08-05-2005, 02:52 PM
|
#56 (permalink)
|
|
عضوة العرب المسافرون المُبدعة
تاريخ التسجيل: Aug 2004
رقم العضوية :14138
المشاركات: 4,702
|
السـلام عليكـم
أخـي المغترب أشــكرك على مشاركتك الطيبة و تعليقك الأطيب 
بالنسبة للمعلومات ، في تعليقات بسيطة خاصةً في الجـزء الاول من التقرير أعتقد راح اتفيـد شوي عن طبيعة الحياة و الجزر هناك ، بالنسبة للطيـران احنا خذيناها من ( كويت-دبي-مالي ) و العـودة نفس الطريق طبـعاً نـزلنـا في دبـي 4 أيام و رجعنا الكويت ، طبعاً على الإمـارتيـة . تــــوصل مطار مـالي ( المطار لـوحـده جـزيـرة) تخلص الجوازات و بعدين راح تشوف 100 واحــد ماسك لــوحة عليها أسماء المنتجعات هناك ، طبعاً راح تـدور المنتجع الي حاجز فيه ثم ياخذك المندوب مالهم للقارب الخـاص بالمنتجـع و ينطلق فيك إلى الجـزيرة الي عليها منتجعك ( قد تكون بعيـــــــــــــــدة تبــعد لساعات فاحتمال تستخدم وسيلة الطيران الداخلي أو القارب و قد يكون من المنتجعات القريبة فتستخدم القارب ) بالنسبة لنا استخدمنا القارب و كان حوالي 15 دقيقة و هـــذا يعتبر أقرب منتجــع ، يستقبلونــك بالعصير البـــــــــــــارد .
المـــواصـلات بين الجــزر القريبة من بعضـها هي القوارب فقط ، داخــل الجــزيرة المواصلات الوحــيدة هي رجولك أو سيارة الجولف اذا كان شاليهك بعيد عن اللوبي .
بالنسبة للمعيشة ! طبعاً انت تحـــوس في الجزيرة و بس راح تتفطر و تتغدى و تتعشى بمطاعم المنتجع ( تخيــل الفاتـورة) أو احتمال تاخـذ العرض الغرفة مع Breakfast الفطور أو ( الفطور +الغداء)Half Board او تاخذه مع كل الوجبات Full Board راح يكون أرخص ، بس مو على كيفك ! لو مـرة ودك تاكل بمطعم لبناني أو مرة ايطالي أو مشاوي أو هنـــدي ( ما تقدر) لأنك متقيد بس بالبوفيه .
أتــمنى أنـي أفدتك و جاوبت على الأسئلة الي في بالك
و حيــــــــــــــــــــــــــــــــاك الله
|
|
|