الموضوع
:
رجعت اليوم من ماليزيا الخضراء
عرض مشاركة واحدة
27-05-2006, 06:03 PM
#
43
(
permalink
)
نيفولو
مسافرجديد
تاريخ التسجيل: Apr 2006
رقم العضوية :75511
المشاركات: 16
واخيرا انا جييييييييييييييييييييت
قبل كل شي ابغى اقولكم اني مو ولد انا مدام ؟؟؟؟؟ يعني انا انثى كلكم تخاطبوني اني رجل ؟؟؟
وتانيا اسفة على التأخير ... سرت وجعانه الاسبوع دا بعد السفر ادعولي بالشفا
عموما بسم الله نبدأ
انا متزوجة من سنتين وسافرت انا وزوجي في نفس اليوم اللى اتزوجنا فيه كتجديد شهر العسل
بس اخدنا بكج شهر عسل يعني باقة شهر عسل من المكتب بالنسبه ليا تاني مره اسافر ماليزيا ولزوجي اول مره
سافرت لمده 15 يوم
وانا راح اسرد قصتي بس راح اقيم الفنادق بالنسبة لعشرة يعني عشرة على عشرة ممتاز وكلما قلت النسبة
كلما قل المستوى ودا طبعا بالنسبة ليا ولزوجي
بدءت الرحلة من جده ( بلدنا الحبيبة ) ومن مطاااااااااااارنا بس اللى يهديهم عليه بصراحة يكسف
اول ماركبنا الطيارة زعلت مررررره وعصبت
عشان الطيارة مافيها تلفزيون ولا شاشه خاصه وكنت عاملة حسابي اتفرق على الافلام واقضي وقت الرحلة الطوييييلة
المهم نزلنا كوالالمبور ولو تشوفوني مابغى ارجع من البلد دي
وسميتها ماليزيا الخضراء
وعلى طول ركبنا القطار الداخلي ورحنا على الرحلات الداخليه وعلى طول بدون مقدمات سافرنا الى بينانج
بينانج :
نزلنا واخدنا التاكسي ورحنا فندق بي فيو بيتش ... مستواة كويس ممتاز وانا اعطية 8 من عشرة
اول شي ترى جولات الفندق غالية راح تلاقو في الشارع مكاتب جولات كويس وارخص
وجلسنا تلاته ايام في بينانج ( ومره كفاية عليها تلاته ايام )
اول شي رحنا هضبة بينانغ نطلعها بقطااااااار بطييييييييييييئ بس حر وزحمة .. واللى عندو اطفال بلاش يطلع .. راح يطفشو المهم طلعنا واتفرجنا على بينانج من فوق ونسينا تعب الطلوع
وفي الليل رحنا السوق الليلي .. عبارة عن اكشاك وفيها بضايع على مد البصر
واتعشينا اكل صيني
( اهم نقطه انكم تتأكدو انو الاكل حلال )
اليوم التاني :
نمنا على عشرة الليل وصحينا على الفجر ... صلينا ورتبنا ملابسنا ونزلنا فطرنا الساعه 7 قبل مايسير زحمة على البوفية
المهم في نفس الفندق في مسبح خاص اجرناه لمدة ساعه ب100 رينجت ولبسنا ملابس السباحة وسبحنا ساعه
على فكرة ماليزيا كللللهم تبدأ نشاطها الساعه 10 تقريبا
الساعه 9 ونص بدأنا اول جولاتنا رحنا حديقة الفراشات .. من جد لاتفوتوها حلوة مره وغريبه وشي جديد علينا "( يعيني على بلدنا ماعندنا تمشية فيها لييييش
")
خلصنا ورحنا على حديقة الفواكة ؟؟؟ الدنيا مرررررره حر بس مره استمتاع شفنا كل شي ممكن تشوفو في الاشجار وتصدقو شفت شجر المطاط ومسكت المطاط بيدي مرررره حلو
وفي الاخر كان هناك بوفيه فواكة باااااارده
وفي الليل رحنا السوق الليلي
على فكرة ماليزيا كل الجولات ( حدائق وملاهي و العاب وكل شي يقفل الساعه 7 مساءا ") معادا السوق الليلي يفتح بس مساءا
وفي الصباح رحنا على المكتب وراح اعطيكم رقم واحد ممتاز مسلم ومؤذن في المسجد وحافظ ادعيه واقوال عن رسول الله صلى الله عليه وسلم وانسان ملتزم فاتح مكتب رحلات بحريه
رحنا معاهم رحلة مدتها 5 ساعات في البحر جزيرة القرود ب 250 رينجت للبوت لشخصين وكلما زاد الاشخاص تزيد الفلوس
اسم الشخص زين الدين ( مكتب زين الدين وعامر ) جواله 019448544
جاتنا سياره ضمن المبلغ المدفوع طبعا علىالفندق وسيارة كبيرة ( ميني فان ") واخدتنا ورحنا على شاطئ وكان البوت منتظرنا وركبنا البوت نص ساعه لعرض البحر وبعدينا وقفنا البوت واصطدنا سمك وبعدها رحنا لجزيرة القرود واللى سبح ف البحر واللى جلس يتمتع بالجزيرة المهم وهما يشولنا سمك ودجاج وجمبري وكفته وكله طبعا ضمن المبلغ المدفوع واكنا وطبعا القرود تكون حوليك هيا مره جريئه بس انتو لاتأكلوها ووفي حراس ينتبهو عليكم وبعدها رجعنا على الشاطي ونفس السيارة رجعتنا على الفندق بصراحة رحلة ماتتفوت وانا عن نفسي لو رحت لازم اعملها تاني
ورجعنا الفندق واخدنا تاكسي ورحنا سوق اسمو island plaza حلو اتمتعنا وقضينا الليل ورجعنا الفندق بعد ماتعشينا سي فوود ( اكل بحري ) ورتبنا شنطنا عشان نروح لانكاوي في الصبح
اشوفكم على الرحلة التانيه
__________________
البحث عن مواضيع لنفس العضو
نيفولو
إضافة نيفولو إلى الإتصالات الخاصة بك
البحث عن المشاركات التي كتبها نيفولو