مـنـتـدى الـعـرب الـمـسافـرون - عرض مشاركة واحدة

الماسة السوداء · 16-06-2009, 12:15 PM

اقتباس:

المشاركة الأصلية كتبت بواسطة أحمد العين

رووعه...وكفو عليه أبوالعيال يوم أصر على أن يحجز في أتلانتس أما اللوحات فيمكن عشان المكان مازال جديد وفي تطوير مستمر ...مع أني كنت أحبذ لأي مسافر أن يترك اتلانتس للنهاية حتى يستطيع أن يتذوق باقي فنادق دبي قبل التحلاية بأتلانتس...عموما نتمنى لكم طيب الاقامة..

اخوي احمد
انا بعد تمنيت اتلانتس للاخر بس ما الله كتب
المهم اني سكنت فيه والله يخليلي بوشنقل ومنقل الصراحه جاهد لي حصل لي حجز فيه
وبالنسبه للوحات والله حتى في المناطق القديمه بعد ماشي لوحات واضحه ولاحتى اسم الشارع الي نمشي فيه
وتسلم ياخوي على مرورك وتعقيبك

اقتباس:

المشاركة الأصلية كتبت بواسطة حلوه وبس

وااااااااااااااااااااو شوقتيييييييني لدبيييييي

وإن شاءالله يكون بأقرب فرصة وفندق أتلانتس روووووووعة بجد والتقرير أيضا روووووعة

وأنا أكتب الرد ومتحمسه وحتى أهلي حسو فيني و يقولون وش فيك

أقول الشوق لدبي دار الحي

اختي حلوة وبس
الله يكتبلج سفره لدبي عاجلا غير اجل
وتسكنين بالاتلانتس وتستمتعين بقدر استمتاعي وحياج الله

اقتباس:

المشاركة الأصلية كتبت بواسطة looklook

يعطيج الف عافيه

تقرير مميز .. و اختيار موفق للفنادق و باسعار مميزه ..

ننتظر التكمله

تحياتي

اشكر لك متابعتك ودعمك وعساك على القوه

اقتباس:

المشاركة الأصلية كتبت بواسطة اليازي-UAE

الحمد لله على سلامتكم عزيزتي

تقرير رووعه واتمنى انكم قضيتو وقت ممتع في دار الحي

الف شكر الغاليه

اختي اليازي والله اني قضيت ايام ممتعه وحلوة
والصراحه دبي تنحب من اول نظره
تسلمين حبيبتي على شعورج الطيب

اقتباس:

المشاركة الأصلية كتبت بواسطة majed003

الحمد لله على سلامة الوصول

مشكوره على التقرير

انا بالنسبه لي اعجبتني غرفة الكمبنسكي اكثر من الاتلانتس

تسلم ياخوي مجيد على تعقيبك
بالنسبه لي انا بعد عجبتني غرفه الكمنسكي اكثر ولو كانت اكبر كانت بتكون مضبوطه عدل
واعجابي بالاتلانتس كان بشكل عام للفندق كله والبرامج الي فيه
وحياك الله

اقتباس:

المشاركة الأصلية كتبت بواسطة الشــــوووق

عليج بالعافية مسمس على هالسفرة الحلوة والوناسة
والله يعودها ان شاءالله
والتقرير ممتاز والصور حلوة والفندقين واايد حلوين

شقشق الله يعافيج حبي والله يسمع منج واعودها قريب
وتسلمين ياقلبي هذا من ذوقج

اقتباس:

المشاركة الأصلية كتبت بواسطة نآصر

ما شاء الله عليح

اقصر تقرير في منتدى المسافرون العرب

كآن بأمكانج كل يومين او 3 اتنزلين حلقه

بس حلوه حركتج

نزلتي كل التقارير مره وحده

اهم شي انكم استمتعتم فـ دبي

وعندي سؤال من بعد اذنج

شو رايج بالحديقه المائيه اللي بأتلانتس ؟؟

اخوي ناصر والله كان متعب تنزيل التقرير مره وحده تقريبا يوم كامل اشتغل عليه
بس حبيت الاعضاء يعيشون لحظاتي بدون انقطاع حق يحسون بالحماس الي كان فيني
وبعدين انا احب اقرا تقارير الاعضاء بالكامل واحس بالملل اذا تقسط
يعني ماتحس بحماس وتبي تعرف النهايه الا بعد طلعت الروح

والحديقه ماعليها كلام يستانس فيها الكبير قبل الصغير
وتقريبا احنا عندنا بالبحرين نفس الحديقه المائيه بس بدون اسماك واهي جنه دلمون المفقوده
الصراحه تجربه حلوة تستحق عناء الذهاب لها
وحياك الله

اقتباس:

المشاركة الأصلية كتبت بواسطة فاررسه

عليج بالعافييه ماسوووه زين سويتي واهم شي خليتي شنقل ومنقل الله يخليهم يارب بس والله بالسفر الاطفال يتعبوون
تقرير رائع حلوو وخفيف دم مثلج
بس تصدقين الماسه انا عجبني فندق كمبنسكي اكثر من صور فندق انتلانتس
بعد تقريرج لالالا بحن على بعلولي على قولتج واخليه يوديني لدار الحي

