخادمة في أي مكان في إندونيسيا. كحد أعلى عشرة أيام وأنا جربتهم خلال ثمانية أيام يوصل . بس انتبه لا يكون في العفش جوال أو ذهب لأنهم يخلون مسئوليتهم عن الصنفين هذي ما أدري ليش !! أيضاً إذا كان فيه أجهزة كومبيوتر ياخذون زيادة حق الجمرك تقريباً 50 ريال .
بالنسبة لسعرهم هو 10 ريال لكل كيلو بس ما يقبلون بأقل من 20 كيلو يعني 200 ريال وإذا كنت تعرفهم أحياناً يرسلون لك أقل من كذا بكثير على حسب الإرساليات الي عندهم .
عموماً أفضل بألف مرة من المطار لأنه بتطلع عليك إذا الوزن 60 كيلو أكثر من ألف ريال .