وبخصوص المطاعم اللي أعشقهم وأثق في أكلهم وأنصح فيهم <<خلصينا *_*
1-بينجنـز وطلبتك تذوق شوربة البطاطس وتخلي عنك الشوربه الفرنسيه
ترى شوربة البطاطس أحلى بمرااااحل.. سلطة كلينك كانتري- وتشكن كرسبي- وكباب الدجاج - امممم
والباستا وأشياء واجد تعذذذذب عندي صور إذا تبيني أضيفهم في موضوعك للفائده فقط<< تبي تبين لك ان قصدها شريف
2-مطعم آشاز في فيلاجيــو لاااااااااااااايفوتك ترى رهيب قبل لايفتح كنا مغترين برويال تندور وبخارا بس عقب ماذقت أكل آشاز عرفت ان توني ذايقه الأكل الهندي عدل >_<
ياهي نظافه وجو وأكل خيالي في هالمطعم اللي ماراح له في قطر ماقد ذاق الاكل الهندي صح
لو انه مب بعيد عني كان داومت فيه^_^
3-مطعم بيروت وأسماك الخليج ألجأ لهم وقت الأزمات الماديه أكل لذيذ على وزن نظافه ريحه توفيـــر
والحلو في أسماك الخليج انه مايسكر الا ثلاث الفجر وعنده توصيل حتى في هالأوقات يعني لي توهقنا وراح الليل واحنا ماتعشينا وسكروا المطاعم مالنا إلا هالمطعم يعطينا وجه وترى أكله البحري مب هين~
وبخصوص بلهمبار خلاص غيروه صار مطعم المرجان رهيب رااااقي ادارته لبنانيه بس عنده اكلات منوعه هالأيام احس انه صاير شبهه للبنات صرت ماحب اروحه الا مع هلي او بعلولي ياليت تروح له تسوي تقرير عنه ترى مكانه استراتيجي ويستحق العناء<<خفي علينا
اي وبعطيك معلومه ترى صاحب المطعم لبناني وقاعد يروج حق مطعمه قد مايقدر ويسوي علاقات مع زباينه ويهذر على راسهم لو تقوله انك تبي تصور المطعم علشان تسوي تقرير للعرب المسافرون صدقني بيخليك تعزم كل اللي في المنتدى ببلاش خخخخخخخخخخخ لا قصدي انه مايقصر يعني مرات زوجي يمدح مطعمه قال حق زوجي تعال هالاسبوع لك شيشه على حسابنا<< عاد انا استانست قلت ان رحت له مره ثانيه بقول شعر في مطعمه علشان يعطيني الليت الأخضر)
يلا فوتكوم بعافيه <<حست إنها ثقلت
بس صجThe Watcher عندي صور للمطاعم اللي أروحها في قطر إذا ماعندك مانع أنزلهم قول لي أو حتى أرسل لك اياهم وانت تنزلهم إذا ممنوع لاتفشلني ارسل لي عالخاص عشان مايطيح وجهي