فروووس الله يعافيج حبيبتي
وانا عجبني في اتلانتس الفعاليات الي فيه يعني لو تقعدين طول اليوم فيه ماتتمللين
وعندج اياه بعلولج اشتغلي عليه حنه ورنه
بس لاتيبين طاريي في السالفه جمنه الكل حاقد علي على سالفه المطاعم
انا اسدح التقارير وغير يتغربل

اقتباس:

المشاركة الأصلية كتبت بواسطة jimo

تقرير روعه ماشاءالله

بس ينقصها شنقل ومنقل <<<<<<<<

تسلم ياخوي من ذوقك
وبالفعل ساعات اقول ياريت خذتهم معاي
وان شاء الله السفره اليايه

اقتباس:

المشاركة الأصلية كتبت بواسطة نسمات سفرية

تقرير ولا ارووووع...

الفندق ساحر وجميل جدا..ومازاده جمال ..ابداعك في التصوير..

اسمتعنا بقدر استمتاعك..

الله يخليكم لبعض ويهنيكم..

مشكورة الماسة سوداء

اختي نسمات اخجلتني كلماتج الرقيقه
واسعدني ان تقريري اعجبج
لج شكري على مرورج الكريم

اقتباس:

المشاركة الأصلية كتبت بواسطة %بايسن%

ذكراياتنا حلوة في دار الحي

الله يعيد ذكرياتكم الحلوة على خير واسعدني مرورك الكريم

اقتباس:

المشاركة الأصلية كتبت بواسطة كابتشينو

يعطيك ىالعافية تقرير مميز 000 اتلانتس كنت ناوي اسكن فيه بس للأسف فللل 0

ياترى كم طلعت فاتورة العشاء بالغرفة ؟؟؟

وشكراً لك

يفضل الحجز للفندق قبل باسبوعين على الاقل لان ايام الصيف وعروض الفنادق
تحمس الناس للسكن فيه واما عن الفاتوره تقريبا كانت بحدود ال300 درهم شامله الخدمه والضرايب
وحياك الله

اقتباس:

المشاركة الأصلية كتبت بواسطة *ستار*

ماشاء الله روعه

متابعه يالالماسه للنهايه

تسلمين حبيبتي واسعدتني متابعتج

اقتباس:

المشاركة الأصلية كتبت بواسطة MR-MAJED

مــا شـــاء الله بداية رائــع
وشرح وافي
الله يعطيــكـ العافية

الله يعافيك اخوي وتسلم على تعقيبك

اقتباس:

المشاركة الأصلية كتبت بواسطة ولد_الكويت

تــــــــقـــــــــــريـــر ولا ارووووووووووووووووع
بس ابصراحه الي يسكن اتلانتس ماعتقد بيعجبه فندق غيره

تسلم ياخوي على تعليقك هذا من ذوقك
ومثل ماقلت انا كنت اتمنى اقعد في الاتلانتس كل الليالي بس ماحصل حجز الا في اول يومين
قلت العوض ولا الحريمه
وبالفعل الي يسكن اتلانتس ماراح يعجبه اي فندق ثاني

اقتباس:

المشاركة الأصلية كتبت بواسطة ((naw moon))

بعد ماطلعت واستمتعت
قررنا ندخل المتاهه او الدهليز وسعرها 100 درهم للشخص
فيها انواع نادره من الاسماك بالاضافه الى مقتنيات نادره مطلعينها من اعماق المحيطات

تقرير رائع

لكن وين الدهليز باي مكان ؟

اختي نيو مون المتاهه تصير في نفس الفندق
ومجابله بوابه الاكوا فينشر

وحياج الله

اقتباس:

المشاركة الأصلية كتبت بواسطة The Watcher

الحمدلله على السلامة

تقرير رائع كالعادة

الله يسلمك اخوي
ويشرفني مرورك تقريري المتواضع

اقتباس:

المشاركة الأصلية كتبت بواسطة الغنادير

ماشاء الله تبارك الله

تقرير رااائع شوقتيني اشووف اتلانتس

يبي لنا نكشت هناك شرااايج خخخخخخخخخخخ

هلا وغلا غندور
ياريت يبي لنا كشته فيه
احنا نكشت في الديره ونسوي فوضه شلون لو رحنا هناك

اقتباس:

المشاركة الأصلية كتبت بواسطة mzoon

تقرير روعه

بس و الله الطيار كان مفهي من قلب !! شلون نزل في تيرمنال ثاني و كيف المطار سمح له !!

مزون تسلمين حبيبتي على مشاركتج
ولا تذكرينيحسبي الله ونعم الوكيل من اتذكر الجحته ودي افقصه هالطيار المفهي
ومادري شلون سمحولهتلقين المسؤول عن هالشي في سابع نومه

__________________

البحث عن مواضيع لنفس العضو