الموضوع: كيفية الاستغلال الامثل ل 7 أيام للاستمتاع في لندن
عرض مشاركة واحدة
قديم 24-08-2006, 10:20 PM   #10 (permalink)
ام عزيز
مسافر فعال
 
تاريخ التسجيل: Jun 2005
رقم العضوية :28304
المشاركات: 124




افتراضي

اخوي Sultan_959

احب اعرف انت معاك عائله ولا لوحدك علشان افيدك .. وايش الاماكن اللي انت تحب تشوفها ..

عموما احب اعطيك شي مبدئي ..

فيه حديقة الريجنت بارك وفيها حديقة الورود .. حلوه زيارتها من بعد الساعه 5 ..

وفيه جنبها حديقة الحيوان انصح بزيارتها في الصباح لانه يبغالها من 3 الى 4 ساعات وهي تسكر الساعه 5 ونص ..

وفيه الهايد بارك .. ويكون فيها يوم الاحد ركن الخطباء .. وطبعا فيها البحيره بالجهه الثانيه ..

وفيه الاسواق مثل .. اكسفورد .. ومنطقة النايست بيردج .. لازم تزور هارودز وتاكل فيه دونات من كرسبي كريم .. وفيه مجموعة قهاوي في نفس المنطقه ..

والمطاعم .. لازم تزور مطعم كلبه و المنقله والحمراء والدور الاخير في سليفردجز في اكسفورد ..

الملاهي والرحلات .. بما انك اول مره تروح لندن .. فيه محلات العرب في ادجوار رود .. فيها رحلات مثل
ملاهي التون تاور انصح بزيارتها ولكن الطريق يبغاله 3 ساعات .. وفيه ملاهي ثورب بارك .. وفيه مدن بحريه ممكن زيارتها عن طريق القطار مثل بلاك بول انصح بالمبيت فيها لانها بعيده ..
ومدينه برايتون تروح لها الصبح وترجع بالمساء بالقطار تبعد تقريبا ساعه عن لندن .. هي مدينه بحريه وفيها العاب ..

وفي وسط لندن منطقة نهر التايمز وساعه بيق بن ولندن ايز لازم تزورهم ..

وفيه منطقة كوفنت قاردن .. فيها استعراضات انصح بزيارتها العصر .. وتمشي منها الى منطقة البيكادلي فيها العاب اسمها التركاديرو..

هذا بشكل عام ..
ام عزيز غير متواجد حالياً