أخي العزيز هذا النموذج يعطونك اياه في حالة التسجيل الخاص او ما يسمى Nseers يحصل هذا إذا حولك موظف الجوازات الى مكتب التدقيق ياخذون منك يعض المعلومات مثل عنوانك في امريكا وسبب الزيارة,

وبعدها يحولك على مكتب nseers وتعبي النموذج ويتم إدخال البيانات في الكمبيوتر ويعطونك ورقة التعليمات

ويقولون لك توكل على الله.

وممكن انك تدخل بدون هالمواضيع ولا تحتاج الفورم بس في الغالب اذا كان دخولك اول مرة بعد احداث سبتمبر راح يكون لك تسجيل دخول.

انا نزلت هالموضوع لأني كنت ادور هالنموذج قبل لا اروح أمريكا لأن فيه خانات لازم تعبيها يمكن ما تكون عارفها بوقتها


مثل تاريخ ميلاد الوالدين وغيرها

وصعب انك تقول انك ما تعرفه لان هذي طامه كبرى عندهم

بيقولك وشلون ما تعرف تاريخ ميلاد امك وابوك انت ما تحتفل معهم ب Birth Day??????

انا صراحة حطيت تواريخ من عندي وخليك اصل الفورم عندي إحتياطا بعد ما تم ادخاله بالكمبيوتر.

وهذا النموذج ما يغني عن النماذج الاخرى الموجودة في المواضيع المثبتة مثل الفورم I 94 وغيره

هذا اللي حبيت افيد فيه اخواني واساهم لو بشي بيسط في هالمنتدى

اللي اعتبره مرجعي الاول للسفر


تحياتي للجميع