المشاركة الأصلية كتبت بواسطة bualaa

الاخ الكريم المنقلب
تسلم يالغالى موضوع رائع جدا ومعلومات قيمه يعطيك الف عافيه على الصور الحلوه .
تحياتي لك

المشاركة الأصلية كتبت بواسطة هتلان

تسلم اخوي المنقلب على هالموضوع الرائع
حقيقه رجعتني لورى وخليتني اروح انبش في اشرطة كاميرا الفيديو ابي اتذكر تفاصيل زيارتي لمدينة برشلونه
وتبي الصدق افضل مدينه ارتحت فيها من مدن اسبانيا هي برشلونه وفالنسيا
واذكر موقف طريف لحظة وصولنا لشارع الرامبلا
كنا جايين من فالنسيا معنا سيارة مستأجره ومشينا متاخرين من فالنسيا ولا وصلنا لبرشلونه الا في وقت متأخر من الليل
لحظة خروج الناس من الانديه الليليه,,,وكان معنا صديقه اسبانيه اول مرة تزور برشلونه
وكان الناس يمزحون ويضحكون مع الناس اللي تمر في السيارات او اللي يمشون بس مزح ثقيل شوي
وكنا من ضمن اللي مزحو معنا...بيني وبينك ارتعنا شوي من مزحهم بس البنت مسكينه طقتها بكوه ماتحملت
ويوم شافوها تبكي جو يتعذرون منها وهدت,,,وشوي الا وقامو يتريقون عليها ويقلدون شكلها وحركاتها وهي تبكي
وحنا ماتحملنا انفجرنا من الضحك لين غفلنا
وتل فمنجويلا هذا عجيب من جد...كل الاماكن اللي فيها سياحيه يبي لك كم يوم اذا بغيت تمخمخ عليها صح
وساحة الكاتلونيا وحمامها المميز والحي القوطي والله يانا احس بانبساط وانشراح اذا تمشيت فيه وكنت دايم احب اتلقف وادخل بعض المباني الخاصه عشان اشوف تنسيقها وتنسيق الحدايق فيها من الداخل
وشارع الرامبلا ذا لو اجلس فيه اسبوع الف وادور مامليت منه من كثر العجايب اللي شفتها فيه وخصوصا الاستعراضات
الحقيقه طقني الشوق وشكلي لازم اجدد العهد مع اسبانيا ومع برشلونه بالذات

وعلى طاري الفنادق,,,اشوف اسعارها مبالغ فيها من جد...وخصوصا للسائح المتجول
حرام ادفع لي 150 يورو في فندق ماراح اجيه الا في وقت النوم بس
كان الاصدقاء الاسبان اللي معنا يدلونا على Hostals وهي مثل الفنادق اللي على شكل بيوت او العكس
وهي ان اهل البيت يأجرونك غرفه مع الافطار بأِسعار ولا في الخيال
انا يوم اروح كانت البازيتا قبل اليورو...بس كانت الغرفه سعرها مايتجاوز 100 ريال بالكثير ورخيصه ونظيفه ولا احلى

عموما يعطيك العافية وشكلي فعلا باكتب تقرير,,,بدت المعلومات ترجع